唐記包點 (綠楊坊)

营业中

休息中

上酒樓食點心就食得多，乜原來而家點心都可以咁方便，今日經過唐記包點，試吓買啲外賣返屋企😋門面企企理理，點心豐儉由人，平至幾蚊一個包，點心平均都係十零蚊，仲有蒸飯、糯米雞都係廿零蚊，真係抵到冇朋友👍🏻梅菜肉餅飯，拎到返屋企仲係熱辣辣，梅菜肉餅好香，好有肉味，分量十足👆🏻蝦餃燒賣，係香港人至愛嘅點心，蝦餃皮薄餡靚，大大隻蝦，爽口彈牙喎，有水準！牛肉亦大火粒，雖然力度返屋企熟咗啲，不過牛肉帶點陳皮味都好香，當然要加喼汁啦，仲有雞扎都好夠份量，今次試咗佢哋嘅外賣點心，下次下午茶時段就多一個選擇了😋

去開荃灣做嘢經過綠楊坊見餓餓地，就順便買D點心返屋企，於是幫襯呢間唐記包點。佢都好旺場，好多人排隊，再睇下佢D點心，大部分都係十零元，蒸包就賣$7.5元，嘩！使唔使咁抵呀😂咦！竟然仲有臘味糯米飯，$22元，但係店員話未出爐，下次真係要試吓先至得！於是我買咗兩個點心，雞扎和金錢肚，金錢肚好入味又腍，雞扎真材實料，大大件。件芋頭好腍夠粉，拍得住好多大酒樓嘅水準，而且拎到返屋企仲係熱辣辣👍🏻仲有呢盒北菇雞飯，賣$26元，雞肉又嫰又滑，調味啱啱好，份量夠，唔錯喎👍🏻

香港人乜都要快就係人都知，不過快得來要有效率和質素先至係重點，好似呢間唐記包點，我經常都會幫襯，簡單來講，快靚正👍🏻簡簡單單，有齊晒你想要嘅點心和蒸飯，價錢都係由十零蚊起，新鮮熱辣🤗工作人員做嘢又有效率又爽手，每次都唔會超過3分鐘，就已經幫你包好晒，啱晒我哋香港人嘅節奏😍我最鍾意佢哋嘅北菇雞飯和煎蛋牛肉飯，只售$25，真係有佢咁平冇佢咁靚😬而且份量都唔少㗎✅如果嫌唔夠飽， 十零蚊就已經有咁精美嘅點心，蝦餃燒賣當然係我嘅至愛啦😋今次仲買多咗一個菜肉包，$7元一個，熱辣辣，好味又多汁，正！

過年黎番工都唔知道OT左幾多日，唯有外賣解決一餐，幸好唐記開得夜，想外賣番屋企晚晚食都仲有好多選擇。唐記糯米飯想食好耐，不過買左幾次都話賣晒，而且好似係冬日之選，一定要試下。糯米飯煙韌，配料量多，炒起同吃超香口，雖然是一口油飯，但非常滿足。另外叫多個糯米雞同屋企人分享，荷葉包著糯米雞米飯仍然濕潤，夾開糯米飯內餡都不少，不過本人是糯米飯迷，食飯就很滿足了。原來香煎風味出下出下多左咁多口味，今次嗌左香煎菜肉包，內里同蒸包一樣咁多分量，外面則煎香似上海生煎包，平時食蒸包多都可一試。

前兩日係屋企人返咗大陸 屋企變咗無飯家庭 我同家姐去咗最近既唐記包點買野食😙我係米飯控🍚 好鐘意有飯落肚 所以簡左個章魚肉餅飯 有少量既椰菜絲🥦 大大件既肉餅 肉餅紥實多料 粒粒既章魚同冬菇 加上馬蹄粒幾爽口 撈埋甜豉油就更惹味 飯粒落水恰到好處 做到粒粒分明而且唔乾身 份量令人飽肚😊幫家姐買咗個期間限定既臘味糯米飯 分量相對比其他飯就細少少 不過家姐唔算太大食 都岩岩好 糯米飯粒分明😯 糯米唔算太濕潤 材料都幾齊 有臘肉同臘腸 花生🥜都幾香口買咗一個包做早餐🥣 菜脯肉包 菜脯同肉既份量岩岩好 大大個 幾抵食 一個當早餐加杯熱茶岩岩好見到有點心🥧 我就幫家姐簡咗最鍾意係茶樓點既鮮竹卷 有三條 餡料正常 有豬肉 菜 冬菇絲 竹筍 咬落去都幾多汁 少少脆口👍🏻唐記分店越開越多 啱哂我哩類鍾意食下飯同點心既懶鬼🤭

