和記餐廳

营业中

休息中

噚日(21-10-2023 Sat)老公 嘅”爺爺”出殯日, 我哋過嚟香港至食早餐,就嚟個個都讚呢間,試佢嘅沙爹牛肉麵,我哋嚟到時好都重有位.睇完menu後,就決定要同樣$37.00嘅早餐A仿鮑魚絲火腿通粉,同B沙爹牛肉湯麵,但其中一份要炒蛋同加$5.00要牛角包,飲品就要熱奶茶同熱檸水.好快飲品同沙爹牛肉湯麵到嚟,然後老公嘅太陽蛋同牛油方包都到埋,佢一食沙爹牛肉湯麵就話係清淡,我都試啲,沙牛湯係清淡啲但不失味道,又有花生香而少少辣,牛肉係唔入味但滑,好啱我同熱氣但又想食沙牛嘅人,麵我就冇食到,而店員都有問我哋要唔要辣椒油,我哋唔要lu.味道:5分佢嘅太陽蛋同牛油方包我都冇試到.然後我嘅炒蛋同牛角包到嚟,牛角包鬆脆,好香牛油味,好味,可惜有啲烘過咗.味道:4.7分而炒蛋就熟晒,提議唔使炒咁熟,因為𠲖o家係唔興.味道:2.8分之後食仿鮑魚絲火腿通粉,通粉好腍,睇見湯嘅顏色好清,但原來有味,唔係只係鹹水而係有鮮味.味道:4.8分其實要將啲湯做到清淡得嚟又不失其味道先至係高手.而熱奶茶味道亦唔會太濃.味道:3分環境:其實所有位都舒服,有啲似扒房.服務:好有禮貌,會講聲多謝.題外話:原本前晚諗

和記餐廳平時午市都要排下隊 多街坊過嚟食鋪面大 冷氣夠 環境都乾淨😇鍾意上佢社交平台可以睇曬一個月嘅午餐睇啱就會過嚟食今次嚟食下午茶☕️下午茶嘅瑞士雞翼配生麵都食咗幾次😋覺得幾好食 價錢又唔貴瑞士雞翼夠入味 又唔會細細隻 👍🏻👍🏻👍🏻麵底幾好食 個湯就正常炸雞髀係生炸🍗不過唔係特別出色 無特別嫩 調味也普普通通🤧薯條就差啲 係茶記唔好食個隻薯條🍟炸出嚟比較乾身 😣小小失望整體嚟講係中規中矩嘅街坊茶記

每次黎西灣河做野，必定黎和記食完早餐先開工！咁啱老細話今日咁早未有沙嗲，一於轉下食早餐A，清清地 又唔會無味😍仿鮑魚絲火腿通粉- 配炒雙蛋- 牛油方包凍咖啡（+$3） 盛惠$38炒蛋方包都係正常野，但係個通粉估佢唔到咁好食，雖然係清湯但係好香，唔會死咸，仿鮑魚絲都好足料👍🏻最鐘意杯凍咖啡，睇個分層就知唔簡單，咖啡香 奶滑，茶餐廳咖啡有呢啲質素真係無乜邊幾間做到喇！平時我都係食沙嗲牛麵，今日試完新野都忍唔住要上黎讚下😘Have a good morning ~

雖然地點相對隱蔽，但係 和記餐廳 絕對係東區街坊心目中嘅冧巴溫茶餐廳！性價比極高！炒粉麵飯 - 大力推介 鹹魚雞絲炒飯，乾燒伊麵同星洲炒米。味道方面絕對比得上大酒家，炒出嚟嘅粉麵飯只有熱辣辣同埋夠鑊氣，唔會油淋淋。炸雞髀薯條 - 雞髀大大隻，塊皮炸到脆博博，你點忍得口？火候控制恰到好處。西多士 - 厚薄適中，一試難忘。其實仲有好多推介，例如 早晨既烘底餐蛋治，午餐既老火例湯同下午茶紅豆冰等等，絕對估唔到街坊茶餐廳都有咁樣既質素。

