和記冰室

营业中

休息中

公司就快要搬家，早行一步嘅同事話附近冇啖好食，我今日就親身視察一下環境。當我跑來跑去工作左半日，仲要係勞動工作，辛勞咁出汗半日，未到一點已經好肚餓。因為假期嘅關係附近只有一間冰室營業。二話不說坐低就叫咗碗招牌嘅麻辣雲吞牛筋腩麵$48。價錢一啲都唔平，加$6就有特飲又好似抵番啲喎！所以我要左杯紅豆冰，味道感覺真係好懷舊。只係覺得啲奶有啲黃同行嘅所有同事都已經有嘢食，有啲差唔多食完，我碗雲吞麵先至出嚟！都差唔多半個鐘，原來雲吞要煮所以時間耐一點肚餓食乜都好味嘅，雲吞質素一般，味道普通到不得了。至於牛筋口感唔實在，味道還可以。麵就係重鹼水味，麻辣燙底都 cover 唔到個鹼水味今日有大食大，真係要多謝老總啦！

去工廠區探完舊同事，中午行經天橋底，隱約可見有間冰室，行近D，另有洞天，有間好光亮的小店，坐滿人客，好有大排擋氣氛，入去一試，叫咗碗雲吞麵和腩汁蘿白，湯底用：大地魚淮山豬骨湯底，雲吞麵28元，真抵食。

葵涌梨木道工廠區一帶沒有什麼特別的餐廳，而這間在商場地庫新開張的，驟眼看也是一般茶記。不過，餐牌中卻竟然有奶油豬，這在葵興也屬少見。奶油豬最重要是要夠脆，而這個奶油豬也夠脆，已屬合格有餘。在地庫開餐廳，位置上有先天上的缺陷，缺乏足夠的人流，很難做到客似雲來。尤其是在葵興工廠區，只能靠一個午市來支撐。印象中，只有尖沙咀某舊大廈地庫的茶餐廳，憑獨創的招牌菜式，才能做到街知巷聞，但能打響名堂的又有幾人？單靠堂食可能並不足夠，這類地庫餐廳，可能要靠外賣幫補一吓。