古今二 (觀塘工業中心)

营业中

休息中

今日無聊無野做，就約左閨蜜黎到觀塘搵食。黎到工廠大廈隱世既日本餐廳。之前都黎過幾次。食過返尋味。所以今次又再黎食。首先叫左個小食，安格斯蔥牛卷。安格斯非常柔軟，入口即溶。中間既蔥就好有口感。真係剛柔並重，非常滿足口感一流。之後叫多個小食，昭和豆腐煎。豆腐外脆內軟。點啲醬油食更加提升味道。清清地非常健康。而且食得多豆腐對皮膚好。主食方面就選左炸雞芝士巻。上面放左啲脆脆。令口感更加突出。有啲燒汁去提升味道。世界級值得一試。最後就叫左個火山，呢個真係有火架。周圍啲食客都分分影相打卡。真係非常特別。打卡一流。

呢間食店人頭湧湧，真係「客似雲來」，是位於觀塘工廈的一間居酒屋，極度推薦佢嘅特色卷物同壽司🍣，帶子肥美，火炙魚生更不在話下，火炙後的油脂更多，入口即溶！ 特色卷物方面，今次點了「綠野仙蹤」，餡料有八爪魚、蘋果、蟹棒、牛油果、飛魚子，卷物上面還有粒粒芒果，都是來自日本新鮮的食材，即叫即做，入口味道豐富亦非常夾，好fresh，儀食一口都令人心情愉悅😍必點啊！燒物味道其實好好食，但係咁啱啲蘆筍有啲韌，難咬 ，有啲可惜。海膽炒飯味道不錯，但係冇壽司咁驚豔，而上面嘅海膽有啲苦澀，就麻麻。

我今日去觀塘遊玩，順道約同好友去位於觀塘道436-446號觀塘工業中心4期1樓B室的古今二食高檔日本菜。環境舒適，好有日本風味！我點左個超級龍卷風$88、煙花6件$79、超和豆腐煎$58及秋葵蝦肉天婦羅$68。超級龍卷風有鰻魚、海老、芝士、青瓜及脆片組成，囗感豐富及好味；煙花由辣味三文魚、辣味吞拿魚及脆片組成，好味又好食；超和豆腐煎賣相不錯，長方磚型豆腐煎得外層香脆，內裏香滑，好有豆味；秋葵蝦肉天婦羅好有咬口，薄薄的炸漿好香口，十分好味。

好味嘅卷物！再回訪！今次食第二間分店😚裝修風格同荃灣嗰間唔太一樣-•綠野仙蹤•入面除咗八爪魚同蟹柳🐙🦀️仲有蘋果蓉同牛油果 fresh得嚟比想像中夾上面加埋飛魚子 口感超豐富！-•龍卷風沙律•我嘅最愛 非常大兜 入面有蟹柳 海藻 各種蔬菜同埋唔知咩嚟但好香口嘅脆脆🌮-•海老天婦羅•不過不失 炸粉唔會太厚 外皮做到魚鱗狀 咬落鬆鬆脆脆👌🏻-•鹽燒鯖魚• 食鯖魚最怕腥 但呢個無乜腥味而且唔柴 魚皮煎到焦焦地 好好食😽-📍 #古今二觀塘工業中心4期1樓B室

▫️ 火焰金龍卷🍤($108）👉🏻卷物包住炸蝦，外皮酥脆，蝦肉爽口，再加埋芝士、油香十足嘅三文魚同火炙過後嘅焦香，超級惹味🤭⭐️⭐️⭐️⭐️⭐️.▫️ 雞腿肉串燒🍢($28）👉🏻 雞腿肉燒到外皮焦脆好香口，肉質嫩滑好香口，有鹽燒嘅味道⭐️⭐️⭐️⭐️⭐️.▫️ 紫蘇葉雞腿肉串燒 ($32）👉🏻同上面一樣咁出色，仲多左份紫蘇葉嘅清爽口感同冇咁膩⭐️⭐️⭐️⭐️.▫️ 秋葵蝦肉天婦羅 ($68)👉🏻炸粉唔會太厚口感酥脆，秋葵口感爽脆清甜，黏黏哋嘅口感加埋蝦肉🦐味道幾夾⭐️⭐️⭐️⭐️.▫️ 龍捲風沙律🥗($78)👉🏻 超級多蟹柳絲配埋蟹籽，再加埋新鮮沙律菜同脆片，食落好清新同有咬口！⭐️⭐️⭐️⭐️——————評分：7/10.平圴消費：~$180

