南駅

营业中

休息中

香港仔新開左南駅，就係之前滿記既位置，去既時候唔算多人所以等左唔算太耐，蒲燒鰻魚籠仔糯米飯（$78）可以轉普通白飯，味道還可，鰻魚亦算肥美，如果一個人食會比較滯。海膽海鮮石鍋炒飯（$78）海膽一般，唔係好新鮮，唔甜，雖然望落唔大碗，但分量係多架食極都仲有，飯內海鮮有珊瑚蚌，蝦，帶子。。，味道偏淡但飯炒得算乾身，算唔錯。馬來咖喱吉列廣島蠔（$78）可配飯，意粉或者烏冬，馬來咖喱唔辣，好香椰漿味，用黎拌意粉或廣島蠔都好食，廣島蠔炸得唔錯，新鮮，而且都甜有蠔味，有4件大細都還可，另外跟餐沙律，有什菌，秋葵，蕃茄仔拌芝麻醬，都唔錯。海南雞飯（$80）雞件算滑，雞脾，雞翼，雞胸都有，油飯帶有椰香味，唔膩幾好食，跟湯會以小茶壺裝上，約有碗半湯左右，湯清帶有蘿蔔味。區內lunch黎講算偏貴，但味道都可以，推介海南雞飯。

雖然要等位, 但都唔需要等太耐但緊記 要齊人先入得等後時間大約十五至三十分鐘,服務員態度友善食物水準十分平均, 即使一星期食三次都沒有落差推介:海南雞油飯海鮮泡飯籠仔飯咖喱吉列豚飯南區小店要多多支持

香港仔試下新餐廳《南駅》，地方坐得幾好又闊落，我地叫左蒲燒鰻魚籠仔糯米飯-鰻魚好好味呀估唔到同糯米飯咁夾, 龍蝦湯蠔仔泡飯 (伴炸脆米)- 龍蝦湯蠔仔都好有鮮味加埋炸脆米好有口感, 煙三文魚香脆薄餅- pizza係我最鍾意，味道唔錯而且 pizza底夠哂薄脆卜卜 😋，一口安格斯- 好夠牛味，一口接一口。

今日放假都入香港仔試返工食唔到既南駅呢間南駅係新開既，比佢既炸豬扒飯吸引左，未有氣炸鍋未煮到住今日我哋三個人帶咗一個馬來咖哩汁炸豬扒飯同埋一個冬陰公海鮮意粉睇黎呢度既汁可能未必太啱我哋口味，我覺得個馬來咖喱汁味道有啲古怪一啲都唔似咖喱，但係佢入邊嘅薯仔同埋塊炸豬扒係真係好好食，炸豬扒雖然厚切但係好嫩滑，碗白飯望落去好似好難但食落有冇乜嘢喎炸豬扒飯仲有啲錢財係麻醬汁蘑菇加秋葵都幾好味喎另外仲有嘅冬陰公海鮮意粉，佢個味道同顏色都係似卡邦尼味，只係辣版可能因為啱啱新開，所以好位置分配上面未係做得好好，唔通枱落嘅單都有啲亂，有待改善

今日放假就去食個下午茶啦🤩叫左海膽海鮮炒飯、一口牛仔粒同巴馬火腿pizza 🍕海膽海鮮炒飯比想像中多料，有象拔蚌、帶子、芥蘭粒、蝦同海膽。炒得鮮味由於係石頭窩飯所以個飯慢慢食都仲熱嘅，但粒海膽就略有腥味。巴馬火腿pizza個餅底香脆，唔會太膩而且好好食👍🏻

香港仔有好味嘅鷄喇！抱住試新嘢嘅心態，一試無妨😃海南雞賣相不錯，本人其實最怕雞胸肉，好彩加咗隻鷄翼，一口咬落去，鷄皮好爽，驚喜👍🏻失望係欠決薑蓉。叧外叫咗龍蝦班片烏冬，龍蝦湯比較稀，但班長新鮮，烏冬亦很Q彈（很不錯）以上食物如果可以再熱些，相信味道會更好