南龍冰室 (已結業)

教父交遊廣闊，為人好客，周不時約食飯、約食下午茶，有空便會參加，週六的下午較清閑，答應出席。一大班朋友，工餘歡聚最開心。冰室裝修以五、六十年代懷舊為主題，天花垂吊著鳥籠，既新穎又特色，餐牌設計更是趣味盎然，卡通公仔得意有趣。赤銅的糖盅帶古舊色彩，像古董，我杯鴛鴦，茶啡比例很好，夠味。五香肉丁撈公仔麵，麵條煮得剛好，不過腍，以五香肉丁撈食，香辣惹味，過癮。芝士豬扒撈公仔麵，我喜歡食芝士，但用來撈麵則聽過未試過，估唔到又幾好食，芝味與公仔麵都幾夾，豬扒醃得入味。香茅雞翼撈公仔麵，雞翼入味香脆，送麵一流。蝦醬叉燒炒飯，這個炒飯，人人話要試，惹味蝦醬用來炒乜都得，加了叉燒粒更正！這個南龍漢堡餐好多人點：芝士煎蛋漢堡，勝在夠熱，連一個懷舊烚蛋沙律加薯條和飲品，好豐富。金磚焗咖喱雞飯，這個是近期熱賣，烘焗過的一大件方包，外層香脆，內裏挖空，放炒飯，咖喱雞，另跟一碗咖喱汁，咖喱味道香料下得足，香濃、辣得有層次，雞肉也不鞋，用麵包點咖喱汁也不錯，建議數人同吃。附設餅房，試了紅荳綠茶蛋糕，綠茶味甘甜，紅豆夠腍，慕絲軟滑。荔枝玉露，細細杯，有粒香甜的荔枝放面，玉露像布甸和奶凍之間的質感，不太甜，裏面加了亞

真正嘅舊式茶餐廳、冰室執得七七八八後，美其名以舊冰室裝潢餐、食物招徠的冰室就風行起來，當中不乏虚有其表者。不幸地今天遇上了。趕上課，就來附近聽聞一段日子的南龍冰室，室內裝修頗雅致光猛，座位尚算舒適地方都算濶落 (比較喜喜冰室)，見星期六有午餐揀，仲有奶茶，就要個干炒瀨粉，不須幾分鐘，粉就跟茶同時間送上 (炒粉跟沖茶一樣時間？咁快？)，見色水不錯，餓了就不管怎樣，先吃了算，嘩！粉只是微温，乾身少油，卻不夠咸，要不斷加辣油去幫助刺激味覺，粉食到一半時當然是已經涼了，趕時間都沒心思叫佢加熱喇，哼，仲係午餐牌中最貴一款㖭！即使預先炒好都應該番熱或做好保温才拿出來啦，看見左右兩枱各叫了A & C餐，飯餸熱辣辣，好後悔呀！ 炒嘢不應是冰室茶餐廳的能手咩？？？太失望！服務方面: 大部份員工都積極有禮，但有一個四眼男侍應，從我椅背後經過時，整個撞上我背，我還以為自己坐得太出阻路，望望背後通道無阻，我的椅其實早早已經盡量拉入而坐，他沒有抱歉更若無其事走過算，回頭看看他樣子，見他正拉長面孔，黑住面同一枱客人落單，噢！佢唔知飲食服務係乜，就轉行好了，自己做得唔開心，幫老闆趕客，食客又受罪，三輸，實在無謂

南龍是小妹常去的茶餐廳, 原因十分簡單, 喜歡它的快靚正今日下午和幾位好朋友在這裡開餐, 亦因為朋友F的江湖地位可以為我們預約了一間Private Room由於朋友們也未到, 小妹無聊地望著窗外的毛毛細雨, 感覺有點冷清, 但只是一房之隔,卻是人頭湧湧的飯市。正因為有些朋友未吃午飯, 所以選了幾款咸點食物充飢 五香肉丁的惹味和公仔麵基本上是無得輸的的配搭,公仔麵泳有炒過只是拖過水, 醬汁唔夠撈麵, 而且賣相應該可以執返靚仔小小。小妹第一次來南龍已吃過茄汁金磚焗豬扒飯, 一直唸唸不此忘今日終於有機會再下一城品嚐金磚咖哩系列 巨形金磚足足有八吋高比我第一次吃到的更浮誇飯雖然已炒底但可以炒得更加干身, 因為當飯和咖哩汁混合時很容易地糊在一起幸好這個情況不是太嚴重,今次咖哩的味道和上次吃咖哩牛腩飯有點分別, 上次的咖哩汁太重椰醬和花生味, 而今次的則比較有辣度, 香味更有層次, 怕你唔夠汁, 還付上一小碗供你點麵包用。而雞扒大約有四大件十分足料。至於麵包磚則外脆內軟, 相信自認有胃口的朋友方可能完成此巨物最後以一杯濃香熱奶茶作咸點的終結。女仕們看著對面新開的壹餅房, 更提意Take away

