喫麵 (愉景新城) (已結業)

朋友可以早放, 好早去到愉景新城, 6:30pm 左右, 冇乜人, 成間餐廳得2枱客。YumMee 喫麵匯集亞洲多個城市之著名麵食或菜色, 叫左海南雞飯同黑毛豬扒擔擔麵。🍚 無骨海南雞飯海南雞飯，雞肉經過精心烹調，肉質鮮嫩滑口。搭配雞油飯，雞油飯粒粒分明，香味算可以。🍜 黑毛豬扒擔擔麵黑毛豬扒擔擔麵，麵條彈牙，淋上濃郁的擔擔醬，搭配花生、蔥和蒜，味道香醇。可惜黑毛豬扒比較乾同薄，擔擔麵比豬扒好吃。

和家人一起到愉景新城享受週末，看這餐廳空位比較大，較少人。所以進去。怎料，每人限最低消費限最低消費，這並不是問題，但是他不停催促我們order主餐。是怕我沒錢俾嗎？ 在食物質素方面，叫了喇沙麵，魚蛋河，肉骨茶，及炒公仔麵。食物質素我只會給1分，炒公仔麵，不均勻。肉骨茶和喇沙全是味精。 服務方面，想要一杯清水和紙巾也沒可能🤣香港的飲食是否沒落？

Lunch Time間間都高朋滿座, 又趕住食, 見呢間唔洗等位, 就放膽一試啦。Menu隨咗正常既麵之外, 俾我見到竟然有海南雞叻沙咁破格既配搭, 見88蚊包野飲, 價錢尚算ok, 就叫咗呢個。 分開逐樣講...湯底: 麵最緊要係湯底, 先試個湯, 係ok既, 有咖哩味、有椰香味, 味精唔明顯。都幾食得辣既我, 覺得完全唔辣。麵: 大部份係車仔麵個種油麵, 有少量米粉, 芽菜份量適中。餸: 成碗最正係豆卜, 索滿湯, 好食! 不過主角個D所謂「海南雞」, 淡而無味不特止, 仲骸過Nike! 可能咁啱全部係雞胸囉...飲品: 有汽水、檸荼、五六款揀, 跟餐免費, 但係.... 「大」杯到一個極點! 扣除冰既份量, 可能得200ml左右。可取之處: 夠飽, 份量對得住價錢。進步空間: 雞胸骸唔係絕對, 當然明白, 開得係地產霸權商場, 不得不將價就貨。

一間主打東南亞麵食嘅概念店，集齊多個亞洲城市經典美食。平時經過呢間舖頭都發現通常都好少人，就連晚市時間都冇乜人，咁容易搵位所以就入咗去試吓。鮮蝦炒貴刁呢個餐擺盤都幾靚，炒貴刁聞起上嚟十分之香，食落亦都非常之有鑊氣！炒貴刁算係幾濃味，但唔太油，整體嚟講都幾好食👍🏻芒果糯米飯甜品方面就叫左芒果糯米飯，味道十分之好！芒果酸酸甜甜幾開胃，糯米飯口感煙靭，質素拍得住喺泰國食嗰啲！食完一個又再想食另一個！

第一次去店試下，舖頭係自助形式，非凡忙時間店員仲會拎埋餐俾你，服務態度幾好，食物味道都唔差，店舖都幾乾淨，有機會會再去試吓，今次食嘅係牛腩船麵$88 都幾大碗好抵食

門口經過見到野食都似啱小朋友食諗住入去食，但門口個職員態度超差， 問佢野又唔應。 又唔想答，好似唔想人入去想睇吓有無位，佢就一定要門口部機買左先俾入去又黑面，最後無入去食。

喺愉景新城呢啲親子商場，就算唔請個友善面孔做樓面，都唔好搵個黑面神吖。餐廳入面得2-3枱客，兩個服務員都企正喺大門口監視啲客人用自助機點餐，完全唔offer幫手。餐又係要自己拎，真係唔知啲黑面神請返嚟有咩用。仲要勁無禮貌，我哋一行兩大四小行入去搵位，個男仔黑面神喺我哋身後面大嗌，「我張長枱留左比客你哋唔好坐」，啲禮貌好到呢👏🏻👏🏻👏🏻👏🏻👏🏻 貼錢買難受到一個點，食物質素仲要好一般，真係無下次

