品川日本料理 (已結業)

話說上星期去呢間所謂既日本餐廳……1130去到餐廳，收銀阿姐話等10分鐘左右可以叫餐，但另一個待應就話坐到1200先開始營業……天呀！結果我地坐30分鐘咁耐……之後原來好戲陸續有嚟！首先，已經同一個女待應落左單，跟住一個大陸樣除底口罩既男待應走過嚟，話同佢落多次……我答佢已經同個女落左單，仲要落多次？咁我唯有照重覆再落啦！茶水自己沖都算，食物質素竟然差到一個點……魚生飯係暖暖的，飯係一餅餅……我加10蚊叫左蟹籽沙律， 叫左3次都冇人跟……嚟到之後蟹柳好似受到 輻射，唔似市面上個d色……沙律菜係苦……結論：因為聽到待應講蝗語……所以呢間係扮日本既中華餐廳，仲有播音樂係英文歌，唔係日文歌……有種九唔搭八既感覺……一個字「伏」

想起食壽司就會幫襯此店，疫情期間唔想坐得太迫夾又想坐得舒服啲會專登揀返呢間就算搭的士都會去。🤪⋯⋯除咗朋友今次帶咗屋企人去，平時我唔會點某幾種壽司冇試過，但今次有驚喜因為我屋企人點左個好好食嘅特色壽司，真係好好食睇得出件件壽司都整得好靚同上菜好快，我一點完好快就到因為我地食量驚人好快食完成枱都係餐碟，見到有位黑色衫哥哥仔侍應，幫我哋上菜嗰陣時好快收我哋食剩嘅餐碟，咁我問佢呢碟野好好食係啲咩嘢喺裏面跟住佢好有禮貌咁答我仲多口問我一句如果好食叫廚房師傅整多一碟出嚟跟住又山長水遠入去廚房（有啲唔好意思為咗一碟壽司）再拎個碟出嚟俾我哋，，我哋覺得呢個價錢有咁嘅環境咁嘅質素仲有咁好嘅服務已經係超值好過食出邊嗰間元X板X多多聲，我以後決定搭的士都要去，好抵食二百幾蚊可以食到好多嘢，尤其是我哋嗰啲餓咗幾年咁樣😂😂其實以前唔知有呢間野之前，喺出面壽司店同埋新嗰間壽司X食得嗰十幾碟但價錢已經唔止二百幾，好似食咗陣風咁，仲有新嗰間真係好嘈嘈到我同我朋友聽唔到自己講乜，又要等位又要貴。呢一間我決定係我嘅新飯堂啊⋯⋯唔多講睇相啦⋯⋯

食物選擇少，熱食唔熱，點了炸物落單後5分鐘就到，D炸物仲要唔熱，好似一早炸完放係度咁，炸物厚粉，刺身係掹車邊爭先嘅水準，收$300價錢只有k buffets 質素，朋友點左螺肉，我點左蜆肉，兩個都腥到即刻吐返出嚟，OMG!之後再叫了燒物：翠肉瓜串嚴重多油，未試過食燒翠玉瓜係有油到反胃嘅感覺，好似直接飲咗一湯羹油咁樣，佢嘅火炙壽司都係一樣油，不過相對OK放題竟然沙律都冇，蟹子沙律也沒有我不能接受😑垃圾仲要同朋友食生日飯真係失望到爆

今日休息,下午同屋企人去海之戀品川日本餐廳放題，一入去就遇到位矮矮哋黑口黑面嘅侍應帶位，要我哋坐係三枱客中間一枱，不可坐遠，話方便佢送餐，當時成間餐廳得三枱客，疫情關係我哋想盡量坐開啲，跟着就發老脾話：你哋坐咁遠我唔得閒送，你哋只可以下單三次，我只送三次⋯只是隔三張枱有幾遠吖？放題任食點解只能落三次單？你唔得閒可以同你餐廳老板同事商討，亦可辭職！為何剝奪我哋消費者權益？當時真係好嬲，唔係已拎咗小食同飲品食緊一定走人😤破壞左一家人出街食飯嘅心情，最後打聽咗尼位原來系经理，認真倒米经理👎🏻👎🏻👎🏻以後唔會幫襯！

