古味坊 (已結業)

今日嚟到元朗去行山 行完之後見有啲肚餓但又未到夠鐘食晚餐 於是就買住啲嘢食先 經過千色廣場隔離嘅呢間古味坊 聞到好香噴噴嘅烘焙味道 於是就停低睇下啦鋪仔細細只有一個姐姐喺度做嘢 所以都要等一陣 前面有幾個客人證明質素有保證啦叫咗個招牌伯爵茶古早味蛋糕 姐姐好細心咁問洗唔洗切片 切咗就更加方便進食啦 蛋糕非常鬆軟 入面仲可以見到好豐富嘅伯爵茶粒粒蛋香亦非常足夠 配上一杯熱茶就可以度過一個下午 非常寫意店舖仲做緊優惠買一盒蛋糕即送一件原味古早味蛋糕 原味蛋糕味道比較單調 不過雪凍佢嚟食做早餐又幾方便衛生喎

話說前post 講到上去朋友仔屋企玩 當然唔會剩係得章魚燒🐙咁少啦 經過呢間蛋糕舖的時候 聞到好香蛋味🥚 即刻忍不住又買埋上去開心share 見雙層芝士🧀口味($88/一盒)啱啱新鮮出爐♨️ 當然二話不說買呢款 朋友是芝士🧀愛好者 對佢讚不絕口 蛋糕的確非常鬆軟 質地比較綿密 面頭加左d椰絲🥥 中間有兩層芝士 芝士味好香濃 鹹甜鹹甜好正🤩 成個蛋糕真係好大嚿 一定要同朋友share 呢間舖頭仲有好多其他唔同的味道 下次想試下佢地伯爵茶味蛋糕 有興趣嘅朋友可以去試下👍🏻

而家係香港突然開咗好多間古早蛋糕店😆，呢間係元朗千色店對住嘅古早坊，好多口味選擇。佢哋嘅海苔肉鬆同埋朱古力我都好想試，但嗰日就得伯爵茶可以揀。所以就叫咗個伯爵茶嚟試吓。古早蛋糕嘅特色就係好大件😂，個蛋糕成個枕頭咁，好厚。蛋糕口感都鬆軟，但唔係軟滑個款，佢哋嘅伯爵茶比其他地方平時嗰啲伯爵茶蛋糕濃好好好多🤪🤪。睇到佢蛋糕嘅色水就已經睇得出有幾濃，甜味尚算適中，但係我鍾意甜啲。但整體都幾好味😋😋另外仲叫咗個百香果果凍，解暑一流！

去朋友屋企玩, 定係番長輩屋企，總不能夠兩手空空上去吧，簡簡單單買條古早味蛋糕，做茶點，做下午茶，既不會如奶油蛋糕般肥膩，也不會食後有超重罪惡感。無論是小朋友或是長輩，也可以輕鬆品嚐。今次買了元朗西菁街的古味芳，一底底蛋糕新鮮出爐無花無假，睇住店員 把一底蛋糕分割， 新鮮療愈又有滿滿的蛋香。雙層芝士蛋糕很鬆軟，雙層芝士就有double的芝士味，樸實中又帶點不平凡的質感，看著吃著心情都得好好。芝士肉鬆蛋糕體就有淡淡肉鬆香，還吃得到一些椰芝士絲口感溼潤，不會太乾柴，鬆軟有彈性，一口一口吃進淡淡芝士肉鬆香..小麥沒有多花俏的蛋糕體，很質樸，就像平時吃得到的麥麵包，簡單卻很喜歡，一個幸福的午後時光。

古早蛋糕舖開到成行成市，元朗終於都開返間啦。買咗一個黑糖蛋糕、一個紫薯蛋糕，兩個都係冇餡嘅蛋糕，相對健康少少。黑糖蛋糕好鬆軟，食到濃郁嘅蛋香味，黑糖就唔太突出，蛋糕唔太甜好易入口。紫薯蛋糕真係好香紫薯味，陣味一啲都唔化學好天然。兩個蛋糕都唔係好甜，食多少少都唔會滯。包裝盒提示常溫保存一樣，雪藏保存三日，大家可以留意下。買蛋糕嗰陣鐘留意到有埋其他甜品，例如啫喱。下次會試吓佢有餡嘅蛋糕，芝士味同肉鬆都好似好吸引。