今日同姐姐來觀塘工業區吃晚飯🍣#日本居酒屋風格 🇯🇵混合工業風 🏢燈光柔和舒適✅黑龍捲 🍣（$105）鰻魚牛油果芝士炸蟹柳卷物， 用料豐富，味道濃郁，層次口感。✅雜錦天婦羅🍤（$88）炸醬薄身酥脆， 配紫薯，秋葵，三款口感大不同， 擋不住的美味。✅照燒雞肉串燒 🍢（$39）醬汁調味不錯， 雞肉挺身不黏竹串。✅柚想蝦你沙律🥗（$98）賣相精緻， 充滿色澤， 粒粒晶瑩✅芝麻雞翼🐤（$38） 熱騰騰充滿芝麻香味，外脆肉嫩有汁。免費熱茶🍵 加上氛圍美食相伴 😋傾計傾到唔願走呀🥰

朝早淨係食咗個包，好肚餓好肚餓好肚餓！喺附近忙完決定要食餐好嘅慰勞下自己🥹🥹 好想食日本野，見到呢間幾多好評，就決定食呢間啦～.最吸引我嘅係佢啲特色卷物，同出邊餐廳嗰啲好唔同。想食三文魚所以揀咗個金龍卷，仲有炸蝦同埋芝士喺入面。上面個醬有啲似辣味三文魚個醬，好香好惹味，成個組合都好夾好好味😋.跟住懶係健康🤣 叫咗個龍捲風沙律。睇相完全冇諗過係咁大兜，一個人淨係食個沙律都飽，所以最後。。。食唔晒🫣 沙律上面有少少脆片同蟹籽，揭開咗層好震撼嘅蟹柳入面原來係中華沙律～ 至於個汁我覺得同啱啱食嗰個金龍卷差唔多，不過冇咁辣，同樣都係好開胃嘅味道。.其實仲有好多嘢食，刺身炸物燒物都有，但唔敢叫太多，淨係叫鹽燒牛舌同味淋魚乾。牛舌調味岩岩好，亦唔會燒到好柴好硬，淋淋地仲有啲汁🤤 至於魚乾燒過之後微軟，有咬口仲有少少痴牙，就係要呢個質感！表面本身已經有醬汁，但識食梗係襯埋蛋黃醬一齊食💯.餐廳裝潢得幾有誠意，坐得都幾舒服，價錢又算合理，下次約埋朋友過嚟，人多先可以叫多啲嘢食😛

🔸蜘蛛 $96🔸龍卷風 $72🔸龍卷風沙律 $78🔸古今日式煎餃 $56🔸宮崎味鹽牛舌串 $32🔸鹿兒島黑豚荔枝卷串燒 $32-Lunch同男朋友撐枱腳，嚟到觀塘工業中心嘅日式居酒屋，呢間居酒屋有好多新式創意嘅卷物，有創意得來又好好味。揀咗兩款特色卷物，蜘蛛係炸軟殼蟹、牛油果、加蟹柳；而龍捲風就有海老、芝士，兩款都好好有創意，好好味。再叫咗一盒龍捲風沙律，堆到成座山咁高嘅蟹柳絲，同生菜等配料撈埋一齊食，又新鮮又健康。另外在叫咗一份日式煎餃，煎得剛剛好，皮薄餡靚。仲有兩串串燒，男朋友最鍾意嘅牛舌，同埋食落好fresh嘅黑豚肉荔枝卷，都係燒得火候啱啱好，好滿足。

