唐記包點 (龍旺大廈)

营业中

休息中

唐記包點除咗性價比高之外另外一個可讚嘅之處就係速度夠快我中午時份去, 雖然要排隊但係由買到拎到手只係需要5分鐘!!岩哂我呢D上班族糯米雞超大份超足料打開就已經聞到勁香嘅糯米飯香入邊仲有雞翼等等嘅材料糯米飯勁入味不錯煎椰菜餃子入面堅係好足料啲汁真係冇得頂最正就係入面個肉好嫩滑之餘仲要好JUICY同傳統酒樓有得fight咸蛋肉餅飯呢個超好食!! 肉餅係有半個飯盒咁大將佢整碎再撈埋D飯食真係一流同埋都幾厚下呢個價錢黎個性價比一流咸蛋唔算十分咸餸飯真係100分既配搭

中式嘅中飯不嬲都係我嘅最愛唐記包點之所以咁成功都係因為價錢同質素都高性價比近排好多攪作飯嘅種類整只係得蒸飯咖喱雞飯睇佢廣告張相好吸引到拎到返Office會唔會變質？超出乎意料個樣同平時出去食50幾蚊嗰啲有得fight咖喱汁撈埋啲飯度食D汁係勁濃架~~無得頂好香既咖喱香咖喱雞質感嫩滑！而且份量都好多下！煎包做緊優惠$15就有三個一個大男人食個盅飯點夠皮加埋個煎包就啱啱好喇趁熱食脆卜卜個人勁鍾意呢個韭菜餡食到啲汁流晒出嚟

吃多了盅頭飯，當然可以換個口味吧，估唔到外賣點心/盅頭飯店提供的食物越黎越多種類!唐記包點我以前剩係知有點心, 有蒸包, 估唔到連有汁的飯都有了。秘製豬軟骨飯入口即化, 濃郁的醬汁在夾雜著豬軟骨, 豬軟骨炆到腍一腍.滑一滑, 唔洗咬gam 濟, 下飯非常一流。-咖哩雞飯D 雞大大件, 而且咖哩都幾入味, 咖哩味濃而不俗, 最重要係好多汁, 29蚊盒飯黎講味道超級正。-章魚肉餅飯去親唐記我都會叫章魚肉餅飯, 肉餅飯雖然只係廿幾蚊, 但係材料無偷雞, 豬肉、馬蹄碎、土魷粒都有齊, 肉餅亦都唔會話好多肥肉, 仲有少少菜配飯tim, 唔想煮落黎買盒飯就最方便。-另外仲叫了3個煎包, 十幾蚊任配3個, 香煎菜肉包, 兩面煎得金黃，餡料有豬肉與高麗菜, 而且肉汁豐富。香煎韭菜包, 香口得黎不會太肥膩香煎蔬菜香菇包, 所謂蔬菜即是黑木耳, 香菇, 紅蘿蔔等等, 調味簡單不油膩, 即使不是素食人士也覺得很好吃呢。順帶一提, 即使是繁忙時間, 收銀的姐姐仍然很好服務呢!!

近日發現不論係港鐵站或街上都搵到唐記嘅蹤影，香港、九龍、新界，遠至南區都總會搵到一間，所以去唐記成為我平時必食好選擇。今次嚟到旺角區去朋友屋企打麻將，先醫醫個肚先，來一個熱賣之選“菜肉包”，菜肉包，包面甜甜地，裡面餡料足料，食到啖啖肉加菜香甜，食極都唔討厭。再加“香煎風味”$15蚊3件，$5.5有1件，我就叫咗一件蔥油餅兩件鍋貼， 蔥油餅相當香脆， 鍋貼煎得邊都很脆口，裡面豬肉餡料都好夠味。朋友就食點咗鳳爪排骨飯，份量十足，仲好抵食，每次想食蒸飯都叫鳳爪排骨，味道夠晒經典。其他朋友就要燒賣，$17蚊有4粒，有豬肉味加蝦肉都彈牙，再加山竹牛肉都係$17蚊，味道同酒樓水準差不多。另外再買埋紅豆包同麥皮饅頭，當宵夜，夠晒健康又好味。

位於旺角道龍旺大廈地下A1號舖的唐記包點，主打外賣中式包點。之前上班的時候都會買唐記包點，包點濕潤又熱騰騰，冬天吃頗美味。旺角道分店的人流頗旺，就算是中午兩三點，也有人會買蒸包來果腹。今次買了四款點心和兩個蒸包。🥡沙嗲金錢肚是個人最喜歡的點心。曾經吃過其他茶樓的金錢肚，可能洗得不太乾淨，有少許臭味，影響了味道。但這款金錢肚沙嗲味頗香濃，不會太韌，也不會太大件，一口一件剛剛好。香煎蔬菜香菇包是新出的口味，煎過的包子更香口，裡面的蔬菜軟硬度剛剛好，而且也不會淡而無味，比想像中的蔬菜包味道更佳，頗有驚喜。建議蝦餃儘快享用，或者吃之前用微波爐加熱外賣回家時，蝦餃冷掉所以皮有點點硬，用微波爐叮過後，味道會較好。燒賣能吃到頗鮮甜的豬肉味，而且頗juicy。糯米雞的份量頗大，約有整個手掌般大，有不少藍領會買一個當早餐。當中包括雞翼、咸蛋黃、冬菇和少許豬肉粒，而豬肉粒也不會太肥。糯米雞味道咸香，男士也夠吃。糯米卷的味道也不錯，裡面會有少許花生和臘腸碎，之前會點一客點心和糯米卷作午餐。而且糯米不會太硬，口感煙韌。中年的店員也會頗細心地把點心一盒盒裝好，同時附上叉子。

