影片
食家推介
招牌菜
食左好多年既小店，以前记得餐牌净系米线都有N种汤底，然后再有好多𩠌菜选择，有啲全鸡全牛全猪全牛餐丰富又好食🤤 无去一排 😧 哇乜变成咁，汤底得翻啲颓野 蕃茄汤清汤猪骨依啲🙄 𩠌菜选择又大减少 无晒特色野🙄食物啲份量都唔同晒，讲紧鸡扒系以前既一半呀大佬😮💨 同埋个配方都好似唔同咗，明明以前系又脆又热好好食⋯⋯🙃 总之成个感觉都变咗一个好颓嘅双𩠌面⋯⋯谂住快啲食完走人啦，点知连入边嘅配菜粟米粒都变咗，有酸臭味🤧 好彩同阿姐讲 佢都好认真处理，换返两个米线俾我哋，不过成个用餐体验真系好差。仲未讲 其实入门口开始已经见到佢哋人手严重不足，唔至冇人安排入座，执枱落单上菜收钱全部都系两个阿姐一脚踢，仲要个电话不停响，仲有其他外卖平台系咁接单🥴🥴🥴🥴 忙就会乱 隔篱枱杯嘢饮搞到错晒，又做到两个阿姐叫晒救命，不过我食完今次之后应该都唔会再帮衬😐 相信阿姐好快就唔会咁忙㗎喇😪😪
继续阅读
上星期有一日lunch time经过呢头，见呢间舖头环境好一般但就坐满食客，心谂应该有佢过人之处，即管入去试下😂餐牌有好多选择，中式，日式，西式，粉面饭，面包多士乜都齐，好多都可以自己组合，自由度高👍我就叫左个简单既日式鳗鱼牛丼(少饭)饮热斋啡 ($46)个饭大约五分钟就嚟到，卖相都唔错㖞！😯呢个价钱黎讲鳗鱼嘅分量绝对唔少，甚至比牛肉多👏鳗鱼都算几厚肉，鳗鱼汁唔会过多搞到太腻牛肉唔会太肥，肉质几滑，用左啲日式烧肉汁连埋洋葱一齐煮到好淋但又唔会太咸，劲好送饭！😁侍应们个个都几有礼貌👍价钱抵份量同选择又多，唔怪之得咁多人帮衬，连晚市都唔驶做😂😂
继续阅读
三重芝士日式叉烧炸猪扒饭🐷🐷原片芝士+芝士粉+芝士碎=三重芝味🧀🧀可以加埋芝士汁就四重享受叉烧同炸猪扒都啖啖肉，最啱食肉兽蕃茄浓汤紫菜墨丸炸鱼皮蕃茄味浓郁，鱼皮香脆，将鱼皮浸落个汤到，变身蕃茄鱼皮😂😂。仲有其他汤底可以选择，下次可以试吓！见到隔离枱系猪骨浓汤闻到好香，下次真系要试吓呢一个红豆奶茶&青柠梳打唔系度度都有得饮红豆奶茶，见到有得饮即刻叫，红豆冰嘅红豆配上香滑嘅奶茶，果然一流！
继续阅读
元朗出名多美食，今次嚟到同乐街揾食，见到有间名川面栈，门面装修系相对旧式嘅店，可拣店内或店外嘅少量露天座位进食。店内环境唔算系新，但座位都够阔落而安排得企理。由于下午茶时段都拣咗食，虽然店舖少少但系都够哂惊喜，净系汤底都已经有11款，再可以自由配搭𩠌菜，实在令人心大心细。另外有个好处系，如果唔钟意食米线嘅人呢间铺头嘅选择真系多，可以转上海面，通粉，公仔面，乌冬，味千拉面，出前一丁面...，仲可以转饭，应该种有一款啱你。最后拣左猪软骨米粉，黎到既卖相唔错配菜有云耳丝、粟米及芹菜等配料，即叫即整味道都好新鲜。另外问店员有咩好介绍，都叫左份炸鸡扒，炸粉唔太厚又炸得都几惹味。平平地嘅价钱加上呢个唔错嘅质素绝对抵食。
继续阅读
今天去呢头见客，因为太肚饿嘅关系，见仲有少少时间，便在附近找了一间餐厅来个快闪午餐。起初以为只系间普通面店，估唔到都几多选择，而且重有d特色嘢食，价钱重几抵。.名川鸡翼果然系招牌菜，不单外皮炸到金黄色，而且里面重保留住d肉汁。一碟有四只，上面仲有好多炸蒜粒，劲惹味。.三重芝士牛丼饭流心太阳蛋下面有满满嘅肥牛，d肥牛几足料。配上原片芝士，芝士碎，芝士粉，呢个三重芝士嘅组合，捞匀d蛋，肥牛同饭一齐食，每啖都好满足!.凉粉奶茶珍珠奶茶经常饮，但这个凉粉奶茶第一次饮，奶茶够滑配上爽口凉粉，几有惊喜。而且食完炸鸡翼，d凉粉重可以清下热气。
继续阅读