番茄牛腩面 $68我覺得果番茄湯夠濃，真係有番茄係入面。作為一個番茄fans😂係超級中意呢個湯🥳🥳搞到我一唔小心就飲咗9成嘅湯🤣🤣🤣但係我覺得佢放咗好多味精，搞到我口乾🙂🙂🙂牛腩係好食嘅🤣🤣但如果可以放多d牛腩落去就好啦🙈至於面，唔知點解會係幼面，有d失望，因為我覺得粗面或者烏冬好食d😂Last but not least, 佢會送野飲🥳蘋果茶真係好好飲🤩🤩有d kam嘅地方就係明明餐廳仲有好多位，但佢會同出面嘅人話冇位🤣🤣從來冇考慮過搭枱😂😂

堂食兩次都算OK，第一次外賣感覺冇問題，今次外賣兩點摩摩喳喳，分別每碗36$返到屋企拎出嚟一睇兩個加埋都冇半碗？有冇問題？因為小朋友想食，所以第一次係度外賣糖水

🚩荃灣愉景新城🚩見到商場做緊優惠，Scan code就有呢間餐廳既7️⃣折優惠券，所以今日同朋友決定去食下佢😚😚😚🐓海南雞喇沙配飲品 $88去骨海南雞，肉質嫩滑，係有一舊硬少少，可能我自己本身唔鐘意食雞胸位置，但湯底濃味🍜，都幾好食，飲品係免費的，無需再額外加錢, 有汽水/蘋果茶/檸檬茶🥤🐥泰式酸辣鳳爪$38(午市小食追加減50%)不是太辣，好岩唔食得辣🌶️而又喜歡食鳳爪的人, 味道都係偏濃味😋😋😋💡整體黎講食Lunch都幾好食，座位又舒服，環境都乾淨企理，食飽仲可以坐係到傾下計先。👅味道：4/5💰性價比：3/5📍 喫麵 (愉景新城) (荃灣)🗺️ 荃灣青山公路荃灣段398號愉景新城1樓1016-1018號舖

想唔中伏嘅人留意下！！！入面有個男人，瘦瘦地，好似唔想同人接觸咁，企收銀位。有次我自助落餐，想比payme或者cash，點知個自助機收唔到呢啲payment ，跟住我咪問個男人可唔可以幫我係正式個個counter度收錢，點知佢唔肯。明明以前第二個人企個時都會幫我收payme，呢條瘦仔都唔知係咪挽嘢。跟住我同佢講話明明你同事都係咁做點解你唔肯，跟住佢個樣好心虛咁樣，又講埋啲問非所答嘅嘢，之後直接轉移話題，當我唔識用部機咁樣由頭咁到落尾，語氣又唔友善，好唔耐煩咁，其實部自助機我係識用㗎囉，係你部機唔收我個種支持方式，咁我有咩辦法先？你唔收payme收cash都得姐，洗唔洗咁落人面喎？ 之前食過兩次，但自從呢次之後以後我都唔會幫襯呢間嘢☹️。