唐記包點，係一間外賣點心店，港九新界亦有不少分店，出名平靚正，相信大家都不會陌生吧！荃灣分店位於地鐵站上蓋綠楊坊一樓，位置十分方便就腳！唐記包點除左點心外，仲有多款蒸包同蒸飯選擇，另外仲有糖水同飲品，相當多完化呢！鳳爪排骨飯，分量十足，排骨又林又入味，不錯吃的，鳳爪非常惹味，配上椰菜亦非常貼心呢！蝦餃皇，大大隻，皮薄䐄靚，鮮蝦味十足，拍得住大酒樓水準啊！燒賣係必食推介呢！另外仲有鵪鶉蛋燒賣，每粒都有一隻大大嘅鵪鶉蛋，配合新鮮嘅豬肉䐄料，美味無窮！秘製金錢肚，這點心我每次必點，金錢肚夠林又惹味，仲配上清甜嘅白蘿蔔，非常美味可口，本人十分推介！

今晚媽媽唔想煮飯為左方便起見所以就去唐記買晚餐食唐記有唔同既蒸飯同蒸飽食我地叫左3個飯 點心同埋蒸飽鳳爪排骨飯，排骨好稔同入味，D飯粒 粒粒分明有咬口唔會好濕糯米飯有臘腸臘肉同大量炒香左既花生飯炒得ok夠乾身唔會硬北菇雞飯雞醃得非常入味 而且好鮮嫩同稔值得一讚既係個個飯都有配椰菜感覺健康d另外仲叫左鵪春蛋燒賣 燒賣同埋牛肚鵪春蛋燒賣好有懷舊既味道呀牛肚好濃味好稔另外仲買左生煎包雖然煎左但唔會好油膩餡料豐富

今晚收早小小，可以同老公食晚飯，但佢話好累不想落街，叫我買外賣，仲話想食糯米雞，咁好啦！一於近近地上綠楊坊唐記買一盅兩件回家食啦其實唐記都好多選擇架，蒸飯都有八款，仲有多款點心同蒸包類，糖水同飲品，而且價錢實惠，相當不錯新出左臘味糯米飯，幾吸引啊！另外仲有凍包賣，18蚊3個，好扺啊只供外賣沒有堂食，大家留意啊店員極速打包好，一大袋只係一百元左右，已經非常豐富雞扎兩大件，新鮮熱辣有我最愛嘅芋頭，又林又粉，雞亦好滑，好味道燒賣也不錯，爽滑味濃金錢肚又林又惹味，仲有清甜嘅有白蘿蔔，推介蒸飯我最愛梅菜肉餅，肉餅大大塊，味道同小時侯媽媽做的非常接近，充滿童年回憶足料糯米雞，好大個，好多料，裹面仲有隻雞翼，好搞笑，我本身好怕食糯米，因為食完會肚漲，最後比老公成隻ko左，佢話好好味，真係服左佢大家有機會都試下丫，唐記有好多分店架，而且平靚正，值得推薦下

老細派我昨晚上去大陸廠做代表出席送歲晚宴，今朝一大清早趕返落嚟。大巴剛到荃灣大站，老細追魂call就到，仲以為又有咩鑊嘢，原來係叫我買埋早餐返公司。反正我都要食，無所謂啦! 上到綠楊坊的點心專門店，返工返學嘅peak hour 緊係人多啦，不過，職員效率高，配合她們的摩打手和默契，一兩分鐘就可以完成整個買賣過程，速度快過老麥嗰啲。買咗好多嘢食:雞扎，燒賣，鮮竹卷，叉燒包，饅頭，菜肉包，章魚肉餅飯。樣樣都熱辣辣，香噴噴。拎到返公司都仲熱。味道絕對唔差過酒樓嗰啲，仲無咁油膩添。同老細邊食邊傾，其實就係一個早餐會議。不過，會議過程輕鬆，都enjoy 嘅。

