影片
港铁杏花邨站 出口, 步行约1分钟
继续阅读
特色
同客食饭
附加资料
点心时间 (星期一至星期日)
早市 : 8:00am - 11:30am
午市 : 11:31am - 2:00pm
下午茶 : 2:01pm - 4:00pm
营业时间
星期一至日
08:00 - 23:30
以上资料只供参考，请与餐厅确认详情
招牌菜
今日放假同屋企人去饮早茶 ,妈咪话楼下酒楼食物一般 。所以我哋专登坐车去杏花村呢间名苑酒楼，环境 宽敞， 卫生 ，座椅非常舒适， 装修行高档路线。 早茶每位八蚊( 茶钱 ) 需要十一点半前埋单.早市孖宝好抵食，34蚊可以任选两款点心 . 即刻叫咗三个孖宝🤣另外单点，炸虾角和猪骨汤银针粉。整体嚟讲系平靓正,点心水准唔错 , 下次会再去✌️千岛酱炸虾角里面系原只虾， 新鲜爽口，皮薄，油腻猪骨汤银针粉 样子平平无奇，但出其地好味， 银针粉够烟韧，用上虾米增添鲜味
继续阅读
服务唔使讲系冇㗎 午市叫咗六个点心 六个点心都系难食㗎 冇样点心系热辣辣 好在自己带茶叶 整色整水咸水角 唔知用咗咩皮 可以难食到咁 虎皮鱼肉酿尖椒三条我唔知佢点样形成三条 我煎得仲好食过佢 如果真系要讲萝卜糕系最正常 因为辣椒酱ok
继续阅读
今日去完柴湾拜山，同长辈一行10人去杏花邨名苑饮茶，服务差，食物素素亦很一般。我哋订座枱，但居然要等！星期六早上11点，有咁多人咩？等咗十几分钟唔对路，入去一睇，发现里面有不少吉枱，大枱亦有吉，只系未执，我去同经理讲，佢无回应我，四周围望，似乎无其他侍应有空，就自己去执枱，最终搞咗约半小时才能入座。我哋张枱无点心纸，邻桌却有三本放点心纸的簿，大概系执完枱无放回。我哋啲点心嚟晒后，有侍应突然以质问方式问：「你哋啲点心纸呢？」我哋话无，佢就飞咗本点心纸的簿到我哋个转盘上，系「飞」，佢原来执枱见咁多放点心纸的簿，就「分发」番去本来的枱。食物质素亦麻麻，虾饺烧卖一笼三只，福建炒饭无乜料，主要系杂豆。酥皮焗叉烧包，好劲油酥味！几年前曾光顾，属略高档的茶楼，各方面都属中上。而家只有价钱高档，服务和食物质素甚至差过茶餐厅！性价比极低！如不改善，好快执笠！
继续阅读
如果想食到一肚气，你可以去帮衬！今日食Lunch, 著黑色衫𠮶位中年女士部长，完全唔做野， 叫佢落单黑哂面， 另一位同场女侍应就成日扮执枱睇你唔到， 个个都唔想做野。 个部长仲话唔够人手！ 个个都好似妳咁做野， 请多100个都唔够啦！ 建议增设QR落单， 自助斟水。唔洗请呢d人， 有人等于无人。 又或者赶走晒啲客， 好似晚市咁，一晚都无3枱客， 咁就够人手啦！ PS: 传菜姐姐好好。系个女部长和女侍应好衰， 最后仲收多钱添，大家要check 单呀！ 但最好唔好帮衬啦！
继续阅读
星期五晚与朋友叙旧，都杏花邨名苑吃了一顿丰富的及美味的晚餐。有烧乳猪烧鸭炸生蚝、蒸扇贝、上汤云耳菇，冬瓜盅。烧乳猪新鲜出炉，皮脆肉嫩，第一次吃脆卜卜的乳猪😂炸生蚝只只也很大及没有腥味，冬瓜盅真材实料、每人也有两碗。五个人、人均$238， 很值得再去。但酒楼服务员一般，不够主动，很多时没有水及枱上满布用完的餐具也不会主动换。但食物质素已经可以抵消服务！真心推介，位置在杏花邨地铁站出口左转，不用1分钟，真的方便！
继续阅读