唐記包點 (連理街)

营业中

休息中

唐记开业多年，一直系屋企人唔想煮饭嘅时候嘅救星😂屋企楼下就有一间，非常方便，有时候早餐同午餐都系靠佢。喺呢间分店做嘅几个婶婶亲切友善，总是脸带笑容，有时候某种包卖晒，佢哋就会推荐其他款式，好有耐性俾时间我慢慢谂👍🏽👍🏽服务态度值得嘉许。今日去买咗两个饭，下图系章鱼肉饼饭。我一向讲求健康，所以好甚少在茶餐厅或其他连锁快餐店买饭，唐记的饭胜在不油腻，即使肉饼也是真材实料，啖啖肉冇肥膏。肉饼咸度适中，有不少章鱼粒，食落好香口。特别叫咗少豉油，咁就唔怕太咸。咸鱼肉饼都唔错,感觉上肉饼嘅质地比章鱼肉饼滑一啲，里面有马蹄粒，算系几清甜爽脆，肉饼饭有细细地嘅咸鱼块👍🏽😎同屋企人仲买咗几款点心，下图系鹌鹊蛋烧卖。有别一般酒楼的点心，这个不油腻，用的是瘦肉👍🏽豉汁凤爪较为浓味，但十分香口，绝对可以媲美酒楼水准。屋企人返夜班，顺便买一个沙嗲牛肉包，沙嗲味真系好突出，有啲似沙嗲牛肉公仔面，屋企人特别钟意食。