唐記包點 (TKO Spot)

营业中

休息中

今晚自己食自己，沒太多心情煮因此，落樓下買飯食罷了~到達唐記，出奇地沒有人排隊之後，我選擇了章魚肉餅飯，因為之前都成日食，味道唔錯的另外我買多左個芋頭包芋頭包不錯的，可接受，因為是第一次食，還不太喜歡章魚肉餅飯今次就真的失手了，很嚴重 肉餅食落有怪味而且超級軟身可能蒸得太長時間最後，無論怎樣也好，當然我不會對唐記完全失去信心，希望下次能做好點

今天做完兼職下班，經過此處時，發現新開了一定唐記包點作為此道的愛好者，當然毫不猶豫走去買一個作晚飯。今次買了一個韮菜包($3.5)及一個麻蓉包($3.5)兩者拿出來都是熱騰騰的，然後入口飽皮鬆軟，感覺不錯。韮菜包內裡豬肉是爽口的，而且韮菜跟豬肉的比例恰當，入口有陣陣韮菜香。麻蓉包的餡並非流沙，不過有濃厚的黑芝麻味，並無偷工減料，不過稍為美中不足是餡料過甜，個人覺得甜度低一點會較好。以七元買到一個飽肚又好吃的晚餐，實在物有所值，也為我這個面包怪提供西式面包外另一個選擇。

因為姨仔屋企樓下開左間唐記包點，所以姨仔成日都會買果度既包番黎比我食架，所以我今日放學又食左6個包，超飽的呢!!d包我有再烝過架，烝8分鍾就得架喇!!蕃薯包:個樣就好得意喇，好似個紫心蕃薯咁。不過d包就冇乜味，但個涵就幾好味，因為好似係d紫心蕃薯溶，同食蕃薯差唔多(個涵)，不過冇咁濟!!饅頭:成個皮都滑溜溜的。食落唔會好乾，而且甜甜地。不錯!冬菜包:比我烝到lone左少少，不過冇影響到佢d味道!!我唔係幾中意食入面既涵，因為好係有d匆味咁!馬拉糕:超正!!個糕好鬆軟，味道甜甜地!係我既至愛之一。梅菜豬肉包:個涵幾好食，d豬肉又唔會好咸，可能我媽咪整開既梅菜豬肉咸左d啦，所以我覺得哩個整得幾好味。而且d肉好容易啦，唔會癡牙!炸菜豬肉包:都係好正!因為有炸菜作涵料，所以食落好爽口!而且豬肉既味道醃得岩岩好。奶皇包:同茶樓既差唔多。不過d奶皇就少左d喇，個包仲多過個奶皇，係食緊饅頭!!我好中意唐記包點呢，因為有好多唔同既中式包點， 食落好似會健康過食西式麵包呢!!

將軍澳探望親友後，在尚德商場內，發覺新開了一間(唐記包點) 。也有不少人在選購，朋友話這裡食物不錯的，所以便選購一盒鱆魚肉餅飯回家吃。吃過後，發覺肉餅很香鱆魚味，味道不錯，還配合少量椰菜，飯底也好吃。我常覺鱆魚膽固醇頗高，但在雅虎尋資料時，網上找到資料是 ( 鱆魚的營養成份含有蛋白質、鈣、磷、鈉、鉀、鐵、鋅、維他命B2等。鱆魚還富含牛磺酸，可以調節血液中的膽固醇含量，能預防膽固醇引起的膽石症，同時還具有強化肝功能的作用。)可作參考。

你有無想像過如果去麥記買漢堡飽同汽水，但係麥記要你排兩次隊、分兩次買，分兩次俾錢會點?唐記就係咁 creative 喇，我諗住買兩個叉燒飽同一籠燒賣，本身條隊已經好長，排左差唔多 5 分鐘先到我，我同佢講要買呢兩樣野，個收銀就淨係收左我飽錢，跟住就指一指隔離條隊話 "燒賣果邊".... 咁我就問 "唔可以一次買晒咩?" 個收銀就好悔氣咁話 "公司規定"....跟住我又要過隔離排多三、四分鐘 (當時係繁忙時間)..... 又要找多一次錢買多一籠燒賣咁大把，搞到我一肚氣 咁浪費資源同時間既做生意模式，今時今日係香港，我諗係唐記老細先諗得出，任你 d 野食好食到會飛都無用，咁既 service，祝你好運 最後講下 d食物質素，可以用 OK 黎形容，燒賣同飽都可以，不過我以後見到人多都唔會幫趁 講真你買完野一肚氣，俾龍肉你食都無味啦，偏偏唐記老細就諗唔到....

嘩..好耐無食過咁正既中式包啦我話說昨日補完習餓餓地..身上無乜錢諗住求其去凱施買個包..點知無D抵食夾大件的咪試試隔離新店LOR七點鬆D..絕大部份包點已經賣晒咁厲害..試試你先食左個羅漢齋包同菜肉包一食個羅@@包..正呀!!!皮薄先起碼..好耐未試過食一啖就食到個餡啦D皮又唔會痴牙先(酒樓貨式食得太多..印象唔好)D馬蹢同木耳好新鮮菜肉包無X茜嫁!!餡料又夠多同埋佢兩款包D料都食得出好新鮮同多汁唔信去試下就明嫁啦..

