咖啡事多 (已結業)

在尖沙咀，行都很累的時候，可以走到這個地方休閒一下，找到一處靜靜地方～有的位置可以望着維港，可以一邊看書一邊喝咖啡。這間cafe的位置太好，有景色又可以置身於誠品書店內慢慢享受休閑的下午。中午時間，有lunch set，約$80-$100，就可以吃到一份意粉和咖啡，想健康一點也可以選擇沙律。味道不錯，最重要是環境真的很舒服！如果想簡單一點，可以看着書飲咖啡加點甜，平日中午和下午都是一個不錯的休息地方，誠品會員還有折扣，喜歡看書或喜歡節奏慢一點的朋友，都很適合！

又到午飯時間，和同事食完飯，咖啡癮起，之後就諗住搵個地方去飲杯咖啡，通常都係去連鎖咖啡店，但醒起係誠品書店入面有間咖啡店，開左一段時間都未試過，一於要試一次咖啡如何。咖啡位於誠品中的一個角落，去到發現原來除左飲咖啡，還有食物可選擇，首先發現原來有好多咖啡可以選擇，難得第一次，決定試下其他地方無的咖啡，揀左隻哥斯達尼加 DOTA Tarrazu, 落單時侍應已同我講，沖製這個咖啡要十五鐘時間，好彩仲有時間等。果然咖啡味好香，隔著杯蓋都聞到，飲落有微微的酸，可能係由於有果味而令到有酸的感覺，加埋淡奶後再變得香滑，整體都唔錯，只係杯咖啡較一般貴，咖啡迷應該會幾鍾意呢個地方

地方設計明亮，坐下談心好舒服，咖啡拿回來是覺得好靚，層次分明，但糖奶太多咖啡味太淡，最後我只喝了三分一，收費不便宜。 地方適合三五知己談心，一個人的話也有海景長bench，心曠神怡😊

很久不見的友人，來了這間咖啡事多。飲品其次，有個好地方聚一聚，十分難得。特色的佈置，像去了舊時代，那鍾生鐵鐵閘的時代。喝著那杯mocha，談談說說，更覺時間須要珍惜。很多事並非理所當然，想做的，便去做吧。說回飲品，ok正常，不過有些貴；友人那杯是有薑的咖啡，都算特別。

看似自家製，都成＄40蚊件，但難得經過就試下喇～好似係朱古力mousse蛋糕，中間加左cheese~  食落唔太甜，加坐window 旁邊，可以睇住個夜境食，＄40都抵啦！由於晚上接近9點半到，所以現場人唔太多

今日同朋友專登黎試下係誠品書店入面嘅cafe.我地兩個都叫左carbonara, 面嘅軟硬同埋個汁都唔錯.見到咖啡種類好多，下次再嚟試吓👍🏻（以為會好多人但黎到都有位唔洗等）

聰明既我呢日諗住襯lunch黎星光行辦小小事，點解無帶齊資料，空手而回，當然就要諗下去邊度食嘢，享受下午餐時間。樓下誠品無乜人，輕鬆寫意的氣息自自然然地被拉入去，便發現了呢間「事多」！由於我來得比較早（12點半仲未到）店內人數不多，正在猶豫是否要在這用餐之際看到了這海景，立即拍板試下先！lunch set 有數款沙律、意粉同飯，以輕食為主，但份量並不是輕食那麼「輕」，這份意粉也足夠俾我食飽！我單點左呢份carbonara 配溫泉蛋，原價$88，但誠品會員有9折，尚可接受～ 看落偏濕的意粉其實很濃郁，忌廉味香而不會甜，白汁亦有掛面，意粉煮得剛好，配上香肉味的培根（不會有因過多油腌製而產生一股「油壓味」）、2/3種菇類都充滿白汁香味，主角溫泉蛋被我不小心刺穿，鮮橙色的蛋漿流出，同忌廉意粉融為一體，卷卷卷埋一齊食真係非常不錯！白汁天濃郁，蛋汁黏黏傑傑的，食完之後d蛋味仲喺口腔琅琅下，好味好味～由於一開始已經決定食完正餐要飲天人茶，所以無配餐跟咖啡，下次會試埋咖啡慢慢嘆，lunch走黎「慢活」一下！（食完仲可以行下誠品，無cwb咁多人咁誇張咁嘈吵，係真真正正俾人relax同浸淫書海既棲息地～）

