台灣麵

营业中

休息中

星期六晚七點來到,  店內大約八成滿, 仲有幾張吉枱, 先坐係二人位等人, 到朋友來了, 我們再改去坐了一張4人卡位 (其時餐廳走了幾枱客, 可以轉位)叫了一個牛三寶拌麵, 貢丸湯, 凍咖啡先來貢丸湯,  一粒貢丸對切扮兩粒, 有點搵笨.牛三寶拌麵, 肉同麵是分開上的,  肉包括牛肉, 牛肚, 牛筋,  各兩大件,  也很入味,拌麵選的係粗麵, 煮得剛好,  有咬口.凍咖啡一般般,  只係熱咖啡加了半杯冰,  叫了少甜都仲係偏甜.環境干淨, 大部份係卡位,  但卡位偏細,  以二人枱為例, 大約就係放到兩碗麵加兩杯飲品, 好似我地兩個人, 叫了兩個套餐, 每份一共有4份 (包括湯, 肉, 麵, 飲品) ,二人枱基本係放唔晒的.隔離座係4人, 佢地額外再點多兩份小食,  結果店員要拉多一張兩人枱先放得晒, 好難想像假如客滿, 點了的食物點樣先可以放落枱面呢. 最扣分就係味精超多,  七點的晚餐 (食完大約八點),  返到屋企十一點都仲好口渴

餐廳位於教育路地舖, 以地道台式料理及台式飲品為主, 環境帶暖色系, 設多個卡座✨自行掃ǫʀ下單, 非常方便, 有系統完全沒有漏單情況, 值得一讚👍🏻我們點了台灣麵二人餐 $台式豬軟骨滷肉飯🐷豬軟骨軟稔入味, 軟骨Q脆帶肉, 滷肉飯軟嫩口感甜中帶點鹹, 送飯一流酥炸排骨湯粗麵🍜炸得很酥脆、醃得十分入味, 肉質鬆軟、口感極佳肉燥油麥菜🥬口感鮮嫩清香帶爽脆, 配上肉燥更加豐富小食紅油抄手味道帶麻香, 醬汁又帶點黑醋味, 十分開胃台式滷大腸 口感Q軟, 滷水風味濃郁, 味道不錯湯🥣酸辣湯略嫌味道比較酸海帶貢丸湯味道清淡卻帶鮮甜, 非常滿足飲品百香果椰果珍珠奶茶🧋胚芽奶茶 二人套餐非常豐富抵食, 午市坐無虛席, 上菜有效率, 服務不錯

今日試咗台灣酸辣面，真心覺得好好味！碗面睇落有啲似碗仔翅，但酸辣味都非常香，一試就愛上。每一口都充滿滋味，最後成碗面都俾我清晒，根本停唔到！台灣嘅粗麵條咬口十足，口感特別好，配埋湯汁，簡直係絕配。講埋我點嘅飲品——咸柑桔凍頂烏龍加蘆薈。飲品唔單止解渴，味道仲清清爽爽，特別適合炎熱嘅天氣。蘆薈嘅加入更係令我覺得呢杯飲品特別適合愛美嘅女士，健康又好飲！總之，呢次嘅用餐體驗真係非常滿意，台灣酸辣面同飲品都係必點之選，真心推薦俾大家！

黎過咁多次 今次好嬲 食得好地地 當時9點pm 突然間我個員工掃地（短頭髮個呀嬸）我同佢講 （係好聲好氣）可唔可以唔好掃住 我地快食 食完就走 心諗2個人食慢極有限啦 （掃地掃晒d塵出黎）不過呢句野我冇講出黎 之後突然間feel到個冷氣較大左好多 我問個員工 你地係咪較大左個冷氣（短頭髮個呀嬸）吹到頭都痛 跟住佢答我 我地冇郁過喎 大把野做唔得閒搞個冷氣 一路食一路凍 個頭好赤 之後頂唔順未食晒就埋單 其實想d客快d走都唔係用呢d方法 我以後都唔會去食

有趣，而家台灣麵啲下午茶完全唔似台灣麵，連台式嘅特色都沒有，好似呢個蕃茄湯底嘅手撕雞米線，米線、手撕雞、或者蕃茄湯底都不是台灣特色，不過兒子有點肚餓，只好叫這個讓他吃少少。蕃茄湯底一般都不是我最喜愛的味道，不過帶少少甜味，加點米線，都唔算係食唔到嘅境界。不過手撕雞有係比較鞋身，因為它用的應該都是雞胸的位置，只係是吃起上來，肉質都比較差、比較鞋，難免嬰兒吃了一兩口雞都拒絕再吃。特別的是米線份量不太少，給兒子吃完一輪都有剩可自己吃喺呢個好環保措施落實之後，台灣麵嘅杯子竟然反而用外賣杯。除了份量比起以前堂食嘅杯細之外，賣相梗係冇咁好睇。本身奶茶嘅容量少咗，珍珠亦都比以前少得多，雖然尚算彈牙，奶茶味都尚算香濃，不過份量就少咗好多了。

