咖啡灣 (粉嶺中心) (已結業)

第一次跟朋友來喝下午茶聊天，服務非常細心周到，在二樓商場內但環境也可以不太吵不擠擁，果茶也很好喝，價格合理，沙律菜挺多的，整體感覺氣氛非常好的小咖啡店，一定會再來！

第一次到此餐廳，點左2碟意粉，軟売蟹卡邦尼意粉及墨汁帶子意粉，及牛油大蜈。意粉夠大碟，好味到吾記得影相。碟蜆就比較普通。埋單$273，都算合理。離家頗遠，有機會會再幫親。

平日都有幫襯太和分店，軟殻蟹意粉更加系好好食既必食之選。過年後，想食西餐，去左粉嶺分店。叫左兩個Lunch set，分別系香蒜海鮮意粉同埋三文魚意粉。賣相OK，不過味道有點好一般，唔會令人想再去食既衝動。跟餐有忌廉湯同埋指定飲品，其中一個加錢要左杯朱古力。朱古力拉花可愛，不過味道都唔系特別吸引。

呢間咖啡灣設計少女風格咁，係商場既開放地方，雖然有人行黎行去，但感覺好舒服，好通風咁！🤗然後有人手寫Menu係啲站立既黑板上面，非常可愛💕諗都唔諗就入左去食啦🧚🏻‍♀️芝士拉絲北海道咖喱海鮮飯😋😋😋😋一開始見到呆左一呆，超多咖喱汁！岩哂用黎撈飯，唔洗怕唔夠汁！咖哩唔係印度個種，帶啲甜味同好溫純既口感，唔係濃味個種！可能有用北海道牛乳整？😆海鮮有蝦、青口同蜆，味道不過不失☺️最開心係一邊食一邊啲咖喱拉絲！睇又開心，食又開心🥰最滿足係杯野飲，嗌左一杯類似水果梳打既飲品！啲水果超多同個梳打果味好濃！值得一試🧚🏻‍♀️

呢間黃店算係比較出名 因為係好多區都有分店 食過一兩次都係覺得正常的西餐 正常的味道 無咩令人好驚喜 如果真係要讚就會講佢地既軟殻蟹意粉 軟殼蟹分量驚人 真係比一大隻上碟 炸得都幾香口調味適中 不過意粉水準一時時 有時會煮得太軟身 有時落得太多cream去煮 食到一半個胃已經頂住咩都食唔到🥺 所以當日想食意粉既話就唔好再叫其他野食😅 飲品既話叫水果茶都唔錯 至少有誠意係見到有水果泡茶 而唔係人工合成味道 如果唔係我會嬲嬲🐷比$50飲人工合成味道唔抵雖然黃店好需要支持 但我未必考慮繼續幫襯

今日特登去粉嶺買野，係附近搵下有咩黃店👀結果發現到呢間係車站附近既餐廳🍴睇餐牌📔發現價錢都偏貴，苦惱之際見到餐廳門口棟左個牌，話有是日精選，$50有野食有野飲（但留意我唔知點解收錢果陣係收左＄55，但都ok），而今日既精選分別係蕃茄醬硯肉天使麵+閃粉菠蘿特飲，見咁抵於是果斷叫左呢個餐😤首先係飲品黎到先🍸一見到藍色真係嘩一聲，估唔到菠蘿特飲係藍色🌀侍應話要攪混先好像，飲落似阿波羅果條藍色既菠蘿雪條味，幾正，而且我鐘意藍色，都幾特別幾靚。之後大約十分鐘蕃茄醬硯肉天使麵就到🍝。本身我唔識分天使麵同意粉，好似只係一個幼少少，平時我都只會簡意粉。但今次個天使粉煮得好正，軟硬適中，仲要吸哂蕃茄汁🍅香濃既味道～另外配料有草菇同硯，硯係連殼上食落有d麻煩，最好可以只上硯肉啦！不過個硯真係都鮮味冇雪藏味，值得一贊👍🏻👍🏻👍🏻。 總括黎講，$55呢個價錢幾抵食😛，同埋真係好味道既！不過真係唔知點解最尾多左5蚊出黎🤔～.Follow me: @Mrchickenhk

讚1. 意粉份量好大，唔會煮得淋晒咁2. 咖啡唔錯，幾甘香3. 服務好，店員幾友善，笑容唔錯，仲會問客啲野合唔合食咁彈1. 意粉醬汁的確唔合格，味道太薄，配料係火腿而唔係煙肉，亦唔合格

粉嶺市中心唔係有好多西餐廳選擇，呢間西餐都算唔錯，響火車站隔離都幾方便，但係唔係好大間。。個意粉就一般啦，唔係太深刻印象。漢堡包同薯條都係用心之作，漢堡扒應該係自製，唔係工廠預製嗰啲，都覺得係幾新鮮嘅。。薯條係厚切嘅，熱辣辣，好熱氣都好好味成餐飯嘅highlight就係甜品呀，甜品有另一個胃啊嘛。格仔餅底，上面加雪糕，再加Oreo餅，成個配搭都好夾，呢個朱古力味。佢仲有其他未可以揀，例如好似仲有士多啤梨芒果。如果入開來食嘢，其他嘢可以唔食，但係呢個窩夫甜品就一定要食啦。