太安樓有好多好食既小食，東大街有各式餐廳，和記係呢個環境下搵到生存之道。下午茶餐，一款扒一款餸一杯野飲，叫左豬扒沙牛，味道正常茶記水平，份量Ok多，價錢仲有少少偏高。坐低見啲侍應同客有傾有講，先至明白你間鋪買嘅唔係食物，而係一直以來嘅人情味。

如果起床時間趕不及去食早餐，我通常都會去和記吃常餐A。 (起晏左，和記常餐A幫到你！)餐牌雖然係寫叉燒意，原本都成日叫。但下面有行字寫著可以轉換其他的麵類，e.g. 米粉、公仔麵、生麵，同價。曾經有次我多口問個伙計，咩係生麵？ 伙計話：粗麵幼麵……後來去就成日改左成粗麵，點餐時：常餐A，叉燒轉粗麵吖唔該～ 港式茶餐廳就是這麽有彈性，超級讚！$50 個餐貴唔貴？叉燒麵+豬扒+煎蛋+腸仔+牛油方包，再加杯熱飲喎！ 食個 lunch，飽肚！抵食！！

當越來越多食肆有C區和D區, 同時越來越多市民打針, 以及樂於使用安心出行, 這家茶餐廳堅持只有A區, 每台只坐兩人和晚上六點後沒有堂食, 相當有Guts. 特別是它位處住宅區, 早午晚餐人流多之餘對堂食需求也很大, 這樣做對其生意影響很大, 這樣的堅持不易, 特別是很多黃店明白安心出行對私隱帶來的潛在問題, 但為生意也許只能委曲求全, 更是顯得難能可貴, 當然值得同路人繼續支持.早餐的扒餐就是簡簡單單, 雞扒兩面煎得相當香脆, 內裡肉質夠稔有肉汁, 最重要是全熟, 因為如此厚的雞扒, 我也吃過外面很焦但內裡血紅色的情況. 餐廳罪多只能容納20人, 而每枱只能座兩人的情況下, 食客也要在門外等一等就是.

話說今日回家既時候，肚餓之際，想揾間餐廳叫下午茶外賣，起初見呢間茶餐廳唔太顯眼，望落仲有啲舊，我本身好中意食炸雞髀，不過見餐牌有炸雞髀食，就入左餐廳叫份下午茶外賣回家食。我同老公分別叫左2樣野食，我就叫左炸雞髀+薯條，我老公就食炸豬扒+沙律。🍗炸雞髀+薯條雞髀大大件，有手掌咁大隻，外脆内嫩滑，又多肉汁，一啲都唔會炸到好乾，加上薯條份量又多，食到好飽。🐷炸豬扒+沙律炸豬扒又係大大件，食落一啲都唔會油，沙律主要生果為主，感覺上好似健康一點🤣總結以上二份既下午茶，兩樣野都大份又抵食，雞髀即叫即炸，所以等候時間比較長一點，大家叫雞髀食要耐心等候。

今早餐選了‘和記’，貪佢近，方便！雖然就腳，卻也是第一次在此早餐😅這是經常是客滿的餐廳，老闆很任性，從來都不做晚市，每天18:00就掛牌休息，佢哋只service早午餐😎今早8:30左右到，只有一個吉檯了，才就坐，就看見門口有客人要等位了......慶幸我哋好彩😍快快快，二人迅速落order：1）火腿片+腸仔，配煎雙蛋，牛油方包，焗豆，熱奶茶。HKD34.- ☝️其實雞蛋下面藏著兩大片火腿喔😊2）扒麵餐：雪菜肉絲米粉+牛扒，配熱咖啡HKD44.-發現☝️米粉里的牛扒好好味，除了雪菜肉絲，還有一片青菜墊底...滿滿一大碗，好豐富！建議牛扒單放吧😝二人早餐HKD78.-，買單時跟事頭婆說：牛扒好味！對方笑著說：下次再來過！

今日去開西灣河就搵間餐廳食下早餐.. 其實已經過左11點😂老闆又好好人話比我地叫埋個早餐先..我地叫左沙爹牛肉公仔麵.. 通粉.. 同埋咸牛肉雞蛋三文治... 沙爹味夠濃🤭牛肉又唔靱.. 三文治餡料又夠多.. 正呀配埋美碌嘢飲飽哂... 唔係間間餐廳都有架😜今早真係食左一個好豐富嘅早餐.. 好彩黎得早.. 坐左一陣已經好多人係外面排隊喇#hkfoodie #hongkong #和記餐廳 #西灣河 #相機食先 #早餐 #茶餐廳 #沙爹牛肉麵 #三文治 #美碌

