博多拉麵龍亭 (已結業)

年初三行完山黎食飯。諗住食我最愛嘅沾麵。一直都有幫襯開，一直都好鍾意。但係今日真係好失望。首先無咗鰹魚醬油沾麵。再者，以前有嘅免費配料蒜同辣油都無左。 今日無蔥花都唔緊要。但係叫左個黑蒜豚骨沾麵，濃味都好淡。。。肉又好少。。。又無蛋。。。體驗到一間餐廳又好食變到唔好食，真的好失望。

1月1號話晒一年新開始，梗係要食好嘢多謝下辛苦左一年嘅自己，其實我唔係住附近，都係咁啱踩單車先入嚟沙田，跟住之前已經聽我朋友介紹過呢間龍亭，佢話電視台都介紹過，反正附近啲鋪頭都唔係咁熟，呢間又有少少名氣就試吓啦，嗰日我大約七點鐘嚟到呢間鋪頭已經坐滿晒人，門口有幾個人排緊隊，不過可能因為呢間鋪頭太細關係座位並多我估計大約18個位左右，所以好容易坐得滿，入到去見到佢個餐牌真係有啲嚇親，佢真係好多款拉麵，都起碼超過10款，比起傳統日本拉麵舖真係多好多，不過問題就嚟啦有選擇困難症嘅我諗極都諗唔掂食咩，跟住有個店員見我諗左咁耐佢特登走過來介紹俾我，佢介紹我食個和牛拉麵，我本身又幾鍾意食牛，所以試一試，過咗幾分鐘個拉麵已經到，都算做快手，經驗話比我知食親呢啲豬骨湯拉麵一定要試吓個湯先，佢哋個煲食得出真係用豬骨煲出嚟，我試過去好多有名氣嘅鋪頭其實都係用啲味精煲出嚟，以呢間咁細拉麵店嚟講算係有心機，真係值得一讚，喺面上面嘅牛肉我偷偷地見到佢哋用火槍輕輕一燒，啱啱好好似半生熟咁，食落口覺得好香，仲有最緊要佢哋隻半熟蛋，真係整得好好食，之後我見到佢哋原來都有做定食，下次入嚟大圍都要再試一試！

龍亭呢間拉麵舖已經幫襯左好幾年，喺呢度我最鍾意食佢哋嘅拉麵係因為佢哋個湯底真係真材實料，有時食緊嘢嘅時候都見到佢哋廚房有兩個好大嘅煲不斷煲緊湯，佢哋個廚房非常之細裏便嘅環境一定好熱,幫親佢哋呢幾年之間都見佢哋冇偷懶值得支持,但係今次我嚟到反而食咗佢哋嘅鰻魚飯，因為我有好幾個朋友話你個試過佢哋嘅鰻魚飯覺得好好食，仲話佢哋標榜係新鮮鰻魚燒出嚟，成個定食都係百幾蚊,以生燒鰻魚嚟講相當之抵食，因為我係尖沙咀閑閑地都要＄200 ,我點左個飯之後大約等左15分鐘終於到啦，個鰻魚真係燒得好好食，啲肉燒得啱啱好仲有啲汁完全唔會話燒到乾晒， 塊皮燒得好趣，成個飯真係相當有誠意，值得再返食！

我經常會出入日本沖繩同埋東京，係當地都會食呢一個飯，嗰日你都諗住食飯拉麵，但係店員極力推介我食你個飯，心裏面都覺得食拉麵有時都食到悶所以試吓，一試之下真係覺得佢隨時好過我係日本食，啲豬肉佢哋吵到啱啱好唔會過火，啲汁同埋洋蔥香味未放上枱已經聞到，講真佢哋啲豬肉唔係沖繩豬都整到咁好食算係咁啦，食落口認真覺得唔錯，仲要呢個set＄100都唔過，依家閑閑哋係香港食一個定食都要大約＄150 ,有蒸蛋有前菜仲有湯飲都算係咁啦，真係值得推介！

幾年前嚟過呢間鋪頭，曾經留下不少嘅讚許。今日再度重遇，卻大失所望。晚上我點了一個沾麵，是鰻魚沾麵。聽店員說師傅明天新鮮預備鰻魚來燒，所以一向唔係好食鰻魚的我都被她的介紹吸引了！結果，來了一碗我意想不到的沾麵。麵條早已經煮過火，冧哂！失敗！仲要麵條痴埋哂，一pat pat，失敗！放進沾麵汁，掛唔到汁加埋個汁好稀，失敗！個汁平時會食完再加湯，今次無意慾再捱下去！唯一慶幸的是鰻魚尚算不錯！但未到要嘩一聲的美味！而唐心蛋就依然保持水準，但麵的失敗卻是致命傷，仲要成百一蚊一碗！

