吉豚屋吉列豬扒專門店

营业中

休息中

吉豚屋吉列豬扒專門店想不到都有細姨想食的店，當然即刻入去試，只是沒想到她會想吃菠蘿包。店員見到有人排隊居然視而不見， 而是行去跟其他收銀員傾計而不是去幫忙帶位。然後又要我們坐走廊位，明明裡面有其他位，有兩個人仲座四人卡位。遇著這種店員真係唔洗同佢客氣可以一口拒絕，然後說要坐裡面。如果我自己一個就話唔同佢計較，但要朋友接受不公平對待，我唔會做鵪鶉啞忍。入到去用QR code落單時試了細姨想試的豬扒菠蘿包。看海報的確吸引, 味道還可以, 不過不失。

葵廣最高層嗰條食街入面嘅其中一間舖個湯嘅味道呢就都OK嘅咁就食咗呢個壽喜燒雞扒牛肉湯烏冬同埋就係吉列炸蝦豬扒泡菜湯烏冬咁但係個炸物呢啲粉呢今日就較為厚咗少少之前食同今次食都差唔多咁一模一樣佢就係位置方便葵廣啦等就等咗一陣嘅上一次就唔使等不過呢就覺得呢個份量呢唔係好夠啦烏冬份量都偏少，我已經係女生來～可能我比較大食咁就都好似唔係好飽～不是太大滿足的咁二人就食咗$179，唔算太平都唔算貴同埋其實今次呢就想試佢有新出兩個拉麵但係都話售罄，下次再有機會嚟葵廣先再試

今日嚟到葵芳覓食，平時都係掃街，今晚因為想食飽肚啲，有見食飯時間呢間唔係好多人，又唔使排隊就入咗黎，呢間吉豚屋落單都好方便，係用QR code。我揀咗呢個炸魷魚牛肉壽喜燒烏冬鍋（$82）揀完之後等咗好耐都未有嘢食，見隔籬枱早過我入去嗰啲都未有嘢食，出餐真係好慢。嘢食到咗之後，呢個烏冬鍋真係好食，湯汁鹹香，加埋啲牛肉都唔錯，至於炸魷魚就唔係新鮮即炸，因為食到已經凍凍地，不過都香口嘅，用嘅唔係鮮魷魚，係類似麵粉咁樣嘅口感。

叫咗壽喜牛吉列雞扒諗住兩溝咩都可以食下上到嚟原來真係兩溝都冇攞嘢墊高個炸物直接浸喺入邊啲皮變咗一坺嘢四嚿有一嚿完全剩係得脂肪我男朋友叫吉列炸蝦丼上面竟然整咗隻散咗嘅蛋好似煎蛋再加啲炸蝦佢嗰個冇汁都淋左跟住OpenRice仲要滿200字先至可以評價好壞🤡叫咗壽喜牛吉列雞扒諗住兩溝咩都可以食下上到嚟原來真係兩溝都冇攞嘢墊高個炸物直接浸喺入邊啲皮變咗一坺嘢四嚿有一嚿完全剩係得脂肪我男朋友叫吉列炸蝦丼上面竟然整咗隻散咗嘅蛋好似煎蛋再加啲炸蝦佢嗰個冇汁都淋左

野食差到無人有 塊炸豬梅曬 成個飯勁難食 落埋七味粉都救唔返 杯野飲乜乜乳酸 溝左勁多水 淡過杯水 服務態度勁差 差啲想成個銀包比佢 我以為我差佢錢仲要收加一 想比錢買屎食既可以去試 人生食過最難食嘅飯top one

叫左吉列豬扒烏冬 塊豬扒凍既 啲肉又梅 已經好難食 問佢拎沙律醬 諗住用黎掩蓋陣雪味食左佢就算 個女侍應態度惡劣 問佢拎沙律醬好似問佢拎錢咁 咁既服務態度都可以收加一服務費 離晒譜！

黎到葵芳一定係掃葵廣，不過今日約了朋友食飯又想搵位坐低傾下計本來想去食韓國野，發覺葵芳韓國野都幾少選擇，而且朋友表示岩岩先起韓國返黎😂😂不過要起葵廣搵間可以坐又坐得舒服真係唔易竟然起3樓掃街場見到呢間吉豚屋，而且裝修唔差如果你黎開葵廣一定知真係好難搵有得坐嘅餐廳😂😂份量都幾多，因為如果起隔離新都會食起碼都過百了吧?？豬扒堅係好大塊，壽喜燒汁正常發揮反而烏冬有驚喜，幾好咬夠彈牙

經過俾個菠蘿包吸引住，點知坐低先知菠蘿包賣晒🥲只能試下佢D炸豬扒吉列炸蝦豬扒烏冬$91豬扒超大塊，配上大量椰菜，炸蝦有兩隻，超脆，但炸粉比較粗粒，食到上顎有D痛🥲烏冬伴有少量海帶和魚片吉列炸蝦豬扒泡菜烏冬便當 $82 + 巨峰玉露 $13同樣有炸蝦兩隻，但炸豬扒份量比上面的少一半。泡菜湯底微辣，配菜有豆腐、泡菜和雞蛋，味道不錯。巨峰玉露價錢有點貴，巨峰提子汁中加入爽口既椰果和增強口感既爆珠，中和泡菜既辣味餐廳座位唔算多，坐位比較窄，地面亦有點濕滑，但食物份量大，服務員態度相當好，很有善食唔晒都鼓勵打包唔好浪費，但外賣盒需要加$2，堂食另收加一服務費

