南龍粥店

营业中

休息中

生滾魚片粥，即叫即煲，粥底煲得好綿好滑，魚片的份量好多，不過吃的時候小心有些小骨頭，粥裡有不少薑絲和蔥，吃起來好香好鮮味，令粥一都不腥~本來今天轉天氣有點病病的，吃完之後立即回復精神！！綠豆沙好足料，每一口都是綠豆，煲到軟軟爛爛~加上海帶，好傳統的做法，好像吃到家裡的味道~吃一碗好清熱解毒。糯米雞咸咸香香的，裡面有臘腸、雞翼、豬肉碎、香菇、還有蟹柳~配料真的好豐富，沒想到這麼大一個糯米雞才$21！！一定要趁熱吃，剛端上來特別香~

星期日終於放假休息 屋企人去話想試吓一啲老字號嘅粥店 上網一睇呢間好似好出名 咁就黎試試佢油炸鬼食落油炸鬼軟軟綿綿 好似今朝先炸起 食落都會暖笠笠幾好食呀艇仔粥同生滾雞粥粥類係我屋企人嘅至愛 都幾足料 嚟到嗰陣時d料成碗都滿滿地 都幾有火候糯米雞係傳統嘅糯米雞 平畤嗰啲係雞肉今次老闆比左隻雞翼我咊啊豆漿豆漿真係好有風味同超市買嘅完全冇得比呀係新鮮嘅豆漿正呀

行過見到呢間老字號餐廳 入左黎試一試～餐廳裝修懷舊風格 推介生滾湯飯😜三餸一菜 $45勁 多 份 量 呀！揀左雞肉，牛肉 豆腐 同白菜高p之選碗飯都勁大碗食唔晒 細食人士記住揀少飯菜都好多都幾抵食朋友揀左魚腩 粉腸同鯪魚肉試左舊鯪魚肉，都幾好食 唔會太重味精蝦腸$24有原粒鮮蝦 不過略嫌蝦鹹咗少少綠豆沙 $20意外地出色🤩 熱辣辣既天氣配上凍冰冰綠豆沙真係透心涼🥰🥰🥰都好足料 又唔會太甜😙下次先試下粥😙😙😙😙

花園街佈滿大大小小、不同類型的食店，今晚來到這粥店，原來已開業三十多年！經營多年仍䇄立不倒，當然是實力的表現。生滾滑雞粥（$35）這道粥的基底是細膩的米粥，經過長時間的熬煮，讓粥變得滑潤而綿密。新鮮的雞肉，保持了肉質的鮮嫩。搭配上薑絲，薑的辛辣與溫暖的香氣為整道粥增添了層次感，驅寒暖胃。車仔飯三餸一菜（$45）+煎蛋湯底（$9）意想不到的大份量！三餸一菜放在大碗中堆成一個小山丘，白飯是另外分開上的。牛丸、韮菜餃、滑雞、油麥菜，有菜有肉有蛋營養豐富！湯水餃（$35）這裡的湯水餃是他們自製的，用粟米和豬肉為饀料。一碗有6隻水餃，每隻水餃比一把匙羹還大。十分足料冰凍豆漿 （$14/支）喜歡這滿有豆香味，也不會太甜的豆漿。

喜歡食粥，今次來油麻地這裏附近複診都喜歡找這條街的小吃，我喜歡吃南龍這這裏的湯飯，今次就吃粥，我選了豬紅魚片粥， $24 ，照理是便宜，但是當我看看廚房的粥，就發覺粥是不滾的，熱不熱也不確定，把生魚片和豬紅放在小小的一個碗裏，就把微熱的粥混在碗裏的豬紅和魚片，那樣魚片，肯定是不熟的。而且，這碗粥上到枱也不熱，，進口只是暖，上枱只是暖這些粥不是熱辣辣的。跟店員說了他們也不你就說要滾就要生滾粥，那就$35，我說粥完全不熱，廚房就詐詐諦諦把粥放在小煲內放在電爐上，不出1分鐘就拿出來話幫你煮熱咗，態度惡劣，上枱一啲都唔熱，我都奇怪怎麼把煲放在電腦上1分鐘仲可以熱？煲都未熱粥點可能會熱？把粥吃了，我都是比較為食，以大無畏精神吃吃了這碗粥，吃到底魚片是不熟的，而且粥裏面有一舊石頭。不知所謂。

今天黃昏，我來到旺角花園街，馬會對面，這裡有一家名叫南龍粥店的餐廳。店內環境簡單舒適，讓人感覺輕鬆自在。我點了幾樣美食，首先是蛋黃綠豆鹹肉粽，外皮軟糯，內餡香濃，鹹香的肉與綠豆溶的清甜相得益彰，讓人一口接一口。接著，我嘗了即蒸滑牛肉腸粉，腸粉的質地非常滑嫩，牛肉鮮嫩多汁，搭配上特製的醬油，味道更上一層樓。讓我感受到傳統廣東早茶的魅力。最後，我點了一杯凍豆漿，清爽可口，正好中和了之前的鹹味。豆漿的香味濃郁，冰涼的口感在香港炎熱的夏天特別受用。整體來說，南龍粥店的食物讓我感到滿足，是一次愉快的用餐體驗。