絕對不會再來 一坐低就叫刺身 遲遲都唔出現 只上熟食 質量很差 一小時之後才出現刺身 質量真的不好 寧願去荃灣廣場的峰壽司啦所有熱食都又細又難食 。 還要300元1人 不值得啦 不會再有下次

呢間餐廳，除左可以食lunch set或散叫之外，仲可以以放題形式任食，等我試真啲呢到嘅刺身先🤤三文魚帶子飯$78🍣三色飯$88🍣刺身都幾新鮮，雖然每樣得三塊，但塊塊都好厚切😍不過飯量較少，總括而言cp值算高👏🏻雜錦串燒定食$70🍡雖然每樣得一串，不過款式都幾多，連蝦都有，質素就普通放題質素

晚市禁堂食解禁之後呢幾日，同朋友行行吓街突然好想食放題，但係好多餐廳都book 滿哂，上網見到荃灣西呢邊有間放題，見佢仲有位於是去試吓。一入到去餐廳環境同衛生都唔錯，枱擺得算鬆動。之後用手機order咗一啲刺身、壽司、燒物、熟食等等，店員話出面仲有小食攞，但只係八點鐘，外面啲碟已經全空，飲品亦唔算多種類。首先佢第一樣嚟已經係燒野，已經覺得唔對路，之後亦只係嚟咗少少壽司咁，落咗頭單成二十分鐘，竟然夠膽一片刺身都唔嚟，催佢店員又唔耐煩，之後就比咗碟好求其嘅刺身我哋，每樣得兩片。就算係之後叫嗰啲佢都成日亂咁嚟，叫油甘魚就嚟鯛魚，無叫又嚟咗鮑片，唯一一讚係個甜蝦，佢唔係出面好細隻嗰啲，而係全隻上。而啲刺身新鮮度亦一般，全部都仲未溶哂雪。而啲熟食同壽司亦只係一般，好多野食都出現嚴重漏單或者係亂咁嚟嘅情況。總括嚟講呢間放題係食物質素、效率上都完全唔值呢個三百蚊嘅價錢，出面有大把更好嘅選擇！

未食過咁難食嘅壽司，刺身未融雪，仲要有一層冰起上邊，啲三文魚勁腥，仲要係有根，完全擺唔到入口，連啲蛋都有腥味，炸蝦卷啲飯係熱，仲要有浸腥味，未食過咁難食嘅炸蝦卷，嗰個牛肉煲，全部都係肥肉，同張相片完全唔同，勁肥，真係未食過咁難食嘅嘢，完全擺唔到入口，大家千祈唔好去食，真係真係會中伏，佢啲壽司真係連爭鮮都好食過佢，唔明點解仲未執平時完全會寫食評，但真係太難食，食到好嬲，啲侍應全部都係大陸口音，服務態度一般

今日帶哥哥荃灣影相影相之前諗住快食個烏冬見到有日本嘢諗都唔諗就入去食原來呢間餐廳有放題同埋定食揀我哋趕時間同埋又食得唔多一定係散叫老公叫咗個鯖魚定食我就叫咗個魚生飯原先諗住叫個淨烏冬比哥哥,再加啲小卷點知原來呢度唔可以叫淨烏冬然後小卷得蟹柳小卷, 仲要$48， 都幾貴🙈既然唔可以叫淨烏冬, 咁就叫個豬軟骨烏冬所有嘢都不過不失啦😅

晏晝唔知食D乜野好，但又想食下日本野，所以就搵倒依間品川出黎。我地嗌左：1) 火炙三文魚腩丼飯 (加炸餃子)2) 鍋燒牛肉飯 (加炸雞)食物素質就中規中矩啦，食Lunch我冇乜要求。個鍋燒牛肉飯既肉汁我幾鐘意，不過鍋底聚左少少油係唯一挑剔既地方。除左食物之外，個海景真係不得了。俾咁平既價錢，坐係窗邊望住咁大個荃灣海景都真係值回票價。見倒舖頭好深好闊，而且有一排飲品櫃果D野，估計夜晚都係做埋放題。如果有機會夜晚黎食個放題加望埋個荃灣海景夜景都係一個唔錯既選擇黎！