元朗呢間蛋糕每日新鮮製作，係每小時現烤！鋪頭出面都會貼住今日有既口味 ，而且佢地會定時換口味且仲要，好吸引😋今日見到出面貼就有肉鬆，芝士等等，揀左好耐😂🤣～最後揀左流心芝士同芝士 蛋糕 價錢大概$50到，經濟實惠而且大大份呢個蛋糕係蛋白蛋糕，口感鬆軟綿密，濕潤度高😳❤️ ，食落唔乾唔太甜。蛋糕中間有一層半溶芝士，一層厚厚既芝士食落好濃郁，而且唔係薄薄一層，古早味蛋糕來講個如果加蛋黃有蛋香味嘅話會更正。

有人喺元朗行千色廣場聞到浸好香嘅蛋糕味，原來喺後巷開咗間古早味蛋糕店。望到啲蛋糕啱啱出爐真係好吸引，揀咗一個黑糖味蛋糕，拎上手好重，證明好足料。另外仲買咗一個提子啫喱過下口癮。蛋糕本身真係好大個呀，岩岩好裝滿個紙盒，一打開就聞到好香嘅蛋味。蛋糕雖然已經cool down左，但切落仲係好軟熟。食落濕潤唔乾，唔算好甜，黑糖味可以再重啲就更正。個啫喱都有驚喜，應該係加左大菜，有小小爽口既口感，甜度岩岩好。

古早蛋糕愈開愈多，開到千色附近都有，成日經過都聞到好香蛋糕味~平時淨係食原味，今次試試老闆娘推介新口味小麥胚芽😎小麥胚芽是小麥發芽的部位，因此小麥胚芽營養價值很高，但本身味道較淡，所以應該是最接近原味的蛋糕，卻因為加了小麥胚芽，比原味更好吃！喜歡古早味但吃膩了可試試這個口味😋粒粒金黃色的胚芽均勻分布在蛋糕內外，令蛋糕保持着濃濃的蛋香之餘，還多了一點燕麥甜味。表層也沾滿了小麥胚芽，更添一份鬆軟口感。除了蛋糕外，還有色彩繽紛的涼粉💙💜💛💚♥️百香果涼粉味道清甜、口感獨特，比啫喱爽口，大熱天吃十分消暑🥳

之前食過古早味蛋糕，覺得同之前早餐食既雪芳蛋糕差好遠，呢間元朗既古味坊有唔少款色既古早味蛋糕同甜品，我都買左做早餐同零食。雙層芝士蛋糕（一盒）$88芝士蛋糕成日食，但雙層芝士既古早味蛋糕真心比較少見。老闆好貼心幫我切埋，方便我之後食。橫切面好靚，食落好綿密軟熟，除左蛋糕蛋香味，仲有芝士味，但就算食2件唔會膩，早餐食2件加杯奶剛剛好伯爵茶蛋糕切片$15除左成盒咁買，我仲想試其他味道，伯爵茶味好出，雪凍食好解暑，而且咬落好軟綿綿，唔會一咬即散綠茶蛋糕切片$12呢個綠茶蛋糕切片都幾抵食，算大件，而調味剛好，食完有綠茶澀澀地回甘既味道香芋布丁$15口感好滑，香芋布丁既紫色好吸晴，，一啖食落去有濃濃香芋同奶香，做下午茶小食一流，唔會好飽有過到口癮

元朗千色隔離開咗間古早蛋糕！位置都幾就腳。鋪面已經係勁有台灣味，簡簡單單，唔花巧。要咗件雙重芝士 $88食落真係個唔花巧嘅原因係有實力！原來蛋糕可以咁soft咁綿滑～雙重芝士一d都唔濟，反而帶黎咸香，中和返其實唔算好甜嘅甜味，令到你食完一啖再一啖，一啲都唔濟，完全唔使驚想飲水！一件蛋糕全家分又得，留返少少第2朝早餐又得。芋頭味布甸，其實似奶凍多d估唔到咁香芋頭味，食落唔會太爽滑，反而似飲芋頭鮮奶咁，係口到融哂！正！

