合喜餐廳

营业中

休息中

叫個早餐,沙爹牛肉通粉通粉裏面有埋,米粉,公仔麵...沙爹牛肉湯底係我食過最難食嘅,湯底淡而無味,牛肉好似白灼咁...都唔知係咪撈埋一碗畀我,員工態度又越嚟越差就號已經唔係以前嗰間合喜,試之前要小心中伏....好失望..

諗住去酒吧之前醫飽個肚，入到去呢間餐廳叫咗個番茄肉片飯，的芡汁一嚿嚿，啲肉片應該比梳打粉乸得好勁好q難食，番茄同茄汁比例算ok，但係啲飯勁難食，都唔知係咪用咗越南米，又鞋又黃黃地，一啲飯味都冇，價錢又唔係平，可唔可以比好少少啲飯我食，出得嚟使錢都要覺得洗得值

聽朋友介紹觀塘有間餐廳價錢唔貴、廚房師傅水準一流好奇之下去試試。今日一試值得推介「肉絲炒麵」和晚市的「新鮮魚」套餐。師傅烹調「新鮮魚」的技巧一流，從師傅口中知道每天親自去挑選新鮮魚（天天不同），從選購至上碟全個過程都是親力親為，絶不假手其他人，用心為食客做足100分，份量十足之餘還配備和不含味精又足料天天不同的例湯再加上餐茶一杯、這一頓好味、豐富、超值的晚餐值得推介。看見隔離枱的食客所選的餐份量都十足兼有鑊氣。

聽朋友講呢度有間新開嘅餐廳，附近有食過晒，無乜特別。是但試下喇。估唔到呢間餐廳好乾淨又光猛，啲嘢都好好食，我食咗個咕嚕魚柳飯，比出邊好食好多，價錢又平。見到隔離枱食新鮮蒸魚，都好靚，下次再黎！