話說好耐無黎愉景新城，唔知有咩好食，趕時間既情況下見到呢間「喫麵」間鋪裝修幾靚，個feel好似Kiki麵，又人少少既餐廳，睇睇個餐牌價錢一般唔算好貴，相又幾靚仔就決定試吓啦。點知。。。一入去只係自助點餐，要係點餐機點，第一次點係要望一望，因為唔知食咩好，本身無人排隊，望左一陣，可能半分鐘咁，個店員已經係旁邊係咁講野催我，話未揀到可以揀完先黎，之後有人黎排，咁個店員就更加講多啲野催。一路催一路催，但係揀到最後想俾錢，個掣又禁唔到，個店員又唔理只係繼續催，最後原來有啲位係要禁兩次佢先揀到。第一次唔識禁，個店員只有催又唔幫手，不知所謂。俾完錢拎個機仔等佢響自己拎野食。間野其實無咩人，不過都等左好一陣先響，仲要只係拎到一個餐，另一個仲未得。個餐其實打卡係靚既，擺盤都幾精緻咁，可惜味道就，個粉好咸，太濃味，食完個胃係有啲消化唔到既感覺。我其實係會盡量食晒所有野既人，但係感覺到個胃真係頂唔順，最後我真係食唔晒，係無能力食晒。三小盒唔知前菜定小菜都唔好食，唯一正常味係個豆腐湯。餐飲我欣賞佢可以揀Jasmine Tea，可惜呢個茶濃得苦，又係麻麻。至於拉麵，個賣相唔錯，味道唔知啦，我無食，不過試飲左一

最近係荃灣返工 所以經常落來愉景新城食飯 都幾多選擇 見到哩間食麵嘅都幾吸引 因為同朋友一齊食 餐廳有亞洲唔同地方嘅麵🍜 朋友仔唔鍾意食東南亞嘢 哩度都有港式雲吞麵俾佢揀👍🏻 好多選擇 而且環境乾淨舒服😌✿ 麻辣擔擔麵 ✿ [$68]估唔到擔擔麵嘅湯底好濃郁 花生味好出🥜 而且有好多肉醬 就算冇配其他餸 都好滿足 份量好多 食唔曬 麵都keep都咬口 唔會一夾就斷 但會痴埋一舊 好難夾😫✿ 炸雲吞 ✿ [+$19]炸得好脆🤪 鍾意炸物嘅要叫 有埋泰式辣醬 正 不過雲吞嘅餡好少 得一個指甲咁大附上朋友嘅笑哈哈拼盤🙂 好得意😍地址➸荃灣青山公路荃灣段398號愉景新城1樓1016-1018號舖★好食指數★：4/5★服務態度★：4/5★冇加一★

📍喫麵 𝒀𝒖𝒎𝑴𝒆𝒆🧭 荃灣青山公路荃灣段398號愉景新城1樓1016-1018號鋪💰人均消費: HKD78二訪#喫麵 @yummee.hk，上次食過船麵唔錯，今次試下蝦麵🆗東南亞風味 濃湯蝦麵 $78𝑷𝒓𝒂𝒘𝒏 𝑵𝒐𝒐𝒅𝒍𝒆𝒔個湯望落好濃，但飲落唔似蝦湯，反而似冬陰，覺得麻麻地！ 個麵係油麵，麵算少，同個湯唔係好夾！ 腩肉口感可以，好多芽菜！蝦有三隻，但好細隻，佢開邊扮大隻😂 而且有陣霉味！隻碗大，但份量好小，食完唔係好飽！雖然好多唔同國家麵食揀，但唔係話真係好出色#MFJ荃灣 #MFJ馬拉菜#mfoodjournal #foodie #hkfoodie #foodblog #hkfoodblog #malaysianfood #malaysiancuisine #相機食先 #荃灣美食 #馬拉菜

今日放假去左愉景新城食晚飯發掘左一間好好味既餐廳忍唔住要寫篇文章讚下佢海南雞飯唔使加錢比雞骴我啖啖肉 好嫩滑有味飯好香軟硬適中最驚喜係黑毛豬扒麻辣擔擔麵炸豬扒依然保留到肉汁唔會乾柴柴擔擔面花生味岩岩好仲加添左少少花椒既麻而不辣超正 真係推薦大家試下起初對於餐廳有珍珠奶茶唔抱期望點知黎到 奶茶好有茶味珍珠亦做到岩岩Q彈既口感最可愛既就係隻bearbear熊用茶底黎雪成冰飲到最後杯奶茶都仲係咁香濃好味食物質素絕對超越左價錢用心❤️製作 絕對超值👍#yumme#愉景新城＃星馬泰＃海南雞飯＃擔擔面＃炸黑毛豬扒