影片
食家推介
大虾炒金边粉加杯热菜蜜 $48 价钱非常实惠，但味道非常一般。金边粉系鲜橙色𠮶种，同正宗泰国店暗色啲𠮶种唔同。味道唔可以讲话系难食，但系唔好食，整体嘅感觉怪怪地，有好强烈嘅酸味，都有少少咸味，但整体每种味道好似分开左咁。另外放喺碟侧边嘅碎花生有苦味，唔知会唔会系因为放得耐得滞。出餐会跟一碟仔泰式鸡酱（唔明点解），但系捞埋落金边粉就好味喇🤨成个餐最满意就系热菜蜜，唔使额外加钱又热辣辣🤩 结论系就算唔饱都食唔晒，但价钱取胜。
继续阅读
西九龙中心 8 楼美食广场有唔少选择，🍽️ 当日行来行去想食泰菜，最后喺几间当中拣咗「味力曼谷」，原因系见到几多人排队，感觉应该有保证。👀🍛 泰式打抛猪饭上枱第一眼望落去，猪肉碎似乎唔够火候，少咗打抛猪应有嘅焦香感。🔥 正宗打抛猪讲求 咸、香、辣 三者平衡，猪肉要用高火快炒，带出鱼露、蚝油、蒜蓉同辣椒 🌶️ 嘅浓郁风味，但呢度食落去味道偏淡，好似炒普通猪肉碎咁，唯一有啲泰式风味就系九层塔嘅香气。🌿🍳 配菜方面，太阳蛋煎得正常，冇太大惊喜，至于附送嘅椰子鸡汤 🥥🐔 同菜蜜 🍹，味道尚算 OK，为成个套餐加返啲分数。打抛猪饭系泰国街头小食之一，最灵魂嘅地方就系 香料、调味要浓郁，而且炒到略带焦香，酱汁吸收入猪肉入面，配埋粒粒分明嘅泰国香米，先有𠮶种 惹味又开胃 嘅感觉。🇹🇭✨ 之前试过其他香港同泰国嘅泰菜馆，𠮶种 辣劲、咸香、鱼露嘅鲜味 会更突出，相比之下，味力曼谷呢个版本就温和咗啲，钟意重口味嘅可能会觉得唔够过瘾。🤔下次如果再去西九美食广场，应该会试埋其他泰菜餐厅，睇下边间可以做到更正宗、更有惊喜！🔍🍽️
继续阅读
路过西九龙中心, 买埋晚饭先返屋企见佢D野食好似好好食咁叫左个打抛猪饭, $45好就快煮好, 拎到返屋企就暖暖地但坐车时闻到阵好香既椰子鸡汤味(当时太攰无为意我原来有汤同菜蜜)碗汤打开个阵味好香, 有几条椰子, 有条鸡颈, 半边鸡脚, 心谂, 冰鲜既都咁悭???咬左啖鸡颈, 痴线, D肉系软林林, 有肉味, 鸡脚都有一咬就烂, 用鲜鸡定冰鲜, 咁好食既?? (不过有D油溢味, 唔知边度黎)而个打抛猪饭都好好食, 九层塔超香~下次再去都可以谂下再食
继续阅读
食泰国菜就唔一定去九龙城既去西九龙中心顶楼一样有依到有几间泰国菜都整得唔错CP值又高 泊车又易系啲櫈难坐啲味力曼谷既炒野系炒得特别好尤其系个牛河色香味俱全仲有杯菊花茶解下腻不过个牛河就要趁热食冻左就冇咁好食个虾酱炒饭又系唔错虾酱味重得黎就唔会太咸因为佢放左成堆肉松系个面到捞堆食就中和左个咸味又有层次感仲跟碗汤饮下 而且都几好饮唔系一般果啲淡茂茂既例汤黎个拼盘好大份个虾就霉左啲不过其他小食都系水准之上不亚于外面既泰国菜馆咁碟马拉盏芥兰就不过不失啦都系应该有既味道但个椒盐白饭鱼就唔得既啲炒仲厚过条鱼个炸皮又硬 调料又咸都系正正经经食碟炒粉面就冇死
继续阅读
不知为何，每一次上到来西九龙中心，我主力都系揾泰国菜食。我主要，都系想食海南鸡饭。而且，这一个 food court，泰国菜既选择又真系多，而且，有一次在星期日来，发现到场内的印印姐姐们，最爱食既，都系东南亚口味既食品，而泰国菜也就是十个有九个姐姐都会在场内欢畅地食用的。所以，场内的泰国菜，真的是试不完的。而这一次，我就选中了《味力曼谷》来试个好坏。去到西九龙中心，要选择食泰国菜或其他东南亚口味食品的话，我都会试他们的海南鸡饭。这是一个很泰国式的海南鸡饭，无骨，鸡油饭，再配以青瓜及酸菜。油香中亦带点清爽的口感。鸡是香滑的，但鸡肉本身的味就不太突出，只可当一份祛骨既港式白切鸡饭咁食。该日，我加一个泰式凤爪作为小食。既酸又辣的味道的确是好，而凤爪也爽口。之不过，也许这食品比较少人点，出来的泰式凤爪好重雪水味之余，仲食到有冰，失分。隔了一阵子来，眼见这儿有大量的工人姐姐帮衬，泰式干炒鱿鱼河。这是一个有港式风味，也有泰式风味的美食。豉油王份外的香，而且加了一些属于东南亚的香料味道。是令人感满意的一碟泰式炒河粉。小小的总结就是，这是一个好坏参半的食事处。
继续阅读