唐記包點 (連理街)

营业中

休息中

連理街唐記二咸魚肉餅飯$26肉餅最好食就係肉汁仲保留左係裡面，咬落去D肉汁流哂出黎雞扎$17 腐皮吸哂D精華，非常入味，雞肉大件又嫩滑；金錢肚$17 軟嫩彈牙夠哂入味，口感好加埋小小紅椒更惹味啃鳳爪都係一種樂趣，唔洗去酒樓都食到，行過唐記買份番去公司，一邊做野一邊啃鳳爪，一入口吮D骨就可以吐出黎，夠哂入味鳳爪夾起唔會軟到散開，豉椒味道齒頬留香，味道非常誘人燒賣$17 燒賣味道香，唔蘸豉油都好夠味，燒賣上面仲加左杞子，貨真價實

咸魚肉餅飯$26 咸魚香口惹味✔️食上來口感唔會過實，每啖加少少咸魚一齊食，超突出夠甘香雞扎$17 好足料大大份😋雞肉好嫩滑芋頭味夠哂香濃超滿足鵪鶉蛋燒賣$17好小地方有得食，唐記有得買仲要只係$17，唔食就真係走寶；大大粒，食落細個同牙公既回憶番哂黎 😍山竹牛肉$17價錢夠平而最緊要係味道真係唔錯， 加埋喼汁就一流。 黑芝麻豆漿$9 唔會好甜，豆味夠濃又有芝麻香，口感滑順香濃，重點飲多D豆漿營養好夠哂健康

唐記開業多年，一直係屋企人唔想煮飯嘅時候嘅救星😂屋企樓下就有一間，非常方便，有時候早餐同午餐都係靠佢。喺呢間分店做嘅幾個嬸嬸親切友善，總是臉帶笑容，有時候某種包賣晒，佢哋就會推薦其他款式，好有耐性俾時間我慢慢諗👍🏽👍🏽服務態度值得嘉許。今日去買咗兩個飯，下圖係章魚肉餅飯。我一向講求健康，所以好甚少在茶餐廳或其他連鎖快餐店買飯，唐記的飯勝在不油膩，即使肉餅也是真材實料，啖啖肉冇肥膏。肉餅咸度適中，有不少章魚粒，食落好香口。特別叫咗少豉油，咁就唔怕太鹹。鹹魚肉餅都唔錯,感覺上肉餅嘅質地比章魚肉餅滑一啲，裏面有馬蹄粒，算係幾清甜爽脆，肉餅飯有細細地嘅鹹魚塊👍🏽😎同屋企人仲買咗幾款點心，下圖係鵪鵲蛋燒賣。有別一般酒樓的點心，這個不油膩，用的是瘦肉👍🏽豉汁鳳爪較為濃味，但十分香口，絕對可以媲美酒樓水準。屋企人返夜班，順便買一個沙嗲牛肉包，沙嗲味真係好突出，有啲似沙嗲牛肉公仔麵，屋企人特別鍾意食。

今日匆匆忙忙趕去面試， 實在沒有太多時間吃早餐， 一出地鐵站， 就看見唐記， 我又再次光顧這間快靚正的包點店。點了個豉椒排骨飯， 再加一籠燒賣和 一個叉燒包。 價錢非常便宜， 港紙50蚊有找。排骨飯保持一致的質素， 蒸飯處理得很好， 食的時候還是 熱騰騰的。 而且排骨份量也不算少， 足夠我送成碗飯。燒賣簡直是美食， 咬落還有肉汁爆出嚟， 簡直令人食到停唔到口。最後的叉燒包， 當然是這裏的鎮店之寶， 包皮鬆軟， 咬落還可以回彈， 而且吃得出 餡料是高質素的叉燒醬。

平時成日都經過唐記包店閒時買個菜肉包做早餐 大件夾抵食今次同屋企人想買啲中式午餐於是就去左唐記買左一堆食物番屋企開餐買左菜甫肉包 奶黃包 叉燒包奶黃包雖然唔係流心 但都夠香菜甫肉包我好少係岀面食到 因為本人好中意食菜甫既關係我成日都買黎食 而叉燒包都好多叉燒如果買多左食唔哂 仲提你可以凍包蒸番8分鐘同岩岩岀爐一樣咁鬆軟排骨飯啲飯夠乾身 排骨既油撈埋啲飯食不錯仲有菜 平時盅頭飯都無菜 呢到就均衡好多除左普通蒸飯同包點之外仲有點心小點 價錢公道 大部分都係$18鮮竹卷都有3件 味道同平時酒樓一樣好味馬拉糕都幾有驚喜 唔會太濕 夠香甜金錢肚口感彈牙 蘿蔔入味！