成日聽人講呢間野個蟹黃拉面好出名 今日終於有機會走到嚟試 結果獻出我人生第一次。。。寫食評 兩個人去叫了一個王牌蟹黃拉面 一個豚肉拉面 一隻為一客但係佢話做特價你要叫兩隻先比你叫成為36蚊嘅兩隻芝士餃子雞翼 首先地方逼唔緊要 最緊要野好食 嚟到見到個餐牌咁貴都抱有希望。。。點知食落個面底。。本人覺得仲衰過食味千 豚肉湯底普通得嚟重味精 個蟹黃係有比你見到有蟹黃嘅 但係味道無驚喜 唔值呢個價錢 個雞翼周圍都食到 但呢度特別貴 所以總結嚟講 試完今次係唔會再嚟嘅

話說本人2016年9月18日去光顧，當日時間係14：30左右，入到去有兩三位客人，當我研究食D咩既時候，坐低後，有位四眼妹既侍應居然話：依度15:00要落塲！頂你啦！咁你地點解我入去前唔同我講?！你即係叫我唔好幫襯啦！咁既說話居然個姐姐仔講得出！我當時唔同佢嘈，但我一定要寫衰佢！憤怒鳥！😡😡😡😡各位千祈唔好去！!!

一個元祖豚骨拉麵，一個東京醬油拉麵。兩碗麵份量都偏少，叉燒冇乜味，豬骨湯味道過得去，醬油湯都係普普通通。以咁嘅質素唻計，價錢偏貴。叫咗個Sapporo啤酒，罐啤酒唔凍嘅，叫做比常溫涼少少，跟隻有漬嘅杯，又唔係雪凍嘅杯，係咩玩法？真係過對面7仔買十幾文冇咁嬲！地方淺窄，被安排坐喺門口吊腳嘅吧枱，好唔舒服，又熱。

全店有一半空位，一個人入去比張6人枱嘅中間位，仲要比近成日比人撞嗰邊。一個人去食平啲，所以要咁嘅待遇？無位大家遷就我唔介意，全店有一半空位，為何不方便一下願意來消費的顧客。明白侍應可能擔心將會有好多顧客，但實際情況無人知曉。為何為了未必到來的顧客而令已踏進門的顧客失望。如果真是人客多，到7:00多為何仍有一半座位是空的，當中原因應該不是拉麵質素，而是對待客人的態度。

見朋友話呢間既蟹黃飯好食於是晚餐就決定食呢間試一試我地兩人叫左3樣野 首先試左蟹黃飯 飯上會有一條蟹腳肉 食左1/4已經覺得有少少滯 口感有d乾 食完仲剩底好多蟹黃食唔曬 碗飯成為$168 價錢覺得ok之後係醬油鰻魚拉麵 原本以為會有d湯汁之類結果係全部都係豉油 鰻魚口感有d膠 覺得係燒得唔夠透 唯獨個拉麵幾彈牙 爽口 但係成碗野計要$118真係覺得偏貴叫左雞中翼+醬汁 雞翼整得好脆 個汁好好味 最滿意係呢個 $20最後叫左罐忌廉+$10連服務費+$32埋單$348

宅女雖然喜愛拉麵, 奈何人又比較懶惰, 有時看到有新拉麵店開業, 但因為地點太遠或是長期人龍的關係, 往往令我卻步. 而這家位於大圍的龍亭, 是其中一家宅女一直都很想去試的店, 還記得初開業時風評不錯, 唯地點距離宅女真的有點遠, 所以一直放在待吃餐廳之列上. 不過早陣子機緣巧合, 妹妹剛好要去大圍辦點事, 正好就跟著她一同過來, 也就有個藉口選這家來吃個午餐了. 這家龍亭巳不算是新店, 早幾年巳聽過身邊不少朋友光顧過, 而評價大多都說不錯. 不過近年聽說水準下降了不少, 但宅女從來沒試過, 還是沒有減少想去的意慾. 店子位於大圍村第九街, 坐地鐵過來的話在大圍A出口徒步約4-5分鐘就到.來到門口, 感覺店子有點像居酒屋的格局. 周圍都貼上不少小食或定食的圖片. 驟眼看來真的以為只是一家普通的居酒屋. 不過看到外牆還是有貼上幾款拉麵照片.周日中午來到, 門口沒什麼人排隊, 不過店內還是坐無虛席, 剛好有兩位客人結帳, 我們就能馬上入座. 店內地方著實不大, 盡頭是個以玻璃窗隔著的廚房, 前方兩邊則是單人吧台. 而店中央擺放了幾張長枱, 整間店能容納大約20人左右, 不過眼看座位都相當

