和茶房鐮倉夢見屋 (已結業)

港式茶記質素的食物同服務實在合適帶埋細路去，餐飲配凍檸茶同凍港式口味咖啡，你就知佢地咩料意粉68蚊加一得左少少，相比同層其他食意粉既餐廳係抵既，但因為佢係一間日式風格的餐廳，應該做埋服務上的細心位，甘就會好啲。食意粉同飯加48蚊就有Italian tomato蛋糕同野飲，都叫抵既。但唔好忘記意粉同飯先係主食，所以應該將重點放係主食度，其實份量都剛剛好，滑蛋豬排丼有日本風味令人印象深刻，但個三文魚意粉上枱時係凍，要注意

拉面真係搞唔掂佢係屬於好粗果種拉面粗到好似烏冬咁面又無米香味又吸唔到湯味然後個湯又無乜味淡某某咁= =叉燒係屬於厚同白烚果種本應係食佢本身食料既原味道好可惜佢係完全無豬既香味同味道蔥又切太厚釋放唔到蔥既香味蛋普普通通正常唯一係荀比較岩我口味不太酸最後加一多謝$82.5

今日去左荃灣愉景新城，又唔知食乜，行行下就入左黎間，外觀感覺舒適，燈光柔和，制作等候時間唔算耐，麵質偏實，而湯頭味很勁烈，食完令我飲了好多水，最後可能我唔太餓關係，食淨了，利申 兩碗 唔係我一個食的 是兩個人

Happened to be at D-Park with my family and thought this Japanese restaurant would be an ideal choice for my boy.  There are lots of choices from the menu including kids menu which took me a while to figure out what I wanted.  Turned out the food was so so; the burger steak that I ordered was dry and hard, unlike the way it looks.    Though the food wasn't great, I won't complain much at this price point plus the service was alright.

同屋企人同小朋友行街， 夜晚諗住食晚飯，叫左拉麵 個湯無味 蛋係冰凍既 蔥又唔識切 粗上 以為食緊蔥油雞 湯底超稀 面過硬 肉好老 亂咁切 跟住咖哩好油 見到都唔開胃 好在味道還好 咖哩都好難整到無味 塊漢堡扒都正常 應該現成野 門面唔太乾淨 服務態度一般 份menu 又油又梅 好似就黎爛咁 打開覺得都幾嘔心下 間野正在唔多人 無咩人等位 應該好快收皮 隔離果啲都唔太頂到 咁依間野仲係到都幾神奇 要讚賞下呃左唔少人入黎食飯。我寧願佢收貴少少 依家價錢唔上唔落 垃圾質素 去食m 記好過。

行街行到攰攰地，就搵左呢到餐廳食下野。睇完餐牌，最後揀左菠菜汁煙肉忌廉意粉($68)。食物都好快嚟到，但係，野食未放入口，已經見到成碟忌廉汁好水，撈左啲意粉幾下，都唔覺得掛到汁。放入口仲覺得啲忌廉菠菜汁無咩調味，味道過淡。諗住有返嘅煙肉幫下手調味，結果，煙肉都好淡味。仲可以加$48蚊跟套餐加餐飲同一件蛋糕，餐飲同件蛋糕就最正正常常，叫左件士多啤梨蛋糕，士多啤梨都甜，唔會酸溜溜，食返甜品心情都好返啲。

一碗劣質嘅生麵就話拉麵，啲麵又冇味又粉嘅，個叉燒又口又乾，放落啲湯度都唔會令到佢有啲暖…如果有零星我會比零星佢一生人從未試過食拉麵係食唔晒，真係有辱左＂拉麵＂兩個字！

行到攰搵個地方坐下食下野 唔係好肚餓所以簡單叫咗呢一啲叫咗個茶餐三自家製蛋糕餐$55叫咗個士多啤梨芒果蛋糕同埋一杯凍檸茶Italian tomato 出品 好大舊士多啤梨兩粒 仲有一大舊芒果肉 配埋一個忌廉蛋糕 甜酸度都平衡得到仲有一個$28嘅炸洋蔥圈一層厚厚的炸粉漿 熱辣辣脆卜卜配上一個番茄汁 都幾飽肚 埋單都只係90幾蚊 唔使$100

見証夢見屋由好幾間分店到而家只得番荃灣愉景新城一間分店，所以専登去懷緬一下（怕遲D都會消失）。一入去見到間舖，感覺有點舊，不過最重要是食物，我們點了兩個定食套餐，包餐牌內任何飲品（抹茶系）都可以正。我們點了日式炸雞定食同日式漢堡扒骨腸定食同白玉雪糕抹茶同雪糕抺茶。漢堡扒好味喎，咬落夠juicy好味但炸雞就似番炸過有D硬，麻麻地，食飽再加一件cake,同男友share先，就揀藍苺芝士撻，味道當然無得輸，始終蛋糕係呢間舖招牌菜。有機會會再來吧。

