博士燒味

营业中

休息中

冇肉食 你比咩貨人所以冇生意 自己諗下 點解要咁姑寒要骨頭人食🤣 送啲咩小優惠睇下張卡啲字細到咁點睇 有冇QC過 啲食物質素真係要改善 我諗冇人鐘意咬骨頭 你冇就一係寫售罄啦

完全估唔到食燒味也可以有健康餐食,我平時同朋友都會做gym ，喺出邊搵唔到咁樣嘅套餐。這樣一份套餐營養均衡,有雞胸，有西蘭花，仲有泡菜，再加多兩隻溫泉蛋，唔想要溫泉蛋又可以轉滷水蛋！對於健身人士真係非常非常之有好！又可以減肥又可以增肌，唔鍾意食雞胸，又可以轉鴨胸!因為我係熟客，師傅都認得我！每一次都會幫我整得好靚，師傅都好好人呀！如果你都喺中環附近返工，你都可以選擇博士燒味，佢哋仲有獨家椰子雞湯，價錢唔貴又好味！

🤣最近來到中環返工，岩岩好公司樓下有間燒味飯，第一次食，味道都唔錯！油雞特別好味，腩仔半肥瘦啱啱好，皮好脆，仲有佢哋公司嘅特別小食，配飯吃，一流👍，值得推薦，吃lunch 有多一個選擇！之後都想試吓佢哋嘅叉燒貴妃雞燒鵝! 價錢實惠，中環返工隨便一個飯分分鐘過$100，改天可以試吓博士燒味大大隻雞同埋大大隻鴨胸飯. 加上兩隻溫泉蛋，成個飯卡路里都只係得六百幾卡路里，非常適合健身人士，👍👍👍👍👍

以前叫女子叉燒，幾乎係我lunch飯堂，隔咗一段時間再食，應該已經換咗老細，好失望，d叉燒超5成都係肥肉，仲要係硬肥嗰隻⋯⋯我當時仲帶住另一位外地來的同事，被笑話「你地好慘，居然覺得咁樣的叉燒算好味」。唉⋯⋯

今日午餐，我去咗附近好出名嘅博士燒味買外賣。呢度嘅燒味真係無得輸，好多同事都推薦。因為最近我想減 carbs，所以我買咗燒鴨髀同蜜汁叉燒，唔要飯。首先講下佢哋嘅醬王燒鴨髀，真係savory得嚟又唔會太鹹。鴨皮好crispy，鍾意食鴨嘅朋友一定會滿意。內裡嘅鴨肉好juicy，兼且入味，每一口都係享受。至於蜜汁叉燒，真係肥瘦比例perfect。叉燒有甜味但唔會太甜，就算唔鍾意食太甜嘅人都覺得啱口。肉質鮮嫩多汁，肥瘦比例一流，食完仲想食添。好好食不過分量有啲細，所以都唔系好夠飽。。。

中環食過最好食燒味，價錢中等係性價比之選，喺附近翻工會成日食，好少燒味鋪除左鹹蛋仲有溫泉蛋可以加，溫泉蛋加埋半肥瘦叉燒簡直就係一流，就算係叫其他雞鵝鴨都比中環其他燒味鋪出色，特別係個蔥油我問過佢地係師傅特別調配所以係會好食啲，同埋好少可以食到塊皮仲係卜卜脆嘅燒腩仔，如果有時想健康啲仲可以揀大隻仔餐，有大大舊雞胸同西蘭花，對做gym嘅我係一個唔錯嘅選擇，呢間仲可以手機落定單去到就有得拎食飯時間都唔洗同人排隊同人逼

同朋友叫咗兩個餐一個 213 貴妃雞加脆皮燒腩仔 朋友比較肚餓 揀咗 207叉燒+豉油雞髀 加多隻雞髀同叉燒 另外我哋仲叫咗一份時蔬209貴妃雞+脆皮燒腩仔貴妃雞食落去好嫩口 而且唔會太鹹 貴妃雞似係有用香料煮過嘅味道 所以食落好香 唔錯燒腩仔食落唔會太鹹 又唔會太瘦有肥膏之餘 腩仔皮都係脆卜卜 同佢個名一樣真係「脆皮燒腩仔」207叉燒加豉油雞髀叉燒叫咗半肥瘦叉燒 鋪頭同事話盡量做俾我地 仲以為會做唔到 結果一開盒真係半肥瘦叉燒 叉燒食落好甜有味 係蜜汁嘅甜味 而且個人極之推薦半肥瘦叉燒豉油雞脾食落口就知道係醃咗好耐 因為入邊嘅雞肉都有豉油醃製而令雞肉變深色咗 豉油雞食落都好滑好好食時蔬時蔬係娃娃菜 娃娃菜食落去好冧好多汁 鍾意食娃娃菜嘅話會好鍾意呢份時蔬 而且娃娃菜食落去隱隱約約有浸薑味 我估應該係鋪店覺得娃娃菜太過寒涼 所以用薑癖一癖走佢 咁諗落都幾貼心雖然唔知點解佢會送蘿蔔乾小食 但發現同飯都幾夾呢間舖頭仲有送一張五折券 店員話係全單半價 我真係第一次遇到喺中環食飯仲可以有全單半價嘅優惠 同埋仲有餸積分咭 感覺好似送好多優惠 而且嘢食又唔係特別貴

公司附近终於有烧味饭啦。就系IFC楼下，添好运对面。同层有好多选择，茶饮就天仁茗茶，隔壁有沙律，有轻食。不过依家天气冻啦⋯⋯女仔唔减肥lu～要食好野！！味道唔错，好好食！！

今日lunch去咗買你哋間嘢食，首先講好嘅係嘢食好好食好好味，但係點解收銀個位女士態度咁差？我係因為好食先過嚟買飯，唔係過嚟睇收銀姐姐面色。但係點解我放lunch嘅時候，出到嚟買飯仲要睇你哋舖收銀嘅面色？下次唔會再幫襯你地，唔會為咗食餐飯而俾人咁樣對待。