南記粉麵 (康新樓)

营业中

休息中

早排見南記出左港式混醬系列，今日終於有機會食到。我揀左大混醬，68蚊，跟芒果鐵觀音（即係芒果syrup， 有少少果肉咁再加鐵觀音茶包）。個大混醬都幾豐富吓，有魷魚，牛柏葉，豬頸肉，麵筋，魚蛋，豬皮，白蘿蔔，鵝腸同豆腐，default 跟油麵，但為左索多啲汁，我揀左河粉個醬同湯底有啲甜味，似甜沙爹醬，但佢有海量炸蒜同乾葱，本人幾like上面幾款配料中，逐樣品評一下：魷魚：細條好彈牙，入味嘅，大條就有啲un牛柏葉：因為一塊塊咁，痴到好多汁，又唔un，爽口，豬頸肉：唔推，好奇怪，格格不入，又鞋口麵筋：無特別魚蛋：偏腍，但入味嘅豬皮：大推，因為佢有好多窿，索晒啲汁，又爽口白蘿蔔：都大推，無渣，夠入味，仲有清甜味鵝腸：爽口，入味，但腸入面有啲肥膏，唔怕膽固醇就絕對要食豆腐：係平時滷水鋪嘅味道（有理由相信係買現成的）如果唔怕貴可以揀個別配料，唔使晒quota杯野飲底偏甜。因為本身啲醬同湯都甜，再加上杯飲品，我就覺得太甜，建議可以配無糖檸茶會夾啲，可以清清條脷。最後，我食完後有啲口渴，大家想試就建議飲汽水解解，但佢好似無無糖可樂提供，唔知係無貨定不嬲唔提供。再講吓，佢有4款盲盒可以加錢換，睇相都幾c

南記粉麵店 由細食到大分店地理位置都算近地鐵站店內空間偏細 座位不多如果係食飯時間想堂食應該好難有位坐啦員工服務態度有禮招牌春卷魚蛋河 呢個套餐$48兩個餸配粉 一碗生菜 飲品，配細豆漿我另外加$3轉玫瑰花茶呢個餐係最抵食魚蛋偏彈牙唔係成日有㗎之前成日買親都話休漁期冇魚蛋，但會有魚片好奇春卷係依間店的招牌 獨有的味道特色係好好食河粉啲份量好足夠 唔會碎想食的清淡，非常推介生菜份量滿滿的而且唔係爛生菜好新鮮，非常清綠我冇加蠔油全走 食得出菜的味道玫瑰花茶亦好足料的茶包十分健康養生辣豬肉小窩$45額外加春卷$9如果喜歡食辣的人南記辣係好好食仲有佢獨有的辣椒醬好香之餘仲好惹味開胃

出餐位個職員喺崗位剪指甲，嗰個範圍全部餐具、杯杯碗碗，周圍彈好核突，隨時加料剪指甲啲啪啪聲啪咗成三分鐘，已經乜胃口都無晒。見佢剪完仲要唔洗手，繼續執餐，祝大家好運

叫咗個招牌河粉，等咗幾分鐘，算係好快。我都幾鍾意食南記嘅春卷、魚蛋同牛丸。本身都有啲期待。攞完碗返埋位，第一件事就食粒魚蛋先，發覺粒魚蛋唔係好熱。跟住食食下，發覺樣樣嘢都唔係好熱。餐廳嘅食物，熱係基本。咁都做唔到好失望，blacklist.

我係超中意食南記架！而呢間南記分店已經食左好多年，因為佢調出黎既味道好得一路都係其中一間我喜歡的！但最近去左2次，如常叫中辣湯底，但畀左碗淨酸走辣既你，一睇碗野就知，2次都係咁⋯⋯⋯今次決定同姐姐講🙄🙄，其實我是叫左中辣的，佢只會叫你「出面自己加啦，同一款辣醬黎，不過係有煮過同無煮過有少少分別咁囉！」😓😓😓就唔理你了⋯⋯⋯⋯所以個味咪唔同左囉，唔係唔使同你講啦呀姐姐⋯🙄 呢間分店blacklisted🙄

太耐無食南記，有d掛住佢嘅魚肉春卷，咁今晚就點南記燈啦✌🏻襯搭車嘅時間去南記website落定單，去到即刻有得拎，簡直係分秒必爭✌️，仲要全單9折，抵讚⬆️魚肉春卷山今晚叫左：1️⃣春卷小窩米線加春卷🤗2️⃣珍寶小鍋米線😍珍寶小鍋米線有春卷，魚蛋，牛丸，墨魚丸，魚皮餃。除左春卷，其他都係一般貨仔無咩特別。魚肉春卷一定係南記嘅招牌餸，咁多年都係咁好食，湯底都無變過..加埋南記辣椒醬簡直係一流，perfect match💯

