影片
营业时间
今日营业
11:30 - 21:30
星期一至日
11:30 - 21:30
*最後落單時間: 21:00
以上资料只供参考，请与餐厅确认详情
有关奖赏计划
影片
相片
焦糖洋蔥鳥取和牛漢堡配薯條
二蕃甜薯牛乳
金時甜薯焦糖布甸盛合
+2.7K
+265
食家推介
冇見咁耐，大家一坐低已經雞啄唔斷… 所謂三個女人一個墟，花咗接近半個鐘交代現況，終於可以叫嘢食😉呢日我哋嚟咗位於尖沙咀嘅「喫茶ちょうぼ」開飯，日系嘅裝飾，加上手繪嘅餐牌... 有種返咗家鄉嘅感覺😉 因為大家都唔係太肚餓，所以我哋只係叫咗兩個主食、加兩個小食就夠😚🥗 #蟹肉沙律#沙律菜 配上蜜糖罌上枱，非常可愛❤️ 特色嘅醬汁加入流心蛋、蟹肉同沙律菜一齊食，口感非常清新🌱#可樂餅即炸嘅可樂餅放喺茄醬🥫上，唔會好油膩，而且口感都幾鬆化，不過餡料味道唔突出，同我印象中嘅可樂餅大有不同😗🐣 #明太子蛋包飯每次食蛋包飯，我都好期待界開蛋漿嘅場面😍 瀑布式嘅蛋漿流喺飯面，場面非常治癒… 不過呢次服務員太心急，喺我都未準備好嘅時間，佢已經完成整個動作😅 有啲失望！不過呢個明太子蛋包飯味道都唔錯嘅，每一啖飯入口都有濃濃嘅明太子香味，不過伴碟嘅大蝦就有啲失真，竟然俾我見到啲蝦腸仲未挑乾淨😅😅 㖿！🍝 #蟹肉大蝦意粉意粉份量唔算多，不過勝在味道都唔錯，大量嘅蟹肉同蟹籽放喺面，口感夠晒豐富☺️整體食物質素不過不失，不過服務就認真麻麻，完全係港式茶記嘅姿態，加埋全程面黑黑嘅經理，問佢攞份餐具都表現出極之唔願意嘅態度, 仲比我見到把餐有漬 我覺得可以改善一吓囉☺️📍喫茶ちょうぼ (尖沙咀) 河內道18號K11購物藝術館1樓117-118號舖
继续阅读
呢日嚟到K11 Art Mall，同朋友食咗呢間日式Cafe，座位幾寬闊，餐廳流轉都算快，輕輕等咗一陣位就入座啦🥳 黃咖喱白露蟹肉蛋包飯蛋包飯係呢間餐廳嘅招牌菜，我哋試咗佢嘅新配搭，就係秋季新推出嘅蟹肉蛋包飯🦀 壽司一定要講嘅就係佢面頭好嫩滑嘅蛋呀，輕輕切開已經可以做到日式餐廳嘅蛋包飯質感🍳 然後呢次個飯嘅醬汁主要係黃咖喱，黃咖喱加埋蟹肉同埋三文魚子，海鮮味道出眾👍🏻 一絲絲嘅蟹肉真係幾美味，如果份量再多啲就更加好啦😙焦糖洋蔥鳥取和牛漢堡配薯條呢個漢堡賣相幾靚，鳥取和牛漢堡肉超級厚同埋好Juicy🍔 和牛漢堡嘅底下，仲有啲焦糖煮熟嘅洋蔥🧅 配埋和牛肉好夾，上下兩層嘅麵包好香牛油味，建議一定要一啖食晒咁多層，口感好豐富。月見雞皮餃子一份有兩串，雞皮餃子每件都係脹卜卜🥟 外層嘅雞皮非常香脆，而且一啲都唔油膩🫢 入面嘅餡料係雞肉同埋蔬菜餡，入面都幾Juicy。桂花烏龍布甸戚風蛋糕盛合見到有好多客人都有嗌呢個甜品，擺盤好有秋天意境🍂 主要係有好鬆軟嘅戚風蛋糕，同埋好香滑嘅桂花烏龍口味布甸🍮 布甸嘅味道好清香，忍唔住會一啖接着一啖咁食🤩飲品♦️日式手沖珈琲流呢一杯係hand drip，店員一放低已經聞到好香濃嘅咖啡味☕️ 入口係好有層次嘅咖啡。♦️秋茗柿橘沙冰呢杯係秋季新推出嘅飲品，橙紅色嘅柿橘製成嘅沙冰，味道好獨特🥰 飲落口唔會太甜，冰涼嘅感覺好舒服。呢次已經唔係第一次食呢一間餐廳，見到佢哋時不時都會推出新嘅系列👍🏻 呢次嘅秋季系列我就幾鍾意啦，有興趣嘅朋友都嚟試吓啦🤓
