台灣麵

营业中

休息中

今日我去熊貓酒店附近行街，所以顺便在這間台灣麵午饍。這座位不多，一般時候都是坐滿的。幸好我們去到的1時候是大約下午二點左右，人不算多，所以我們找到位坐底。我朋友叫了雙排格餐，有豬脚，蒜蓉雞翼，有新竹米粉，還有一杯珍珠奶茶。豬脚入味可口，雞翼夠脆香口，米粉幼而容易入口。我另一個朋友叫咗原味台灣牛肉麵。牛肉是比較韌，不知是否原味台灣牛肉的原故。我自己點了清湯牛筋腩麵，當然有一杯珍珠奶茶。我的牛腩就不韌，而且好稔。珍珠奶茶多珍珠而且有茶香的味道，奶茶色澤剛剛好，十分好飲。在這也可以品嚐台灣美食， 下次當然會再次光顧。

今日出開荃灣 喺悅來坊行左一陣 有啲肚餓 就去左台灣麵食 之前去過其他分店食 水準不錯 份量又足夠 所以見到荃灣都有 就入左去食每次嚟到台灣麵 都必點 紅燒牛肉麵 牛肉肥瘦適中 唔會柴皮 炆嘅時間亦啱啱好 夠諗湯都十分濃郁 好好味 另外亦點左個雙排雙格 貪可以試多樣野食嘛 除左牛肉麵 就揀多左個椒鹽排骨 份量十足 我地仲叫左兩個小食 鳳爪拼海蜇 同滷水豬耳鳳爪同海蜇 有酸辣味道 十分開胃 豬耳更有驚喜 好爽口 食唔停 幾乎一個人食哂成碟 飲品 除左珍珠奶茶外 今次都叫左杯紅豆奶茶 超多紅豆 同奶茶出奇地夾 係有啲甜左少少整體來說 一個set 50-60蚊 有咁嘅份量 真係性價比算高下次會再嚟！

台灣麵喺悦來坊可以話係中學回憶無論什麼時候去到都係咁多人落單都要比點耐性下午茶價錢真係幾平😂紅燒牛肉麵 $61 價錢同坊間差不多，牛肉份量合格，而且好軟腍入味👍🏻牛筋同牛肉都平均～湯底味道亦都唔錯，但真係太油🥺帶微微辣，容易接受既辣度希望可以改善下太油既情況選左粗麵，有咬口唔錯👍🏻台式豬腳麵 $58賣相無牛肉麵咁吸引，不過味道OK充滿膠質另外佢有啲小食做緊promotion今次試咗滷大腸$38 都幾入味😛仲有酥炸花枝丸$33 呢個彈牙之餘又不油膩👍🏻 飲品叫左茉香珍珠奶茶同百香果綠茶，唔好要求太高🙈跟餐加$4就有台式飲品都算好抵😆餐牌

聽說荃灣悅來坊都有運動裝名牌子的outlet，便慕名而來，看看有沒有款式唔out而又便宜的衫褲鞋襪賣? 果然沒有旺來，有些鞋款都還新，例如彭于晏那款不用四百元就有交易，我當然唔會吝嗇金錢，買了一對用嚟粗著。之後落去地庫一層吃飯餐，見這家麵店幾多人幫襯，就入去食。這個餐單幾特別，是可以AA搭、AB搭和BB搭，卒之，我們揀了A2+B3和A1+A6，餐飲選了奶茶和咖啡。奶茶、咖啡只屬一般貨色，遜於茶記，甚至大家樂。A2+B3 即是椒鹽排骨米線+台灣紅燒牛肉粗麵排骨好 “鞋”，亦無椒鹽味。紅燒牛肉唔夠辣，而且應該可以再煮腍啲。粗麵質素尚可。A1+A6 即是原味台灣牛肉粗麵+香酥雞腿飯原味台灣牛肉即是比紅燒牛肉更加無味。都未止，隻雞腿更加更加無味。我朋友一路食一路要加豉油才可以將隻雞腿食完。幾乎每樣嘢都掛住 “台灣” 兩隻字，但係一係唔覺有台灣風味。

介紹咗咁多食夜晚嘅好地方，今次同大家介紹一下台灣麵🙆🏻呢個多數其他人都係用嚟食午餐，但係其實佢嘅早餐都幾值得推介ga~~~今次同大家講下佢嘅早餐，我就食咗香煎雞扒配手撕雞米線加熱咖啡🙆🏻🙆🏻佢個雞扒係真係新鮮炸岀黎，個皮係脆嘅😍😞唔會好林😍😍真係香煎完嘅雞扒😍😍好過出面其他好多早餐😍😍林啤啤一啲都唔好食😗呢個就香口好多😋😋😋個手撕雞米線雖然手撕雞份量唔係好多，但係都叫做有味，碗面都會食到你夠飽，佢仲會俾啲粟米粒你添😬😬😬最緊要講嘅就係佢塊出色嘅多士😍😍😋😋♥️♥️普通多士唔使加錢，加牛油上嚟脆既，加兩蚊仲可以轉做奶醬多😋😋😋啲花生醬多到滿寫咁滯😋😋😋鍾意食花生醬嘅朋友千祈唔好以錯過!!!!!!佢個咖啡都比其他一般嘅茶餐廳出色！唔會好苦！唔係雀巢即沖咖啡粉！