🔎和記餐廳 (西灣河)📍西灣河聖十字徑38號鴻恩大廈地下7號舖-🔹常餐B：五香肉丁或沙嗲牛麵 $48配火腿奄列＋茄汁豆+牛油方飽呢個常餐真係抵食都癲 勁足料又好味其實餐牌就無寫話有茄汁豆 不過我食過咁多次都係有嘅 火腿奄列大到成日食唔哂要同朋友share 入面嘅火腿仲要多到爆錎每次我都係揀沙嗲牛肉 因為和記嘅牛肉真係特別出色 又大塊又淋又夠味我每次都會轉埋牛角包 真係勁大個又鬆軟 仲要只係加兩蚊！🔹常餐A：叉燒或火腿湯意粉 $48配豬扒+腸仔+煎蛋+牛油方飽 平時嘅常餐都係2-3餸 呢個有哂4樣餸 絕對係貪心又有選擇困難症嘅恩物呀叉燒食得出係新鮮叉燒 絕對唔係過夜又老又鞋果種豬扒都幾大塊 絕對無揸流攤㗎轉蒜茸飽嘅話都係加兩蚊 有2塊 仲要係好脆好濃蒜味㗎🔸常餐改多士+$1 改蒜茸飽或牛角飽 +$2改通粉/米粉/河粉/米線/生麵 同價改出前一丁/烏冬 +$4🍴搵返相關地區👉🏻 #90sfoodieshare_西灣河#食在西灣河

首先佢係黃店，好黃嗰種，大家不妨多多支持。💛💛💛另外，我同屋企人成日都會去幫襯嘅原因係，因為和記餐廳真係好抵食，我最常嗌$48嘅常餐。可能常餐不嬲都差唔多價位，但係佢嘅份量大過出面嘅勁勁勁勁多（如圖：有叉燒，仲要有豬扒香腸，食肉獸餐咁款 哈哈）食常餐仲有推介，就係轉多士/牛角包都好正，只係加$1-2，抵食！（試過喺其他茶記轉牛角包要加$8🥺）佢每日嘅午餐都好抵，都係$48。同埋佢嘅野食唔似傳統茶記咁重口味，係清D，例湯、午餐、常餐等都係，似住家feel同茶記fusion，所以就更鍾意！

兩點開始下午茶，好肚餓呀，叫撈麵餐食😋今日好彩，有卡位坐。沙嗲豬頸肉撈公仔麵+凍檸茶，好似$40沙嗲汁好味，豬頸肉份量都唔少👍🏻侍應叔叔好好人，仲主動送碗湯比我飲，有老火湯，正！

介紹番，我個人好少食，對上個次食炸脾都唔知幾時XD 某日男人話落去食下午茶，就係咁我就愛上左呢隻野，但... 我既食法係全世界食炸野既人都會鄙視我既,無錯，我起皮食XD仲有佢個蒜蓉包好好味!至於甜甜既西多，not my cup of tea, 所以我其實係陪太子讀書，佢食，我陪食XD但呢間屋企附近既茶記，佢個咖哩係唔錯既，而另一個係當日既set lunch~佢有樣野衰既就係份量唔穩定，但店員個個都好吹得!要留意番，佢無晚市既!

小編真係非常健康，又晨早出街食早餐😝 今次呢間喺西灣河，人多到早餐都要排隊，食完見條龍都勁長！試吓係咪真係咁好食先😆 btw灣仔都有間和記係黃店～ 😋 沙爹牛肉麵早餐 $35 B餐早餐係沙爹嘔麵加蛋加牛油方包，原本33蚊但加咗2蚊畀杯凍檸茶。沙爹嘔麵啲牛肉好大塊，腍腍哋又唔韌，最正係有啲新鮮嘅蔥粒🤩 炒蛋超滑，牛油方包如果多啲牛油就超正😆