我們于週日到此餐廳午膳，看見茶單圖片被吸引了。然而，職員態度一般，一入座就說已經開始計時間，又說食物來了才可除口罩，我們喝她們提供的水時除了口罩片刻，就有職員以較兇的口吻警告。起初她們還上錯了肉醬意粉，我們立即詢問，她們還以為我們下錯單，悔氣地說「幫我們」換另一碟，又沒有道歉，真心服務質素未能達到標準。全部餐均沒有飲品配送，有加一服務費圖一為吉列豬扒定食 豆腐很滑 美道尚可圖二為煙三文魚蘑菇蒜香意粉 很細碟 三文魚只有1-2小塊 反而胡椒味過濃 此碟不太抵吃圖三為日式漢堡扒定食 漢堡扒挺鬆軟 薯條分量足夠

今日陪朋友去荃灣購物，見間餐廳唔使加人 環境都好似唔錯就決定試一試餐廳環境確實唔錯，燈光柔和坐得都幾舒服，又唔會太逼，不過張枱噏下噏下咁，要改善下我哋叫咗一個定食同一個拉麵試下鹽燒鲭魚定食跟餐有一個前菜同麵豉湯前菜 係 一片豆腐，滑滑地都頗有豆香麵豉湯就偏鹹 唔好飲鹽燒鲭魚 外皮燒得幾香脆， 入面嘅肉質都好嫩滑， 加上少許檸檬汁同蘿蔔蓉食落都幾好味呢個叫特製拉麵， 不過我覺得其實都冇乜特別， 一開始試咗少少覺得個拉面根本煮得唔夠時間， 同佢地侍應反映請佢地再煮過 先好返少少拉麵湯底偏鹹， 叉燒切得太薄唔夠咬口， 唯一做得比較出色係隻糖心蛋食落好有蛋香總結環境尚可但食物質素唔算好好 下次都未必會再食了

推介👉🏻鮮蝦黑松露野菌意粉意粉入味個醬夠creamy材料足👉🏻Pizza夠脆👉🏻小食拼盤有薯條，煙三文魚，Parma ham，炸洋蔥圈炸魷魚 有兩條炸到太硬🤐單骨雞翼 幾好味🥱👉🏻青口蒜蓉包青口唔太新鮮蒜蓉包同樣有點過硬🤥

今日放假帶囡囡去咗一個親子嘅商場玩咗一日， 可能今日係閑日 所以商場人流都唔算多， 今日唔需要等位就可以直接入去點咩食， 我嗌咗一個 滑蛋豬扒飯， 味道偏甜少少 塊炸豬扒 唔錯，好食！ 如果個女阿咗個兒童 餐裏面有八爪魚腸仔， 棉花糖， 麥樂雞， 薯條， 忌廉汁通粉， 加多一杯蘋果汁， 味道 我就覺得偏談， 可能係for小朋友食所以比較清淡！ 成餐飯價錢成為146蚊。而賣相方面我就覺得兒童餐比較靚啲， 因為可能呢個商場係for小朋友嘅關係啦所以 the兒童餐都比較得意啦同埋比較用心機去整一啲得意嘅公仔氹小朋友去食。

讚：一定有位，遠望時，啲公仔好得意，上菜好快手！呢樣堅值得讚，侍應好勤力，一個人對廿幾人都搞得掂，老闆要加人工彈：野食真係好好好普通，意粉夠煙韌但醬汁零味道，如果唔貴都算啦，偏偏又唔係，都百三四一個午餐，咁有啲肉痛噃

因為在愉景新城睇戲，4點到商場想同肥髀食個下午茶，但落場時間開嘅都係連鎖餐廳，呢間日式西餐廳唔使等位，地方簡潔，有卡通公仔主題，星期六日無套餐，價錢偏貴！同肥髀各叫一款食品，飲品我無叫！等食物期間，見餐廳只有6-7枱客，但唔知係人手不足定係無留意，水都無杯，要我出聲先比水，幸好接觸到時都有禮，好似我想走醬，店員都提醒我會好乾（最後叫少醬）感覺唔差嘅芥末籽他他醬煙三文魚意式三文治🥪（$68）賣相ok，已切開兩件，麵包烘過，三文魚好薄，比例上唔夠餡，三文魚唔腥，生菜🥬爽口，蕃茄片正常，醬少咗整體仲平衡（反而如果無叫少醬，可能醬多過餡）味道ok，薯條就比較乾，點茄汁都無乜幫助，唔好味白玉寒天甜品（$52）肥髀食，賣相靚，杯茶肥髀唔飲，我飲咗，抹茶🍵味道夠濃，唔甜味甘！幾好店員有禮斯文，服務正常商場連鎖店，合格