继续阅读
中秋過後，一早一晚都感到有啲涼意，秋風起🍂唔少餐廳都開始轉Menu🦀秋天最啱就係食蟹，今次去喫茶ちょうぼ仲推出好幾道蟹料理😌不論餐牌同餐飲都充滿濃濃嘅秋意，又靚又好食😋🦀大勢蟹黃膏蛋包飯 ($172)原隻蛋送上，即場切開蛋皮🤩嫩滑半熟蛋熱辣辣冒哂煙🤤再淋上蟹黄膏醬汁，蟹肉量多得令人驚訝🫨最啱好似我呢愛食蟹又懶得剝蟹嘅人😬食蟹食到夠🤭🍔酥炸軟殼蟹塔塔醬漢堡 ($145)蟹料理除咗飯類，仲有漢堡🦀原隻軟殼蟹炸得酥脆，再用軟熟嘅麵包夾住，一酥一軟口感配搭豐富🤗加埋塔搭醬，為整個漢堡添加濕度同味道😋🍁桂花烏龍布甸戚風蛋糕盛合 ($115)根本就係一碟藝術品😍食得落肚嘅楓葉🍁充滿秋意嘅擺盤😌有兩款戚風蛋糕，味道各有不同😋布甸下面嘅係伯爵茶味，伴住忌廉嘅係桂花烏龍，各具特色，香氣十足🥰🍧秋夕山梨桃刨冰 ($78)食完咁多蟹同甜品，點都有少少飽膩感😛食返個清新爽甜嘅刨冰就真係絕配😌日式刨冰顆粒感重，食落更加醒神😆山梨桃清甜，為今晚完美嘅收尾😇🍠二番甜薯牛乳 ($58)🥛紫薯牛乳 ($38)
继续阅读
呢間日式cafe位於K11 Art Mall，非常就腳，環境都好舒適。今次嚟見到佢哋嘅秋季menu都幾特別，用咗唔同秋天當時得令嘅食材入饌。大勢蟹黃膏蛋包飯 $172蛋包飯係呢間cafe其中一樣招牌菜式，而嚟到秋天就配上大勢蟹黃膏。蛋包飯上枱之後店員就會將蛋切開同淋上金黃嘅蟹黃膏。軟綿嫩滑嘅雞蛋加上香濃鮮味嘅蟹黃膏同西炒飯底非常匹配。酥炸軟殼蟹塔塔醬漢堡 $145大大隻嘅軟殼蟹炸到金黃香脆，內裡軟嫩，食嘅時候仲聽到酥脆嘅聲音。鬆軟漢堡包加上塔塔醬同軟殼蟹，夠哂滋味。桂花烏龍布甸戚風蛋糕盛合 $115嚟得日式cafe又點少得食甜品，呢個以桂花烏龍做主調嘅甜品盛盒有齊布甸同戚風蛋糕，一次過滿足兩個願望。布甸口感滑溜，蛋糕輕盈綿密，清香嘅茶味再加上淡淡嘅桂花香，食落一d都唔膩。秋夕山梨桃刨冰 $78另外仲叫咗個山梨桃刨冰，刨冰雖然唔係綿綿冰嘅綿密口感，但桃味清香，食落冰涼透心。秋茗柿橘沙冰 $68/抹茶麻糬沙冰 $52飲品叫咗兩杯沙冰，柿橘沙冰味道濃郁，飲得出用咗新鮮柿橘調製，充滿秋天嘅氣息。抹茶沙冰茶味香濃，仲有q彈麻糬。。。喫茶ちょうぼ (尖沙咀)尖沙咀河內道18號K11購物藝術館1樓117-118號舖。。
继续阅读
同朋友一早book左呢間餐廳，去到其實係冇留位，只不過咁啱有邊枱埋單就安排，不過冇遲俾枱，都ok嘅，如果冇book就要排隊了。青口一上枱，個女待應一擺青口落枱果陣，連埋個空碟一齊放落黎，佢只係用手指指咗一下碟青口，再指咗一下個空碟😅😅一句聲都冇出，定係我誤會咗？佢真係唔方便講野？青口麻麻地，個汁睇落好濃，但其實就完啲青口沾上醬汁，啲青口都係冇乜味嘅😂😂軟殼蟹意粉係ok嘅，好creamy。個蛋包飯我仲未見到本身係咩樣，同一位女待應就一野𠝹開咗了😅啲梳打飲品勁hea, 一啲有色糖漿再加梳打水，完全唔值加埋一$50幾一杯😂😂😂😂好伏，當日沙冰機又壞咗…
继续阅读