一日之計在於晨，朝早個早餐特別重要，平時唔想起就話唔食，難得早起，緊係去食返個早餐，樓下茶記呢排又食到厭厭地，行去熊貓食返個正野先。雪菜肉絲米，朝早一碗粉麵少不了，唔算話好大，都夠朝早嘅能量，雪菜都唔少，間中有一兩條肉絲，清清地。唔想咁清都有沙爹牛麵之類。主菜，雞扒+火腿+炒蛋+多士+ 粟米。係咪夠哂多樣化呢？雪菜肉V絲清清地啱架啦，因為後面呢碟先正。朝早補一補，下午無煩惱。坐得又舒服，位夠大，櫈夠軟，又有BB櫈提供，同仔仔豬食完早餐，再去返工，零舍有動力嘅。

間唔中都嚟呢間度食嘢, 貪佢有台式飲品同埋雙拼飯麵。今次order左原味台灣牛肉麵(粗麵), 牛肉好味夠淋, 粗面我自己就麻麻哋, 下次會試吓其他麵。仲有滷蛋豆腐肉燥飯, 肉燥飯都係台灣食會好味啲, 但整體味道都OK, 併牛肉麵, 啱晒貪心嘅我每樣試少少佢有啲特價小食, 今次試咗滷大腸, 夠晒入味, 不錯!! 飲品係大路嘅珍珠奶茶同百香果綠茶, 兩杯都正常好飲, 跟餐加$4就有台式飲品。住附近的可以一試, 有少少港式味道嘅台式餐廳!

很久沒吃過台灣菜了！今天跟新同事來到悅來坊吃台灣麵，因為吃飯時間已過，所以我們來到時不用排隊，直接可以進去。 首先，先看menu.最後我選擇了滷水雞翼湯拉麵配凍的珍珠奶茶。（加四元）我覺得拉麵🍜份量多，雞翼味道不錯，如湯底更濃就更好了，略嫌湯底較淡。另外，珍珠奶茶就十分好飲，奶茶夠滑嫩，而且珍珠大大粒，值得推介。 整體來說，這裡的拉麵份量多，一個人都未必吃得完整個拉麵。然而，價錢較貴，大概六十元一個。如間中吃的話，都還可接受，不然的話，就略貴了。

一向都幾中意食台灣野 今日去咗熊貓酒店個商場行街 就行完就去咗呢間食 差不多八點 已經要攞飛 等位😮佢門口個餐牌寫嘅全天候套餐好特別 可以將飯同麵拼做同一個餐 我嗌咗台式滷肉蛋肉燥飯 拼香酥雞扒麵 而同行友人嗌咗酸辣湯煙鴨胸拉麵 同台灣三寶麵😗台式滷肉蛋肉燥飯 本來以為淨係得肉燥同滷蛋 冇諗過竟然係有兩大舊三層滷肉👍🏻 味道好入味 而雞扒好香脆 又麵又飯嘅配搭真係好特別 份量都唔少㗎 個碗都幾深酸辣湯煙鴨胸拉麵 都幾新穎 酸辣湯好惹味 配埋厚厚煙鴨胸 見朋友都食到lam lam 脷😋台灣三寶麵 入面有牛筋 牛肚 牛肉 啲餸樣樣都好大舊🤭飲品方面我地嗌咗凍豆漿 熱奶茶同珍珠奶綠😛 都幾好味服務方面亦唔錯 總括嚟講 我會形容呢間係有創意嘅台灣食品 可惜openrice冇創意嘅評分 如果有 我一定俾五⭐️

平平地食個lunch ... 可以去呢間，佢地都幾多款揀，午飯時間都多人，要等一陣。其實最扺係下午茶餐，當lunch 食激抵。佢地的牛肉麵唔錯，滷肉飯都幾有風味，返而紅油抄手，同餃子就麻麻。。。好似灣仔碼頭餃子，無咩特色。佢地嘅早餐都唔錯，多選擇又可以坐得舒服。星期日早上超多人幫襯添。總結:街坊茶餐廳格局食台灣野，可以推介