非常失望的首次幫襯，滷肉及滷汁勁少，伹白飯－大碗，3個沒有切開及沒有滷水汁的大豆腐+半隻滷蛋，食了2口已經沒有再食，因為實在沒有滷水汁味道，而且飯多餸少嗎？，真係超失望（嬲到相片都唔記得影，）

有幾年冇嚟過呢度啦🤷🏻‍♀️估唔到味道不變但係份量就多咗好多, 多到我食唔晒要打包返屋企😬如果鍾意食豬扒🐽🥩嘅朋友真係可以過嚟呢度食佢嘅豬扒真係好好食🤤🤤🤤雖然味道唔係好正宗但係都係好食嘅🔥😎尤其是鍾意食肉🍖🍗嘅朋友🦹🏻‍♂️🦹🏽新裝修之後坐得更加舒服又乾淨又光猛✨🥰地點又方便🙌🏻

一直食開佢個酸辣湯麵，個湯都係超濃超杰既酸辣湯 🥲今次外賣變曬包裝，又變左分湯上… 係得一碗勁細既酸辣湯，配一碗有少少肉湯湯底既麵。超淡酸辣湯味，完全唔係以前食開既味道，勁傷心💔

叫左個北菇滑雞飯，雞好滑，有飯焦，意外地好食嘅煲仔飯，但要等20mins🤔。店員好有禮貌。保仔飯嚟計，咁嘅水準算抵食。下次經過會再嚟食。推薦大家嚟食。🤤🤤

幫襯了「台灣麵」已有一段日子，其菜單一直平穩沒多大變化，只是兩三年才更改一次。最近「台灣麵」獻新猶，增加了煲仔飯的選擇，食正時令。可能你會問，那「台灣麵」不再是台式而變了港式了嗎？當然不是，煲仔飯套餐分兩個系列：港式及台式。在港式系列中，有臘味粒、鳳爪排骨、臘腸／潤腸排骨、北菇滑雞，及土魷肉餅的款式，非常傳統。而台式則有：三杯雞、黑橋香腸窩蛋肉燥、台式豬軟骨、台式蔥酥雞、自制台式櫻花蝦肉餅，台式初心維持不變！這個煲仔飯套餐還包含了海帶貢丸湯或台式蛤蜊湯，每款盛惠$70，並可以$20加配肉燥時蔬，而各式飲品亦可以半價購買。如果沒時間堂食，只加$12便可外賣連煲，認真貼心。

今日黎番元朗開左好多年既台灣麵食dinner，叫左一份醉雞及排骨肉燥飯。醉雞明顯退步左，花雕酒浸得唔入味，而且雞既部位唔靚。排骨飯則正常發揮，咁多年水準都係咁，間唔時再食下。

呢間台麵有好多人話越做越差，係周圍都有好野食既元朗，其實我都少左幫襯呢間野，不過間中會黎試下佢既港早，主因係佢早餐如果加台式熱飲唔使加錢。沙嗲牛肉麵正常，雖然蛋好似少左d,但餐肉有兩塊又比平時茶記抵食，重點係加埋杯台式芝麻熱飲唔使加錢，而且茶味唔差。令一個豬扒包餐淨叫3x 有d唔飽，但可以加8蚊有碗麵仔，但當然份量唔多，啱啱夠飽啦！豬扒係薄左d,但個包唔錯，今次廚師落重左料，豬扒偏咸。整體黎講一般水準，係台飲吸引到我得閒會黎食下。

💬 非常一般的紅燒牛肉麵，刀削麵沒有彈性，有牛筋的部位都好乾靭，湯當然是味精的～套餐價 $90 包酸辣湯和熱飲，性價比好低。。。附近有這麼多好吃的，應該不會再來這吃🙃.

原味牛三寶干拌新竹米粉可能係碟上，影完相，食啖米粉先食牛肉已經有啲涼，由於唔夠熱，牛肉食落唔夠淋，肉同肉之間嘅啫喱已經硬硬地。牛肚好大舊，涼左都OK，夠入味，偏爽。牛筋涼左OK，夠淋好有膠質。干拌新竹米粉就唔得，一夾起好碎，煮太耐，淋晒。原味牛筋牛肉湯刀削麵熱食感覺真係唔同，牛筋牛肉都好正常，size係大舊嘅，刀削麵食落夠煙韌，湯都夠味。黑糖金鑽珍珠芝麻鮮奶要加$10，嚟到唔滿嘅，可能係叫左少甜少冰掛，但飲落都好甜，咁正常咪甜到糖尿🙈。芝麻味都夠濃，可惜珍珠冇味又唔煙韌，咬落粉粉地，果然飲台式茶係要去茶鋪先得😅

下午茶時間，人不算多，同女友叫左兩個餐，1454係手機同落單，一個手撕雞米線，一個厚吐司，兩杯台式飲品，隔左5分鐘，米線黎左，一杯飲品黎左，但另一個餐仲未黎，等到1510，成15分鐘都未有，問人，居然冇人理，再問，先有個後生職員輕挑咁講：個焗爐唔夠熱。我真心唔明，焗件多士，個焗爐要幾熱先得？結果，成個多士由落單到上枱，用左30分鐘，好野