占美餅店

营业中

休息中

走入石硤尾個麵包店，氣味已經香到令人垂涎三尺🤤！今次黎試，首先係朱古力酥包，個表面金黃酥脆，一啖落去朱古力珠爆漿，微苦甜味就係咁喺口腔擴散開去，真係好正！想唔到麵包可以有咁的層次。之後試咗名古怪嘅《四兄弟包》，佢外觀普通，但啖啖都食到驚喜。內裏有肉鬆、煙肉等，每啖咬落去軟熟嘅麵包帶出唔同嘅層次，煙肉香而唔膩，同肉鬆鹹甜均衡，煞是喜歡！轉個頭又見到咖喱批，酥皮嘅外衣下藏著啖啖濃厚嘅咖喱香，辣味剛剛好，令人情不自禁多食幾個。唯一可惜係免治肉少咗少少，不過整體來講，價錢平民化之餘又得到高端的美味享受，確實難得一遇！下次呷唔飽，記得仲要試西梅包！😋🍞🥖

對於流心黃梅醬，喜歡黃梅醬而不喜歡黃梅雨的我十分滿足!表層的數層酥皮就如酥皮湯，香脆而有張力，有些許嚼勁呢。再來就一絲空虛的感覺，然後就是既稠密又軟綿的麵包。每嚼一下，都有麵粉的香味，讓人忍不住多嚼數下。黃梅醬多得滿瀉，掉下來的再放回麵包就成!

記得以前占美在太子有間分店，返工前總去買返兩個麵包當早餐食；不知什麼原因，幾年前忽然結業，之後想再買，便沒有這樣方便了。😅早前見某網紅半夜煎「雞尾包」食，見很多人回應，又說某間好味，又話這間不錯；之後自己便過去試吓，可惜失望而回。😓感覺還是最傳統的麵包店比較信得過，不但價錢相宜，品質更是高好幾班；麵包鬆軟，餡料超多，更帶有濃濃的椰絲香味，試過之後你都幾難再返轉頭。🤭#雞尾包 $5#占美餅店地址: 石硤尾石硤尾邨20座124號地下電話: 27792185

果占包上面有個酥皮係個面包😯咬落好有奇上脆下琳中空就有少少果醬酸甜咁結: 個包有驚喜，有特色👍🏻$10個還可以個人覺得十分值得試下點地就不是太方便#果占包#占美餅店

細佬生日 訂左生日蛋糕 因為太子分店無左 特登去石硤尾呢間街坊麵包店 下午二點時分都人來人往 好受歡迎服務好友善2磅蛋糕非常足秤 夠10個人食試過好多間餅舖生日蛋糕嘅我地 個個都話好蛋糕 忌廉 同生果都新鮮 忌廉輕盈唔濟下次再買

其實佢講麵包係好困難因為市面實在太多麵包舖了其實呢一間係我由細食到大嘅麵包舖除咗感情之外更加有嘅係佢好味道裝修後價錢係貴左但係我覺得佢嘅地理位置係方便嘅近石硤尾地鐵站近石硤尾街市我想講我好鍾意食呢度嘅菠蘿包雖然佢唔算某餐廳咁大個但係佢個味道夠香皮夠甜價錢中間喇 鋪面又唔似好高級既鋪但我覺得門面乾淨左

小時候讀書直到現在，仍然屹立不倒既麵包店，我最鐘意係佢既拿破侖餅，類型蛋糕咁大個，依家賣60蚊，其實比起以前已經貴左1倍，但真係好好食，所以久唔久我都會買個返屋企食。

成日聽老人家講呢間占美餅店既菠蘿占好出色，但而家佢地覺得比起以前貴左好多所以好耐無食了，不過都格左幾廿年，而家8蚊一個又唔算貴，呢日下午時間經過呢頭，終可以買個黎試下。入到去望左好耐都唔見菠蘿占，問下店員，佢指一指，話買淨兩隻咋，我地就揀左一隻菠蘿占加一隻朱古力酥。開頭就咁睇以為外表係菠蘿包咁，入面有果占，一食落去，原來係酥皮！酥皮包住整個麵包，外圍仲保持住脆度，味道好酥香。而麵包質感軟熟綿密，濕潤，有實在感，不是空氣麵包，餡料不多不少剛剛好，不會過甜。