附近的日本料理差不多都試過哂，除咗呢間。因為原本都係食放題的，現在外賣，不知道水準如何。價錢合理，經OpenRice就試吓，外賣回家。三文魚厚身、彈牙，新鮮、十分有口感。三文魚子樣貌感覺不新鮮，但沒有腥味，不過有點細粒，分量足夠。烏冬係扁烏冬，牛肉份量夠，有菜十分健康。雖然湯是分上，但烏冬不夠彈牙。整體感覺滿意，準時收貨。

第一碟滷牛舌上黎已經有半條手臂長嘅黃色頭髮唔係係個面到 係係碟牛入面一齊「滷」埋條頭髮仲有毛囊㗎 真係好核突店員見我地擺咗係到無食仲要過黎問我地做咩唔食真係被佢吹漲啲魚生又超唔新鮮 有一件三文魚仲臭咗啲串燒勁咸 食到腎病個種咸唔知係咪冇人食 出面根本無嘢攞唯一一個甜品櫃 得芒果布丁同泡芺好在一人有一杯Haagen Dazs不過佢唔知係咪雪太耐入面勁多冰粒兩個人五百幾 竟然係咁嘅質素好失望 食物質素低 選擇又少極之唔推薦食呢間放題簡直貼錢揾難受

嘢食真係好一般，刺身稍為出色少少，但嘢食種類比較少，雖然有任飲清酒同埋梅酒，但係梅酒竟然唔凍，係室溫嘅。最唔滿意就係，喺OpenRice book咗6:30，我遲咗少少，6:35先坐低，買單嘅時候先發現係$288，唔係$268，其實最好入座嘅時候講返聲會好啲，俾錢嘅時候先發覺貴左，個心唔多舒服，如果佢入咗前講返聲，就會好好多。不過啲嘢食嘅質素就好難會再令我返轉頭。另外有一樣嘢要讚就係服務都算唔錯，環境亦都唔差，如果坐到近窗邊位會更好。

今日收左工同朋友去荃灣食野，黎左海之戀商場既品川料理食放題。環境方面，餐廳卡位望到海，對住個海景食放題，正。而且餐廳好大夠寬敞，食飯坐得舒服都好重要。食物方面，有bar枱提供小食，飲品同甜品。值得一提係呢度竟然有提供焦糖可樂同咖啡朱古力可樂，大讚! 雖然係任點任食，不過食物質素唔會差。刺身同壽司好新鮮，三文魚係厚切，唔會薄戚戚，大啖咬感。熟食方面都幾有心，全部上枱既熱食都係熱辣辣! 推介大家食牛柳粒，好重牛肉味，唔會太鞋口。住左荃灣甘耐，終於搵到又抵食又好味既日式放題!

今日想行吓荃灣，新開咗好多商店。op mall 更加成為左荃灣嘅旗艦商場❤️仲有好吸引嘅激安超市行街！ 今日食呢間放題價錢超值！比較喜歡去新開張嘅餐廳食飯，呢度有啲卡位係可以直望海景非常靚。我哋特登6:30去到可以睇埋日落添😍 放工望到呢個平靜嘅海景真係好relaxed!飲品櫃非常多唔同種類嘅飲品有啤酒，汽水，茶類。最搞笑係有梅酒，sake任飲！最開心係竟然呢度有我平時好少買得到嘅荔枝烏龍茶！真係超級推介👆🏻放題就係食一般嘅壽司啦刺身啦炸物啦當中我最印象深刻嘅就係呢度嘅芝麻雞翼，好味到我同老公每人食咗三隻，另外鹽燒牛舌都好好味❤️超級新鮮，即叫即燒😛另外我哋係榴槤迷嚟嘅，嚟到一定要食佢嘅榴槤炸彈，入邊嘅榴槤蓉飽滿，真係啖啖肉啊😻另外呢度嘅燒菠蘿亦都非常Juicy!當飯後水果食佢真係一流！仲好解膩😍食完野仲可以每人有一杯Häagen-Dazs雪糕😍正呀！