名廚 (紅磡灣中心)

营业中

休息中

雖然係街坊生意，但係我真係真心欣賞名廚～當大家都加價加得好離普既時候，我覺得佢地既早餐算得上有良心：足夠冷氣，大杯凍飲(+$2)，用出前一丁，有"扒"揀，連埋麵包、火腿炒蛋，都係＄２１，好多地方已經食唔到價錢唔貴又好食既早餐啦！午餐呢，有好多選擇，大約　＄３０　連冷熱飲品，我最鍾意福建炒飯，同乾炒牛河，有時一個人食唔晒，２個人share都仲得，都算夠晒大碟啦！

咖哩斑腩炒面，勁脆！食唔哂拎返屋企雪咗三日，叮完都仲係脆！神奇！炒咩都又香又有鑊氣，連蒸嘅都好味到：食唔哂包返屋企，千祈唔好嘥！我叫咗個最普通嘅土魷蒸肉餅，又厚又大碟，d肉汁又多，勁餸飯！我唔明點解個廚師咁叻，點解唔出去大酒家做，肯定大有作為！十分我會比九分，差嗰一分係，始終係茶餐廳，雖然野飲一般啦，but以茶餐廳嚟講，滿分！

平時一個人食飯，唔想食咁貴，又多d選擇，都會黎呢度食，炒粉麵飯真係整得唔錯，最鍾意個福建炒飯，平得黎又算足料，星米都唔錯^_^。雖然環境唔算好靚，但係價錢都合理。試過同屋企人黎食小菜，都唔錯架，餐牌都好多選擇，同埋聽講好似可以預訂自己鍾意食o既菜色，不過詳情就唔知，因為有時都見到d人好似食酒席咁。

今晚想食得簡單, 就叫左個外賣, 冬瓜粒湯飯及星州炒米. 無諗個個湯飯係湯及飯分開, 我仲以為會好似泡飯咁, 不過味道不錯. 而星州米水準也很好, 夠鍋氣又微辣.

呢間舖轉過好多次名，差不多次次都唔同名。星期日，因為太座要肥於是兩仔爺食早餐，見到有線電視播緊「足球小將」，我同個仔講，你阿爸細個都睇過呢套卡通，就係咁樣兩仔爺就有共同話題。講番D早餐，其實不外乎沙嗲牛肉麵、煎旦、薄牛扒及多士等都係好普通，根本不值一提，但係可以個機會同埋個仔一齊吹水就真係幾難得。

剛過去的星期天忙得很﹐能夠吃晚飯的時候相信普通人已正在打算吃甚麼宵夜了。飢腸轆轆﹐當然是無心情走九里遠去找吃的。最後在家附近發現一間裝修得不錯的餐廳﹐叫"名廚" ﹐行近看看菜牌﹐賣的是一般港式餐廳的晚飯小炒及粉麵﹐似乎跟店名及裝修格格不入。但餓得發慌﹐不容再想﹐就鑽了進去。當其時已過9時﹐店中依然旺場﹐找到個卡位就坐了下來。這裡賣的套餐及小菜款式不算少﹐價錢亦不貴﹐就要了一個二人晚餐﹐八十八元包兩菜兩白飯一湯。湯選了粟米魚肚羹﹐雖然魚肚少得可憐﹐說是粟米湯會比較貼切﹐但整體份量則很大﹐可分出八至九碗﹐四人享用也夠。不過﹐味道只算一般。兩道小菜則選了金菇肥牛煲及欖角肉碎四季豆﹐除了四季豆本身炒得不夠透略帶點青澀味以外﹐這兩道菜味道都算做得有水準﹐不遜於一般大酒樓的出品﹐令我們有信心下次再光顧。另加十二元有兩杯凍鹹檸蜜(跟套餐是每杯飲品加五元的﹐但鹹檸則需要加六元)﹐不收加一﹐剛剛好一百元正﹐都可算是平靚正的選擇。