吉野家 (慈雲山中心)

营业中

休息中

好似好多年未試過平安夜無出街真係唔係咁慣，不過又唔知點解自己又推咗人😂😂趁住凍凍哋就過嚟吉野家打個邊邊先，相信都好多年無過嚟打，而家只有清湯同濃湯兩種，記得以前仲有蕃茄🍅湯底可以揀平時真係唔係咁鐘意食飯，或者係因為26/12要比賽所以揀咗要飯，唔食飯係唔夠力㗎🤣，加埋啲飯喺個鍋度邊打邊食，真係好正最喜歡就係個芝士竹輪（獅子狗卷），嗰啲芝士流出來嘅感覺真係好到無朋友😂😂如果多啲菜相信會更加好至於其他金菇，南瓜，豆腐，粟米，蟹柳，冬菇... 樣樣都係打邊邊嘅必選＃坐我對面個大叔喺我打之前已經坐咗度我打完仲係喺度＃點解坐咁耐要阻住個位1個人已經霸兩個位＃搞到其他人要等其他位如果有人管制下就好

基本上行到邊都會見到既吉野家🥘但唔係間間咁理想⋯深水埗個間就真係麻麻地⋯今次經過慈雲山，突然想打下邊爐，一家老小（其實加埋都係四個人）就去左吉野家打邊爐，一人一鍋我地揀左雞肉同牛肉，三個清湯底，仲有一個係龍蝦湯底（上面張相係雞肉來的，牛肉未影到呀）以前個火得一個，依家一個爐係雙頭👐🏾太耐無食喇😆😆😆雙頭比以前好多，起碼加熱好d呀嘛！雞同牛比起，牛好食d，食落去會有d牛肉鮮甜味，雞肉反而就無味既⋯咁多樣菜，我覺得成個鍋最好食係烏冬面🍜其他材料都ok的，呢個價錢，都超值既食過其他便d既鋪頭，真係可以用垃圾黎形容所以吉野家我覺得好好架！一般快餐店黎講，慈雲山吉野家既舒適程度同衛生程度我覺得ok 👌🏿總括黎講今餐都食得幾開心😆😆😆😆

講左咁耐要食吉野家嘅打邊爐 今晚終於有機會食到啦一人叫咗一個鍋 可以試晒兩隻味我哋去到嗰陣都未夠八點 在場都尚有吉位 唔使等就可以坐低食珍寶蟹棒鍋+韓式粉絲呢個鍋主力Cell個長蟹棒 味道同正常蟹棒差唔多個鍋入邊就主要都係啲菜 味道就比較清淡見啲韓式粉絲一條條好似好硬咁 點知擺落個鍋到一陣 已經好快林晒 可以食得海蜆蕃茄鍋+讚岐烏冬同我最愛既金菇呢個喎好足料 見到擺滿曬蜆加上番茄湯底 味道比較濃郁不過對個讚岐烏冬就比較失望 因為都唔係滑身嘅 同普通烏冬冇咩分別肥牛可以點芝麻醬 味道好夾 好食旁邊放左幾渣湯底 可以自己加返份量都算多 我哋兩個食完都表示好飽打邊爐點可以冇冰凍既可樂惠顧滿＄120以上 仲可以將可樂免費升級至22安士 好抵呀!!

放工後累得只剩下半條人命，只想在家附近吃個快飯，然後盡快回家休息。為求方便，走進慈雲山中心的吉野家。七時，店子裡不算人多，但想舒舒服找個位置坐下，我們也花了一點時間。我們先找到角落位置，比較隱蔽的座位，心裡也有點奇怪，為何這邊位置也不錯，坐過來的人卻寥寥無幾。定睛一看，這裡不算很乾淨，我們連忙調過位置。食物味道尚算可以，我很喜歡吃三文魚及蟹籽蓋飯。鹹鹹的三文魚蟹子撈飯，很惹味。另外，我們還要了咖哩牛肉飯，咖哩很香。