家姐推介台灣麵好食，今日帶左我去試一向喜歡食酸辣野，不用睇餐牌已想到要食酸辣湯雲吞麵，個湯不會太稀，又不會太結，不會漿住個口，味道剛好。小食海苔炸魷魚鬚必定要食，真係好好味但奇怪係魷魚鬚表面冇海苔粉，又點樣叫海苔魷魚鬚？難道忙中有亂忘記加滷水大腸咸左少少，廚師調味可以輕手d。炸花枝丸好味道，極力推薦食飲品方面，凍話梅柚子烏龍茶好清甜解渴，飲品仲好大杯，食完濃味小食飲就最適合。家姐推介紅燒牛肉麵好食，牛筋仲好滑好易入口，下次要再試

2-7-2017（Mon）回歸紀念日補假,同老公o係AEON買完餸o岩o岩到食晏時間,出面唔知係咪重係落o緊大雨,同老公o係呢個商場入面食啦,我唔係好肚餓,想去薩莉亞食,因為o野食唔大份,但老公話想飲珍珠奶茶,咁好啦,就呢間啦.入到去都重有好多位,我o地坐o左張卡位,睇吓menu,同早餐唔同,有好多台灣o野食,老公好開心,而佢又發現咩雙排雙格餐,o岩想食一種以上主食o既人食,呢個設計唔錯,亦攪到只想食小食o既我都要叫一個.同老公研究完,就叫o左AA同BB餐各一,加$8.00要特色飲品.$66.00o既AA餐係台灣紅燒牛肉麵,揀粗麵;同香酥雞扒新竹米粉,飲青檸柑桔愛玉凍.$60.00o既BB餐係滷水雞翼麵,揀關廟麵;同韭菜肉雲吞麵,揀拉麵,飲紅柚話梅凍頂烏龍茶.幾分鐘後,所有o野都到齊,新竹米粉幼身同爽滑,但唔及興化米粉幼,不過都幾好食;香酥雞扒仍juicy同夠味.我食一條紅燒牛肉麵o既粗麵條,都已經好夠味,紅燒牛肉又夠腍.味道: 5分大大隻滷水雞翼夠味,關廟麵味道似上海幼麵;韭菜肉雲吞拉麵正常不過.味道: 4分而紅柚話梅凍頂烏龍茶呢?只飲到紅柚味,OK啦.青檸柑桔愛玉凍味道亦唔太濃但舒

今日同小朋友去完波波池玩，玩到累就去附近吃午餐。見到台灣麵有bb椅，就入去試一試。這個雙格餐牌好吸引，可以一邊飯一邊麵。我點了台灣紅燒牛肉麵拼台式豬腳肉燥飯，牛肉厚厚的，夠淋而且入味，湯底不會太濃，帶有微微的辣味。豬腳大大隻，乾淨， 但肉燥飯太多汁，吃起上來偏鹹。這隻匙羹對於這個碗來説太大了，吃起上來比較吃力。椒鹽排骨麵拼豬腳肉燥飯， 椒鹽排骨鬆化香口，薄薄的容易入口。珍珠奶茶上枱時只剩很少很少冰，而且奶味太重，珍珠亦都比較粉沒有味道。

兩個人無無聊聊走左去食麵, 間舖係商場入面, 門面好闊落, 光猛企理, 座位數量都算多, 佢仲利用埋入口兩邊位置放了 tables, 每邊可以提供 8 個座位, ㄧ大班人去食都唔使擔心無位。Order 了ㄧ碗白菜肉雲呑拉麵 and 一碗雙排雙格餐, 即係隻碗分開兩格, 客人可以叫兩款不同嘅食物, 包括麵 or 飯, ㄧ個餐有兩種食法, 都好創新。要了韭菜肉雲呑拉麵和椒鹽排骨米線。麵身夠彈牙, 雲呑夠新鮮, 椒鹽排骨夠林, 配埋杯珍珠奶茶, 果然好台灣 feel.

今日跟同事特咪走到悦嚟,听讲呢家有家台湾美食,就嚟食睇睇, 今日周五呀,可以放松啲,唔使马上回公司.走到下面商场,很多选择,还有美心,但系美心食嚟食去都一样,实喺无味,超级开心要食台湾面. 菜单好多嘢,才12点半就坐满一半人,很多人点牛肉面,但我哋很想之前去台湾食嘅卤肉饭,我点了椒盐排骨饭; 送嚟时睇起嚟好好食,但一食,无味!! 尤其排骨,超硬,也毫无椒盐....食到唔好食嘅.....食卤肉饭好了,食了也无味,点会咁........... 我平常食很清淡,所以都偏好日本餐厅,但呢个实喺太无味了...同事点了双拼,卤肉肉燥面跟香酥鸡腿米粉, 香酥鸡腿好香酥!!!我食了一啖只好继续啃我嘅硬排骨..早知点鸡腿....但系同事讲汤跟米粉都冇甚么味道,食完唔知食了甚么.....食到快两点,都坐满了,但我睇很多人都点牛肉面,应该系我哋叫错了,以后要嚟食呢家,绝对唔会再点呢两样了,做嘅唔台湾味......食完马上喺想要计画去台湾了......