“芫茜蓉湯底米線套餐”($53)平時食米線多數會揀三哥但見到南記新出咗芫茜蓉湯底米線身為芫茜黨黨員忍唔住即刻去咗食🤣呢個芫茜蓉湯底米線一定係跟餐叫配料唔駛自己揀岩哂我呢啲懶人😂個湯底果然夠哂綠💚飲落冇想像中咁濃,不過夠哂香😍配料有炸豬扒,芫茜丸,皮蛋,仲有一堆芫茜😆炸豬扒大大塊,食落微脆唔韌好食🤤芫茜丸好香口,而且幾彈牙😚反而皮蛋就一般般,太過攻鼻😂呢個餐仲包埋杯芫茜可樂🥤其實飲落並冇想像中嘅伏味道變得幾清新,仲減咗可樂嘅甜個人覺得唔錯喎🤣南記粉麵西環堅尼地城卑路乍街116-122號聯康新樓1樓C室

和朋友正价食晏，朋友叫了一碗茄湯牛腩米線太 誇張了， 幾十元一碗米線 一啖也未吃過 少到好似浮萍一樣， 小朋友吃也未必夠飽。 立即同員工反映 員工大大聲聲話佢哋有分量限制，米線來貨而家係唔係好貴， 唔好理 食品質素同埋好唔好食先 第一個觀感已經咁差。 就算再好食下次都唔去

近排疫情多左嗌外賣，第一次食南記外賣，有種相逢恨晚既感覺冇食一排好生記掛，得知公司附近有一間，lunch hour專登搭巴士去食😂環境服務都冇乜好講，直接講野食。嗌左個辣豬肉春卷魚片冬菇米線麻小辣加杯凍檸茶，盛惠63蚊。呢個價錢本身覺得少貴，但餸既份量係多既，反而米線唔係好夠食。餸既味道亦係屬於中上水準，不過配菜欠奉，會比較寡，但呢個價錢又冇得要求咁多但奇怪既係食唔返第一次外賣既感覺，可能當時大多留係屋企，食咩都覺得好食d

西環雖然係好多嘢食真不過好少呢一種連鎖嘅麵檔 都好受歡迎一時都真係好想食佢嘅招牌春捲河下午茶好似30蚊都唔使要再加杯豆漿 其實我唔食辣嘅佢嘅清湯其實都幾好味有好多位唔使太逼上菜時間都好快抵食夾大件呀

南記久唔久就會出新小食，今次出shake shake脆春卷，同麥當當既原理一樣，比個紙袋同包粉你自己Shake。份量大約有三條春卷左右，我就揀左紫菜味粉，味道無話好特別，都係好普通既紫菜味，而且唔算好濃味，不過春卷口感好香脆，都唔錯，但略嫌多油左啲。

四寶紫菜河係我其中一個至愛🍲😍簡單，但食極唔厭😋四寶係指招牌春卷，牛丸，魚蛋，同墨魚丸🦑一次過食晒4款滿足晒幾個願望春卷簡直係靈魂所在😙，鮮味香口次次食春卷都勁好味，第二度真係食唔到👍🏻👍🏻丸類唔太識形容，不過係好味屬中高質既，牛丸墨丸都彈牙，魚蛋有魚味唔厚粉唔腥湯河配埋紫菜湯，清清地好岩夏天食😋😋

三號風球下諗唔到食咩，附近得返連鎖食店有開門，於是就去左南記食小鍋米線啦同平時一樣，都係點左春卷小鍋米線加腩肉👍🏻咁樣叫既話，春卷會有四條架😍由於小鍋米線即叫即煮同埋今日人比較多，所以都等左20分鐘先煮好🙊米線彈牙，湯底就有點退步，唔夠香濃，呢樣比較失望春卷仍然彈牙，腩肉切得太薄，食唔到腩肉既香味同埋無咩質感，下次唔會再叫腩肉了。食到一半時掛八號風球，南記就關門啦，有d食客唔知道仲黎到門口添，如果下次八號風球，大家就記得去其他餐廳啦！

懷舊的艇仔河，滲透着濃濃的漁村情懷風味。湯底乃鮮甜魚湯，河粉有彈性，不像坊間一般水準易碎易斷，配上南記標誌性的招牌春卷、叉燒和魚片頭，值得讚賞。另外套餐贈送炸魚皮及雙檸樂，性價比極高。

在附近工作關係，適逢放工時間，突然好想食酸辣米線，加一杯冰凍既凍檸茶，消一消工作的一肚怒氣和怨氣可惜在附近行逛了一陣子，發現原來堅尼地城附近一帶，酸辣米線的食店係少之又少最後發現了呢間開設在樓上的‘’南記粉麵‘’！太好了，可以一解我相思酸辣米線之愁(超值套餐B )招牌酸辣小窩米線 $56太肚餓的關係，點了呢個超值套餐，一個價錢可以試曬四款配料裡面有魚片、招牌春卷(每一次都一定會點的，好好食)、大而厚實的冬菇、牛𦟌配酸辣湯底，還有一些酸菜、腐皮、芽菜。酸辣湯底味道方面，不太食得辣的朋友都食得到反而平時食開大辣的，辣度就不太足夠了。這個套餐還配送一杯豆漿呢味道剛剛好的豆漿，好濃郁的豆香味之後如果又想念起酸辣米線，我會再黎光顧的