喫麵 (愉景新城) (已結業)

Lunch Time间间都高朋满座, 又赶住食, 见呢间唔洗等位, 就放胆一试啦。Menu随咗正常既面之外, 俾我见到竟然有海南鸡叻沙咁破格既配搭, 见88蚊包野饮, 价钱尚算ok, 就叫咗呢个。 分开逐样讲...汤底: 面最紧要系汤底, 先试个汤, 系ok既, 有咖哩味、有椰香味, 味精唔明显。都几食得辣既我, 觉得完全唔辣。面: 大部份系车仔面个种油面, 有少量米粉, 芽菜份量适中。𩠌: 成碗最正系豆卜, 索满汤, 好食! 不过主角个D所谓「海南鸡」, 淡而无味不特止, 仲骸过Nike! 可能咁啱全部系鸡胸啰...饮品: 有汽水、柠荼、五六款拣, 跟餐免费, 但系.... 「大」杯到一个极点! 扣除冰既份量, 可能得200ml左右。可取之处: 够饱, 份量对得住价钱。进步空间: 鸡胸骸唔系绝对, 当然明白, 开得系地产霸权商场, 不得不将价就货。