嗰日我約咗朋友一齊去食午餐，本身係想試佢哋啲咖啡嘅，於是當日特登留肚去食。點知去到俾個餐牌嚇咗一跳，咁大間鋪頭淨係買公仔麵同多士，仲要＄38一碗腸仔出前一丁，唔包野飲喎。咁都算啦，咖啡咪另外俾錢再買囉。同行友人嗌嘅咖啡味道其實係唔錯嘅，之但係我遲我朋友成20分鐘先到，再落單，佢哋夠膽死整成40分鐘先送上枱。嗰個多士餐，係兩塊薄切切嘅法包，擺啲餡上去再擺少少菜係旁邊。公仔麵，我煮得仲好食過佢啊！西班牙辣肉腸？咪又係兩條腸仔，送一粒仔西蘭花，收我＄38有冇無恥啲啊？我以為呢種咁嘅餐廳至少都會有意粉食掛？我哋全部人都問點解咁耐都未上枱，佢哋話唔夠人手喎。咁請問你學咩人做生意啊？

在香港生活實在太大壓力，連喝一杯咖啡都是匆匆忙忙地去買，馬上大口去喝，然後就要上班。咖啡真的是只有提神作用嗎? 不是享受嗎?終於，我發現了於尖沙嘴星光行內這家咖啡店，可以讓我放鬆放空。餐廳正正是面對尖東海旁，恰巧今天是大晴天，馬上到吧枱位一邊望住藍天與海旁，一邊嘆咖啡。這裡的確是可以令自己放鬆心情，感受慢活生活。我選擇了外邊比較少有的蜂蜜薑汁泡沫咖啡，由於天氣真的很熱，凍飲最適合不過。午餐則選了是日意粉內的黑菌茄子扁意粉。大約等了10分鐘，可以取餐了。首先喝一口泡沫咖啡，嘗到淡淡的薑味，很香而且不太辣，甜甜的蜂蜜則是另一個層次，喝下去很順口。咖啡的奶味比較重，總括我覺得薑味咖啡很特別，很好喝，很有驚喜。至於黑菌茄子扁意粉，黑松露味不太重，茄子也是比較清淡，但都能夠嘗到茄子的原味，挺清新的意粉，不會太膩。咖啡連意粉需要134元，我覺得還好，因為在尖沙嘴地段吃一個午餐都要過百，咖啡加上環境，我覺得物有所值的。

是日夜晚去左誠品書店行，話晒開左咁耐都未黎過就一於去吓😆順便可以去埋colour brown食吓嘢（之前都聽過colour brown，一開始佢地係西貢有店但之後搬左去佐敦，再係誠品書店入面開左間）平日夜晚果然無咩人，可以靜靜地坐低享用嘢食。餐廳係self-serve嘅，自己去叫嘢食跟住食完自己擺返個盤係廚房countertop度。餐廳裝修以木色為主，有少少懷舊風格feel（地下用舊嘅深淺綠色格仔瓷磚），部分座位附近有得叉電。我叫左是日special嘅意粉之一：野菌煙肉扁意粉同埋cappuccino。除左意粉，可以選擇包或者cake等等嘢食。咖啡無拉花（仲期待影佢個拉花添😂）不過味道夠香濃，唔會酸👍🏻☕️意粉🍝用野菌汁調成，加埋煎香左嘅野菌同煙肉，意粉食落有彈性👍🏻！總括黎講大致上都OK，意粉係無餐跟，嘢飲要另叫，係度食嘢要預多少少錢。

