吉野家 (葵涌廣場)

营业中

休息中

在附近行街經過吉野家，而且已經很耐未食過，所以決定入吉野家食個下午茶。我叫左個牛肉飯。牛肉飯中的牛肉口感依然不錯，不會太硬，也不會太肥，肉味很夠。加上牛肉汁更加滋味。而我叫了牛肉飯多汁，每淡飯也有牛肉汁，真的很惹味

Lunch就地食-吉野家 每次想起吉野家 都必點牛肉飯 其他新品什麼蘑菇汁飯 感覺太像頹飯了都唔太吸引想食得green d 就叫左個野菜牛肉飯 fresh d嘛. 比和風牛肉飯更健康野菜係胡蘿卜 豆角 西蘭花 有D汁浸著 因此一點也不鞋口 感覺是滑潺潺的 口感幾好 好鍾意食牛肉都好林好夠味 硬是覺得加價後縮了水orz..份量唔多這是單購$36..沒有日本茶但有水提供 用紙杯裝 衛生程度極高!!!

放假前夕，返工總有放假心態，今日去買左個飽肚早餐返公司慢慢嘆昆布牛肉烏冬: 除左有牛肉、昆布之外，仲有獅子狗同日式魚蛋做配料，份量相當多，牛肉係另有上層盤裝住隔開，省位得黎又保持到牛肉既濃郁味道，連日本稻庭烏冬一口食超正，大碗配料多足夠捱到下午茶時間，抵食叫左杯凍咖啡，飲落少許甜，但味道可以，不過不失

香港咁多間餐廳來講，吉野家都算係比較抵食嘅日式火鍋。今次自私食叫咗一個＄66嘅蟹柳青口。蟹柳特別長，兩條就頂四五條，整完熟咗之後甜甜地幾唔錯，因為一開始拎出嚟嘅時候其實仲係有啲冰。牛肉質素都係一如既往，不過都係唔夠牛肉飯嘅調味好，肥肉多之餘唔會好滑。雖然話烏冬係讚岐烏冬，但係質素其實都係平平。青口細細粒不過口感都OK。改咗呢一種可樂杯之後可樂嘅份量明顯下降。真心呢個價錢真係好抵，平平地食個日式Shabu都係一個平民好選擇。

吉野家打邊爐一人一個鍋！吉野家真係日日都爆場，要搵到個位真係唔容易。😐一個鍋裏面有芝士竹崙、少量金菇、蛙蛙菜、豆腐、兩條蟹棒、冬菇。菜多肉少非常健康蛙蛙菜（$6.5）有啲洗唔乾淨，不過份量都算足夠。金菇（$5）同蟹棒（$9.5），蟹棒有一陣怪味，食落食除咗濃湯嘅味道之外，仲有一種異味，冇平時蟹棒應該有嘅甜味！值得一讚嘅係金菇嘅份量都算足夠。牛肉得三四塊，唯一嘅肉食份量極少而且佢外層包嘅保鮮紙充滿晒血水，證明保存牛肉嘅雪櫃溫度不足牛肉嘅味道一如以往，肉質好鞋，有點兒牛味...最後粉絲非常容易索晒湯汁，想去加湯但係又搵唔到濃湯！最後迫不得已加左清湯而且餐廳環境好迫， 10個客人有九個都食緊打邊爐，冷氣非常不足

本來諗住試葵涌廣場掃街點知經過吉野家 見到新出既芝士雞鍋身為芝士控既我梗係要試下啦一人份量岩岩好食到咁上下有啲滯🙈原本既芝士係有啲'希'同淡但加埋額外既芝士就岩岩好啦唔好諗住啲芝士'杰'小小就正啦我就係掛住食有啲痴底呀😵記得要keep住加小小湯呀雞都好味，好滑平平地食到個芝士鍋 算係唔錯

最近全線吉野家又再一次推出芝士雞煲了，今晚去左試試啦。今次推出這個芝士雞煲試根據市面潮流嘅食飯。先食芝士雞煱，然後再食火鍋配料。價錢為 $60套餐食物包括:芝士煱烏冬一客芝士碎和雞湯 for 後期添加芝士雞煱份量適中(一個人份量)，食物包括:雞肉，芝士丸，青椒雞肉口感煙韌爽口，帶著濃郁的芝士味道，十分開胃。芝士丸爽口彈牙，內裏的芝士醬暖暖流出，十分好吃

前一排見到吉野家呢個芝士雞鍋既廣告，好吸引，一直想試，點知一試就中伏鳥！首先芝士味唔夠濃，又稀稀地，加上雞肉一d味都冇，雞肉份量又少，個friend食左幾啖都忍唔住叫左個豚肉飯。最慘係我仲矇到跟佢地個instruction加雞湯落芝士度，真係淡上加淡，又唔想浪費，個餐成60蚊架，唉！

細個成日都會同朋友黎食,因為下午茶真係好抵大個之後多左誘惑,但久唔久都會一個人黎試下牛肉飯,今次我係夜晚正價食,所以大碗D牛肉無羶味,肉味好夠,口感唔錯最緊要係個牛肉汁食極都唔厭,拌飯超好食唯一可惜係野飲無雀檸啦

