古早台居

营业中

休息中

今日閑日中午接近下午茶時間過咗嚟旺角，少少肚餓又唔想食太飽就落咗去T.O.P最底下嗰層嘅food court搵嘢食好多學生喺度食緊飯，但係因為呢一層都幾大枱好多叫咗個香酥雞扒同埋炸花枝丸食品製作時間俾我預期中快炸起即刻食新鮮滾熱辣始終呢啲即炸食物都係即刻食會比外賣好脆卜卜雞扒炸得外脆內軟，仲好多肉汁花枝丸炸到表面脆卜卜，但係入邊又唔會好乾，少少彈牙因為只係想食少少，所以冇特別叫套餐亦都冇單點叫嘢飲下次會想嚟試吓飲佢嘅台式飲品

話說一直知道旺角TOP 最低嗰層有food court，但都未有機會去試。朂近同朋友去睇下，先發現呢間台式餐廳，學生餐都係50幾蚊，仲包一杯手搖飲品，超級抵食。吾揀學生餐，單叫再加飲都係加19蚊左右！

放學緊係要搵啲有學生餐食既餐廳今次黎左一間台式餐廳，叫左個台式滷水雞翼肉燥飯餐。雞翼竟然有成4隻咁多，真係有啲嚇親，因為出去食飯多數都係得2-3隻。肉燥份量都唔少，食到最後唔會得返白飯肉燥真係送飯一流，好香，每一啖都係滿足，令人食極都唔停好易入口學生仲有得送飲品（珍珠奶茶／荔枝綠茶／芒果紅茶／茉香奶茶），我就揀左芒果紅茶，芒果同紅茶味道好夾，又唔會太甜好易入口

13/9/2023 下午5點左右左個下午茶餐（士林香腸肉燥飯+ 荔枝綠茶）-個肉燥飯幾好食，杯野飲超難飲，冇味，甜味都冇，我又冇叫過少甜少冰，仲話係新鮮手作茶飲😒-鋪頭都幾衛生乾淨既，但員工態度就真係差，收銀個呀姐好似食左火藥咁，黑口黑面，說話尖酸刻薄，我比錢用八達通比，比遲少少都喝你，拍卡啦，怪唔之得世界各地遊客都話香港餐廳員工態度差，真係多謝你地又令到香港連續幾年榮登全球餐廳員工最差勁既第一位！

旺角食肆雖然多，但係要方便輪椅進入嘅都唔簡單，商場就係比較簡單放便除朗豪，自從T.O.P開就系最佳選擇呢度地庫層有美食廣場，能夠方便輪椅之餘，價錢亦都算係大眾化行咗一圈之後，決定食臺灣嘢； 30幾40蚊就有一碗飯，再以半價購買飲品臺灣百頁豆腐肉燥飯$46，加$18選擇紫薯鮮奶肉燥煮得好香，有臺灣風味打，可惜比較少，撈飯有啲唔夠喉百頁豆腐外脆內柔滑，而且咬落去個心仲係熱嘅，味道新鮮另外仲有半隻滷水蛋，非常入味兩片酸蘿蔔亦都唔錯但係個紫薯鮮奶就令人有啲失望，冇咩紫薯味

今天去旺角吃午飯。去位於TOP 地庫的Food court。 我選了依個Foodcourt裡面最多人食係餐廳。我叫左鹽酥雞肉燥飯。雞份量都幾多。味道就一般。可以食到好飽好飽。味道正常。感覺唔錯。

今日嚟開旺角呢頭😌行到嚟TOP呢一個商場發現最底嗰一層有一個美食廣場😚呢個美食廣場有幾間唔同嘅餐廳，我就揀咗呢一間台灣嘢做午餐🤓睇吓餐牌發現都有好多唔同選擇嘅台灣餐點，都係滷肉飯米粉等等😗😗值得一題就係佢呢度有啲學生餐都幾優惠嘅🤩學生餐包埋飲品都唔錯，學生餐大概就$55至$56～喺旺角嚟講都OK！我就點咗一個學生餐，紅燒豬軟骨飯😙係肉燥飯嚟嘅，餐有荔枝綠茶～呢一杯嘢飲就冇得走甜，叫咗少甜都好甜🥲🥲味道不過不失啦🥹簡單嘅午餐都OK嘅😆😆

-🔸鹽酥雞肉燥飯 $49🔸紅燒豬軟骨麵 $51🔸宇治抹茶鮮奶 +$17🔸荔枝綠茶 +$12-收工同男朋友去德福廣場行街，行過Foodcourt就入去食個晚飯，揀咗依間台灣餐廳，貪佢快靚正，三分鐘就食得。鹽酥雞肉燥飯嘅鹽酥雞件數好多，仲卜卜脆，肉質亦唔會老嚡，配肉燥飯好快就餸晒成個飯。另外紅燒豬軟骨麵嘅麵底係粗嘅台灣麵，湯底夠濃郁，仲有少少配菜，主菜豬軟骨炆得好稔好入味。食完飯飲返杯台式手搖，真係夠晒滿足！

D服務員講嘢好串我一去到就叫咗個魷魚肉燥飯，比錢之前我問個女服務員：唔好意思，可唔可以比多D汁我啊？女服務員：冇㗎，加汁要比多$9我心唸而家加多D汁都要比錢？咁我就唔要啦點知個飯食兩啖之後D汁真心太少了，我就攞住個托盤問另外一個男服務員加$9比多D汁我啦⋯⋯結果嘟完錢之後佢幫我加嘅汁連個細碗嘅五分之一都冇，屋企普通匙羹一勺左右啦！咁我當下就開始有D燥底喇！我問：我都加咗錢啦，可唔可以比多少少啊！男服務員：我地公司規矩係比得咁多㗎，你唔信問老闆啊，老闆係隔離。咁我就直接同個老闆講：我加咗錢你都俾咁少汁我，係要我食白飯啊？最後個老闆先要個服務員加多D汁俾我

