和田便當

营业中

休息中

竟然係科學園揾到$38蚊既飯盒，而且味道賣相仲唔差。依間位於金蛋（8W）附近既日式飯盒機，價錢由$38蚊去到$58蚊不等。飯盒機用左機械傳送帶 令飯盒可以平穩傳送 ，唔會灑出黎。今日我簡左依個$38蚊既照燒雞翼&温泉蛋便當。便當入面有一隻流心温泉蛋，半粒糖心蛋，3隻照燒雞翼，同埋一啲開胃漬物。啲飯仲係採用左日本米，價錢平味道亦唔差。個便當拎到手仲係暖粒粒，原來部飯盒機温度keep住係60°C左右，保温之餘仲保鮮！

喺科學園見到呢一個咁好嘅產品去到4點仲減到20幾一個日本米做嘅飯！對於想慳錢又貪方便的朋友呢一個係幾好的選擇，整出嚟仲熱辣辣拍卡就可以食到一餐日本餐了。又可以懷念家鄉又可以方便快捷好啱做科創好啱掛住故鄉的朋友，味道就算合格啦！期待更多選擇

今時今日既香港晚市話停就停..想食餐飯都唔到我地話事…🤷🏻‍♀️嘿嘿..和田便當就岩晒大家心水啦好可愛既便當機❤️全自助形式，我都係第一次用仲有得上網訂定便當，當日去拎我就真係建議大家上網訂定先..因為好食既餐我1點去到..都有2款售罄個飯拎到既時候仲熱架🍲本身諗住便當機..無咩期望但又成日見到排長龍貪新鮮試下…日式照燒牛仔骨🐮超級有驚喜牛仔骨份量有好多..仲一D都唔UN照燒味唔會太甜..好好味仲用上珍珠米,加埋洋蔥同少少配菜真係超值BBQ燒風味雞拼牛丼🐔BBQ燒風味雞件,風味一流唔會燒到好乾身仲大大件..同朋友SHARE都有剩肥牛好似安格斯肥牛一樣薄身得黎..份量又多..每啖飯都可以夾埋肥牛黎食…抵呀!!

今日lunch去左科學園試吓呢部自動販賣機，之前經過都想試下，就走去排隊，好彩我1230到都未算太多人，排左5分鐘左右就到我了每日嘅餐牌都唔同，要上網睇定或者黎到先揀，呢部機真係好方便，帶張八達通就買到盒熱辣辣嘅便當，仲有有專人喺隔離協助仲有店員喺隔離教你點用部機，好貼心，服務態度滿分！仲包一款飲品任揀！好正！有好多款式，你揀完店員會拎比你。店員好貼心咁問我要唔要膠袋易拎啲仲有得抽利是封添抽左個$3現金券下次用帶到番屋企仲係熱辣辣架！ 便當設計得好貼心放左層牛油紙喺上面，啲野食就唔會癡喺個蓋度柚子照燒雞扒拼安格斯牛丼 $44呢個便當我非常推薦！超級好食！尤其係個柚子照燒雞扒，真係有啖啖柚子味好清新！啲飯仲有牛肉汁添！一口牛配蒜香山賊燒醬汁 $56 一口牛整得好淋好好食，份量又多，加上茄子同薯仔做配菜，餸飯真係幾好食，值得一讚係佢連個蕃茄，西蘭花都好新鮮，玉子燒又整得好味！大合照跟餐嘅野飲揀咗梨汁x2同提子Soda x1好滿足呢個外賣便當一定會encore!!!太高質，平靚正！

最近轉到科學園工作，難得天氣好，都不想困在室內，決定望海「野餐」。今次去8W 試買一直人氣高企之日式便當。選擇好後，售賣機會幫忙送出，熱騰騰上菜簡單兩步曲，完成。分享下靚靚海景先，天氣好情況下真的挺舒服。一口牛配蒜香山賊燒醬汁 $66配上一罐日式飲品或自家制茶。味道方面都挺不錯，牛不會太重油脂味，亦不會太喊，另外飯是日本米關係，十分好味，不錯。另外都有素食推介朋友點了素食豬扒，偶爾來個Green Monday 都不錯呢。

在科学园工作，一直见到呢款便当贩卖机，贪新鲜同同事过来试下。原来入面有好多款便当，每日菜单都五同架。这样感觉选择就多了，不用每日只吃一种啦！星期三的便当有鱼肉和猪肉，我地叫左两种，味道都很不错，挪威鯖鱼饭滴鱼肉很大块，滴鱼肉应该是腌过的，很入味，吃起来进入嘴里还是香香的，鱼肉的味道也很新鲜，还是喜欢吃这个鱼肉的便当。便当盒里还有小番茄，很可爱，还有蛋卷，软软糯糯的，很新鲜，加上紫菜碎，拌着饭食很香。同事话素食猪扒便当也很不错，味道很合她的口味。对于女生来说，这个米饭的量很足够，吃完之后饱饱的，很舒服，而且还有很多种冷饮可以选择，我选择左葡萄和哈密瓜味道的饮品，都是我喜欢的味道，吃完午饭饮杯饮品，感觉好正，和田便当真的是很不错的选择。