吉野家食開下午茶，真係幾抵食，一個牛肉飯20蚊有找邊度揾，今日早左起身，經過吉野家咪望下有咩早餐食，咦，原來一早都有飯食，另外佢地都有類似西餐，煎蛋配米粉咁，咁我今日食海苔粟米煎雞飯，濃郁嘅醬汁，煎雞唔老，香甜粟米，好味！19蚊，又搞掂一餐！

吉野家推出芝士火鍋今日終於一嘗到因為我是芝士控,所以都非常期待味道如何!芝士雞鍋可配公仔麵, 烏冬或粉絲另外會有一碗芝士可按自己喜好加入!本身入面既雞粒已經熟左~ 煲滾後已可以即刻享用~最後可以加入公仔麵, 芝士同公仔麵我覺得非常夾!注意: 中途要加雞湯, 避免痴底總括來說, 以這樣的平民價錢, 而有這樣的味道質素~是非常滿意的了!!

特登等到下午茶時段才吃午餐，因為想吃吉野家的煎雞飯。野菜煎雞飯 下午茶的分量雖然比正價時段少一點，但一碗飯都有4-5件雞扒。雞扒外皮煎得香口，配上醬汁甜甜的又有少少鹹，味道較濃。 吉野家選用珍珠米，比泰國米好吃，上一次在吉野家吃早餐點了湯烏冬…才發覺叫飯好吃很多!!

好耐無食過吉野家打邊爐啦! 友人都想食下, 所以今日9秒9就決定左打邊爐!揀左一個芝士竹輪鍋配雞肉和帶子龍蝦鍋配牛肉, 另外揀左跟烏冬和韓式粉絲. 野食好快就到啦! 烏冬和韓式粉絲的份量都幾多! 打開個鍋, 入面都好足料, 有南瓜, 豆腐, 冬菇, 蟹柳, 粟米, 金菇……等左一陣, 就滾啦!即刻落左少少韓式粉絲, 不過可以粉絲吸水, 所以食唔夠一陣就要加湯.雞肉肉質嫩滑, 吸左濃湯的味, 味道尚算不錯, 再沾醬油, 又帶出少少鮮味喎!牛肉同普通肥牛差唔多, 肉質及味道尚算可以, 不過沾少少麻醬, 立刻覺得滋味非常.再來食點鍋內蔬菜, 蔬菜都吸收濃湯的味, 非常鮮味! 中和下食肉的油膩感.一咬開芝士竹輪, 即刻見到內裡包裹著的芝士, 芝士味香濃, 好食到停不了手.韓式粉絲可能煮得太耐, 一夾就斷, 不過味道還是可以的! 都吸收了湯汁! 好味!但份量有點過多, 最後還是食剩了.因為食物種類很多, 所以就算每樣都只係少少的, 但卻食到超飽, 超滿足!!

好耐無打邊爐又唔食太多野,吉野家的1個小窩邊爐真係女仔福星,可以過下口癮 又唔太貴。叫左帆立貝龍蝦牛肉湯鍋料跟烏冬,配料有豆腐,蟹柳,野菜,大粒冬菇,金菇,粟米,南瓜,油豆腐,如果有D配料可以俾多1件就好了~~兩料芝士丸,1粒雪到硬的帆立貝同墨魚餅龍蝦湯係罐頭湯,味道都幾濃,有龍蝦味同甜,但煲完1ROUND後只有清湯同雞湯REFILL,咁我溝埋做清雞湯算。帆立貝雪藏的,話新鮮都唔信啦 ,芝士丸真係超級正,軟綿綿的芝士香濃又唔漏,好似年糕的質地,食完仲想食,可惜無得追加!!其他配菜吸收左D湯味好好食,真係無得輸,雖然食完會口渴......最後.....烏冬一定要沾芝麻醬食,唔知點解只有係吉野家食先會覺得咁好味,平時自己煮係煮唔到種風味,可能個湯底有太多精華啩。朋友叫左個濃湯,越食越鹹。1個人1個shabu shabu超級飽肚,又可以慢慢食傾下計

放工經過葵涌廣場，比吉野家門口個廣告牌吸引左，有得換領我兒時最愛- 足球小將。呢間吉野家平時都有好多人排隊，故我都等左5分鐘。雖然吉野家推出左好多新野，但我個人都係比較喜歡傳統既牛肉飯。記得初中時，總會約埋班同學仔一齊食吉野家，果時真係覺得牛肉飯真係好好食。仲講過食過世都肯~踏入社會，越黎越少機會食。所以今次要回味下先。食牛肉飯當然要加牛肉汁，撈埋落d飯度真係一流，d飯熱辣辣啱哂係天氣凍既時間食，暖下胃d珍珠米口感唔錯~軟得黎又濕濕地，易入口，啱哂我呢d食軟飯既人。牛肉有肉既口感，有少少乾，但冇油膩既感覺，食落冇"濟"既感覺。不過就冇左新鮮感啦~總括黎講保持往日水準。