正所謂: “在家靠父母, 出外靠朋友”, 人闖在外, 只要朋友在, 四方都是貴人; 只要有貴人, 萬事都可成。這一年多時間開始寫寫食, 認識了不少朋友。當中這位圈中“教父”可以說是這年最大的發現。為人無架子不特止, 還經常請食飯。今次飯局選址是近期炙手可熱的南龍冰室。餐廳數十年前在筲箕灣立足, 半年前將舊冰室重新包裝出發, 來到了銅鑼灣渣甸坊後面的敬誠街。位處地段雖是同區較清靜位置, 但餐廳無時無刻都作滿排人龍的準備, 而事實餐廳閒日午市真的一位難求。但既然是“教父”請客又何需排隊呢? 結果就在餐廳上層位置, 竟鮮有地在茶餐廳間出一家“私家房”來, 相當架勢。但是餐廳也不俗, 送上精美餐牌一本。然而餐廳餐牌卻極之有趣, 除食物及內容外, 餐廳加插了很多90年代的電影海報與餐廳主打食物相配合, 實行來個二次創作, 十分有心思。而餐廳主打的是以粉麵飯為主, 公仔麵是近年香港人的快餐恩物, 以及近期最潮興的金磚焗飯。食物未到, 先來飲品。芸芸一眾飲品, 檸茶, 奶茶, 咖啡等都是茶餐廳常客。老實說, 檸茶卻沒有多少技巧可言, 但是奶啡也可與別不同。不過大熱天時, 飲凍的, 又未能試真茶底功夫

星期六的大清早乘了一個小時車，為了上學而在 8:30 到達了銅鑼灣，肚子餓的不行了，幸好一早選好了附近這家有簇新裝修而格調懷舊的冰室。因是初次來訪，也沒有預先看食評，所以隨意點了一款早餐。不一會先來了腸仔煎蛋和冰室的自家麵包，還有我近期早餐必選的「啡走」腸仔煎蛋應該是一大批預備的，所以一點都不熱，這是茶餐廳的普遍運作吧！但希望南龍對自己更有要求啦！因我相信這是很簡單便可改善的環節。而麵包是自家的一定新鮮，我吃的包外型好像是雞尾包，裡面也是椰絲餡的，只差外面沒有芝麻和兩行墨西哥醬。至於「啡走」也濃淡適中，很有水準。吃了一會，發現坐在附近幾枱客的早餐都跟了公仔麵，而且看起來好像很彈牙，肯定不是要加錢的「一丁」，心想可能熟客都知道這店用的麵是非一般的，早知我都要麵啦（其實根本沒留意自己點了什麼）。當伙計送來我的一份，原來我是要了炸菜肉絲麵 ^^太開心了，吃了一口，麵質果然非一般茶餐廳用的貨色，是爽滑彈牙的，而炸菜肉絲則比較咸。很快把麵吃完而炸菜都留在碗中。整體質素很不錯而且環境舒適有格調，有這樣早餐在銅鑼灣也只不過 $29，很超值吧！難怪客似雲來 ^^

平時自己一個都係鍾意去茶餐廳同冰室食野，鍾意佢個種人情味,唔會帶哂面具去招呼你,唔會太假,係個句就個句。今日就走左去南龍冰室,佢既裝修好特別。不過竟然有類似西式餐既野係冰室出現,果然有新意,揀左香茅雞翼加個司華力腸意粉配一個洋葱汁，等左一陣就有得食,價錢都非常抵食,雞翼好香依個香茅味,我自己十分鍾意,而且味道都好有新鮮感,成個意粉份量都唔錯,不過自己就比較大食,所以就要多左一份西多士,不過佢有D唔同,四件多士,睇黎佢知我仲未夠,西多士上面有D糖霜係到,感覺同平時唔同,好似靚左好多,炸得幾好,又唔會太多油,幾脆口,好味道,份量真係十足,如果有人一齊SHARE就好,食到好飽,埋單走人,價錢都相當公道 

特意去嘗這個吐司，很大的一個，我們2個人完全吃不完！建議叫多幾個人一起吃會好點，那就不怕浪費了其實等了它15分鐘，本以為會很熱，但其實只是暖，反正就不熱 如果烤久一點應該會更好吃^_^ 裏面的雞很好吃，炒飯就還好，可能是因為不怎麼熱所以比較硬外面的面包要趁早吃，不然就算點那個汁也是難咬了點！可以吃過一次就算了，它其他食物應該也不錯的，下午茶比較優惠