由細到大都係石硤尾長大，到而家久不久都會黎占美買麵包食，特別鍾意食佢嘅蒜蓉包，又香又好夠蒜蓉味，就算未行入去舖頭裡面都聞到好大陣麵包味除左蒜蓉包，普通嘅方包，麥包都好好食，好軟熟，食完個包係會飽肚嘅，完全唔似美x個d包好似食空氣咁

呢間係我以前最中意既麵包鋪！❤️因為入面有好多特別款式既麵包係其他鋪頭無架！😚而我例牌必買：咖哩牛肉炸包😎👏🏻咖哩牛肉炸包 $7個餡依舊好食，但可惜今次個麵包凍左，又硬又乾😟 好似番炸過咁🤔#麵包 #炸包 #咖哩牛肉#bread #石硤尾佔美 #食評

搬到石硤尾新屋村居住已快將近一個月了，視麵包為正餐的我，第一時間，當然四處觀察有哪些麵包店石硤尾一帶的麵包店不多，來來去去也是那二三間，話說起來，有一間新開多個月的＜拓比歷＞麵包店在家裡對開樓下，但最廣為人知的就是＜占美餅店＞，大部份住在石硤尾的市民應該一定知道＜占美餅店＞在哪裡，亦曾經光顧過。不誇張，這間麵包店的麵包，就算是站在隔著幾條街仍可嗅到，令不愛吃麵包的朋友們也被那新鮮出爐的麵包香吸引過去。＜占美餅店＞屬於一條人流較旺的街道，不難發現，附近就是石硤尾街市和許多各式各樣的茶餐廳、粥品店、酒樓等等的食肆，地理位置較佳。是日下午時段三點三，一心想到粥店食粥，在遠處，未曾走過已無奈被那邪惡的麵包香氣不知不覺吸引著，最後只好放棄食粥轉戰麵包戰場了。在門外拍照時，還未甫進麵包店，那股誘人的麵包香已撲鼻而來，令人急急腳走到店內，看看有什麼好料別少看這些麵包，走進店內未足數秒，便可感受到麵包的香氣已散發到四周，讓人彷彿身處在天堂般的享受。四處看看，終於發現吸引我到來買麵包的就是剛剛出爐沒到一分鐘的「合桃包」，有如此大的吸引力，當然要買一件試一試它的實力到哪兒除了合桃包以外，亦挑購了一件「菠蘿

朝早起身，諗住到大家樂食早餐，點知走到落街，經過見到＜占美餅店＞的蒜蓉包剛好新鮮出爐，非常吸引！於是轉食麵包做早餐，就快快排隊購買蒜蓉包：拿上手熱辣辣，香噴噴的麵包入口軟熟，帶有香濃的蒜蓉味，香氣四溢，直呼叫好水準尚佳

石硤尾的麵包店不多,來來去去也是那幾間每次經過這條街,從遠處便可嗅到一陣新鮮出爐的麵包香,令人不知不覺走了進去雖然今天早上才剛剛吃了兩個菠蘿包,但面對如此強烈的麵包香,誰人會抵擋得了呢!而且媽咪的生日快到,食麵包當午餐可以省一點錢,買更好的禮物送給媽咪,何樂而不為呢?!入到去見到一款個名勁得意的麵包-四兄弟包$6,只聽個名根本完全猜不到是什麼麵包原來這款麵包是由四個細麵包黏著在一起的,所以叫'四兄弟包'四兄弟包$6:有肉鬆、煙肉等餡料,還有一層沙律醬,令麵包更滋味煙肉煙un度適中,麵包很紮實有咬口,沙律醬甜度恰好到處,令麵包更添美味

這間麵包店係石硤尾已經多年, 平時來到此區總會忍不住入去買D麵包回家食.見到有沙嗲牛肉包就買回家作早點, 一直都以為係一片牛肉作餡料.點知原來此店既沙嗲牛包係用上碎牛肉粒, 再加上洋蔥粒, 可惜係沙嗲味道不足.相隔一日先食這個麵包, 包仍然軟綿綿仍然咁好味.

早上經過此餅店, 買左個蟹柳肉鬆包做早餐可能早上關係d包都新鮮出爐, 個包特別鬆軟,除左包面有肉鬆外, 原來內亦包住肉鬆同蟹柳對於我喜歡食肉鬆既人來講這個包真係好豐富美味.