唐包點

营业中

休息中

位於黃竹坑地鐵站既唐包點每到返工午飯放工時間都會有人排隊貪佢快靚正性價比高一個麥皮饅頭都只係6蚊雞絕對係窮人因物加埋一支豆漿就可以做一個飽足既早餐啊😆😆😆

黃竹坑每逢公眾假期附近都冇嘢好食，於是去咗買個咖喱豬扒飯，原價好似$38，跟住特價$33，之前食過呢間嘢嘅蒸飯簡直係垃圾之中嘅垃圾，附近冇咩食局住幫襯佢，白飯硬身咗少少，冇咩飯香，不過白飯冇咩好挑剔，至於咖喱入邊有薯仔，洋蔥，紅蘿蔔同埋豬扒，豬扒份量都OK，有5塊，豬扒都仲有咬口，算OK，薯仔，紅蘿蔔同埋洋蔥煮得比較林，至於個咖喱汁基本上係冇咖喱味，食落去剩係得少少辣味同埋少少椰汁嘅味，綜合來講唔叫難食嘅，比起佢嗰啲蒸飯叫好好多，但係呢個飯除咗方便冇咩賣點值得再幫襯

每次行過港鐵站的唐包點，都被那幅海報吸引，他們推出了一款"奶茶流心飽" 奶茶控的我，當然會試下。可惜，每次經過，那幅海報都貼上"售罄"2字…… 行過接近兩個星期，終於賣度黎食喇! 呢次係我第一次食佢賣既飽，相當期待奶茶飽的size有一個男人拳頭那麼大，肯定大過美X酒樓賣的叉燒飽。第一口咬落去，包面有少許硬身，但有濃郁的奶茶味。再咬多啖，兩邊咀角己流出奶茶漿，滴到手和衫到處有汁，好彩食的時候有張紙圍住個飽，D漿汁先無跌落地上。甜度很合適女士吃，不太甜! 鐘意奶茶既你，一定要試! 

今日收工上地鐵之前喺唐包點買早餐比屋企人食，我都好好彩，黎到好多包同點心都仲有貨。今次買咗七個包，分別有蓮蓉包、叉燒包、紅豆包、奶皇包、菜肉包、香菇雞包、香芋包。每個獨立包裝，夠晒衛生。呢度蒸包優惠好抵， $24有4個， $19有3個，原價$7.5㗎。仲抵過$19三個既包裝凍包呀。另外，再買咗三份點心，分別有雞扎、燒賣、鮮竹卷，每份$18。唐包點嘅雞扎真係百吃不厭，超足料，所以次次黎都會買。呢度嘅燒賣仲要有蝦係上面，同唐記包點有啲分別，幾抵買。

唐記|黃竹坑 每次放工都會好餓 就會係屋企地鐵站唐記醫肚。 一直無分享，今日推介下必食1⃣砵仔糕 兒時至愛的懷舊小食 質地軟熟 紅豆份量多 每啖都食到啖啖紅豆 2⃣ 鳳爪排骨飯 有2隻鳳爪 排骨肥瘦適中 豆士調味十足 加上醬油 熱辣辣 perfect match 蒸飯軟熟 唔好睇個盒咁細 容量好大嫁3⃣燒賣 四大粒 皮薄豬肉涵多 加上小蝦仁 🍤 爽口彈牙 豬肉香滑多汁4⃣鮮竹卷 唐記的點心第一位必定係鮮竹卷 超扎實好足料 甘荀絲 西芹絲加上豬肉 腐皮 爽脆多汁底層配上娃娃菜

最近喺黃竹坑返新工，不過附近冇咩嘢食，唯有靠唐包點😭係打工一族嘅福音👏🏻(通常3:00已經賣晒飯類，不過3點半會返貨)章魚肉餅飯肉餅份量好足夠，軟硬適中。👍🏻飯嘅份量好多！如果可以搭多條菜就好了😢食完之後個盒仲可以洗乾淨循環再用♻️支持環保菜肉包翻叮都仲好味，不過隔日就唔建議啦🙊肉比菜嘅份量多，真材實料😋下午茶頂肚一流香滑奶茶估唔到咁好味，奶味較重！呢個價錢性價比十分高👍🏻款式又多，日日食都唔會厭😭❤️

先生係黃竹坑番新工，前幾日叫佢買唐包點番屋企，佢買左章魚肉餅飯，燒賣，2個奶黃色，2個菜肉包，1枝香滑奶茶，1枝黑豆漿。章魚肉餅飯第二日蒸番黎食，肉餅幾香唔韌，飯乾爽。奶黃色奶黃餡香滑唔太甜，麵包鬆軟菜肉包餡都算多燒賣當晚當一樣餸食，肉多有少少蝦肉香滑奶茶好滑，茶底好香，好飲。黑豆漿都幾濃豆味，分左半枝俾我爸爸，佢都話幾好飲。星期五買凍包，蒸飯，點心番來，星期六，日可以當早餐，午餐食，可以唔使煮。

今日係南朗山行完山搭地鐵走，喺黃竹坑站見到有唐包點，即刻買埋今晚個晚餐加聽日個早餐。今次見到有凍包可以揀， $19就有三個啦，反正我唔係即刻食，買凍包啱晒。豬軟骨飯$29 - 豬軟骨個汁夠晒味，豬軟骨夠晒淋，又夠大份，食一個飯已經夠一個晚餐。雞札$18 - 雞肉係雞髀肉，茶樓水準非常好。鮮竹卷$18 - 原來都幾多條，抵啊。奶茶 $12 - 有正宗港式奶茶既影子，掂！埋單先$96，抵到爛啊。仲要間野係地鐵站入面，超方便。

又要OT趕project ，做到真的唔知肚餓。 好在黃竹坑自從有地鐡之後，就算放工夜咗，在黃竹坑地鐵站都可以見到我哋最受歡迎唐包點。 佢最好就係夠乾淨企理，而且飯味道選擇也算多，我近來最喜歡它的豬軟骨飯，豬軟骨炊煮至全稔，又多汁又入味，而且白飯同餸分開盛載，方便慢慢拌汁撈飯食。另外䶢魚肉餅，肉餅夠厚加上䶢魚送飯一流。 今次我加多兩個點心，口裏吃著美味望著心感滿足，為自己忙碌了一整天打打氣，沖一沖電為明天再打拼。

每隔幾個月就要到黃竹坑總公司開會，每次一開就要超過7點。 之前也是搭巴士到黃竹坑，近幾次跟同事改搭了地鐡。 黃竹坑地鐵較為靜，地鐡站內只得幾間小店，但就有一間較為吸睛的＂唐包點＂。 雖然它開了好多分店，但可惜我住同工作附近也冇，只得唐記。 據聞這兩間也是同一公司，但唔知點解質感好似有些分別。首先我喜歡它的獨立包裝，可以趕著返工時間時一路行一路食。 另一好處就係可以一次買幾個，回家翻蒸，包面也不會濕，保持質量。在門口旁，有好大個食品list 菜肉包好抵買，我會買定幾個明天做早餐獨立包裝，真的方便又衛生用手撕開，看見仍肉汁用刀切開，看到餡比例也算多內裏有一大塊未切細的菜😂，証明真材實料

估佢唔到，幾高質！如果你好似我咁，食得辣的話，我 highly recommend 呢個咖喱🐔飯，係我認為唐包點之中嘅得意之作！我一趕時間，為方便就會食，portion 係細啲，但港女都夠食。因為都幾多紅油，所以少少哋，啱晒我。咖喱汁撈飯一流，令我一下子就食晒所有飯！