同心

营业中

休息中

灣仔嘅打工仔飯堂今日同事帶我嚟呢間話喺灣仔必食飯堂 出名嘅就喺滑蛋叉燒飯！！！唔洗諗🤪😂就叫呢個好快已經上餐 呢個飯先$57！簡直喺打工仔恩物滑蛋唔會抄得好老叉燒算喺好多塊 有肥有瘦 呢餐性價比好高

逢星期五都差唔多係食同一個早餐，星期六日，都係行去駱克道食早餐去平時嗰間公司見到隔離有間叫同心，門口望望早餐餐牌嚟有三文治或者啲炒蛋多士拼粉類之類，見到佢有一個沙律吞拿魚牛角包，好似幾吸引入去試吓先，坐低叫咗個吞拿魚沙律牛角包，平時都係飲開啡走，今次都一樣，牛角包叫姐姐幫我大火，嚟到咖啡，溫度唔夠太熱，但係咖啡味道，好滑，由於要大火關係都等咗成8分鐘牛角包先至上枱，嚟到賣相好吸引吞拿魚份量甚多，咬落去外脆內軟，有牛油，入邊有兩片生菜，咬落去每一啖都有吞拿魚，份量之多有啲驚喜。早餐又多個好選擇。

下晝午餐時間要齊人先入得，好彩一點左右去都有位，都有好多人喺出邊等緊外賣。認為佢哋嘅奶茶都幾好飲，建議大家下次唔好叫茶走直接叫奶茶味道會啱啱好，因為比較細杯加咗煉奶最後就會太甜。灣仔最多就係叉燒滑蛋飯，尤其是係大公仔食飯嗰兩條街，呢個蔥花相對冇咁多豉油係偏甜嘅嗰隻，但係炒蛋非常夠滑唔係加奶款，師傅手勢好好叉燒亦都唔會太肥，女仔可以叫小飯，表示我應該會好味到食得晒，正常飯男仔份量應該都充足。朋友叫咗個沙嗲牛肉麵，見其他枱都幾多人，叫常餐亦都推薦，沙嗲牛肉唔係辣嘅嗰隻。喺開飯見到奶油脆豬圖片好吸引，所以我哋都叫咗你食，下午茶非常推薦一個女仔加埋個茶餐就會好飽，朋友唔算大食就食唔晒，炒蛋水準一樣咁高，超級滑。茶記當然唔少得叫凍檸茶因為夏天時間出邊等位都比較熱嘢食，大部份都嚟得好快，都係即叫即整。

咁啱我同同事喺附近返工，諗住食下附近茶餐廳，點知間間到咁多人，最後，我同我個同事選擇咗一間叫<同心>嘅茶餐廳去食午餐。我哋分別選咗咗2個常餐去試吓。火腿絲仿鮑魚絲通粉配鮮奶炒蛋轉左豬仔包 - 個豬仔包有兩份， 十分大件，一個人一定食唔完。另外，火腿通粉個湯十分鮮味，真係好清，等我食咗佢全部嘅湯。蕃茄叉燒意粉配厚多士 - 叉燒十分多，有成七到八件，真心抵食，個蕃茄湯底十分濃郁，超好味，另外個蛋又炒得好滑，配合多士真係絕配。

蔥油叉燒炒滑蛋飯 🍚 $57 咁啱喺附近返工，諗住食旺記冰室嘅叉燒炒滑蛋飯，點知太多人等位，最後試食咗呢間同心。🥚 半熟既滑蛋加左少少蔥花 ，食落有淡淡嘅香味，鋪滿成碟白飯🥓 叉燒大塊厚切足料，做到每一啖滑蛋都見唔到叉燒係入面有，不過個人認為叉燒有啲乾同偏肥。🍚 半熟滑蛋加左少少蔥花，食落有淡淡嘅香味Overall 🤔 不過不失嘅叉燒炒滑蛋飯，得一個鐘lunch time嘅打工仔可以考慮吓。不過有時間嘅話可以試吓其他附近嘅餐廳🙈同心 (灣仔)灣仔謝婓道130-146號建利大廈地下5號舖食物: 🌟 🌟 🌟/5服務: 🌟 🌟 🌟/5 （上餐15分鐘內）價錢: 🌟 🌟 ⭐️ 🌟/5 環境：🌟🌟/5 (同一般茶餐廳一樣，環境會比較狹窄）性價比: 🌟 🌟/5 回頭率: 🌟 🌟 /5 #ddd灣仔搵食