因為團購買左4張  20當40用的團購第一次同朋友去,點左2份下午荼餐  一份平炒牛河,一份芙蓉蛋飯,一件蛋撻,一杯涷檸荼,一杯熱奶荼食物質素普通荼餐廳貨色, 本來$84,2張團購所以$44 .價錢OK  當然無服務可言,銅鑼灣地區第二次自己去 點一份黑椒牛扒飯,牛扒好難咬開,  熱奶茶比第一杯更無奶味, 叫左一杯水,好快手拎黎,埋單$42, 即系$22  ,已不能有要求第3次, 都系入去食 ,都系搭台,我坐埋邊,叫一份茶餐 ,原價$53,一份包魚公仔麵,炒蛋,熱狗,熱狗剛剛返熱算是OK, 其他就過得去,不算太差...計返$32  由落單開始我叫左5次,4個待應,有2次同一個人都無比我,直到我差不多用餐到一半,對面有位姐姐入黎落單即叫一杯,轉頭已經黎,我都有叫個位待應,但我叫既時間佢已經走左...算, 到對面位姐姐已出單,水都到左,我叫左4次的水都未有,再叫呢位待應就話熱水未必有,拎到邊杯就邊杯....我唔系叫咩複雜飲品,只系要一杯水咁簡單,可以叫5次,仲系有廢話回應,呢間餐廳真系好野! 呢個價錢絕不能要求有服務可言,難道出黎食野要求要一杯水都咁過份!  我要一杯水要因為我要食藥,如果

日是又要做下乖乖女, 為阿爸阿媽安排半天節目, 其實只是帶他們睇話劇和食晚飯, 一點都不豐富, 但能抽空一起便覺滿足!!睇完話劇都只是5:00pm, 實在太早, 但外面下着密雨, 不想兩位老人家周圍走, 於是提早很多便出發食晚飯。坐在地鐵時跟阿爸講帶他去冰室食晚飯, 他便馬上回應：“無嘢食! 只是食菠蘿包、蛋撻和飲奶茶。” 在他眼中, 冰室仍是他60年前所認識的冰室…… 其實若我不帶他們出外試新嘢, 他們仍然只懂上茶樓和去快餐店, 故決定由今日開始要在openrice找多些特色食店, 每月帶他們試試, 讓他們多一點新鮮感, 亦俾藉口自己食多啲好嘢!環境一道刻有“南龍冰室”的鐵閘再加上旁邊的單車, 帶有一點懷舊的色彩。座位主要以6人卡位為主, 亦有圓桌, 還有上層, 地方寬敞, 令客人坐得舒服。其實內裏並不舊式, 以粉綠色為主, 環境光猛, 但特別在於有心思地融入了舊式的擺設, 如天花上掛了時尚的鳥籠、在櫃旁放了小型的舊式唱機喇叭、亦放了舊式小收音機、桌上還有感覺陳舊的放糖銅壺, 只是欠了放一個痰罐, 哈哈!不得不提是可愛的菜單簿, 並不是懷舊的設計, 反而是很可愛而有趣的公子, 但當你

去過屯門的羅麥記, 就不期然會對呢間南龍冰室既磚頭茄汁焗豬扒飯有所期望。我們兩個女仔叫左一個磚頭餐，份量很大，當然收費也不平，要$84。麵包皮都焗得幾脆，切開其實佢係挖空左個包再放啲炒飯落去。豬扒算係做得唔錯，算滑有味，佢另外再俾多個茄汁你點黎食。不過我覺得羅麥記做得好食啲, 其實啲炒飯有啲失色，太散有啲乾又唔夠香。不過隔離台啲人叫左個西多士....好香, 賣相又靚，好想叫.....可惜我地都已經食唔晒~~~

冰室原本是瀕臨絕種的「動物」，但又因為舊，成為了香港的本土特色，不只香港人喜歡懷舊冰室，就連內地遊客也來港追捧這份獨特的港式情懷，所以冰室打不死之餘，而且又能復生。南龍冰室原址在筲箕灣，始於1961年，都是地產霸權惹的禍，令老店被迫結業，好彩得到有心人肯投資經營，令這老店最近得以在銅鑼灣重生。店舖雖然搬了去新地方，但裝修上仍保留六、七十年代的冰室風味，地上的階磚、座椅和樓梯，都很有港式情懷。佈置上將舊的東西crossover新裝飾，加入時代感。天花上掛著一個個黑白兩色的雀籠作裝飾，不期然令我想起電影《阿飛正傳》，幻想自己就是片中的那隻「冇腳的雀仔」旭仔，可惜店中看不見蘇麗珍。食物方面，南龍冰室像其他傳統港式冰室一樣，供應很多小食，如菠蘿油、西多士、三文治、炸薯條、雞脾、沙律、公仔麵等，新店現在又加入了一些現時茶餐廳和港式扒房的套餐，包括常餐、煲仔菜、中式小菜、鐵板餐，甚至有咖哩餐，選擇很豐富，一般套餐大約由$50起，在銅鑼灣算合理的。這晚我們幾個朋友來懷舊一番，點了幾樣食物一起吃。金磚焗茄豬扒飯很有霸氣的外觀，不說穿的話，可能以為是三層高的多士，其實中間是挖空放了鮮茄炒豬扒飯，然後再拿