在熱鬧煩囂的尖沙咀，人來人往趁著週六完成了工作還有點時間，決定來誠品書店走走看看，看見這裏開了間咖啡事多，沒多想就決定喝杯咖啡吃個brunch 讓自己充電一下。咖啡事多座位面對著維港海傍，坐下休息喝杯latte 看看海多寫意多自在！all day breakfast 🍳 份量不算多，味道還可以，炒蛋夠嫩滑，配的yogurt 幾新鮮，至於cafe latte 夠香夠濃醇，不錯！朋友order 的煙三文魚扁意粉，意粉軟硬剛好，汁不會太多，味道偏淡較健康，但略嫌三文魚不太新鮮平時忙碌的生活想偷一些休閒的時間仿佛是奢侈⋯⋯ 閒逛尖沙咀的時候可以來喝杯咖啡望望海讓自己呼吸一下！

又到週末、當然要外出覓食啦😁今天決定要扮文青😜於是選擇了位於尖沙咀星光行的誠品Cafe坐位不算太多、但人流卻很多。可能很多人都跟我一樣、趁放假出來扮下文青😆好不容易等到窗邊位置，景觀真是一流啊👍我點了1杯卡布奇諾$38 & 1份炸薯條$40味道我覺得淡了一點、可能我平時飲慣了星巴克那款味道😜推介粗身薯條市面較少有、另外炸得很硬身，我很怕軟綿綿的薯條。加上有少少香草作調味、很清新。👍

星期日老公放假，決定拋夫棄子幾個鐘，難得自己一個決定去尖沙咀誠品書店打書釘順便試下呢個嘅咖啡店，之前次次同仔仔黎，都只可以快閃買杯珍珠奶茶，想試呢間咖啡同蛋糕好耐，做全職媽媽有時只想靜靜嘆杯咖啡醒一醒神再加多件carrot cake落完order去揾位，當日見近窗有位，正，可以難得發呆望住維港天星小輪不停來回(係樓上拎左本了解小朋友情嘅書落去睇 ) 拎食物咖啡時，侍應順帶一提走時自己收番餐具，整體舒服，下次有機會偷閒會再去

陪寶寶去海港城處理事務，要等他大約1小時，於是便走到誠品殺時間。由2樓走過去，看到可以看到對面海的咖啡事多，也好，就邊看夕陽邊喝咖啡邊等吧!CAFÉ的裝修用上很多舊香港的特色，幾角圖型的磁磚﹑鐵拉閘﹑懷舊玩具擺設等。先到CASHIER點餐及付款，以自助形式取餐。先點了一個豆腐芝士蛋糕($40)不便宜。味道還不錯，有豆腐和芝士味，沒有那樣會搶了風頭。芝士不是打得很滑，不過很軟身很CREAMY。然後又覺得只食蛋糕始終配上咖啡會好食點，又點了LATTE($48)，加$6配上一份蜜糖。LATTE拉花很乾淨好多，不過味道不夠，奶不夠香而蜜糖味又有點不足(不過我先得承認我個人很啫甜的)。不過單是寧靚舒適的環境，對海的風景，懷舊的擺設，都讓人喜歡留在這間CAFÉ。

專登搵個週末，好天氣嘅日子來到咖啡事多，看到食評知道它景觀十分正！差不多1時，還可以有面海坐位，十分興奮！咖啡事多是自助式經營，無論點餐、取餐、執拾都是自己嚟。叫了全日早餐，香蒜吞拿魚意粉，凍咖啡，薑汁菊花茶，付款要$270，有點貴。 有靚景，都期望食物好吃，等了段時間，食物做好喇，wow 賣相不錯呀！食物味道亦不錯呀！今次真是沒有揀錯食店！我地一路吃，一路欣賞維多利亞港景色，覺得香港真係好美麗，當自己再想看看海，我會再到Colour Brown。