占士牛肉飯有限公司 (已結業)

🎈咖哩牛肉飯 $50個人認為份量適合女士或少食多餐既朋友食，份量唔算多。牛肉煮得好淋🍖，入口唔需要太多咀嚼。味道上牛肉汁甜帶香😚，幾好食，以分量黎講價格可以。 ✦✦✦✦✦✦✦✦✦✦✦✦✦✦🎈麻油牛蒡 +$8酸酸辣辣，開胃小菜🥗。有牛蒡加芽菜，食得爽口又吊瘾。食牛肉再加啲配菜，味道亦不唔會太寡😜。✦✦✦✦✦✦✦✦✦✦✦✦✦✦餐廳環境用既顏色好暖和，坐得好舒適，有樓梯級向下一層搵座位😌。餐單主要以全日供應既牛肉菜式為主，位置係屯門市廣場地下中間馬路附近，要搵到餐廳唔會好遠🌍。

趁放假，去屯門市中心附近食一直想食既餐廳——占士牛肉飯。認識呢間店舖係靠社交平台follow開既食評，睇過相同評價都覺得唔錯，可以一試。去到附近，先發現間舖未開……係官方社交平台同舖面都搵唔到營業時間，於是搵返推介佢既社交平台foodie，望到係中午12點先開舖，係附近行多陣先有得食。去到牛肉專門店，無理由唔食牛吧？單點一個飯先係時光倒流價，加多個小食（再加埋一）成為套餐，其實同一般價錢差唔多。原本我想試下炸薯餅，但今日售罄，又唔想食咁多肉，所以選擇加溫泉蛋。經過QR code落單後，過一陣就有得食。咖哩牛肉飯- 咖哩汁偏向日式咖哩，完全無辣度。- 牛肉質感真係唔錯，有咬口，比起連鎖牛肉飯專門店既肥牛更好多。- 飯量頗多，可以用咖哩汁同溫泉蛋送飯。

店鋪設計行日式簡約風格，木枱木椅坐得唔算話好舒服，但有日式風味店鋪一直播住八九十後愛聽的粵語歌有點說不出的情懷因為第一次過來食，所以叫左招牌的普通牛肉飯本身諗住加薯餅，但咁啱賣晒所以加左炸雞第一時間飲左啖凍檸茶，一入口就覺得同平時喺餐廳飲嘅唔同比較似自己啖屋企整少少甜，剛剛好（無特別叫少甜）牛肉入口有牛味，醬汁調味剛好沒有蓋過牛肉的味道好難得喺街食到食物純粹的味道炸雞得3件，加左$18，偏貴味道普通，但夠脆整體而言，我中意佢地鋪頭嘅調味適中唔會只食到醬汁味而係真實咁食到食物的純粹味道下次會想試下咖喱飯

見到IG post 推介，決定黎一試。呢間鋪前身都係賣日式料理串燒果啲，鋪面無乜大改動，轉左賣牛肉飯，仲要聲稱平價。我地兩個分別叫左玉子牛肉飯同辣味牛肉飯，套餐必須追加前菜，我地加左麻油蓮藕片同薯仔餅，加埋加一服務費都要六十蚊左右，並唔係IG post 話三十幾蚊，仲要電話落單😅😅但收加一😅😅 不過套餐包餐飲，個凍檸茶都ok 既味道方面，玉子牛肉飯味道偏淡，辣味牛肉個味突出啲，牛肉都好淋身，幾好味。但碗飯就真係需要改善，又散又硬…埋單嘅時候都有反映，希望佢哋會改善啦🤣

今天中午在屯門市廣場行逛，肚餓的時候便在附近找間食肆落腳，占士牛肉飯好似開了不久，我未試過，看看門口poster,選擇不多，但價錢非常實惠，而且標榜用美國牛肉 ，於是便進去試一試。環境:簡约，一進內便被一幅灰牆吸引了，牆上掛滿了不同日本風⛩的畫。本身好想試試他們推介的咖哩牛肉飯$42，韓式牛肉飯$42 ，但實在一次試不到那麼多，惟有下次試試。今次我特意先試他們的招牌貨占士牛肉飯 $39，另加$8(有一小碟前菜麻油蓮藕和一杯熱檸水)牛肉腍淋， 味道有點像鹵水牛腩，白飯軟熟在屯門市廣場52蚊可以食到一個精緻的午餐， 實在是很實惠 。👍下次必試它推介的咖哩牛肉飯和韓式牛肉飯。