影片
以上资料只供参考，请与餐厅确认详情
食家推介
招牌菜
聽朋友講 呢到既牛肉麵好好食今晚放工就一於過黎試下牛肉麵可以揀唔辣 少辣 中辣 同大辣唔係太食得辣既我 就揀左少辣食麵之前 先飲下啖湯都幾香 有少少藥膳味不過小辣 我都覺得辣左少少麵質唔係我預期既爽口 而係淋既牛肉煮得好淋👍🏻但整碗麵同牛肉 比例上 我都覺得少試完牛肉麵 仲想試埋牛根麵牛根也很不錯 很淋很入味👍🏻只是 份量也是略少了一點餐前小菜是每位客人坐下也會有的收費只是$6 很合理另外 我地點左雞絲拉皮無咩特別驚喜 但也不差 只是味道略淡左少少最後試埋紅油抄手微辣 皮厚左少少兩個人食埋呢個 真係飽了 少少意見係 侍應無咩提供過服務加茶都係要自己出聲
继续阅读
夜晚去九龍城搵朋友攞嘢，攞完野順便喺附近搵食，盲中中嚟咗呢間台灣牛肉麵，第一次來食嘢。星期日晚黎都冇乜人，我哋兩個大人一個細路，即刻有位唔洗等。唔覺佢哋有卡位，但係竟然有BB櫈，都算幾好啦。我哋叫咗個二人套餐，燒排骨燒到過咗龍，好un呀，賽螃蟹好食，湯米線、雞絲粉皮、粟米湯都唔差，跟餐仲有一個滷肉飯架，不過太好味，比我老公食晒了，所以影唔到相，哈哈哈。最後落樓$250，晚餐黎講算抵食，雖然係二人餐，但係我哋兩大一細都夠食。環境唔差，坐得幾鬆動。
继续阅读
作為台灣人媳婦既地道香港人，對香港所謂的台式食店都沒太大祈望，以為味道似台灣口味，便帶台灣丈夫去試，結果又被炳! 今日嚟開九龍城唱K, 唱完行出嚟搵下午茶食。同行長者話唔食辣嘢，我喜愛的泰式無望。想入清真食牛肉餅，又冇位。行過幾條街見到台灣牛肉牛筋麵，唔辣，啱老人家了吧？叫了幾樣下午茶小食及牛肉麵，分別烤夫，筍，醉雞翼，三樣都好味的。(另水餃冇影，一般而已。)麻醬粉皮，醬料落得太孤寒，再加多少少醬汁更佳。再買外賣牛肉牛筋麵比丈夫，地道台灣人的食後感，湯頭濃味，牛筋都夠淋身，但麵質較硬。我問他似台灣的嗎？他說，都有七成半既，咁都好，唔駛比人炳。😂😂😂
继续阅读
過完端午節，今日就復工，又不想食頹canteen，所以就算好熱，又曬，都係同同事行出九龍城食，要行3個字今次就揀左食台灣牛肉麵。呢間舖lunch可以一個湯麵或小菜加飯，再加一個小食，加埋都係$50蚊內就搞掂，唔算貴丫。今日揀左紅燒豬軟骨麵，加麻醬粉皮。先食麻醬粉皮，青瓜絲夠幼，粉皮唔會太厚，撈埋芝麻醬食，口感清新，又幾好食喎再黎食紅燒豬軟骨麵，先試湯底，湯唔會太濃，味道剛好。豬軟骨夠淋，可以食埋啲骨Lunch係九龍城諗唔到食咩，都可以考慮下呢間
继续阅读
下午茶時間黎到，人山人海，除左價錢實惠，果碗鹵肉飯真係好好味！雖然油d，但係真係有食完再食既衝動。牛肉麵就一般，用牛腱黎整湯可以，可能我真係覺得飯好食d😂飲豆漿同菊米蜜桃特飲都係$8，真係抵到暈。鹽酥雞都不太出色，炸得乾身無肉汁總結都唔錯，嘿嘿⋯為食得黎有要求
继续阅读