餐廳名字：吉豚屋吉列豬扒專門店 (葵芳)餐廳地址：葵芳葵富路7-11號葵涌廣場3樓88B號舖吉列相撲丼吉列相撲丼使用不同吉列食品做成的丼物,主要有吉列魷魚、吉列蝦、吉列牛肉和吉列豚肉。吉列食品有著名的豚肉,各種吉列食材在丼飯裡各顯其道,同時也很好融合在一起。吉列魷魚的脆嫩口感,吉列蝦的彈牙感,吉列牛肉和豚肉的嫩滑口感,每個食材都很出眾。而蓋飯自己也非常有彈性和粘稠,很好的將各種食材包裹其中。整個食物搭配很協調,同時品嚐出各種口感,以一個丼能享受到這麼多美味真是再好不過。

炸蝦天婦羅脆漿太厚，內裡的蝦肉則是史上吃過最幼的，於是就似是吃炸麵粉，幾乎吃不出蝦肉。唯一的優點是，這是出菜最快的一道菜。滑蛋炸豬扒飯飯煮得太淋太軟身，似是煮飯時水下太多，影響口感，這白飯真的不是太好吃。滑蛋份量極少，豬扒炸得不脆，這招牌菜實在不太吸引。豚肉麵豉湯（大）因為很少本地日式料理店有豚汁賣，其實我是特意為了這個才來這間店。而它的湯其實非常足料，用的是位置比較好的豬肉片，可以一塊一塊吃下肚，遠遠優勝於另一家日式連鎖店的100%白花花豬肉肥脂粒麵豉湯，完全不能吃還要得逐塊挑出來。但再足料我都只能給三星，因為真的過咸了，估計是鹽下多了，要不就是用了過咸的麵豉醬品牌，所以我是挺失望的。浪費了一窩好料。

呢一日去咗葵青劇完睇《金池塘》，之後就去咗葵廣蕩。原來呢度有吉豚屋，又咁啱有一人位，於是我就坐定定食返一餐。好多客人，店員都好忙下，好彩有QR code落單，自己可以慢慢黎。見到宣傳menu有個吉列相僕井，咁我就試呢個。個飯黎到真係嚇一跳，沒想到咁大碗。入面有牛肉片有雞扒有炸蝦仲有塊巨型炸魷魚！真係食到好熱氣！炸野下面有彩有一大堆生菜絲！！隻溫泉蛋就係另上，自己打蛋。跟餐升級要咗碗野菜豚肉湯，好飲，入面超足料，好滿足！原來呢度都有凍檸樂，啱晒香港人口味呀！整體黎講都好滿意，一人位都有齊醬料，唔駛舉手麻煩職員。唯一要留意就係只係收現金同八達通，同埋多人的話要等耐啲位。

行完葵涌商場諗住同朋友坐低食吓嘢，見到呢間餐廳有得食壽喜燒牛肉烏冬就好想試吓！叫咗個壽喜燒牛肉烏冬拼炸魷魚，仲有埋隻溫泉蛋😋呢個餐仲包左杯飲品！一嚟到見到份量都幾多，啲烏冬入晒啲壽喜燒汁好好食，牛肉都唔肥Yummy！炸魷魚就一般般，係坐低食飯傾吓計嘅好地方，下次都會再嚟！♥️

今日收工同老婆行葵廣，見到呢間吉豚屋，諗住入去試下，點知中曬伏，店員完全唔注意樓面情況，叫極都無人理，上漏單又唔理，叫咗個豬扒牛肉壽喜燒丼，同加套小食雞件，送到過黎啲雞件完全係凍冰冰，都唔知煮完放咗幾耐，就咁就上碟攞俾客，碗豬扒牛肉壽喜燒丼仲過份，上到黎啲牛肉全部又係凍冰冰嘅，豬扒嘅皮全部都淋曬，煮定唔係問題，但係都唔該加熱下先攞出黎俾客食啦，完全係太過份，真係食到忍唔住黎特登寫劣評，一間食肆呢廚房做到咁，不如唔好做好過

被門口擺放食物樣版吸引入去🤤每張枱提供芝麻醬及豬扒醬可按照喜好自行調製口味❤️而且葵芳分店限定菠蘿包系列下次可以回訪試試新推廣😋吉列炸蝦豬柳泡菜湯烏冬鍋🍤🍲用鍋盛載住熱辣辣♨️，烏冬食落煙韌滑溜，泡菜湯底酸酸辣辣幾惹味，鍋裡加左隻蛋🥚及幾塊嫩滑的豆腐，吉列豬柳做得唔錯，食落肉質鬆化且啖啖肉，果然係招牌菜💯，而吉列炸蝦🍤裡面蝦唔算大隻，但兩者敗筆在於炸粉較厚及唔夠酥脆，伴菜有大量新鮮椰菜絲，食落幾爽脆，加入芝麻醬冇咁寡，從而可減低炸物的油膩感吉列炸蝦雞扒鳥冬🍤🍜有2隻吉列炸蝦🍤，其中一隻細蝦幾乎被超厚炸粉蓋過左食唔到蝦肉，吉列雞扒碎上切開4件，食落肉質幾嫩滑，但見到雞皮大減胃口有啲肥膩，而昆布湯烏冬口感煙韌彈牙

想快手食個晚餐，又想坐吓，好彩堂食店比較少嘅葵廣，仲有吉豚屋，都算係質素保證。店舖採用QR code落單，方便快捷。店舖內都是日式木系風格，環境明亮，和外面的熱鬧是有一些分別。叫了一份烏冬配吉列豬扒和吉列雞扒，芝麻醬和豬扒醬汁在每張桌子上都有提供，客人可以按照自己喜好再加上。另外一個菜式是滑蛋豬扒菠蘿包，製作需時較長，上菜時新鮮熱辣辣，可以感受到菠蘿包的脆皮！其餘麵包部份較鬆軟，非常方便入口。可以見到中間的豬扒部份都非常厚切，有啖啖肉的感覺！