影片
港铁湾仔站 A3 出口, 步行约5分钟
继续阅读
营业时间
星期一至日
11:30 - 20:00
公众假期
11:30 - 20:00
公众假期前夕
11:30 - 20:00
以上资料只供参考，请与餐厅确认详情
本身谂住买几杯野饮俾屋企人饮，纯粹谂住试下新野，所以就试下品臻，点知中咗个大伏！第一，order两杯珍珠奶茶，都无加珍珠，事后睇返张单原来入错单，ok～算，$27蚊杯斋奶茶～第二，order咗杯芋泥芋圆鲜奶，但杯野啲芋圆真系劲少，对比其他台式饮品店，起码少一半份量，钱就收足，料就唔足？第三，出单劲慢，讲真。。当时客真系唔多，唔明点解要等成20分钟最后，味道真系好嘛嘛哋，如果好好饮，要等都心甘命底，但完全相反晒，伏中一次就好了，希望大家睇到🥲
继续阅读
真系为左佢要写个食评，路经湾仔见佢铺头几靓就入左去买左个朱古力味鸡蛋仔同埋咖央味格仔饼，食评如下:咖央味格仔饼 - 佢个饭底系普通质素既饼底，食左都好几啖都食唔到有任何酱汁系入面，咁我个时心谂，唔通佢系个饼底系咖央味咁劲???点知食到到个饼底既中间突然先食到有酱喇...原来个饭系正常既饼底，佢系用咖央酱搽系入面既(咁都正常既，出面好多唔同味都系咁样做法)，但系问题系我食到中间先有极小量既酱....之后另一半一样....都系极小酱....基本上可以系大概得两至三啖有味..之后就好似食紧一块咩都无既格仔饼咁.....咁我以为系我拎既时候唔小心将D酱汁漏晒落去个胶袋度啦，咁我睇完真系吓一跳，系咩都无....即系话佢呢个所谓既咖蚊格仔饼系得两至三啖酱系入面......我真系好奇....乜D酱真系贵到咁咩？？朱古力味鸡蛋仔 - 佢个卖相其实系可以，口感都还可，不过我想讲既如果你闭目去食佢既话你肯定食唔出佢系朱古力味，我唔系要求你每一粒都好多朱古力，但系都唔系剩系得个样系朱古力味呀吗?我食完到一半左右我基于唔想浪费我先唔丢左佢，我都几肯定唔系我味觉有问题，因为同行朋友都系咁觉得。最后我想讲，我无饮佢地既茶，佢都唔系剩系做呢D既专门店，我亦唔系要求你做得好好味，但系基本野完全无，系想点?? 佢既出品已经系令我连佢既茶都唔想饮，一样两样野做得咁差，叫人点帮衬你呀?
继续阅读
临近12：50几分左右用熊猫落单，系统写话13：05先可以取餐，点知好快拎得。因为想食芋圆，所以嗌咗个黑糖小芋圆鲜奶，惊甜所以嗌左半糖，不过都有啲甜。小芋圆林林地中都带点烟韧，几有咬口，有啲芋圆入面都食到有粒粒嘅番薯肉/芋头肉。整体味道不错。
继续阅读
上一次叫一杯碟豆花荔枝汁就成杯好淡，今次叫咗同一杯甜度适中但系变咗热嘅！大热天时30几度激到一肚气🤯间舖头仲会热过街道嘅，仲要找错钱讲返又话自己冇问题！希望快啲改返好啦
继续阅读
其实讲真而家台式手摇饮品店真系开到周街都系，梗有一间喺左近。但系茶底好饮，加上职员服务态度好，真系会直接提升客人嘅开心指数咁杯饮品就自然更加好饮今次已经系第三次帮衬这间喺湾仔新开嘅「品臻」，每次店长Bella都会细心地为我推介饮品及小食。之前两次已经分别试过盐酥鸡、椒盐鱿鱼须、鸡蛋仔同斑兰格仔饼。全部小食都系即叫即做，另外我喜欢啲炸物，有大细两个size选择今日买咗《乌龙珍珠奶茶》，第一啖已经饮到香浓嘅乌龙茶味，珍珠亦不会过甜。另一杯《香橙绿茶》系Bella极力推介因为佢觉得真系好好饮。我本身好钟意饮柠檬茶，就问佢可唔可以帮我加片柠檬。佢话店舖冇柠檬，但系可以帮我加柠檬汁。香橙绿茶加咗些少柠檬汁之后，味道果然更加清新
继续阅读