阿媽今晚唔煮飯..只好買外賣回家食..唔想食快餐店，就去了唐記買野食阿媽要食蒸飯同鮮竹卷，阿妹要食馬拉糕咁我就買了個菜肉飽俾自己，再買埋雞扎同鵪鶉蛋燒賣同阿妹一齊食😌拎到返屋企，即刻打開來開餐差不多全部都還是熱熱的，很好啊見到d點心賣相都唔差鮮竹卷有3條，一咬有好多汁，腐皮都有好鮮甜的味道，裡面的餡料原來都好豐富，比得上酒樓食果d, 好喜歡😋雞札就有兩大件，腐竹皮包住左雞肉、芋頭同豬皮，不會很油，好味鵪鶉蛋燒賣而家好少有得食，見到唐記有當然買來試試啦，一粒多在面頭，下面是豬肉餡菜肉包係推介的包，包有些奶香味，菜同肉的比例好平均，菜是爽口的，豬肉不是很肥，有肉汁的，成個包好夾👍🏻試左阿妹的馬拉糕，好香的椰奶味，不是很甜，唔錯喎😊阿媽個鳳爪排骨飯好有飯香味，有有好多椰菜伴飯，飯有豆鼓同排骨味😌

✨中女獨食難肥日誌 ✨唐記包點雞扎 $18這是我好喜歡的點心之一，雞扎好大隻，入邊有芋頭、豬皮、雞肉，面頭腐竹也好好味，是必叫的點心！鵪鶉蛋燒賣 $18本是懷舊點心，好少地方有鵪鶉蛋燒賣可以吃，而唐記有，咁方便可以食，正蔥花包 $8各款蒸包當中我最喜歡蔥花包，簡單美味咸魚肉餅飯$27鹹魚肉餅飯大大盒，還有加上甜豉油好送飯！附有菜，但略嫌鹹魚比較鹹！糯米雞 $27糯米雞好大個裏面有雞翼一個人吃完會好飽總結大件抵食

其實平日很少去光顧「唐記包點」，一來因為西貢墟沒有分店，二來我也不太喜歡食外賣自取的食品，所以我如果在外面，就算需要食外賣，也不會選擇食「唐記包點」的中式蒸包，就算「唐記包點」價錢便宜我也很少去購買。不過今次機會真的來了，因為我又要陪伴老豆前往覆診。老豆的身體狀況因為病患而大不如前，就連個人的食慾亦都再提不起來，今日他覆診後什麼都不想食，就自己坐專綫小巴返回西貢。我送了老豆上返回西貢的專綫小巴之後，就剩下我自己一個人，在將軍澳坑口「連理街」商場裡面閒逛。雖然「連理街」跟其他坑口商場互通，但是「連理街」大部分食店都已經被我光顧幫襯過了。而且我有一個很大的前提，有個非做不可的事情，就是醫肚。我當時感到自己開始肚餓，站在「連理街」商場通道裡面，立刻給我察覺有「唐記包點」坑口分店存在。我馬上把目光，聚焦於「唐記包點」的價目表之上。「唐記包點」跟坊間很多的中式外賣點心店都一樣，都不乏不同款式口味的中式盅頭飯。不過，一般傳統中式盅頭飯的口味，大部分都會是以豬肉為材料，例如「鳳爪排骨飯」、「豉椒排骨飯」、「鹹魚肉餅飯」、「鹹蛋肉餅飯」，還有「章魚肉餅飯」。剩下的「唐記包點」的盅頭飯，就只有「雞肉牛肉

今日去將軍澳踩單車，踩完單車之後有啲肚餓，見到地鐵站隔離有一間唐記包點，於是即刻入去睇下有啲咩食。店舖好細，門面有一大電視顯示包點，有牛肉包、番薯包、香芋包、菜肉包等等，包點選擇好多，我留意到有一款新嘅包，我之前未試過嘅就係黑芝麻包。於是買咗一個包試吓，呢個表面佈滿黑色芝麻，睇落真係幾吸引。咬一啖，麵包都幾軟熟。裏面嘅黑芝麻好多，食落去係啖啖芝麻粒，好香好濃，完全冇欺場，我幾鍾意食呢個黑芝麻包，鍾意食芝麻嘅朋友可以試一試。