天氣凍冰冰咁，又係時候打邊爐喇！本來想同班fd 食下芝士竹輪鍋，點知八點已經…賣！哂！失望之下揀左貴少少既蟹棒火鍋，雖然唔係真蟹肉，但大大支蟹棒都真係幾架勢。成條蟹棒大到個鍋都裝唔哂蟹棒食落同平時d 蟹柳味道差唔多，只係大條d 咁解同場仲有大家最愛既肥牛，等水滾之後煮兩下，配番芝蔴醬就一流！最後教大家吉野打邊爐一定要揀烏冬，因為煮到最後可以慢慢收乾水，等烏冬吸收哂湯底既精華，烏冬味道更濃，口感更爽滑！

一起身就面對一個大難題：食KXC蘑菇飯定食吉野家蘑菇飯好？苦苦思索亦未能抉擇，最後由於KXC出現巨龍，決定試下吉野家新品。蘑菇煎雞飯細飯套餐$28，比午市其他飯平一截。雖然個汁望落同KXC差唔多，實情味道完全唔同，清清地之下，有淡淡菇味，幾特別。不過煎雞本身亦無味，配上清淡菇汁，對重口味之人嚟講有啲乏味。

原本打算晚餐去吉野家打個肥牛小鍋邊爐，但去到旺角分店座無虛席，但整間店瀰漫住濃烈既燶臭味，初頭以為係有人滾燶左湯底所致，所以諗住去返屋企附近慈雲山店食，點知慈雲山店一樣係燶味濃厚，仲要無曬竹輪鍋，淨返新出既濃い芝士雞鍋，本住試一試既心態就中伏，一路食一路聞到燶味，原來為左尼個鍋吉野家轉左另一款鍋爐配搭，底層有錫紙用日式方法再用一層紙造出紙火鍋效果，但錫紙愈燒愈燶，愈燶就連鍋入面既食物都𤓓曬味，真係好想原封不動退返曬成個鍋比佢！！

行開慈雲山中心見有啲肚餓就去左吉野家食下午茶,見呢一間吉野家有新嘅"見月豚肉飯"就試一試.第一啖日落口有啲驚訝,呢一個飯嘅醬汁係有一啲辣嘅,但係喺餐名”見月豚肉飯”係冇描述到呢個飯係有少少大帶辣,雞蛋嘅蛋黃係半熟嘅幾好味,當吉爛隻雞蛋同啲汁攪拌埋一齊送飯,口感都幾香口, 味道以鹹同埋辣味為主, 佢嘅豬肉,肉味唔明顯或者咁講我食唔出佢嘅豬肉嘅豬肉味, 又或者可能因為醬汁嘅味道較為重所以行涵蓋豬肉嘅味道. 但總括嚟講二十幾蚊喺快餐廳裏面可以食到一個茶餐(配一杯淡淡地嘅日本茶),我唔會執著太多! 呢個價錢食下午茶,性價比已經好高,朋友們可以值得一試!呢一間吉野家,有一個不足之處就係佢唔收八達通,點餐嘅時候畀咗錢佢,又要等佢找錢,有啲費時失事!

等吉野家出饅魚飯等左好耐，後來知佢出左。網上啲食評都唔差。仲要睇片見匙子吉落去啲質感係軟軟的，所以就第二日即試。結果中伏!!我用匙子一吉落饅魚，推到佢落碗底，飯都推到兩邊去了，饅魚都仲未被吉開。即時知道中伏……我一生人吃過兩次饅魚係要用彈牙來形容，吉野家饅魚係其中一間，無諗過佢可以將饅魚整到有雞肉的質感。我真係接受唔到…味道未去到難吃，但唔會用香口來形容!超級市場啲饅魚壽司果舊饅魚仔都要比佢好得多!我諗係分店問題，但我已經無信心去其他分店再試佢個饅魚飯。呢個價，我寧願比貴啲去其他餐廳食。佢令我真係感到好失望。

當大家樂，大快活，美心都在夏天收哂D火鍋的時候，基本上四月打後已經收爐。吉野家現在還有火鍋，對火鍋迷的我太好了。它的牛肉火鍋是我最愛，肥牛肉很滑不鞋加埋濃湯入面味佷夾，再加芝麻醬好正，牛肉值八分。配料和肥牛可加配很貼心，烏冬亦一流，很彈牙很滑好食，跟出面普通烏冬不能相比。跟餐有蔬菜包和飲品，細食的人會夠食，大食的人可另加配料，一百元內一定食得飽。

