影片
港铁油麻地站 A2 出口, 步行约7分钟
继续阅读
营业时间
星期一至日
17:00 - 02:00
以上资料只供参考，请与餐厅确认详情
一班朋友好耐冇聚會，朋友咁岩係旺角踢波，踢完就黎哩頭搵食啦😋餐廳位置不算太顯眼，如果唔係朋友介紹都未必知道哩間店，但朋友話佢之前黎食過保證好食，咁就信佢一次啦😄等齊人期間先叫左小食同串燒頂下肚先。夫妻肺片 - 好爽口，而且味道好好，唔係一味得個辣字。係辣得黎又帶點爆香既味道。燒金菇肥牛 - 肥牛唔會太老，金菇亦唔會太乾，加埋孜然粉，好香口。尖椒皮蛋 - 醬汁味道同夫妻肺片一樣，但蒜蓉既量就多d，又係食一舊想二舊燒多春魚 - 好肥美，入面d籽都好多，燒得岩岩好，唔會話燒到入面d籽都乾晒，最重要既係沒有腥味呢！朋友到左之後就進入主打環節啦！芝士琵琶蝦 - 老闆娘好熱情咁推薦我地試哩個，老闆娘攞由個袋入面攞2隻蝦出黎既時候都仲識郁呢！老闆娘仲好熱情咁話我擺好比你地影相先😬芝士味超濃超多，而且仲可以拉絲架～岩晒我哩個芝士迷啊琵琶蝦好多膏，處理完後肉質好陣牙，好鮮甜呢！食完之後朋友仲叫左鳥冬，煮左個芝士鳥冬食麻辣雞煲（半隻） - 因為有朋友唔食辣，所以只叫左半隻，再加多另一個煲。個煲岩岩上台已經聞到好香，老闆娘建議我地煲乾d水會更好食。食落去真係好香口，雞亦都冇雪味，佢都唔算好辣，唔係好食得辣既朋友試完話可以接受。入面既蒜同洋蔥都已經爆到好香，大部分洋蔥同蒜味都已經冇晒。中意食雞煲入面既蒜頭一定要食，我食到停唔到口。食完d雞就可以加水打邊爐啦～醉雞煲 （半隻）－哩個煲有少少藥材味，酒味唔算太重，感覺好養生呢！雞好似岩岩滾熟咁，肉質都幾滑。打邊爐前建議可以先飲碗湯先。食到後尾都已經飽飽地，所以打邊爐既食物都只係叫左幾樣－響釣、安格斯肥牛、手打墨魚滑。當中最推薦既係肥牛，肥瘦適中而且好滑。總體黎講，餐廳食物水平唔錯，最推薦既係麻辣雞煲同芝士煲。
继续阅读
我以為去長沙灣食芝士雞煲，已經無得輸，點知真係一雞還有一雞更芝！純睇賣相，真係平平無奇，但當食到第一啖之後，果種芝士味直頭係由件雞度浸出來，而且d雞肉又嫩，八個人由左一個醉雞煲同一個芝士雞煲，最後我地都要再叫多個芝士雞煲，因為確實太好味。其實個醉雞一開始以為無咩特別，但原來係越食越有酒味，所以最後我地都叫左其他野打邊爐。而戲玉終於到，老闆娘無貨，叫我地自己去超級市場度買丁丁麵，我地食晒第二煲雞，聽老闆娘話先放麵，煮到差唔多林晒，嘩，佢完完全全吸晒芝士既精華，重有濃郁既雞味，之後夾番醉雞入面既雞（要乾乾地身），呢碗麵簡直係200分。之後我地再落韓國既辛辛麵，想試下唔同質地既口感，但發覺始終係丁丁麵贏出，之後都叫左d菇同午餐肉，飽既指數當然係爆左！多謝朋友既介紹，美食加好友簡直係絕配！
继续阅读
天氣凍，就想食雞煲，所以就約咗朋友們一齊到旺角吃。我們來得晚，所以不用訂枱就已經有位置。首先，我們來了個招牌雞煲半隻，因為朋友不吃辣的關係，所以我們只是點了小辣。對我而言，再辣一點會更惹味，但整體而言，味道也是很吸引的！雖然只有半隻雞翼，但是份量也不少，我們四個人也很足夠。雞件嫩滑，即使多煮了一點時間也不覺得''鞋''。吃完雞煲後，就加入清湯打邊爐。他們的醬汁是自助形式，沙茶醬麻辣很美味，記得一試！我們隨便點了一些餸，當中我特別喜歡薯粉和墨魚滑。因為雞煲湯底加上沙茶麻辣醬與薯粉十分配！而我本身是個薯粉愛好者。而墨魚滑爽口彈牙，感覺很新鮮！其他的就比較普通一點🙈整體而言，算是中上的惹味雞煲，但火鍋配料偏貴了一點。
继续阅读
天氣那麼凍，雞煲火鍋很受歡迎呢。今晚與朋友飯聚就是在旺角吃雞煲火鍋有電視，不怕錯過黃金時段的節目呢。超喜歡吃涼伴小菜。這個豬耳十分爽口，麻辣汁有點酸酸辣辣，很開胃同樣是開胃小菜我們點了小辣，雞煲汁挺濃郁，雖然只是點了半隻，但份量也挺足夠，很惹味。吃完雞後便加湯火鍋火鍋配料選擇也挺多的。每份配料的份量也很足夠，吃得很飽呢。這只是我們點配料的一部份。飲品方面，汽水、啤酒和涼茶等的選擇也有。雞煲火鍋喝啤酒，爽愉快的飯聚
继续阅读
秋冬起最啱食雞煲！有幾款比你揀 辣既真係好好味 好過癮 芝士拉到長一長 足料到爆炸 啲餸又正 服務態度又好 真係一流！大家不仿去試下 食完真係好滿足 過番個暖粒粒既冬天！！！！！正！
继续阅读