高質，大件，抵食，無花無假，正貨正品，真心好食。良心店舖，一定要大大地繼續支持！唔係唔係，係懲罰至岩😂言歸正傳，我個人最喜歡食蟹殼飯。一定要食，$198好大碟，可以3至4人share食。個前菜沙律🥗好大碟，98元，又係share最岩，有三個醬汁可以揀。牛油煮蜆，一大煲，好抵食，又係可以3至4人share食。粉嶺附近真係唔知有乜野好食，老麥、吉吉、元氣無食好耐了，而家知道有咖啡灣，以後可以成日過嚟幫襯🤪

入去粉嶺探朋友，然後一起去吃過late lunch, 就順便去近期粉嶺大熱的咖啡灣cafe , 今日幸運不用等很久，因為聽說之前經常很長龍🙊店舖是半開放式，坐位都算寛敞！服務態度也不差，唯一缺點也是落單後，等候食物的時間也真的比較久，幸好不趕時間，所以亦可接受的🤗南瓜蟹肉意粉，份量十足，蟹肉美味👍🏻卡邦尼意粉，很creamy ,意粉亦很爽口😋果真色香味俱全🤤🤤忌廉湯，忌廉味濃郁👍🏻甜品雪糕窩夫👍🏻最後配上2杯特色飲品，

咁岩今日有野做黎到粉嶺，諗住幫襯下有良知既食店，所以就揀左呢間「咖啡灣」食，在商場入面，半開放式，都幾多人幫襯👍🏻。一坐低就叫左個黑松露磨菇蜆肉意粉，食物質素都唔差，係有少少咸啫但都好味既。但唯一唔好就係真係等得太耐....隔離枱遲我15分鐘先坐低落單，2個意粉都黎得快過我戈份🤦🏻‍♀️雖然都知呢間係一間cafe等耐少少係應該，但都唔駛等成半個鐘先有得食掛🙈🙈下次多少少時間就再黎叫佢d飲品試下啦～支持一下！

今晚同180先生既朋友練習完駕駛技術，開始搵野食。我地最後走左去食咖啡灣呢間餐廳喇。我地搵左一陣，原來咖啡灣環境好開揚。一眼就望哂成間餐廳。店員態度好有禮貌仲提供水同餐牌比我地。個餐牌好colorful.又有甜點選擇最後我都選擇左微辣既海鮮意粉。賣相睇落不錯，d海鮮都好多款式同新鮮呀。份量都唔少嫁。至於味道方面，我係一個唔係好食得好辣既人都可以接受到既辣。食落仲好惹味呀。。連180先生都想分一杯羹。店員都好好咁介紹甜點比我地。

好明顯要來依間支持下，如果你發現自己原來好有要求，而且又想用其人形式付出下，就要支持同食依間， 超級好味，人間極品，色香味俱全，精華美食，識食嘅你一定唔會錯過😋😋

粉嶺終於唔係得聯和墟先搵到野食近住粉嶺火車站既商場終於多左啲唔係快餐店茶記酒樓既食店好似呢間Cafe咁不過佢既店鋪位置好細 而我好唔好彩地被安排坐最左側既位置直頭係會有行人起你進食期間不停擦身而過因為餐廳係open area 所以如果大家坐最左側個位你就要有心理準備 你食緊個時個氣氛會幾奇怪就起個日黎講呀 食緊呢餐飯既時候 我粗略估計廳該大概有七成行過既路人都有眼望望我食咩令我覺得食呢餐飯都有種恥力全開既感覺真係好似坐左起行人路食緊飯不過其他位應該唔會有呢個感覺講下食物 我叫左個卡邦尼蛋汁意粉首先佢個意粉煮得岩岩好 而且醬汁調味亦適中 呢個意粉食落香口而唔會令人食幾啖就有好飽濟既感覺 我輕鬆食曬一碟而飲品方面 我就叫左杯熱朱古力佢既熱飲 原來都會有拉花既上面拉花圖案仲比出面既咖啡店更有心思唔單單係心心 樹葉 咁簡單而係一隻好可愛既公仔飲落唔係得個樣 味道都好正常之後會再黎幫襯如果唔洗坐返呢個走廊位既話

#cassiegofanling -瘦編download左WhatsGap個apps，開始左懲罰黃店一段時間啦！大家down左未呢？真係好好用，之前搵左好耐屋企附近有咩黃店，依家一打開個apps就可以輕鬆搵到。😍-係粉嶺火車站附近嘅粉嶺中心就有依間咖啡灣cafe，佢除左係粉嶺之外，太和同荃灣都有分店。💪🏿-瘦編今次無食野，只係同朋友簡單坐低飲杯野傾下計。我就叫左一杯熱嘅綠茶牛奶($36)，係有好得意嘅三眼仔拉花。隔離就係Starbucks，飲品差唔多價錢，但係就有卡通拉花，北區人下次識揀啦。🥰-味道評分▶️🌕🌕🌕🌕🌑 (4)抵食評分▶️️🌕🌕🌕🌕🌑 (4)回購評分▶️️️🌕🌕🌕🌕🌗 (4.5)-➡️咖啡灣 (粉嶺)📍粉嶺新運路33號粉嶺中心2樓219-221號舖-IG: cassiecwy/ cassiegetfat