名苑酒家 (已結業)

今日去左石蔭呢間名苑飯茶為左慳$無叫點心,一人一個碟頭飯($18)我叫左星洲炒米線又有得飲汽水.男朋友好開心.仲同另外一個朋友鬥快呢個時候唔愉快既事發生因為男朋友同另外2個朋友既窩蛋牛肉飯冇曬所以其中一個朋友就轉左油雞鴨飯點知佢黎到d油雞全部都係骨.o嘴了朋友馬上叫部長黎.點知該部長態度好差大大聲話個d係油雞翼尖好正常不過我朋友都唔係省油既燈.憑住三寸不爛之舌叫佢取消左點知個部長又拎返黎換左肥少少但都瘦過鄭秀文既雞黎我朋友好人為左息事寧人都都冇左出聲食左佢以後都唔會再去了

母親生日，一家四人去光顧。落單後，竟等了半小時也未上一碟菜，叫侍應追了3次單也只說"廚房整緊"，態度敷衍，後來實在不能忍受，叫部長埋單，他才認真說會跟進，過了不到5分鐘，餸菜才上枱，但已嚴重影響氣氛，食到一肚氣。強烈建議不要去吃晚飯，以免被差劣態度影響食慾，喜氣變谷氣。

今日同2個朋友黎咗飲下午茶..平好多呢^^我地叫咗蝦餃,燒賣,牛肉球,沙律卷,牛柏葉,鳳爪,沙爹土魷,雞扎3個人食得好飽^^我覺得呢度D蝦餃好好味..個皮不太厚..又有小小韌喔..好味^^沙爹土魷..好香好入味,,正!其他都算中中挺挺..不過不失..我們坐了卡位..舒服..夠私隱!雖然要+$2/位

前幾日因為大哥係附近放工,順道同屋企人一齊出去搵佢去一齊食飯,我大哥就建議入黎這間酒家幫襯,咁就入去,裡面的餸幾抵下,石斑仲送埋添,其他佢地都幾快黎到......裡面的侍應服務態度幾好,唔會太不客氣......條石斑都幾好味呢,最後仲送埋西瓜+糖水,正......

今日下午又去咗呢到飲菜，成十一人，但係有啲同事冇咁早，所以我哋叫咗一個4-6人餐食先。呢個餐好抵＄138，有一碟燒味拼盆，一碟小炒再加六個點心。燒味：叉燒、豬仔腳、燒鴨同燒肉(叉燒好鬆化、一貫水準、豬仔腳同事都話好食、燒鴨不太肥、燒內亦ok)小炒：叫咗一碟豬頸肉干炒河。(好好味，入味，不過豬頸肉就唔多)六個點心：其實係一個lists比你揀六款點心，大中小點都有，當然揀大會抵啲啦！食完仲有糖水送，通常係紅豆或綠豆，有時會有埋蕃薯糖水嘅！服務方面：係另人滿意嘅，阿姐做野都快手快腳！環境方面：差不多每一個位都可以睇到電視，仲有設有卡位，而每個卡位都有私人電視，都好落本吓！

今日下午同同事去飲茶，自從裝修後環境唔錯，設咗好多卡位，而每個卡位有獨立電視機，可以一路睇電視一路歏茶，今日六個人叫咗一個套餐，$138，一碟炒野(要咗一碟炒河)好好味，不過油咗少少，一碟燒味拼盆(有油雞、燒鴨、叉燒同燒肉)同六款點心(大、中、小任何點心)，大大碟好抵食，食完之後仲有糖水送添，大家今日一個餐再加咗好多點心，都係兩嚿幾水。