味千拉麵

营业中

休息中

下午茶叉燒拉麵（$33）真心說，呢個價錢，有碗半隻蛋（少少流心）、兩片肉（都唔算薄，味道還算可以）、一堆筍（味道正常）嘅拉麵（份量不少，麵條軟硬適中，係豬骨湯底肥咗啲），而且包餐飲（要咗汽水，罐裝，凍嘅，唔使加錢），仲要冇加一收費，真係抵到爛。

最近真係經常都有機會食到味千拉麵。幾星期前去咗南區味千拉麵食早餐 用餐體驗不太好但因為這裡太容易到達和不太多人 所以都想去食的舒服點 這裡還未用手機落單 職員相對比南區多 餐牌比較殘舊 如果可以我都唔想拎起睇食物內容 價錢合理 可以追加其他食物 凍飲要加錢 所以其實我想飲可樂 但佢哋係無無糖可樂 所以最後都選擇加錢轉凍檸茶 店員態度和其他分店一樣差 根本現在這個集團已經唔係咩高級日式拉麵餐廳 今次點選了餃子拉麵 算係其中一款最平嘅拉麵 因為只係食個簡單下午茶 所以唔想點太多或太難做嘅拉麵 因為現在堂食只去到六點鐘 凍檸茶都係一般茶底無驚喜 拉麵麵質比較硬 可能廚房都趕出貨 餃子我非常滿意 桌上有醋汁 可以隨便落醬 不過醬汁瓶勁污糟 都幾恐怖湯底有點辣椒油 但那些辣味其實可以接受 我都好滿意 竹筍好足夠 但蔥花就唔夠多今次食物上係合格和滿意的 但衛生問題和服務問題都需要改善 日式餐廳但港式服務 再加上衛生條件麻麻 感覺像去了茶餐廳

難得一早入來東涌，就來到味千拉麵食個和式拉麵早餐，今日叫左個雞扒雞蛋拉麵，凍飲橙汁唔使加錢😌個雞扒比較小，拉麵湯比較濃，拉麵就夠大份，不過質素就一般般😅橙汁應該係一支支大裝倒出來的，無咩特別，不過是一個食得很飽的早餐

哩幾年味千拉麵少咗好多，去東薈城行街諗住食咗嘢先。有下午茶餐，份量都正常唔會太少。叉燒拉麵嘅叉燒比較一般。賣相唔算差。炸雞都還好，橙汁正常唔錯。店員服務態度有好有差，有個粒聲唔出就咁拎黎擺低望都唔望你。Hea到..好彩冇收加一。

尋日星期日放假，同男朋友諗住去東涌行下Outlet，咁行行下肚餓就搵嘢食，就是旦搵間食肆求其填飽個肚算。見咁啱4點幾有下午茶平平地，就諗住試試佢啦🙂//咁我就嗌tea set 熊本炒飯，啲飯唔係新鮮炒，個飯外面就熱，裏面就微暖嘅，感覺就係翻叮🤦🏻‍♀️，汽水就原罐（套餐包埋唔洗額外加錢）。仲追加左份炸雞，係有啲咸，但表面炸粉唔厚，肉嫩，個人覺得個炸雞係成餐飯最正常🍗//到我男朋友，佢唔係嗌tea set，嗌左個生薑豚肉丼，16:45落單，17:30都仲未有得食，等嘅期間分別叫左兩個員工跟跟張單。咁我坐果個位係望到廚房嘅，邊等邊睇住佢出啲咩餐，全部都係 TEA SET💢離曬大譜‼️啫係唔叫下午茶就唔整係咪⁉️//最後等到好炆，決定唔要個飯，行到去收銀檯，就有個男職員衝出嚟同個收銀講，個生薑豚肉丼 廚房無整，取消個飯，講完就咁就走左去，一句唔好意思都無同我地講‼️心諗咩料❓做服務性行業唔係以客為本❓無客你何來有生意賺錢收入⁉️//真係好彩唔洗比加一，都唔值得比加一‼️相都懶得影‼️呢間野永無下次🙂

