台灣ET鹽水雞

营业中

休息中

第一次食呢間，有點失望。今日點咗A餐，選了雞腿肉加百頁豆腐、馬鈴薯、芋絲，小辣。馬鈴薯仲係硬硬地，食落爽口，未煮淋，唔推介！豆腐就不錯，芋絲正常，索咗啲汁幾開胃，鹽水雞腿份量不多，味道沒有特別驚喜。如果叫A餐當一個午餐其實係唔夠飽，個人認為性價比不高。

依家無得去旅行住，唯有閒時食下唔同地方野食幻想下去緊旅行，今日收工勁勁勁想食鹽水雞，葵廣呢間「ET鹽水雞」繁忙時段通常都要排一陣隊，今日買左個A餐：雞脾+百頁豆腐+貢丸+花椰菜，再加個冷麵，$58，真係食極都唔厭百頁豆腐係必食推介，有時我會叫2份👍🏻👍🏻👍🏻

台灣ET鹽水雞 本人是個非常愛吃鹹水雞的人,台灣味的鹹水雞真的好棒對台灣小食情有獨鍾的,我不愛雞腿,我喜歡雞胸、木耳、花椰菜、甜不當配料,味道是跟台灣的有像、我喜歡小SPICY雞胸OK,不是很硬的那種,不過味精有一點點多,吃了會有一點口渴的

台灣ET鹽水雞 (葵芳)💛••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•A餐（雞腿配鳳梨、蜂巢豆腐、雞珍）少辣少咸 $46••••••••••••••••••••••••••••••♥️食評：🤤🤤🤤呢間鹽水雞已經喺葵廣開咗好多年了，唔好睇佢一盒仔咁都幾飽架！建議大家一定要叫至少一款水果做配菜，食嘅時候唔單止無咁heavy同重口味，水果酸酸甜甜令成盒雞更好食！雞髀肉唔柴，但同時唔會食到一大舊肥膏，雞珍唔硬，拌勻一齊好好食，豆腐唔洗講，索晒啲味好正～！••••••••••••••••••••••••••••••♥️特色：每次食嘅時候都會諗起台灣～真係好有風味！而且每款配料都放晒喺雪櫃到，可以睇啱先至揀，大力推介呢！••••••••••••••••••••••••••••••♥️小提示：怕肥嘅朋友都可以揀雞胸肉，另外仲有雞翼可以揀～任君選擇！另此2-6人的餐，嫌唔夠配料都可以加配菜，追加配菜每款$7。仲有水果餐/淨雞髀揀，怕唔飽仲可以加$10有冷麵！♥️

呢間ET鹽水雞係台灣夜市過江龍小店有6間分店上網search過好多平台同網民都大讚鹽水雞正宗有質素自己一直未喺香港試過唔試都算，一試發覺完全係理想與現實喺台灣食鹽水雞係無得輸，但無得去旅行，就平平哋搵間食吓先照計都係土雞浸鹽水+上湯，熟咗就去皮拆骨應該無咩大分別葵廣分店最大問題係商品說明同實際不符聲稱可挑選雞胸、雞髀或雞翼3隻但事實上只做外賣，難以即時睇清楚負責姐姐一嚟就俾成兜都係雞翼，多雞骨重點係佢無問，自己亦半句都無講過要雞翼可再揀3款配菜，加蔥、蒜同辣度今次揀咗蜂巢豆腐、豆卜、杏鮑菇豆卜比任何嘢都多至於雞肉…應該係雞翼，要自己去骨，毫無啖啖肉感覺，更有雪味。一人份量$46 比較貴以呢個質素絕對唔值得

［葵芳］台灣ET鹽水雞-鹽水雞係台灣夜市著名產品，其實我就未食過正宗嘅鹽水雞🙈而喺疫情下亦冇得去台灣試，經過葵廣見到呢間有幾間分店嘅鹽水雞，都好多人排隊，所以決定同朋友試一試。-佢有唔同份量架，嚟得葵廣都係諗住掃街（要留肚食其他嘢），所以我哋嗌左個一人餐🤪-BB辣雞胸（連三款配料甜不辣，蜂巢豆腐，芭樂）（4/5）雞胸連皮，皮薄肉稔，索晒啲醬汁味🥴甜不辣其實係用魚肉整成嘅嘢🤔 原本以為會唔索味，但係食落其實都食到佢醬汁嘅味。至於蜂巢豆腐，唔使講梗係索晒啲醬汁味喇，簡直係呢啲撈野嘅絕配！芭樂就一般般啦！中和一下嗰個重口感😂-如果特登嚟葵廣掃街就未必食得落咁大兜啦，但係買返屋企做餸，爹哋媽咪一定好開心🤤