聽朋友介紹原來科學園有自動販賣便當機！咁新奇緊係要黎試下啦販賣機擺放係8W當眼位置，唔講以為自己去左日本！便當好多選擇！部機亦都好創新！用落操作非常方便，又慳時間又好玩，岩晒係科學園返工既人 lunch可以拿拿林買完便當去附近望住吐露港食飯呢！係餐單機到簡完便當，拍卡比錢，然後隔離部機就會自動拎個便當放出黎跟餐會送飲品，簡完職員拎比我便當包裝充滿和式風格，好靚！靚到好似送禮比人地咁，果然日本野都係好著重包裝日式照燒牛仔骨食落仲係熱架！牛仔骨唔韌，都算嫩滑，Ｄ汁幾開胃～用既係日本珍珠米！！Ｄ飯食落都係軟熟唔會硬～唔錯而且仲有適當既配菜，仲有黃蘿蔔同玉子，營養夠均衡便當黎講佢既質素真係令人驚喜呀！包裝又靚，食落又好味，價錢合理，買既過程又非常方便好自動化 好方便附近返工既人

今日午餐要快食人係科學園發現近年科學園都多左好多野食選擇不過今日同朋友無時間坐低食見到二期樓下多左好多弁當機今日就揀左其中一間試下和田弁當，爆速弁當邊個名都好望落都係主打日式弁當打開飯盒第一種感覺係擺盤上都係有落心機唔會似茶餐廳， 碟頭飯咁樣配搭顏色多樣化日式照燒牛仔骨弁當有成6塊牛仔骨份量充足，肉味香濃不過肉質偏硬適合肉食偏好者同牙力好既人士多蜜醬雞團子配焗薯依個弁當款式同顏色上做得更豐富雞團子無骨，配上蜜糖燒汁野味焗薯再加飯，非常充足既澱粉如果工作一個上午已經好多體力勞動咁依個飯盒就好岩你總結服務方便快捷午餐包埋飲品，涼冰冰岩曬炎炎熱暑日

平時中午一係帶飯一係買外賣但由於公司附近冇乜好嘢食今次就特登去和田便當拎定兩個飯盒方便帶飯餐廳位置喺科學園適合喺科學園返工嘅人士絕對係健康選擇嘅首選至於便當嘅款式 每日新鮮運到亦都有好多唔同嘅選擇 包保唔會覺得悶便當嘅外型非常吸引就好似食緊日本飯盒咁今次揀咗雞肉肥牛飯 同埋比目魚菇飯首先講一講吓個雞肉牛飯雖然兩樣都係肉 但其實份量唔會話太多反而係啱啱好 仲要雞同牛都幾入味至於比目魚飯 絕對係健康嘅首選唔好以為會好清淡 其實淡淡魚味再加上有蔬菜同埋唔同嘅菇 令到成件事更加健康至於便當嘅份量其實都唔少就算係男士都絕對夠食想食得健康又糍味和田便當絕對係一個好選擇

販賣機買零食飲品就見得多，飯盒都可以買仲要係熱嘅，唔洗再加熱真係第一次見。新奇，好玩，好味，方便係科學園開依d 便當販賣機真係同科學園好match. 追求創新，同啱哂繁忙嘅lunch hour 時間，減小大家等外賣嘅時間，可以有更多嘅時間去休息同食飯。menu 個個星期唔同，要食哂咁多種便當，相信都起碼要幾個月。便當跟野飲。便當包裝得十分靚仔，好似日本人嘅藝術品咁。風味十足。野飲就叫左綠茶，冇咩特別，有其他特別d 嘅，不過唔想一次過飲哂佢，就揀技裝飲品。一口牛配蒜香山賊燒醬汁個汁好特別，應該係自己煮出黎嘅。d 牛唔un, 配菜十足，健康同一定夠飽。日本珍珠米，十分軟熟，又有蛋，好足料日式漢堡扒好正宗日式漢堡扒嘅味，如果入面有芝士會更好。 不過都係一個十分之高汁嘅便當一個字 ~ 靚

今日去左科學園visit一個朋友，在8W大樓同佢食和田便當，點左兩個盒飯分別係廣島蒜鹽汁燒豚肉、大盛牛丼。😋😋我地到果時係中午12半，咁岩有個售賣機職員幫手指導一下，果時中午食飯時間，有3、4個人排隊，人唔係多，可能大家都好熟手，好識㩒部自助售賣機啦。🧐我地最後去左可以睇金蛋既地方食呢個午餐。😆😆講番盒飯，色澤外觀上面的確普通，但食落味道都ok，我食既大盛牛丼，份量都幾多，可能我都餓 覺得便當黎講都中上，有些少菜，一粒仔蕃茄同西蘭花，我飲左韓國青提子汁，入面係有提子肉，真係估佢唔到😂 我朋友係食廣島蒜鹽汁燒豚肉，我地驟眼一睇以為係牛肉，食落係豬肉無錯，佢都話幾好食，佢既醬汁比較多，同豬肉都好夾。食完我仲在科學園散左下步，消化下，呢邊環境唔錯，當然香港8月無咁熱就好啦。😂😂

