滷冰花

营业中

休息中

路過見小店既照片幾吸引，買左個豬手飯+自制冬瓜茶外賣。不得不讚是滿滿的自家心機之作，是連鎖店不可比的味道。尤其是自家煲的冬瓜茶，跟餐只加$10堅係好抵。下次一定會再試埋其他鹵水野。

第一次點了醉雞卷凍食酒香味吸引，鹵水併盆味道適中分量十足，小蕃茄爽脆。知道店主有做食物到會，點了幾款，又是分量十足，完全係用心製作，朋友們都讚不絕口，要我介紹給他們。欣賞店主親力親為，用心做食材。

某日路過看到店名很特別，第一次試一個滷肉飯，滷肉跟其他地方的絕對有分別，人手切的一小條味道好正，第二次幫襯家人生日叫到會，因為家有家人不吃牛，所以滷味分開有牛的拼盤，咖哩什錦，牛滷拼，大滷拼，醉雞卷鮑魚蝦，柚子沙律，韓式豬軟骨，滷肉飯，韓式炒粉絲，飲品 ： 消脂清熱冬瓜檸檬茶美白養顏桂花玫瑰茶養肝明目菊花杞子茶柚子沙律味道好清新，醉雞卷冇得輸，滷肉飯唔洗講啦！其實樣樣食物都好好味，全人手製作飲品同樣出色。我已推薦給兩個朋友，他們也大讚老闆娘用心製作價格公道。

支持外買小店。雖然鋪頭唔大。。開放式廚房。。一睇就知老闆娘有要求。有Heart的人。店內所有食物都係老闆娘親手製作金，一手包辦 。味道同出面一般鹵水店好唔同。食物種類都ok 。有我至愛嘅豬手系列。 有鹵水豬手。 醉豬手。 仲有老闆娘自制梅子做嘅梅子豬手。。 豬皮炆到軟林林。 肉質嫩滑。夠哂入味。。Yummy。。仲有非一般嘅手切滷肉飯。有冬落粒架。食落特別好味。又唔油膩！最欣賞老闆娘堅持唔用味精。。連飲品都係老闆娘自己煲架。😋😋清甜。好味。。食完唔會好口喝。抵讚👍👍。

太好味了，又健康。配搭冬瓜檸檬茶都只係加10蚊（單買要18蚊一支），超值。一個飯加支飲品先62蚊，好食之餘又健康👍👍雞卷酒味不太濃，剛剛好，味適中，肯定會再食。

在大角咀發現一間新開的小店，個名叫（滷冰花)，老闆娘好親切，店内所有食物和飲品都是自己整，我笫一次去問她有什麼推介，她介紹左手切滷肉飯，梅子豬手飯，醉雞捲飯 ! 最後揀左醉雞捲飯同玫瑰花茶，D醉雞捲好入味!

新開的台式滷水店，今日就支持一下小店，又可省腳煮飯時間🥣😄。手切滷肉飯+牛肚+桂花玫瑰茶：平時食開台式滷肉飯比較偏鹹和油膩，這個滷肉飯味道好入味，鹹度適中，唔油膩略帶有少少甜，撈飯食一流。長長的泰國米，軟硬適中，粒粒分明。雞蛋🥚蛋黃色澤靚（應該唔係cheap嘢呀😄，老闆娘話係湖北蛋），蔬菜和蕃茄拌食，罪惡感少咗。冇味精，食完唔會口渴。牛肚 - 腍淋好入味。桂花玫瑰茶 - 玫瑰加桂花，味道好夾又少甜。醉雞卷飯+牛脷：醉雞卷 - 好健康，用雞髀肉整，雞卷好結實，唔會散開，唔會鞋烚烚，酒香味之中有啲話梅味，好清新。牛脷 - 不太硬不太淋，有驚喜好少食到咁入味👍紅酒燉牛肉飯+冬瓜檸檬茶：牛肉配的汁好夾 ，牛肉炆淋，又係撈飯之選冬瓜檸檬茶 - 少見出面有這樣嘅配搭，好特別，消暑👍解渴又少甜。滷肉飯+雞翼+豬頸肉：見佢雞翼，色澤好靚，可惜今日賣晒，只剩一隻，照殺。小朋友之選👍既然特地來到這裡，當然要買埋個拼盤回家嘆😊大滷雜錦拼：一大盒所有滷水款式小食都有，好抵$188。出面的這個價錢只得一半份量，還有牛脷、牛肚、牛𦟌，良心小店。。。可惜牛𦟌賣晒。要下次再來買話梅小蕃茄：小蕃茄還剥埋皮，好考功夫。凍

發現附近新開左間小店、諗住試下、點知有驚喜喎👍🏻份量十足、真係大件夾抵食。重點係：好好味😋😋**話梅醉雞卷，醉蝦酒味剛剛好，唔會太濃，雞肉滑、蝦肉彈牙👍🏻👍🏻**滷水牛脷牛肚牛展，滷旦滷水牛腱同埋牛肚，入味夠淋。滷旦送飯一流、我連汁都撈埋🤣🤣平時放工加餸就啱曬、如果店舖大的會帶埋朋友黎試下。老闆娘仲介紹左幾款飲品、係佢自己煲嘅、好有heart👍🏻喜歡小店嘅熱情、同埋人情味、會再黎幫襯的🥰

老板用心煮，用心～係好重要的。滷肉飯，除了正，還是好正。我從不食肥膩的，但滷肉啱啱好。其他梅子豬手，燉牛肉👍👍👍😋😋😋又要講埋d飲品，冬瓜檸檬撲，玫瑰桂茶茶，菊花𣏌子茶都係一定要試的，真係好好味👍👍