宜家疫情無得去旅行 ，又想食台灣夜市小食，諗起台灣鹽水雞，去葵涌廣場必食選擇之一。位置喺葵涌廣場地下個層，無座位，有唔少人喺度等拎走，櫃枱一張一張落單紙排隊等整，所以都需要等15-20分鐘。B還半隻雞+任選3配菜+洋蔥 $77配菜有廿幾款選擇，最後揀左杏鮑菇，鳳梨，白蘿蔔，份量唔少，雞肉肉質嫩滑，唔算太油，杏鮑菇切片，口感爭左d，鳳梨同白蘿蔔唔淋，甜同爽口，半隻雞2人食好飽。

·想去台灣，期待韓粉直播表演食屎🇹🇼··一直都係鹽水雞嘅忠實粉絲，冇得去台灣唯有喺香港搵食啦☹️黃店來講除咗阿土伯之外就係ET啦😝（留意番，根據和你 Eat，應該主要係葵芳店同尖沙咀店係黃💛）·叫咗個A餐即係一人餐，有雞胸或雞腿配三個配料～我哋嗰日賣晒得雞胸，配埋青瓜、蜂巢豆腐、杏鮑菇呢三個最可以索到啲汁嘅絕配😗佢仲有好多選擇揀，可以睇後面嘅點餐紙～·真心，一如既往咁好食，咁開胃！！係台灣正宗嘅味道啊！！好似去咗台灣咁！！😋·雖然呢間舖頭冇咩文宣，但我深信大家骨子裏係一樣嘅💛食完去買個芝士奶蓋飲就正啦😎-A餐｜$46-台灣ET鹽水雞 (葵芳)葵芳葵富路7號葵涌廣場地下A76A號舖-

兩三年前第一次食呢間係無意中行過見好多人圍住個雪櫃喺度tick單食完真係發現新大陸咁，好好食所以一路都keep成日嚟買一人餐有次叫左半隻雞中辣返屋企加餸我家姐話好好食，食到lam lam脷平時我係唔食雞皮嘅但係食呢隻雞我係會食埋啲雞皮配菜多選擇之餘份量大，雖然有時會執錯執漏，見老闆年紀大都堅持密密剪密密撈都真係幾辛苦，所以一路keep住幫襯試過冇開門，好食到第二日都堅持要嚟買試過買返工食啲同事都搶着食仲可以加$5有杯豆漿都唔錯

因為疫情關係，大家都無辦法去旅行，而我咁岩上年12月就去左台灣，當時朋友仲介紹我話：香港人就係喜歡食台灣鹽水雞，一試之下我仲係短短幾日旅程食兩次。直到依家6月，突然唸起呢種味道，打開openrice，發現葵涌廣場有台式鹽水雞！衝住想念嘅台灣味，就揀左呢間位於地下嘅台灣小食店。一打開手填單，發現已經預備好不同份量嘅套餐，今次我單人黎到，當然揀左一人份量嘅餐，可以揀喜歡嘅雞肉部位，然後3款配菜，盛為$46蚊因為主要想食鹽水雞，我冇加配到麵或者其他野，而揀左雞脾，配甜不辣，百葉豆腐，幸包菇嘅配搭。可以俾客人揀埋要唔要蔥。辣等一早睇到食客分享嘅我，就揀左小辣。等左5分鐘左右，我渴望嘅鹽水雞終於到左手上喇！而我冷靜咁係葵廣買多杯帶珍珠奶茶再番公司慢慢食。食過後發現，雞肉係嫩滑嘅，可能揀左雞脾嘅原因。而辣味比較突顯，反而冇咩咸味，味道係不錯的。配料方面，亦發揮所長，甜不辣彈牙，豆腐吸味，幸包菇爽滑。可能我想食嘅味道係想象中嘅味道，覺得始終與台灣味道不一樣。