味千拉麵呀😍都唔知已經幾多年無食過啦🤣以前中學生年代最愛食佢，因為比較平。而且當年未有咁多間過江龍進駐香港。一碗其他人所講既唔正宗拉麵。係我心目中係一碗正宗既“港式”拉麵。食既係香港人既回憶。🥰 講返碗麵先。點左最愛既麻辣牛肉拉麵！依？！質素好左咁多既？？湯底味道濃郁左！牛肉多左！麵煮既時間掌握好左！最緊要係居然夠麻夠辣！無見一排，進步左喎呀羊～～🤩👍加15蚊配既章魚燒都比想像中好好多。本以為會成舊粉或者好乾好硬😂😂當然唔可以同專賣店既比，但都ok ga。呢一餐，我食得好滿足。除左個肚滿足之外。個心都好滿足❤️❤️❤️

I haven eaten Ajisen Ramen for over five years, due to many branches closing and the remaining branches were nowhere near where I live. I found this branch today as I was walking around Tung Chung and decided to go inside.We were quickly seated. I ordered their signature food, the Ajisen Ramen. The broth tasted rich in pork bone, and the noodles were chewy and had a great texture. The thing I loved the most was the chashu. It had both fatty and lean meat, and the texture was soft, with a ri

Openrice定餐發現有錯誤，即刻取消，見版面確定，立馬打電話到餐廳，3－4分鐘無人接聽。有位阿姐接電話說無法更換其他食物，然後我追問是否可以取消或其他方式處理時，當我還在說話就cut咗我線，極無禮貌。

味千拉麵就當嘢食下個拉麵，但係奉勸大家一句，唔好嘗試乜嘢新野，好似我呢個一啲都唔傳統嘅拉麵，大家就無謂事啦。其餘傳統味道嘅豬骨湯底拉麵就唔錯，可以一戰。佢嗰麵包都幾好食，三樣嘢來講，我再推薦嗰塊麵包。

一早去食拉麵係咩體驗？突然一早想食拉麵，咁啱味千係附近🤗依家勁方便，嘟一嘟個二維碼就可以落單～叫左個地獄拉麵以為會好辣但其實唔係，係係有辣味既，但未去到地獄😂之後自己再加左啲辣椒粉，一早食咁辣即刻醒晒😂

拉麵🍜同雞煲🐔都食得多，但雞煲拉麵你又食過未呢？最近味千就推出咗一款冬季限定嘅惡魔雞煲拉麵，一於去試下新嘢先！ 宜家可以用手機自助落單，超方便。 😌呢款拉麵可以自由選擇辣度，有唔太辣、都幾辣同埋地獄辣。因為我唔太食得辣，所以揀咗唔太辣，不過其實「唔太辣」都幾辣㗎，食落仲幾過癮添。 🥵🥵🥵成碗麵望落去色彩好豐富，有紅、黃、綠三色椒🌶，成個湯底都充滿住辣油，未食已經感覺到嗰種辣。雞件好滑好入味，拉麵煙韌又彈牙。 跟餐仲有5隻餃子🥟同埋巨峰提飲🍇，餃子好香脆，餡肉豐富多汁。 食完咁辣嘅嘢飲番杯冰凍嘅巨峰提飲🍇，爽呀！ 屋企人叫咗超人氣嘅味千之霸，咩餸都有齊，有豬軟骨、豚肉、木耳絲、同少得溏心蛋！最鍾意呢度嘅豬軟骨骨糯肉嫩，香軟入味，感覺充滿膠質。 小食魷魚鬚金黃香脆，炸粉唔算厚，點蛋黃醬食一流。