大家新年都食滯，今日我地揀左幾款較清新嘅菜式，一齊食我開心冇負擔，而且又可以打卡😂我自己好鐘意食菜，所以點左一份 龍卷風沙律🥗 大大一碗，砌到靚靚，我地四個一齊撈起！ 撈起撈起，撈到風生水起😂😂 好食好玩好意頭😂😂辣味三文魚pizza 微微辣好開胃，唔食得辣嘅朋友仔都食到，個底脆卜卜，好香口。火山 打卡一流，上枱後店員會開火，來一個真係有火嘅 #火炙壽司 ！ 真係視覺效果一流！ 秋葵蝦肉天婦羅🍤 我自己都好鐘意食秋葵，夠健康。但唔係個個都鐘意佢嘅口感，今次呢個天婦羅，外面脆卜卜，夠香口，裡面又有彈牙嘅蝦膠，口感層次豐富。唔食鐘食秋葵嘅朋友都一定唔會抗拒。櫻花茄子燒我平時都好鐘意食燒茄子🍆，今次呢個加埋咸香嘅櫻花蝦，更惹味。古今日式煎餃🥟 外皮煎到脆卜卜，咬落肉汁流出嚟，有水準！ 日式冷麵🍜 我發覺我地都好鐘意食冷麵，次次同佢地食飯都要來一碗，其實我一向都好鐘意飲好熱嘅湯。唔出煙都唔飲，所以不嬲都麻麻地冷麵，😂😂 but…今次冷麵又令我改觀。日式冷麵汁，配上蛋麵，味道香濃又勁彈牙！ 估唔呢個配搭係咁夾，令我對冷麵改觀了。

又去工廠大廈搵食，今次係去觀塘工廈，觀塘區好多好嘢食，呢間出名夠creative, 一於4個bestie 去搵食。龍卷風沙律$78有沙律蔬菜、海藻、蟹柳絲，再鋪上卜卜脆嘅脆片。材料夠新鮮，淋上微酸醬汁，惹味又開胃。火山 $128侍應捧上枱。一點火，一大座壽司山著哂火🔥真係好似火山，好震撼。壽司火山下層係牛油果、青瓜壽司卷。。。上層係滿滿嘅三文魚籽、蟹柳叠成小火山一樣，炙燒味夠濃。味道唔錯。賣相突出，大家食得很開心。壽司薄餅(辣味三文魚）$98三文魚壽司+薄餅結合一齊，原來咁特出，酸甜的壽司醬，加上小小辣味三文魚，再配上底部由壽司飯烘成嘅薄餅底。上面軟綿綿，下面脆卜卜。口感突出又好味。四個人都夠食👍秋葵蝦肉天婦羅$68最近愛上食秋葵，健康又好味，呢個餸將入蝦肉釀入秋葵內，天婦羅做法令到呢個秋葵外脆內軟。啖啖蝦肉有膠質有咬口。好香好食。日式冷麵$92冷麵加上蟹柳、青瓜絲。健康又清新。麵質夠彈牙爽滑，加上酸酸甜甜冷麵汁，好味。櫻花蝦茄子燒$68茄子🍆係我最愛蔬菜之一，大大條茄子，燒到剛剛好，外脆內軟，茄子面上鋪上好多櫻花蝦，配埋秘製醬汁，吊味又好味。古今日式煎餃$56餃子皮好薄，煎得好脆，豬

觀塘區的工業中心內很多地方都改成食市，有部分還頗有特色，這家日式餐廳的晚市看來人流還可以。反正7点後，客人陸續來了。餐廳的餐牌是沒有展示價錢的，必須在系統內下單時才看到。而食物都以套餐為主。套餐價錢亦相對實惠。二人套餐分三種，主要是價錢高低。一般498的套餐有刺身、沙律、壽司等。刺身是厚切的，新鮮味香，處理得宜，很不錯。龍卷風沙律味道清爽，最適合作為前菜。煙花壽司，把生吞拿魚腩碎沙律作主打，壽司下面滿佈薄碎，脆脆感覺加上吞拿魚腩沙律，味道還不錯。豚肉火鍋有辣菜作調味，是全部食物最濃烈的，但辣味仍是少許微辣。最後甜品來了綠茶雪糕蛋糕，是好的結束。