上班前買唐記包 d姐姐都好忙 等左4 mins到我了叫了一個白饅頭 同 新出的 黑麻蓉包黑麻蓉包 同饅頭比較 睇落個size扁一半雖然係咁 但d麻蓉聞落好香但味道偏甜 同埋食完都幾飽肚 仲有d滯至於白饅頭 因為食麻蓉包慢左 吹到凍晒但都唔會硬 仲keep到軟熟

今日同老公去坑口站東港城行街，經過 連理街呢間 唐記包點， 諗起上次試過佢嘅香菇雞包非常之唔錯， 所以今次試下佢嘅菜肉包。我覺得佢嘅菜肉包比香菇雞包更加好味， 菜肉包裏面有啲菜 ，啲菜爽口 ，好夾， 菜同肉嘅比例啱啱好， 豬肉裏面有啲肥豬肉，雖然係肥膩啲，但係肥豬肉會令到肉味香d， 照食。 個包都算多餡，正!!!我最欣賞想嘅，係佢嘅包係有咬口既，唔會一咬落去個包到就散曬 ，而且唐記包點嘅包有麵粉同奶香味， 讚 ，值得推介!!!

我去酒樓都好耐冇食過包，因為覺得啲包粗製濫造，係大陸度做完一大堆之後，運落黎到香港賣， 今日經過唐記包點，餓餓地，所以即管試下啦。點知好好味! 個包絕對唔係散收收，一咬就碎曬個隻，咬落去係有彈力，有咬口，而且有麵粉香。個包嘅餡都好足料， 香菇有香菇味， 雞有雞味，香菇同雞嘅比例啱啱好， 餡料裏面有少少蔬菜， 蔬菜爽口 ，連埋個包一齊食好夾， 估唔到七蚊都有咁嘅質素， 下次想試埋其他款嘅包， 到時再上來寫食評 ，向大家報告。

今日趕時間，所以拿聲買個飯攞走1個章魚肉餅飯$251件馬拉糕$7外賣都好快，5分鐘都唔駛就攞得一開盒飯，本身話要豉油，點知勁少，個飯同肉餅都比較乾，肉餅就夠味，可惜太乾，頂肚還可以啦～馬拉糕，熱辣辣，都幾好食，好鬆軟

星期日係懶洋洋嘅日子， 呢日起身發覺屋企冇早餐， 平時朝頭早食開麥皮做早餐， 再加埋啲生果咁， 但今日咁阿媽咪冇煮麥皮， 屋企有冇曬生果， 最後媽咪主動話落街買包， 本來佢話去商場啲麵包鋪買， 但我一諗到嗰啲麵包用好多棕櫚油， 麵粉嘅質地有一pat pat咁， 諗到已經好唔想食， quota梗係留番畀有質素嘅食物啦， 所以提議媽咪去唐記買返個暖笠笠嘅中式包點轉過頭媽咪就喺樓下買咗個包返屋企！ 即係我最鍾意食嘅香芋包見到佢圓碌碌表面光滑嘅樣子， 我已經流曬口水🤤🤤最欣賞香芋包熱辣辣夠鬆軟， 質地綿密， 芋頭蓉打得好香滑， 又唔會加得太多糖， 我最怕食到啲餡料過甜嘅麵包， 好似豆沙包紫薯包嗰啲， 食到個喉嚨起曬痰， 雖然呢個香芋包唔係佢聲稱咁高纖， 但最起碼我知道我唔係食緊砂糖， 真係有唔少芋頭食飯喺裡面！ 如無意外應該會無限番loop~

爸媽歐遊去，獨留我在家，鳴～懶到出汁嘅我，仲點會去洗去煮搞甘多吖～踢對拖街坊look落去一次過買曬早午餐好啦～今日想食點心，食下唐記先！睇menu點心種類比較少，好似得6款上下，還有數款蒸飯可以選擇～今次叫嘅係以下呢三様！早餐山竹牛肉$18，落左喼汁但唔係好食到喎，老實就一定唔可以同酒樓即食甘併架喇，而且又有水蒸氣煱住，但係可以理解嘅～山竹囗感較硬，牛肉有爽口嘅馬碲同香莤，味道唔錯嘅～燒賣$18出奇地竟然有幾隻蝦仔肉喺燒賣入面！肥豬肉有但可以接受～味道ok～ 章魚肉餅飯 $29肉餅比較實，入面嘅章魚粒同馬碲都多，不過章魚香味就冇乜，食都唔算少，不過有dd硬，有幾條菜濕濕地撘下都ok啦！點心甘嘅價位有少少偏高，飯嘅價格仲可以接受～