南龍粥店

营业中

休息中

去旅行食大咗个胃，就连身型都提升至另一个层次，就连班friend话约船P，都唔敢现身，所以喺时候食得简单啲！讲到简单，粥绝对系一个唔错嘅选择，但煲粥却其实一啲都唔简单。今日嚟到旺角竟然能够抵挡唔少美食嘅诱惑，选择咗南龙粥店。煎萝卜糕萝卜糕即叫即煎，大大件，仲有少少萝卜丝增加口感。银芽炒面顾名思义，银芽炒面嘅配料就只系得芽菜，所以其实个焦点落返喺个面度。每条炒面都挂上豉油，咸香度十足。即蒸滑牛肉肠粉肠粉即叫即蒸，用上新鲜滑牛做馅料 ，肠粉皮够滑。生滚滑鸡粥粥底绵滑，粥上面带有少少鸡油，鸡味浓郁。凤爪排骨饭凤爪排骨填满晒成个饭盅，份量十足，至于精华当然系个饭度，加埋煮过嘅豉油，每一啖饭都有油香味。