喺大圍火車站行過嚟, 位置有D難搵本應12點開舖, 但係店員唔記得將店外嘅"準備中"木牌拎走, 都企左陣先有門口入坐低左, 起菜速度快, 麵條偏幼,微濕, 但唔影響夾起, 沾汁掛麵能力尚可可見廚房問題不大但樓面就出現左D小問題首先岩岩開市, 但就將顧客逼喺角落, 而兩位都係男士, 更加擠逼其二, 天花有小小滴水, 幸好喺枱嘅範圍以外其三, 店員落湯過少, 加左湯之後仍然好似直接飲沾汁咁

去到嘅時候已經夜晚十點半入到去先知原來收十一點，都覺得唔好意思咁就點左個竹炭胡麻黑蒜油拉麵同埋辛口肉味噌拉麵兩個屬於重口味嘅湯底同樣叫咗普通硬度嘅面湯嘅濃度為一般覺得啲面冇咩彈性，亦都冇咩特別好食個黑蒜油嘅味就唔出，冇正常嘅油香味鹹得來變得冇咩特色紫菜就得一塊，肉都係得一塊個肉就正常另外就係味噌湯太鹹，鹹到食唔到落去辣味就有少少嘅，不過重點唔係嗰度總之係成個湯嘅味都唔係咁協調其實個蛋就做得好好佢好入味，溏心位都做得啱啱好唔會太咸值得留意嘅事，佢水入面有放備長炭可惜最應該做嘅細節位做唔夠好多普通嘅拉麵店都做得出色過佢真係冇咩需要嚟le間食拉麵係可一不可再

農曆牛一戈晚屋企冇飯開，咁啱朋友仔約食飯，就揀咗佢女朋友住戈區大圍。想食日本嘢，行下見到有間食壽司，然後見對面個角落有間食拉麵的就過去試下，望下望下見到原來有鰻魚飯同蟹膏飯此等至肥物質，好想食 見冇位，戈個女侍應就帶我哋去隔離另一個鋪位…柳暗花明又一村咁款。入去見到有張BAR枱對住幾個人煮嘢食，之後就帶左我地上一層坐，很好，竟然同朋友們可以有房坐，可以盡情傾偈喇。不過要行樓梯，行動不便的人就要留意喇。同朋友坐低，左諗右諗，其實已鎖定要試下蟹膏飯同鰻魚飯，戈個女侍應知道我牛一，好有禮貌咁介紹左一D串燒，我地就是但揀左幾樣又是但叫枝清酒賀一賀去。我話D飯走蔥啦，但朋友又想食蔥，戈個侍應就話會同師傅講。等左一陣，鰻魚飯到先，一人食左一格鰻魚後，我覺得應該要記錄下哩個神聖時刻 師傅係將鰻魚生燒整飯，鰻魚燒到係有一浸薄脆包住魚肉架~~平時食戈D鰻魚飯好少有會生燒嘛。跟住到蟹膏飯仲勁，係每一啖都有蟹膏㗎痴線，勁開心~~仲要應該係戈個侍應同左師傅講，知道我地有人食蔥有人唔食蔥，戈個師傅用蟹腳分咗一半擺蔥一半走蔥，真有心！仲有個拖羅餅同串燒和牛，冇影相喇，但一定要食~~~我地忍唔住同個侍應講好好味。埋

作為一個拉麵控，聽到有蟹肉蟹黄拉麵，當然是走去試一下，價錢貴不是問題，好味就可以了，可惜事如願違。要讚的是拉麵的蟹香的確濃郁，有很多的蟹黃，說明是澳洲來的蟹，但是剛由雪櫃攞出來，蟹黃依然是冰凍，加上豚骨湯本身温度不滾燙，所以美味度大受影響。拉麵附有兩隻蟹腳，不太多有肉咬，亦不新鮮，半熟蛋呈啫喱狀但不太流心，麵條一般，收$168一碗及只限每天賣十碗有點名不符實。龍亭最大敗筆是服務，店已經不大，兩個女生理應綽綽有餘，但可惜其服務水平只流於快餐店，催促客人落單，女生介紹食品時如急口令，落單搶點菜紙來剔選食品，客人未點完就已離去。最大問題是收錯錢。當然其食品款式太多樣化，拉麵已有十多款，特別的如蟹黄拉麵、鰻魚拉麵、一口牛拉麵等等，再加上炸物燒物以及鰻魚飯、蟹肉丼，搞到變得不太專注。客人於八時是全滿的，門外有兩名客人等候。