和媽媽到旺角買東西，她說想吃粥，於是便帶她來花園街一號的「南龍粥店」，這𥚃除了粥品外，更有點心、泡飯、粉麵等多款選擇。我們叫了《海鮮粥》，有很多配料，例如蝦、蟹柳、魷魚、鮑魚片等，成碗粥都好甜好鮮味！仲有《韭菜豬紅》，份量好大，而且好好味。《即蒸鮮蝦腸粉》及《椰菜炒米》，熱辣辣，味道不錯！這裏有很多相熟街坊來幫襯，看到職員和他們有說有笑，食到飽之後才發現，原來呢度有裹蒸糭，超級大隻呢，下次過來試吓先。

去旅行食大咗個胃，就連身型都提升至另一個層次，就連班friend話約船P，都唔敢現身，所以喺時候食得簡單啲！講到簡單，粥絕對係一個唔錯嘅選擇，但煲粥卻其實一啲都唔簡單。今日嚟到旺角竟然能夠抵擋唔少美食嘅誘惑，選擇咗南龍粥店。煎蘿蔔糕蘿蔔糕即叫即煎，大大件，仲有少少蘿蔔絲增加口感。銀芽炒麵顧名思義，銀芽炒麵嘅配料就只係得芽菜，所以其實個焦點落返喺個麵度。每條炒麵都掛上豉油，鹹香度十足。即蒸滑牛肉腸粉腸粉即叫即蒸，用上新鮮滑牛做餡料 ，腸粉皮夠滑。生滾滑雞粥粥底綿滑，粥上面帶有少少雞油，雞味濃郁。鳳爪排骨飯鳳爪排骨填滿晒成個飯盅，份量十足，至於精華當然係個飯度，加埋煮過嘅豉油，每一啖飯都有油香味。

就是一餐不落绿豆肉粽好吃啊！🥢一开始以为绿豆粽子得多黑暗呢，没有想到绿豆在里面变得粉粉糯糯的，🫘吃起来比芋泥更加细腻，又比红豆更加粉糯，口感时而细腻、时而沙绵，真的好爱猪润粥就是猪肝粥，猪肝生烫的特别软嫩，和浓稠的米粥一起，鲜上加鲜🐷🏠虽然店小小的，但没想到味道真的挺地道的哦

叫左蒸飯-鳳爪排骨飯加豆漿啲排骨臭的，好似擺左好耐咁有好大陣up 味🤮，啲飯一樣又粟又臭，食左啖完全食吾到。埋單照收正價，真係十分之不抵，環境也不衛生，啲筷子仲要有污糟野痴住

食物不照餐牌，大量食物根本不提供但仍寫在餐牌上。食物處理不衛生，員工更態度囂張。不但自顧自己休息都不理會客人，不落單，多叫一句反批評客人聽耳機就唔好落單！咁既態度，我有冇錢都不會來消費！

女侍大姐 似街坊咁招呼 有求有應艇仔粥 $21 豬皮 水尤絲 得少少 少到要揾粥味淡 唔夠熱 碎牛仲係生腸粉滑嘅 & 炸兩油條淋 都係唔熱 醬料自己任落 混醬白粥 $10唔綿 未煲夠火 似潮州粥 最差係唔夠熱

間餐廳比起其他鋪頭少人，所以入去試下啦，叫左碟蝦米腸粉，炒面，豆漿，點知碟腸係完全涷嘅，炒面都當然係涷架啦！埋單又計錯數， 記性差就好心佢寫單啦！我覺得佢做得好失敗！ ！！！無下次！！！！永遠黑名單。。。

從來未食過一間食物質素咁差嘅，重點其實睇價錢預咗OK適中，但係冇諗住係咁差，特別係近門口整腸粉，阿姐疑似係老闆娘，鬧客人，每枱都俾佢鬧，食嘢都好似要俾佢管住，人哋用乜嘢碗匙羹都要俾佢管，鍾意嘅食物用返自己鍾意嘅醬油都俾人話唔啱，要用返佢覺得啱嘅醬油，總之好似唔使錢，一定要受氣感，就算係唔使錢都態度好過佢，一台嫌人哋叫得少，令一枱叫得多又話叫得多，總之就俾人鬧煮食睇好體面，好多台客都好快食，食唔晒啲嘢就走咗，超級恐怖嘅經歷，而且地面非常污糟，sze Ruth真係咁啱就腳方便所以入去試一試，估唔到就俾人哋煩咗一輪之後好快買單走人。

17/9晚行過諗唔到食咩，見未試過呢間粥鋪所以入去一試，本身都無咩期望，因為間間粥鋪都大同小異叫左一個皮蛋豬紅艇仔粥走牛，我老公一食，個粥甜既？😂應該係落得太多味精另外叫左即蒸鮮蝦腸粉，嘩，超厚皮，難食到一個點最後一樣最勁，粥舖最普通既炸両！未試過有一間可以咁難食！！條油炸鬼隔夜既，淋patpat!真係未試過食過咁難食既炸両呢間野一定唔會再有一次！黑名單