叁拾壹堂高烤吐司 (德昌里) (已結業)

11點多，己經有很多人排隊買食物！呢邊其實比較難搵，店鋪是小店，環境上比較逼。店內有2張台仔，風格似台式小店。幾舒服設計！佢有唔同套餐選擇！如們簡套裝可以有薯條同野飲。而我地簡左蒜香雞扒蛋吐司 同 多層次蛋吐司，嘩！！！非常好食！😍😍雞扒軟滑配滑蛋一流！睇住多層次蛋 會加3層同沙津蛋 ，食個陣要小心沙津蛋會食到食手都係😂😂😂最後叫左杯凍咖啡 ，真係好難飲 ，好稀冇咖啡味，30蚊杯就唔值啦🙄🙄🙄

去開果欄，就喺附近搵啲light啲既野食😛間小店真係好隱蔽，但門面同室內裝修都好有style。一行到入去已經聽到老闆播緊BBC英文Radio😆食物種類大多系吐司，有散買或套餐，亦都有全日早餐。我叫咗豬扒蛋吐司，朋友叫咗雞扒蛋吐司，即叫即做，剛烤好既吐司好脆口，蛋同配菜令味道更勝一籌。薯條系粗身既，我最愛😍 套餐都系$55，但素質比得上好既貴價餐廳👍🏻👍🏻唯一不足之處系店內只有3個seat，唔可以三五成群去食😂

雖說這間地方極細，主要提供外賣，堂食座位只得三個的小店屬於油麻地區，其實它比較接近大角咀多些，不過這間小小的咖啡店位於一條小街德昌里上，既不近奧運站，與油麻地站又有一段距離，要非特別專程到訪，除了在附近居住或工作的人外，相信不會有多少區外人會知道這個地方。其實我本來也不知這間名字有趣的小店的，不過之前有飲食網站報導過它，說它售賣的吐司挺特別的，全日早餐又抵食，那便去試試它吧！從油麻地地鐵站前來，跟著 Google Map的指示往大角咀方向前進，大概行了七、八分鐘的路程，終於找到了它。地方極小的它，前面可供客人用餐的地方只得面向街外的高身座位兩個，旁邊還有一個位置可以用餐，除此以外，店舖後面便是一男一女，相信是店主兩夫妻製作食物和飲品的開放式廚房。店舖裝飾簡單，店外地下放有數盆盆栽，水泥牆上鑲有一個木架，上面一左一右放置著兩棵以玻璃杯子盛載的綠色植物，中間有一個「全日早餐店」的木牌，讓人一看便知道這小店賣的是甚麼。踏這店內，兩盆從天花上吊掛下來的盆栽繼續為這小店增添綠意，一部古舊的黑色撥輪電話也頗吸引，不過這店子最吸引我目光的始終還是那些垂掛在一邊黑色牆上的木牌子，上面寫著自愛、真心、醒

印象中看過幾個介紹依間小店既報導，今日去果欄途中見肚餓，專程拜訪。好鍾意台灣既早餐店，特別係三文治店，烤得脆脆的吐司，永遠夾著多得爆開既餡料。滿心期待著的⋯店子不好找，找到了才發覺是一家很小的店，廚房佔了店百分之八十的位置，勉強坐四個身型苗條的客人。絕對唔係比你坐低慢慢嘆既all day breakfast店。店裡就一男一女在廚房幹活，店裡坐著兩位啃著三文治各自各忙著低頭玩手機的食客，店外站著一位等著外賣的奶奶，廚房裡都已經夠忙了⋯麵包是用我們在超市裡都買到的嘉頓三文治方包，成本不低。沒關係，看看菜單，等外賣order準備好了，到我點餐。菜單上各種三文治，還有多士，炸薯條，麵等等。最後選了一份手撕雞炒蛋三文治。三文治一份分兩袋上，麵包自動烘底同飛邊，麵包烤得脆脆的，除了手撕雞和蛋之外，三文治裡還夾著拌了蛋黃醬的薯仔沙律，芽菜和生菜。味道唔錯，可以一試。尤其是住附近買外賣做早餐就更幸福了。

係油麻地返工 附近D野食到好厭朝朝咬麵包食到好想嘔同事屎忽痕上Open Rice睇吓有咩遺漏咗嘅餐廳點知發現到呢間新開嘅小店店面嘅裝修吸引咗我禁入去睇呢D風格得台灣日本先會有 感覺好新鮮食物種類唔多 單係專賣早餐就已經好吸引我對我呢D全日都想食早餐嘅人嚟講簡直係福音見到簡約早餐賣廿蚊 即刻同同事講佢問係咪係香腸,火腿,餐肉,煎蛋入面揀兩樣試吓咪知 反正廿蚊打電話落單叫老闆整定 同事再去自取同事拎咗一舊水去 仲問我$100夠唔夠比點知連外賣盒都唔洗加錢我地打開個盒未食已經覺得好抵係香港邊到仲有咁平嘅早餐 仲要有埋野飲雖然呢D係好簡單嘅食材 自己整都得但對我地呢D成日叫外賣又懶得自己整嘅人嚟講真係好好好抵多士烘到扑扑脆 太陽蛋拎到返公司仲流心咖 茶走唔錯 (有好多都好難飲) 呢D食材好難整得難食 唔扮食家評價了食完即刻寫食評支持吓 唔係講笑已經Share咗比D朋友真係好希望呢間小店可以做得住 💪🏿