唐記包點 (寶怡商場)

营业中

休息中

之前我係其他地方既唐記包點幫襯過 但態度都唔太好 收銀又唔耐煩咁今日經過寶怡呢間唐記太肚餓 就試下幫襯呢間本身我就嗌咗個菜肉包 員工都即時解釋有蒸菜肉包，亦有生煎菜肉包，我覺得佢有詳細解釋埋個分別好抵讚我都依員工介紹要咗生煎菜肉包 好香口好好味而且成程收銀姐姐笑容好好同有講多謝，令人整個購買過程都好舒服，亦都會係寶怡呢間再幫襯！

呢間鋪由開張個陣幫襯到宜家，我最鐘意食菜肉包同奶皇包，又夠熱又好食。放學去買飯食又可以加菜，夠曬大份。服務員嘅態度又好有禮貌，我最鐘意個個4眼姨姨嘅態度，又有禮貌又有笑容，講野又會多謝前多謝後，真係好好👍🏻👍🏻👍🏻

買個鳳爪排骨飯外賣。買完返屋企打開得2舊排骨肉 多菜加2蚊 同正常一樣！！叫外賣雞札 18蚊 打開又係勁細舊 簡直垃圾點心 我提意行遠小小去良景行市入邊買仲平同低食 真心 垃圾唐記

1. D排骨飯，糯米雞經常都賣曬，去十次有九次都無😩2. 俾錯野，叫叉燒包俾牛肉包......😩😩3. 等食物果一陣，已經見到有兩個客投訴d食物唔熟.....到我果個燒賣，見到d皮仲乾身硬硬地，都唔敢食落去去😩😩😩

終於搵到一間最好食嘅點心係建生區開幕，用料新鮮真材實料，集團出品，香港製造，信心保證！今次首試呢間新開的唐記包點，寶怡商場分店，可能呢間唐記係由市中心搬過嚟，裝修好靚。今次叫咗招牌的豉椒排骨飯$25，好足料，材料新鮮，排骨冇豬血味，又唔太肥，跟飯嘅椰菜，又新鮮，又夠多，唔會油，好健康，仲要係新鮮熱辣，正呀！個舖位都幾大，其實可以考慮，加張枱，放幾張高凳，整個立食區，唔使下下要攞到返屋企先有得食，又唔想係巴士食。要注意，呢間唐記係冇糖水食！