今日去探坐緊月既朋友，順便拜個早年啦。因為佢地新年要帶bb巡迴拜年。佢算係坐監無得出去，下單話帶唔熱氣又熱食既野比佢食，最好係點心。r哂頭，4點幾茶樓咩，人地都準備晚市。係行去佢屋企見到唐記，就佢啦。平時我早餐都食唔少！醬油蛋豬軟骨飯 $29叫依個係想佢有濃味汁食啦，唔好成日話淨食補品咁dry。有半隻蛋都補身呀，哈哈。我食蛋黃都軟綿綿，佢話蛋白似台灣d滷水蛋口感。豬軟骨份量都5、6件，油份唔會話誇張多。甜咸適中啦，岩哂佢。以為飯長時間蒸住會好林，但都ok軟硬兼施。蔥油餅、香煎菜肉包同香煎蔬菜香菇包$15 3隻本身想食香煎韮菜包無哂，大家真識食。店員介紹蔥油餅，我就話好啦轉啦。勁滿芝麻！正！正！外脆內半軟，幾香口。多油少少就我食哂，呵呵。蔥味十足，配粥應該好正。鵪鶉蛋燒賣 $17依加係酒樓都好少見依款。3粒鵪鶉蛋脹卜卜好吸引，最特別係成粒包住燒賣皮，滑一聲落肚，肉實實唔少野。鮮竹卷 $17木耳絲、紅蘿蔔絲食下「素」，枝竹皮有一層層，一咬爆汁料。口感係最有咬感，汁唔會太感。叉燒包 $7.5辣手當紅之選，佢係勁大個，料勁多。早餐一個包對女仔嚟講夠哂！甜甜包比小朋友食就岩，多肉，多瘦肉少少肥點

這間唐記連鎖點心真的是造福人群，分店很多，你能隨時隨地以低價嚐到在香港飲茶的風味。我每天都會經過買個蒸包，熱騰騰的令人每朝精神飽滿。我最愛的是菜肉包，七塊就有一大個，餡料非常充足，一大舊肉在包子裡，味道一流。其次就是叉燒包，甜甜殷的蜜汁港式叉燒塞進包子裡，非常美味，但是如果叉燒能大塊一點會更有口感，因為普遍叉燒比較碎碎的。另外午餐其實更可以購買他們的蒸飯和點心，全部都非常新鮮而且價錢便宜，值得一試！

唐記包點新出左個豬軟骨飯，廿幾蚊食到一個飯真係好抵食，呢個我覺得好食過啲蒸飯😍仲叫左姐姐比多啲汁👍🏻有半隻蛋豬軟骨好林好入味，份量都唔少架。平靚正之選👏🏻

最近減肥，所以晚餐唔想食太多，或者要好早食🤣 今日做野夜左，所以過咗九點，就冇心情食全餐 所以就去咗唐記包點揀啲輕量嘅小食去到旺角道呢間真係嚇咗一跳，咁夜都好多人 唐記包點而家多咗好多選擇，方便夜晚食少少野，又唔想着想快啲填飽個肚既人我叫咗菜肉包，同埋香菇雞包 超級大，一大個包只係$7 ，兩個$14就食到飽 我排咗5分鐘左右，因為太多人，就可以order🙈 唐記包點有得用八達通超級方便👏🏻👏🏻 仲要係即叫即執，比完錢轉個頭已經拎得 啱晒我呢啲貪求快嘅人 味道方面，不過不失！我貪佢夠大，麵包餡同麵包嘅比例好好，好足料！一啖咬開就已經食到了，唔會因為麵包比例太多覺得好滯

早陣子筆者病了, 朝思暮想著吃蝦餃. 是日放工後, 為了止痕, 來到唐記包點. 點選了蝦餃皇(HK$18). 一客點心只有三粒蝦餃, 老實說, 不算是很便宜, 因為筆者誤以為有四粒的. 幸好蝦餃的size也尚算飽滿, 否則怎可稱為蝦餃皇? 試一口, 蝦餃皮有點厚, 但口感不會很粉. 內裏的蝦肉不夠彈牙, 鮮味稱不上, 水準跟一般酒樓相若.

唐記新出 —蔬菜香菇包終於等到你啦！本身對佢冇乜幾望，因為唐記啲包成日都吾夠熱⋯ 但今次又幾好彩辣手喎😂$7 係極抵食！健康x房都有出齋包 不過價錢係佢x2.. 仲要冇乜餡呢個就吾同啦 由頭食到落尾都哨到有蘿蔔絲同冬菇😍!而且一啲都吾咸 怕重口味既人值得一試！😋👍🏼

成日都話食有餡的包抵, 但有冇想過要知道一間包店做的包是否好食, 就要從無餡料的包開始?家人有在家做麵包, 一早已提過沒有包是可以不添加任何額外的材料, 而做得到如此白的包。明白的, 沒有雪白的面, 反而客人會問你是否加了雜質~.~這個包發得非常足夠, 鬆軟, 香甜。整個包大過我的掌心, 只賣4蚊, 食中式包又比西式麵包健康, 不時都可揀中式包做早餐既

未夠鐘食飯，少少肚餓，原來旺角都有唐記，例牌買菜肉包($6)、香菇鷄包($6)，兩個包都熱辣辣，包身好軟熟，菜肉包有捲心菜同豬肉，蒸得啱啱好，豬肉夠份量，仲有少少肉汁，好食；香菇鷄包，半肥瘦鷄配上香菇及薑絲，好咬口又爽口，不錯！