古今二 （觀塘工業中心）地址：觀塘 觀塘道436-446號 觀塘工業中心四期1樓B室交通方便，坐港鐵去到觀塘站D4出口,步行約一分鐘 美味入口滑溜富士山😋 富士山： 蟹柳 鰻魚 牛油果 脆片鋪滿蟹柳絲，蟹籽，脆片，粒粒軟糯米飯，包裹口感滑溜的牛油果，鰻魚做的卷物，口感軟滑，味道豐富。辣味三文魚卷： 三文魚卷一口咬落去放入口好滑溜，新鮮三文魚肥美，一件接一件，回味著😋日式麻醬豆腐沙律： 新鮮蕃茄仔 生菜 伴滑溜豆腐片，內面有蟹子和三文魚子加埋黑芝麻白芝麻，配上日式麻醬食落口非常之清爽古今日食煎餃： 餃子皮厚薄剛剛好放曬入口，煎餃子皮適中，可以鎖住肉餡加肉汁，香口。炒野菜： 新鮮有營養豐富，鰹魚片的鮮香，配入熱辣辣的菜蔬，材料配搭簡單，味道香濃 古今日食煎餃： 餃子皮厚薄剛剛好放曬入口，煎餃子皮適中，可以鎖住肉餡加肉汁，香口。

觀塘工廈不嬲出名多嘢食，試過佢哋其他分店，覺得有信心，所以今次喺觀塘附近做完嘢就過嚟食呢間！lunch time嚟到爆曬場，原來佢一個定食都係$70左右，都幾抵食！鍾意食三文魚嘅朋友，我會推介「金龍卷」，面層係三文魚，裏面仲包住芝士炸蝦，食落多重口感，唔使點豉油就咁食都好夠味！基本上每次我都一定會嗌「龍捲風沙律」就咁睇好似好大兜，但係因為佢加咗蟹籽同蟹柳，個味道有辣辣地咁，所以唔覺唔覺好容易就食晒成兜🤭

古今二呢間餐廳去過幾次，味道仍然不失水準！壽司薄餅（辣味三文魚）呢個薄餅好得意，因為下面係脆卜卜嘅餅皮，上面係新鮮嘅三文魚，而且味道係辣辣地，好惹味！海老天婦羅卷天婦羅個炸衣唔厚又好脆身，個客好彈牙，不錯！龍卷風沙律呢個沙律好大份，裏面有蟹柳，中華沙律，同埋新鮮沙律菜，呢個搭配好Refreshing ！昭和豆腐煎呢個豆腐外皮煙煙韌韌，裏便好軟滑，最上面嘅醬汁鹹鹹地更加突出到豆腐嘅鮮味！芝士年糕外皮炸到脆卜卜，裏面係流心芝士，睇個樣就知道好食！櫻花蝦茄子燒燒茄子好軟身，上面嘅櫻花蝦鋪滿一層，口感好豐富！

收工想食餐好嘅，揀咗之前去過專食日式卷物既〈古今二〉，貪佢卷物款式多，味道出色，仲有唔少小食同串燒揀。海老天婦羅卷🍤鰻魚青瓜卷🥒煙花🎆今次揀咗三款卷襪，餐廳會將佢哋擺埋一齊，估唔到賣相有幾唔錯，每款材料十足，值得一提嘅係〈煙花〉呢一款，每一舊上面都鋪滿三文魚蓉，而入面就係辣三文魚，食落好有魚油香，食得好滿足。小食方面就揀咗〈秋葵蝦肉天婦羅〉同埋〈味淋魚干〉，前者嘅配搭好特別，將蝦肉釀入秋葵入面，外面爽入面啖啖蝦肉，口感豐富；而魚干就燒得啱啱好，一啖接一啖好快就食晒。串燒方面，我同朋友嗌咗〈鹽燒白鰻〉、〈鹽燒雞中翼〉，白鰻燒得啱啱好，魚脂豐富，啖啖肉！雞翼一串有兩隻，同朋友share就最啱！