【洋食A餐 配日本茶 $26.5 ★★★★★★★★★☆】「洋食」這來舶名字真怪氣。這「洋食」不是說說笑的，可說集各家之大成。茄汁焗豆、香腸、午餐肉、炒蛋、漢堡扒。每樣，I mean everything single one，都是不可或缺的。每次吃麥記早餐，跟餐的總有東西棄如敝屣，如薯餅和英式包。但這「洋食」，如偏要我捨棄一樣，我沒法作出抉擇。腸仔、漢堡扒、午餐肉，乃是垃圾食物界的天王天后。此際聚首一堂，可算每個人的童年夢想。炒蛋、茄汁焗豆，起了緩衝作用，令感覺上變輕盈。Avengers，只能以此形容這鋼鐵組合。

未到返工時間一於吃個早餐先 , 時間有限即刻想起吉野家 , 行到店前見到有新早餐~香濃番茄雞粒腸仔湯烏冬+飲品$20.5 !! 不喜歡吃烏冬可以吃麵 , 不吃雞粒也可以選擇牛肉 ! 無令人失望果然是濃濃番茄湯底 , 有不少的番茄肉 , 還有甜甜的粟米粒可以中和酸酸的番茄 , 不過雞粒不夠味偏淡 , 腸仔咸了點不過配上滑滑的烏冬也不錯! 早餐的話烏冬的份量是足夠夠飽的!! 工作的關係相信會時不時再來 , 早餐時段夠經濟!!

近呢個月超愛吉野家既烏冬....加上最近又變得細食..所以等到兩點鐘 落去吉野家食下午茶=]雞粒烏冬 + 凍檸茶 (我至愛配搭)好好味啊~^^ 雖然烏冬唔係好多..但都夠我食慢慢咬..煙煙韌韌咁...品嘗一個下午茶真係一種享受=]不過黎食野真係睇時候呢~ keep唔到一個 standard 相質素有時d 飯好難食..落太多水~煮得好林d 牛肉有時 整到好老...近乎深啡色~見到都唔多想食...有一次食 細牛肉飯~ d 牛肉好嫩口...岩岩好熟~超正!d 飯粒 真係一粒粒既珍珠米咁....超好味..而d 烏冬湯底 有時太咸(真係咸到唔係咁接受到...)有時濃味少少都仲可以既不過如果可以稀多少少~可能會更加好味=]不過都係好鐘意食~~^^ 8號食仲俾左張 吉野家日曆卡我呢~雖然冇用=]

今日要去慈雲山工作.未做野之前當然先填飽肚子.好耐沒有去過吉野家了.一於食個丁麵做早餐,一向偏愛海苔珍菌的我當然要了一個海苔珍菌丁麵,首先要讚麵唔會煮得太淋,食時麵唔會過淋,啱啱好.可惜麻油唔夠公仔麵送的香,這個日本麻油比較失色了.至於海苔珍菌份量唔會太少,敗筆湯實在太鹹了,最後都飲唔晒,如果放少些鹽效果更好 飲品要了抺茶紅豆凍,這個冰跟餐只需加6元.哎,以前飲過覺得味道不俗,點知今次大失所望,所謂的綠茶味道完全飲唔到,我覺得自己像喝淡淡的水,至於紅豆煲得算淋,弊處是勁甜,甜到根本飲唔到,這杯飲品絕對唔合格 這個早餐共吃了24元,味道真是不算太好,只是還了自己想食吉野家一個心願啦這間分店有報紙看,有得食有得睇倒不錯

我覺得d牛肉好鹹。冇色澤，但係如果淡一d o既話，撈飯都ok啦!!!!!!!!!!!!!價錢係$10-20幾啦!其實都算抵架啦!份量都差唔多架啦!味道差d。三文魚飯(大約係咁o既名字啦)真係好鹹!對於我嚟講(三個字) :好難食其實都叫抵食 ,因為好大兜架,所以先食到扁嘴。承惠$10-20幾啦!我唔會推薦俾你地食。d野雞飯好多豉油(唔知係唔係豉油呢)唔要d豉油會好d!其實都幾好好食o既!價錢係$10-20幾我食過吉野家外賣，個盒就好大，份量就好少，所以我就建議你地落街食好過!堂食同外賣價錢就一樣，但係份量就好唔同!!!外賣少好多，堂食多好多。聽講烏冬幾好食，等我下次試吓先。