//#黃店地圖系列間野叫：台灣ET鹽水雞邊度黎：葵芳葵富路7號葵涌廣場地下A76A號舖 / 尖沙咀科學館道14號新文華中心地下58A舖 (只限這兩間分店)🌝：參與罷工 ▪A餐(雞胸配花椰菜+小黃瓜+金針菇) $468分(黃ET只限定尖沙咀及葵芳分店 各位大佬敬請留意 先自首因無check清楚 是次係幫襯旺角分店 謹此360度翻騰一圈 係屋企細嗌口號 引以為戒) 台灣最快10月先放寬入境 感覺品嚐正宗鹽水雞場尚是遙遙無期 ET鹽水雞係香港黎講 算係模仿到六七成 雞胸份量多 雞皮亦唔算肥到好似食切雞咁 花椰菜同金菇索曬啲味粉 口水瞬間海嘯式分泌 小黃瓜就攞黎漱口嘅 不過同樣惹味 如果可以好似台灣咁滾輪式剪法 口感會更加好 係無可能似足架啦 不過頂住癮先啦

唔知道大家鐘唔鐘意食雞肉呢？小編就係肉類之中最愛就係食雞肉🍗，因為雞肉肉嫩，食物又可以變化多端😉。今日除咗買嘢飲之外，就要準備今晚嘅晚餐🍽。小編去到葵涌廣場地下搵美食，見到一間係食鹽水雞😲，而且又好多食客排隊嗌點餐，應該有一定嘅水準🤔。🎈Ａ餐 (1人用) $46點餐紙上面有四個選擇，基本上係睇你食用人數而定👩‍👩‍👦‍👦。小編就孤零零就緊係揀一人用餐啦🧙‍♀️，好慘。配菜方面有成33款咁多，而且有個凍櫃畀你睇住啲配菜嚟揀添👀，咁多款真係諗咗好耐先揀到。而鹽水雞就可以有雞胸，雞腿同3隻雞翼你揀🤩，小編就最愛雞胸，因為可以啖啖肉嘛👄。打開外賣盒之後，見到三款配菜同雞胸用辣粉同蔥撈亂，外觀上就好似無咁吸引喇🤨。而夏天就係食冷食物好時機❄，冰冰涼涼仲帶少少辣🌶，好惹味。而味道無咁濃😮，幾適合夾埋麵底嚟食，雞肉亦都肉嫩唔黐牙，好食👏。夏天已近☀，出街食飯又或者叫外賣都想搵啲冰涼食物🥡，如果大家經過葵涌廣場地下，外賣一份當小菜食🍴，亦都不會失色。

台灣口味鹽水雞$46好好味呀！叫左小辣，配菜揀咗杏鮑菇，蓮藕，同埋甜不辣❤️辣味麻麻香香，有得揀全部要雞髀肉，唔駛加錢🤩好嫩滑😽😽缺點是等候時間有點長😅

今日去開葵廣行街shopping 都不免要醫下肚仔 平時都食開鹽水雞 不過幫襯另一間 今次就決定一試台灣ET 鹽水雞 店舖係地下 門面唔大 係葵廣四通八達的迷宮都要花少少時間去搵 同一般賣鹽水雞的店舖差不多 都係選左套餐先 然後再選自己喜歡的配菜 最後再選調味 平時食一人份量就夠 叫左雞胸 同3個配菜 （ 皮蛋，海帶同摩芋絲）唔食辣的朋友可以好似我咁淨係要蔥同蒜等候時間唔耐 大約幾分鐘左右 份量就一般啦 雞都叫做嫩口ge 配菜中規中矩 總括黎講 得閒經過想食可以試下 係葵廣一個美食天堂黎講 就未必係翻食之選

服務態度越來越差，自己出餐收錯號碼牌還怪罪客人，問我：為何不說是自己的號碼！可我明明聽見他說令外拿的號碼，人家也回應了對應的號碼，之後看見他表情凶惡咀角秒左一下，故意把東西用力發出聲音，真心淡。。。。還黑面給我看，差點說到是我有問題，我眼看拿走東西的明明白白反問他（問了2次）號碼對不對才拿走的，這間店我本人不覺得比台灣的口味好，只是過一下口忍來光顧的，有這種經歷真是不能不吐不快！！還以為做旅客區，多幾個人光顧就給這種面色和說話口氣客人受，我是不會再次去買的！真的是給錢買難受了。。。。。。