呢間鋪好多款既包都試過哂而家愈來愈多人排，特別係朝早，要排好耐呀最鍾意係榨菜肉包，料多，味道岩岩好，唔會好咸咬一兩啖已經食到餡料，唔似街市熟食檔野咬極都無餡梅菜肉包係我無榨菜肉包時既第二選擇，又係幾足料奶皇包值得一試，一咬落去已經有奶皇入口，正！！！麻蓉包個人不太喜歡，太甜，有d漏盅頭飯只試過排骨飯，味道ok睇落好似好細個，其實都幾飽肚，做lunch一流糯米雞15蚊隻好抵食，有叉燒、有雞，仲有我最愛既鵪鶉蛋！！！不過對我黎講太多，一個人食唔哂不過有樣野最唔滿意既就係成日都無點心賣賣黎賣去得排骨、鳳爪、牛肉大路既燒賣都無，我最想食就係佢地既鵪鶉蛋燒賣，奈何一直買唔到唉，你地無點心賣不如del左點心果部份啦成日得個睇字又無得賣

起身無耐,諗住落街食d野就算先去左尚德街市食左碗雲吞河見唔夠飽未四圍行下,睇下有咩食去到唐記包點,原本諗住食返佢個d菜肉包不過見到佢d糯米雞好似幾好食,咁就買左隻返屋企食糯米雞$15,同我之前公司樓下個間店鋪既價錢差唔多心諗,應該差唔多啦一開d荷葉,勁大陣荷葉味,相比下,之前個d,邊有荷葉味啊然後見到隻糯米雞形狀唔似平常既糯米雞我就心諗,係唔係佢自己整呢?不過呢d廢事理啦,食左先講熱辣辣又唔痴牙既糯米真係好食食糯米雞最好就係可以「尋寶」(即搵下有咩料)肉粒,叉燒,雞肉..咦,等等..何苦有隻蛋係到既講真,依家d糯米雞真係好少有蛋唔信可以買幾隻睇睇食完之後發覺幾好食可以再食多次!而佢d菜肉包,熱辣辣都好好食雖然有時候太夜去買,有時唔係熱辣辣但係肉汁同菜+肉,真係好好食

自從唐記包點進駐尚德後，由朝到晚，店舖門外總是人頭湧湧的，為沉靜的商場帶來一點生氣。此店專售各式中式包點，另有盎頭飯、糯米雞、豆漿、糖水供應，規模跟同樣連鎖式經營的包點王子差不多，難怪早午晚都有捧場客。對新店有點好奇，上星期已想試試其「招牌糯米雞」，奈何周日卻沒有供應，直到今日終於買下來了。十數元貨仔，糯米雞的賣相絕對不比樓上大家樂差，份量十足，新鮮熱辣，輕輕夾開糯米，竟內藏叉燒、雞肉及鵪鶉蛋，夠特別夠創意，亦沒有將價比貨。味道方面，糯米入口雖軟腍，亦已沾上一堆半肥瘦豬肉粒，但仍略嫌有點乾；糯米雞少見的叉燒，意想不到的肥美，比偏鞋口的雞肉更吸引，鵪鶉蛋小小一顆作點綴，難道又要高呼膽固醇萬歲？以糯米雞作早餐真的有點誇張，味道討好，但也食剩了四份一，我已經盡力了。唐記開業，相信對附近食店有一定衝擊，麵包店、大家樂首當其衝，早餐客源大減。鄰近的街市熟食檔，商場酒樓都有影響，賣的同樣是中式包點，唐記方便又便宜，漸受公公婆婆歡迎。表面是風平浪靜，但看來新一輪汰弱留強要開始了．．．

呢間店係尚德開張不久,每天一早都見有人龍排隊買包,好呀! 唔駛得西式麵包選擇,其實尚德街市也有一檔賣中式包,但冇唐記呢間位於商場內咁方便,適合上班一族,故搶去街市和2檔西式包不少生意.d市民食開西式包,忽然整檔熱辣辣既中式包店,當然係好啦.價錢大眾化,所以我都排埋一份,最想食既係糯米卷,但排隊之際,已經見到糯米卷同埋好多既包都售罄,所以要選擇其它中式包,想吃什麼包也要快,因為雖然話有人龍排隊,但係佢地售包之速度都極為快,所以一諗起想食什麼包,就要快說,不要阻塞後面買包的人仕.到我買包時,我先講叉燒包同埋榨菜肉絲包,後尾又諗不如買多幾個包俾同事試下啦,就買了五個包再加一支豆漿,加埋都係25蚊...抵搭巴士時,已經咬住一個包,但咩包黎呢,因為買包之速度咁快,唔到我問佢地咩包打咩包,所以要咬咗一兩啖先知係一個叉燒包,個包熱辣辣,個包裡面既叉燒又多,d汁又好味,唔會太甜或太鹹,味道岩岩好.番到公司,諗住請同事吃包,怎知個個同事已經吃了,我只好在中午再吃一個榨菜肉絲包,包雖然涷了,但內裡的材料又是很豐富,榨菜好好味道,正...食完個包,...咦,唔知身體感覺好似有d野,並未為意,再到差不多放工時

返工必經之路,之前食開凱絲的西包做早餐...都几好呀!現在有唐記新開,做平民百姓梗好架...有多個選擇嗎!今曰經過見咁啱無人排(平曰起碼都有5-6個),即刻一個箭步叫個賣包女仔比個菜肉包+糯米卷...只係$7...取包後趁住熱呼呼,即刻行住食菜肉包,幾新鮮,d椰菜都好翠綠,勝在流量高嗎,味道幾ok糯米卷,幾香..有香炸蒜容味...炒蝦米、炒花生都几多..幾香口咁旣價錢,收貨無嘢講

新店開張數日店外不時有長長人龍故購買時需時甚久一盅一盅的蒸飯從蒸爐拿出來新鮮熱辣而蒸飯分量適當又奉送少許椰菜很貼心鳳爪排骨飯排骨肥瘦適中鳳爪入味美味