看到門口的年份才知道原來是一間歷史悠久的茶餐廳，再細問下原來是過區龍，難怪門口人山人海。 等了一會入內看到掛上好多的鳥籠，相信必是以前年代的文化保存下來的象徵，這就是香港近年缺少的懷舊。不過店員可能太忙碌關係，所以有少許脾氣和視而不見愛理不理的態度，不過也正是這樣才可以慢慢的細讀著餐牌。 邊讀下發現食物總類也不少，無論中西式什至簡單小食應有盡有，花多眼亂下就點了附近的人食著的:京都牛仔骨: 配西湯看似奇怪但因個人較愛，西湯味道不錯而內裡材料豐富，值得一試。 牛仔骨份量比正常的多而且酸甜味道調較得剛剛好，實在係抵食之選。炸雞脾薯條: 雖然技巧不算太多，但勝在2樣都是新鮮炸起熱辣辣，不像外間有些地方炸定一堆薯條慳時間。而價錢有少少高但份量都成正比。金磚焗豬扒飯: 食物如其名真的仿似一座金磚，但其實只打挖到一半深放豬扒和飯，而太汁太少情況下多了一碗汁以便送麵包。 老實說一個人必定吃不下，雖然飯不算多但金磚脆口令人想一食再食。 而豬扒飯的飯是炒飯，香而不硬身，豬扒也曾作醃味，難怪很多人也點這個。不計服務，食物水準非一般茶餐廳可媲美，而格局就在新潮與傳統之間，命名非一般的茶餐廳實不為過。

我們一行四人五點半去食團購卷，在門口等位，有位餐廳老闆叫我地分開座，咁我地就答佢唔分開座，直至門口有張卡位半邊有人走，餐廳老闆叫我們找几個人座埋一邊，我們回答他等埋另一邊那兩個人走我們先一齊入去座！正當那兩個人走的時候，我們想推門入去，那餐廳老闆立刻關門，咁我推開門問佢張枱係咪我地座，餐廳老闆話張枱比人訂左，留左比佢朋友！我話你留左比咩朋友？下一秒佢又答我話有客要轉枱！我叫佢叫個客出返去門口排隊！但其實餐廳老闆係唔知為什麼唔比我地座，直接我家姐問佢咩事，佢話頭先叫我地座而我地入唔座，天呀，什麼人來，我們懷疑他不是男人，那麼小家，那餐廳老闆又對我家姐講：我而家無話唔比你地座！咁之前什麼訂左枱及轉枱都是大話，那餐廳老闆仲不忿對我們講：小姐：食嘢緊係要排隊架啦！嘩，我地真係唔明邊條例食嘢一定要排隊，你這間東西只不過是茶餐廳，若不是做團購，我根本不會來！ 我們座底後都無心情叫嘢食，又怕佢加料，所以走了。我見佢團購應該賣左萬張，做唔倒就唔好賣咁多啦，找客來出氣！ 這是本人的親身經歷！

所有員工的服務態度令我感到有如置身國內一樣，一踏進冰室就看見一班黑面員工忙得不可開交，並沒有多餘時間帶位，其獨特的搭枱方式更教人嘆為觀止！終於等到入座後, 我點了「金磚焗豬扒飯」加凍檸賓少冰，老公點了「咖喱牛腩飯」加凍檸茶。首先唻一杯無檸檬又無少冰既凍檸賓及凍檸茶，不久，老公的「咖喱牛腩飯」到了，食評？ - 「淡淡的咖喱中有三粒牛腩，盛惠$50！」直到老公食完，我個「金磚焗豬扒飯」都未見蹤影。 等咗50分鐘之後，我選擇咗埋單去第二度食，我都想寫個關於「金磚焗豬扒飯」既食評，但未能有幸一試，恕我沒能形容，而且應該唔會再有機會去形容。只能說句用非其才，必難致治！無論食物如何有特式，環境如何精緻，食物及員工質素如此，就算多推幾次團購都挽救不了！

買了Yahoo!團購, $20當作$40用, 點了兩份下午茶餐, 星洲炒米($39)及乾炒牛河($39)炒米: 蝦肉大隻, 調味適中, 不太鹹, good;乾炒牛河: 鑊氣十足, 牛肉片大塊夠滑, 兩碟份量都ok;咖啡及奶茶: OK夠滑。順帶一提: 廁所都算幾乾淨 (一般茶餐廳很少見), 裝修都係悉心設計過的, 刻意造出懷舊茶餐廳的風格。總結: 十分抵食 (因用了團購), 水準高, 會再光顧。