之前都有食過，今朝再食，叫咗餐蛋一丁，味道比上一次好（唔知係咪換咗大廚）價錢係灣仔區都算合理，叫埋凍飲＄４３仲要唔洗等位，職員都有禮貌講返食物先，一丁正常，勝在夠熱，餐肉厚切，太蛋都唔錯

星期六一早起身返公司加班🥲，既然都唔知要加班到幾點，緊係要食返嗰靚早餐先啦😔，行經謝斐道，見到一間地方唔大，但平日好多人幫襯嘅茶餐廳----同心，望下佢嗰早餐Menu📔，除咗見到平時其他茶餐廳嗰幾款外，發現一個比較特別嘅選擇😮，豬潤豬肚公仔麵，咁就一於去試下啦。豬潤豬肚公仔麵 配鮮奶炒蛋厚多士 $45加了鮮奶的炒蛋🥚非常滑嫩，多士夠厚而且外層麵包皮非常香脆😍，但入面還是非常鬆軟🥰，非常好食😋。之後主角出場啦，豬潤豬肚每樣4️⃣舊，豬肚軟嫩好吃，而且無腥味😋。至於豬潤，唔算粉嫩，但仍有少許爽口彈牙，只能夠講不過不失😶，比較普通😌。由於碗湯本身冇咩味，所以連帶啲麵都係冇咩味，可惜😪。最後杯熱奶茶茶味重但奶味唔夠，普普通通咁啦😶。總括而言，炒蛋多士非常出色，但嗰麵就普通咗啲，下次會試埋其他。

同心一直係我身邊既人都讚唔錯既店大家係疫情期間都有幫襯過佢既防疫外賣優惠 當時佢既黯然銷魂飯 只係$35 好抵啊!!!雖然未食過 但賣相好唔錯🤤🤤今次我就試試佢既早餐啦😊望望餐牌 見到佢有個是日精選早餐 又平又滿足到我想食茄湯 就係佢啦😆😆蕃茄湯粉再加充分既午餐肉 仲有烘厚多士配滑蛋 再加杯熱檸水 好飽好滿足 為我既早上叉充電🤩🤩茄湯茄味濃郁 可惜我個人唔好午餐肉 但味道好夠味 成個就係個豐富既good morning 😙開心 終於一試 比個好評佢 值得支持！👏🏼👏🏼

Wanted buy a takeaway and eat in the office and I came across 同心. It has the usual items that you get from a 茶餐廳, I went for the 滑蛋叉燒飯 which came with tea. The egg was runny (they claim to use Japanese eggs) and the cha sui not dry, I expected less at for $30 however it was much better than expected! Good value and tasty lunch.

今次再次幫襯佢個平靚正叉燒蛋飯, 盛為$30蚊，今次等候外賣時間太耐了 等左差唔多20分鐘, 呢2日都要等呢個時間, 買埋上公司已經得返30分鐘食...再係等咁耐未必會再幫襯了 不過食物一樣有水準 $30黎講都係平靚正

今日係呢到再外賣左個叉燒飯蛋，雖然都係$30係好抵， 但今次太多肥喇 好少肉 所以有好多係食唔到 呢樣有待改善 但蛋味道都ok 唯有用蛋同汁黎送飯 講返個努奶茶 都幾香濃 好飲 幾唔錯

今次係呢間到試左個外賣X燒蛋飯, 價錢$30, 有野飲, 唔錯, 食落覺得幾好味道, 肉味道唔錯, 蛋都算滑, 性價比極高. 又平！外賣推介. 長期有人排隊, 下次會再去幫襯 因為真係平

上星期有日lunch天黑黑，所以決定買外賣返公司食。响後面街有幾間餐廳，揀左間做外賣特價嘅茶餐廳，因為$40就有個滑蛋叉燒飯，仲有野飲👍🏻12:30落到去，即刻落order，唔駛5分鐘就攞得啦👍🏻返到去office食，個蛋真係好滑，個汁都幾好味，有甜豉油嘅味...甜甜地所以撈飯一流！而叉燒每一塊都唔大舊，唔會UN，飯嘅分量我就覺得多左少少，女士應該食唔晒。我點左熱咖啡做餐飲，其實不嬲都知茶餐廳嘅啡係麻麻地，但又順口叫左，下次應該叫熱奶茶😝