係科學園返工，留意到有個便當自動販賣機，好似幾得意咁，就諗住試一試😂科學園19W同8W各有一部，我就幫襯左8W呢部👍🏻基本上一到12點午餐時間就勁多人排隊餐單menu星期一至星期五日日新花樣，每日都有5-6款，都幾多選擇👍🏻俾錢就要用電子支付，但係八達通都可以用，所以都算幾方便😌 途中我朋友購買嘅時候有少少疑問，但係都有工作人員輔助，幾好服務👍🏻我同朋友各買左一份，$5x仲有一支野飲送，都幾抵食👍🏻留意到嘢飲原產地係日本，選貨有良心。🍞照燒日本七彩豆腐扒配雜菜野菌飯都幾適合平時想食野清淡少少的我👍🏻豆腐扒雖然賣相普通，但係食落去都有驚喜！豆腐扒口感嫩滑，中間有餡料，都幾鮮甜送飯👍🏻米飯10分俾足10分，係口感飽滿的日本珍珠米😍 會因為呢個原因再幫襯👍🏻🍞香草雞扒炒煙肉薯仔朋友叫左香草雞扒，超好食！一打開飯盒就可以聞到陣陣香草味，食落去都同出邊西餐廳嘅香草雞扒無異👍🏻 炒過嘅薯仔十分香口，不過食得多容易滯，個人都係中意米飯多d😂總括嚟講呢間性價比都高，而家疫情通常都係辦公室食飯，比較少出去堂食。如果有事冇帶飯又想買外賣嘅，都係一個不錯嘅選擇👍🏻

在科學園的上班族都應該知道，科學園的餐廳選擇不多，但也算是應有盡有。因為疫情的關係，園區的上班族都選擇買外賣回公司食，而早排同事發現在8W那邊新增了一大部自動售賣機，供應日式便當，因為是限量供應的，如果遲了去有機會賣完，於是我和同事一到午飯時間就衝過去買。我們去到大約一點，已經有一兩款賣完了，不過仍有幾款吸引到我們。點餐機除了現金外接受不同的電子支付方式，點餐付款後，售賣機就會自己取出飯盒，再傳送到取餐處，就好似去到日本一樣！飯盒到手時仍然是熱辣辣的，保溫做得非常好。旁邊的飲品櫃也有很多選擇，有果汁、汽水、咖啡、茶等，全部都是日式的飲料。同事買的是韓風芝士香辣焗雞，香辣又香脆的雞塊有好幾大塊，上面鋪了極之邪惡的芝士，配上香軟的日本珍珠米，叫人食不停口。我點的是大阪炒麵配山賊醬雞扒，大阪炒麵有點甜甜的大阪燒味，味道就似在日本餐廳食的大阪炒麵一樣，配上大大塊雞，香嫩美味，也有配菜在旁邊大減肥膩感。我們要了無糖的烏龍茶和波子汽水，冰凍之餘十分解渴。

最近在科學園工作, 所以有很多機會在科學園內午餐。這日中午決定和同事試試和田便當。和田便當用自動售賣機出售日式便當, 販賣機操作簡單, 亦有工作人員從旁協助。我們選了一個A餐和一個E餐。每個餐配有一碗味噌湯或罐裝飲品。A餐是韓式炒牛肉飯。牛肉的調味不錯, 而且份量算多。除了炒牛肉, 便當亦附有玉子、紫薯和車厘茄, 令飯盒沒那麼單調。便當整體份量算多, 食完有飽腹感, 以價錢52元來說的話, 我覺得性價比ok.E餐是照燒雞扒配日式鹽汁炒豚肉。同樣地, 便當內的配料豐富, 豚肉和雞扒的份量覆蓋了整個便當。豚肉用鹽汁醃製過, 所以很入味, 適合配白飯吃。雞扒的肉質爽滑而且仍有肉汁, 不會出現過乾的情況。另外亦附有西蘭花和車厘茄, 價錢亦是52元。和田便當在科學園來說, 性價比算不錯, 而且便當已經預先製作, 特別適合在這裡工作的忙碌工作人。

科學園有兩部 🤩以自家技術的保溫自動販賣機主要賣日式便當日本正宗便當😇每個禮拜官網會有本周菜單可以預先購買 到場以QR CODE換領照燒雞扒便當$58微甜雞扒排得鋪滿整個飯雞扒非常厚切 照燒汁滲入雞扒😊😊肉質滑嫩便當用日本產珍珠米🍚 飯粒分明 好有誠意 飯盒size男仔都夠食配菜玉子 魚蛋😚烤蕃薯 配菜同飯會分隔開 好貼心意大利黑松露什菌意粉$52 蘑菇忌廉香濃惹味 有多種不同的菇類 都好豐富😍😍和田便當Wada Bento 沙田白石角香港科學園第二期科技大道西8號尚湖樓8W大堂