合勝茶餐廳 (已結業)

茶餐廳來來去去都係差唔多果啲味精野不過呢間就似返啲家庭嘅模式，日日食都仲得涼瓜牛肉飯一睇就知道用料新鮮，涼瓜顏色夠鮮同青綠，煮得爽口唔會淋滋滋，正合我口味牛肉食落口都夠鬆軟，絕對冇食柴皮嘅感覺配合一杯有茶味檸茶，滿足

來灣仔呢頭做野通常都來呢度，呢度食過幾次，舖面一般，裝修好渣，地方細，坐得迫夾，但點解要來？冇計，呢頭得呢間最好食沙爹牛肉旦意粉，冬零茶，牛肉係滾熟方色，沙爹汁分開林洛去，不是正定晒的沙爹牛肉，意粉不硬不林，剛剛好，有咬口，因為食得太多定正既沙爹牛肉，真係難食到咸。。冬零茶，又係舊色茶記風未！來得呢度就不會食裝修，的野好食就夠，去的裝修幾靚又明星效應又如何，的野食兩啖就覺得垃圾，我寧願來呢的好過！！

沉悶工作天下午茶已成為我醒神之王道！而今天事頭婆更來了點新意，登登！！茶記的cappuccino!!!暢快！有時候咖啡飲得多都悶，呢杯苦澀得來有着濃濃的巧克力/谷古的氣色，原來是秘制的《啡田》喔！當然不是咖啡+華田咁簡單啦！總之味道錯縱複雜，完全是喚醒了我的靈魂！而醫肚方面也不是單純的西多士，旦牛花生醬西多！問你服未？！金黄色的西多，煎得好靚，內有乾坤，咸咸甜甜加上粗粒花生的口感，既飽肚又過引呀！爽快！

晨早流最緊要的當然是一杯醒神咖啡啦！每朝一踏入呢間小小茶記都總是爆滿人的，佢的過人之處？當然是水滾茶靚大件夾抵食既早餐啦！餐牌種類繁多，配搭廣泛，做街坊生意價錢亦夠街坊喔！！咖啡 味道偏苦澀，凍檸茶味道尚可。牛奶麥片都好好食又滑又綿，不會水稀稀的，配合適量的練奶，甜度適中，吾錯。沙爹牛肉通，勝在夠大碗，食量大的人必定滿足！通粉偏淋和粉，沙爹和牛肉醬汁不配不夠入味。花生醬厚多士，粗粒粒花生，正！厚多士夠軟熟，微烤至暖暖的，非常好味！

星期一至五都帶飯，星期六周圍行見到呢家隱蔽既茶餐廳，星期六都有午餐唔想食太多肉就叫左個南瓜排骨蒸飯太香噴噴食到一半先記得影相d蒸野唔錯，夠味又唔太咸細食可以叫少飯最正係天氣凍想叫杯熱好立克飲老闆娘sell飲朱古力好立克又幾好味咼同區泥講唔算貴，下次無帶飯試下買外賣先

十二月下旬‧晴上日才試過隔離的下午茶，是日就吃這間的。要了熱狗，包是烘得熱熱的，腸煎過，有蕃茄及生菜，但味道就是不對。包有點油在表面，立立的；蕃茄及生菜都凍凍的，跟熱的包吃起來有點怪；沙律醬下得多也不均，一是沒味，一是過濃。還好，杯咖啡不錯。還是隔離抵食。

附近training, 連續两天在此食早餐茶餐廳得D枱menu第一天要了芝士火腿奄烈厚多士, 厚多士有半寸厚，唔錯芝士只係中間一小塊同溶於蛋中，火腿都幾多，蛋可以生D，滑D更好，普通凍奶茶唔夠甜鹹牛肉蛋治，烘底加一蚊蛋同牛肉都幾多, 同樣蛋生D，滑D更好, 正

店面不是很大，但估唔到入到去係咁多人仔 正值下午茶一行3人所以要等順便睇餐牌見好多人都叫車仔麵，燒賣粉果就揀左車仔麵車仔麵重點就係餸！！！所以泥個大堆頭！！！份量唔錯，蘿白好甜！讚呀！朋友叫左個西多沙律沙律唔似一般茶記咁用勁多青瓜生菜了事問老板娘有咩好介紹佢話下次泥食飯可以試下“世伯雞”擇日不如撞日雖然依家係香港食雞都唔會有好大期望但出奇地有雞味～無雪藏味！仲要滑滑的！！！！！！絕對推介！仲要有湯飯食tim ar可惜已經好飽了

很久沒有試過一過了農曆年的紅日就是開工大吉了。是日，如常的同一班巴士出來，因為上班的人不多，交通極之暢順，比平日早了半個小時到灣仔。既然有時間，那就就腳地，在謝斐道找地方吃早餐。一轉左，就有一間小小茶餐廳，算是擠滿了人的，一個人入去，也要就著身子去搭檯。生意旺，一是好食，二就腳，近巴士站的確是一件好事。如常的食返一個雞扒蛋麵，港式的親子拉麵..... 雞扒，雖然不是太過大塊，但有皮有肉有味，煎得夠香，單是塊雞扒，味道是可以的。蛋就覺得佢地煎得太薄，一夾就連黃汁連蛋白跌出，不夠好。最不好的，是奶茶。苦澀味過份的重，連淡奶都救唔返，苦得黎鞋口，好差勁。擠滿人，該是近巴士站同地方小的錯覺吧，下次不來......