當出街既主要目的唔係食，food court 就是成為我們一家人既熱門飲食地。這一天來了旺角行街，到了中午要食飯既時間，我們就想起了 T.O.P. 地庫層的 food court。這一次，我看中了場內的台式食店，於是就在《古早台居》來一碗台灣麵。是不是古早味我就不知了。當時，我只看中他們的台灣麵。我點了一客酥炸豬扒麵。我要了寬條的關廟麵，包含了一個濃香的牛肉湯底及一隻鹵蛋，而香香的酥炸豬扒就分碟上。豬扒的話有濃濃的酥香，沾一沾麵湯，濕濕地咬入口，味道更加升華。麵條夠煙韌，即是，夠可口啦。我加點了一份蚵仔煎。之不過，出來的所謂蚵仔煎就十足十一片煎蛋餅。不吃入口也不知道這是蠔餅。而且，沒有蚵仔煎那軟QQ的口感，所以，這只是一片蠔餅。最後說的是珍珠奶茶。加了少許黑糖，甜度也控制得好好，淨是飲品的評價，算是好好。只是，店方給的珍珠不夠多。主食，麵食，看來是不錯的，而小食類及飲品類，就需要 improve 一下啦。

今日經過附近，買左個下午茶返屋企食，落單果店員應該係新嚟嘅，同佢講左幾次外賣拎走，佢都係幫我打堂食，叫佢幫我杯紫薯鮮奶加珍珠，佢又無幫我加到，買左個鹽酥魷魚穌肉燥飯同紫薯鮮奶少冰少甜，d魷魚穌返到已經淋哂，埋單68蚊，食物質素一般

古早台居 (旺角)呢間台灣餐廳位於T.O.P嘅地牢，選擇好多，台式特飲跟餐的話只需要加$15😎而且CP值超高🤎🔺無加一服務費🔸古早味炸雞卷 肉操拌麵餐 $49雞卷嘅皮非常脆，咬嘅時候聽到卡卡聲❤️入邊應該係雞脾肉，一啲都唔乾，仲有好香嘅雞油🤤肉燥滷得好入味，幼麵好滑有少少彈性💕掛汁力強👍🏻白蘿蔔同紅蘿蔔都係用水煮，冇加其他調味～滷水蛋入味～隔離有一碗比較淡味而深色嘅汁，應該係倒落肉燥拌麵到食嘅～唔鍾意太乾嘅朋友可以加啲☺️➕黃金芋圓球 $9芋圓仔炸到外脆內軟，唔會好油👏🏻入面滿滿嘅芋泥💜，幾有咬口，甜而不膩👍🏻➕雪酪草莓沙冰 $10飲落似士多啤梨果醬加冰打出嚟嘅味，唔係好香嘅士多啤梨味🙅🏻‍♀️

因為疫情關係，今日放工嚟咗旺角top商場既food court賣外賣返屋企食。見到有台灣嘢，一於揀呢間，揀左兩杯野飲加一個飯✅肉燥鹽酥雞飯鹽酥雞份量超多，外層好鬆脆，一啲都唔油淋淋，雞既質地都好juicy，值得一試👍🏾滷水味道都好適中，撈埋啲飯食一流，仲有佢份量都算多，性價比高。✅台式飲品另外叫左杯青蘋果綠茶🍏酸酸甜甜，幾解渴，但稍為偏甜咗少少；仲有杯黑糖珍珠奶茶，奶味都濃係黑糖稍為甜咗少少，建議嗌少糖就岩岩好😉

之前食過呢間古早台居覺得好好食,性價比好高,每樣食物都大大份,尤其係杯飲品,超大size.今晚要OT就同同事買呢間既外賣,我地叫左鹽酥雞肉燥飯加宇治抺茶鮮奶,滷水雞翼麵加青蘋果緑茶.鹽酥雞肉燥飯~鹽酥雞炸得好香脆,但又唔會油膩,肉質依然好juice,嫩滑,唔乾身,好出色.肉燥調味得好好,滷蛋好入味,成個飯好豐富,好好味.滷水雞翼麵~有4隻雞翼,色澤好靚,滷得入味,肉質嫩滑,麵條似刀削麵,好爽滑,同事話好好食,以後可以當飯堂^^宇治抺茶鮮奶~口感好順滑,奶味同抺茶balance得好好,唔會太甜,仲有粒粒紅豆,超好飲.青蘋果緑茶,跟餐半價,超大size,酸酸甜甜咁,好fresh.

同朋友行到攰攰地 就係T.O.P.地庫food court搵野食見到有台灣菜梗係一於試吓啦🍽滷水雞翼麵雞翼滷得夠哂入味台灣麵麵質彈牙 湯頭亦非常濃味🍽酥炸豬扒肉燥飯即叫即炸炸粉唔會太厚炸得夠哂酥脆而肉燥味道都唔錯豬肉碎肥瘦適中撈飯食一流🥤百香果紅茶茶底夠濃百香果酸酸甜甜 好fresh飲落去每啖都可以食到一粒粒百香果籽🥤宇治抹茶鮮奶質感幼滑 味道超級香濃抹茶味好出2杯飲品都有驚喜 唔會一味死甜或假甜個種