呢間台式古早味蛋糕小店係千色廣場後面，小店地方唔大，古早味蛋糕有好多款味道選擇，口味大眾化，例如芝士，肉鬆，朱古力，黑糖等等，每一隻睇落都好吸引咁，除左古早蛋糕，仲有特色雙皮奶，真係花多眼亂。◾️原味古早味蛋糕蛋糕賣相唔錯，原味可以食到香濃嘅蛋香味，質感鬆軟，蛋糕食落比較濕潤，唔會乾爭爭，口感好軟綿，蛋糕彈性唔錯，厚實有質感，食落甜而不膩。◾️抹茶古早味蛋糕 抹茶味突出，每一啖都食到濃郁嘅抹茶味道，同原味蛋糕一樣，都係超級鬆軟，比起原味我更加鍾意抹茶味，比較清新。兩款蛋糕即使放左一日仍然可以保持濕潤。◾️西米紅豆雙皮奶雙皮奶入口香滑，奶味濃郁，唔會過甜，所以加埋黑糖甜味恰到好處，口感細膩，加埋西米紅豆一齊食，層次再豐富d。

小妹同🐨係元朗掃街😋想買啲手信番去俾🐨爸🐨媽試下咁啱經過呢間古早味蛋糕店聽講幾好食😋所以買黎試下✨小妹今次分別買左兩個口味🥰 打開盒超香😋買返屋企個個人都爭住食😋😋 等我哋下次再買埋其他味試吓先😚抹茶蛋糕 $60/盒 $35/半盒抹茶味真係好香嫁🍵蛋糕仲保持濕潤❤️同時咬落軟綿綿😍好好食😋朱古力蛋糕 $75/盒 $40/半盒朱古力味好重❤️但係唔會好甜👍🏻一樣保持到濕潤同鬆軟✨食得出香香嘅朱古力味🍫真係好滿足

呢間古味坊位於元朗千色店附近，我又再次買嚟食😋，而去又出咗好多咗幾款新口味😋，我就試咗三款!.咸蛋芝士/雙重芝士呢兩款都係有芝士，咸蛋芝士好香嘅咸香味😙有帶有芝士嘅味😋，食到入口味道特別🤔，又唔會好咸!雙重芝士蛋糕面放咗D芝士碎，令到賣相更加吸引😍，相重芝士味道令到蛋糕更加香😙更加濃郁!.伯爵奶茶食到入口聞到好香😙伯爵茶味，感覺帶有甘香嘅茶味，味道十分之濃郁😋好好味，蛋糕又夠鬆軟蛋味十足😋，甜度恰恰好👍!.玫瑰鮮花餅食到入口好有口感🤔，聞到好香玫瑰花嘅花香味😙，咬入口好烟韌又唔會好甜😋!.香芋奶凍好香芋頭嘅香味😙，食到入口好香甜滑口😋軟綿綿，甜度適中味道都幾好!

係千色食完Lunch~ 見到又有古旱味蛋糕~ 蛋糕每日新鮮製作 (而且都幾平) 又忍唔住買黎做下午茶想試下唔同嘅味道 決定買半份半份~蛋糕嘅質感都係軟身 食落鬆軟 但又比平時食過嘅古早味蛋糕硬身少少 所以好飽肚做得最好係 唔會太甜 比較健康大人小朋友都岩食！抹茶蛋糕 半份$35打開包裝就已經聞到陣抹茶香味！幾清香! 不過就唔算好吸引 但最好食就係流心鹹蛋芝士蛋糕 $40一切開就見到滿滿流沙咸蛋咸蛋味好濃郁 芝士味就偏淡 但都會微微食到~食完一件又一件~ 推薦大家試流心鹹蛋芝士!!

一直都好沉迷去食古早味蛋糕，今日喺元朗經過呢一間古味坊，見到竟然有我好鍾意食嘅鹹蛋芝士味，就忍唔住買咗，用另外想試多幾隻味，就買咗切件。咸蛋芝士蛋糕即刻食會係好軟綿綿，中間嘅鹹蛋芝士非常之惹味，好推薦，我返到屋企另外仲用焗爐去焗返熱，之後外面係會微微咁脆，而中間係非常之鬆軟😍😍。切件 - 原味蛋糕非常之濕潤鬆軟，而且蛋香係超級濃，聽老闆娘講，佢哋淨係用蛋白嚟整，就會更加健康同埋鬆軟！切件- earl grey味呢個真係不得了牙，伯爵茶味好濃郁，但係好似冇原味咁鬆軟棉襪同埋濕潤，但係整體來講都好好食！下次會試一試其他口味，好想試抹茶！😍💚📍 古味坊 元朗西菁街9號富盛大廈地下45號舖