味千拉麵，細細個已經成日食。去到東涌，周圍睇下有咩野食，行左好耐都諗唔到要食d咩，見到味千拉麵，又好耐無食過拉麵，於是就揀左佢啦！餐牌都好多選擇，揀左一個炙燒豚肉拉麵，好似新出的，一於試下。份量偏小，女仔黎講啱啱夠飽，男仔就應該唔夠，肉有3塊，都算大塊，味道適中，不肥不瘦。拉麵硬度啱啱好，湯底都好味，濃郁。咁耐無食過味千拉麵，水準都仍然keep到，價錢親民。一食已經有晒童年回憶，下次唔知幾時會再幫襯呢

好耐好耐無食過拉麵啦，呢間連鎖店可以話係香港日式拉麵店嘅始祖。如果無食過就真係要試下啦，價錢唔算貴，比起一啲過江龍仲可以話係平添。惡魔雞煲拉麵呢款雞煲醬真係超高人氣。自從多左係屋企食之外，每次整雞煲都一定買佢。見到佢同拉麵Crossover ，真係即刻心郁郁。佢有三個辣度揀，我就揀左中間「都幾辣」。果然，都真係幾辣，同平時食雞煲好似。有好多雞件，份量十足，仲有少少三色椒。加埋軟硬度啱啱好嘅拉麵，食得非常滋味唐揚炸雞香脆可口，炸粉好薄，係啖啖肉。擠左檸檬上去，帶少少清新！巨峰乳酸特飲好大杯，唔會好甜，酸甜酸甜，仲可以解下辣添！

小朋友鍾意食麵， 在家附近有間味千拉麵 ， 由東沖地鐵站行過去一分鐘， 地點非常方便。這次我點了豬軟骨拉麵，麻辣牛肉飯定食， 秘製炸雞，熱生薑蜂蜜， 還有日式手作餃子。豬潤滑拉麵拉麵最緊要湯底和面的質感。 這個拉麵湯底豬骨味濃郁， 面的質感煙煙靭靭，但不會過硬或過軟。 豬軟骨肥瘦均稱，很入味。麻辣牛肉飯這個麻辣牛肉飯辣味適中，大概有小辣。 適合愛吃少少辣的人。 以日本米炒每粒圓圓潤的， 很惹味。手作日式餃子這個日式餃子是手做的， 所以每一個也不同， 很有心思。 皮脆， 咬落去的時候內裏的肉汁流出。這家店環境寬敞適合一家大小聚餐。

平時去味千多數去堂食，今日經過餐廳門口見到貼咗張poster，宜家外賣有8️⃣折，好抵呀🤑，咁梗係買番屋企食啦。 食味千一定要食人氣no.1️⃣嘅豬軟骨拉麵，係我至愛呀。再多個小食同水果茶🥭🍓，100蚊有找。 等咗5分鐘左右，店員就送上外賣。收到個外賣，即時有意外驚喜😻，個外賣包裝得好靚呀，包裝穩固又cyber。 最欣賞個骨湯包會分開一包另外擺放，而裝麵個盒亦都係分開嘅，盒上面有好清晰嘅指示教你點做： 1. 取出上層麵隔，將骨湯包嘅湯慢慢倒入去2. 之後撕開底層內嘅加熱包包裝，放回原處3. 倒約半杯水入到注水綫，位置不高於加熱包4. 馬上將已加入骨湯嘅拉麵隔放回原處，並關上盒蓋5. 等5分鐘之後就食得啦🍜佢呢個包裝設計真係相當貼心🥰，確保返到屋企食都仲熱辣辣♨️，keep番喺堂食嘅味道。啲拉麵依然係爽身，保留番個掛湯能力。豬軟骨夠腍。溏心蛋亦有流心效果。 再加多個日式餃子🥟，個外表煎得好香脆，入面有野菜豬肉，咬落勁juicy🤤，入口仲係熱辣辣㗎。 而且個外賣盒仲好堅固，可以留番下次用。水果茶🍹有芒果🥭、士多啤梨🍓、藍莓，果味濃郁。