唐記包點係唯一一間每次經過我都會去買嘅中式包，可惜屋企附近冇知綠楊坊有分店，呢日去開荃灣廣場都專登兜過去買。款款點心都係$18，如果屋企附近有我一定每朝早都外賣返去飲茶！！冇買一排仲多咗煎包同冬日暖胃佳品既糯米飯可惜太多識食之人，下輪要等15分鐘，今日無緣一試。牛肉球每粒都好似煎堆咁大軟嫩彈滑，馬蹄大細同分佈恰到好處，增添爽口同時保留牛肉既鮮嫩。燒賣粒粒都好飽滿，內餡係蝦肉同豬肉混合，有鮮味，同時質感結實，真正啖啖肉，仲加左啲冬菇增加菌香主打包點，包類質素當然有保證麵包鬆軟，餡料比例算多，唔係空氣飽～牛肉同洋蔥完美配搭，食起黎香口、鹹味適中，但沙嗲未算突出。不同於蒸包既鬆軟，包皮煎至金黃微脆，又另一種口味裡面夾左香菇、黑木耳、蘿蔔同椰菜，鮮甜爽口，感覺健康啲～素食者都岩食。

唐記包點真係好多分店，今日工作來到荃灣綠楊坊一樣有得食😍佢出名D點心平、靚、正，流量又快，咁即係代表D食物夠新鮮，源源不絕👍🏻今日經過，佢哋仲有季節限定嘅臘味糯米飯🍚，只售22元，可能太受歡迎，店員話要稍等，不過我趕時間，都係留返下次😬店員好快就預備好我嘅Order，效率其高👍🏻正正係香港🇭🇰與時間競賽的表現，Good🤗拎到返公司依然熱騰騰♨️雞扎入味，腐皮又夠林身，燒賣更是我至愛，嘆埋「北菇蒸雞飯」飽肚又滿足，50-60元就已經搞掂，確係有佢咁平無佢咁正👍🏻👍🏻👍🏻

今晚真係想不到食乜，大家樂，大快活，美心。。。。，真係吾想比得多又日日一樣，一個人又吾想傻乎乎的坐大餐廳，最後老婆介紹唐記。以前係吾同地方食過唐記的菜肉蒸包，皮一D都吾得，餡料又吾掂，鬆散，味道吾掂，所以今晚都係在毫無期望下，唯一目的只為去醫肚和快快快本來只是想叫一個飯，睇到櫃檯上兩個新介紹，一個介紹煎牛肉包和煎豬肉包，另一個係芝麻包，一個是更飽肚，一個主要係當甜品，今晚係肚餓，以前記得好似一個飯是不夠的，所以最後選擇了煎豬肉包。前面有三四個客，大部分人叫飯都不要菜，但我剛剛相反，要多D 菜，無論要多或者要少，大姐都一一答應，無拖手肘。他們都很快手，不到兩分鐘就輪到我啦。鹹魚肉餅飯 ～ 賣相不算好，肉餅圓圓的，有點懷疑；但食起來，雖然鹹魚不是梅香，但亦不至於實肉，鹹度和硬度都剛剛好，不鹹，肉餅比大X樂和大X活的雖然實一點，但味道和質感又幾好。記住大家價錢差好遠啊。煎牛肉包 ～ 一打開兩邊，真係覺得做的好好，包皮香帶D 脆，油而不膩，牛肉很飽滿，差不多滿滿頂實個包皮，牛肉帶些好像爽爽的東菜，牛肉有彈力和有咬口，不鬆不實，有牛肉味。正。又是提 CP值，只是5蚊啊，有咁質素，仲要求乜啊。

今日(7-7-2018 Sat)晏晝,老公放工後買o野返o黎食,佢o係o度買o左好多o野返o黎,有:1.  $18.00o既蝦餃皇一客得3隻,size適中,一食落去,個皮腍到就o黎變糊,蝦仁OK爽口,味道就正常.味道:1分2. $17.00o既鵪鶉蛋燒賣同樣係一客得3隻,呢個就完全正常冇問題.味道:3分3. $17.00 o既豉椒鳳爪份量算唔少,夠腍,味道亦正常.味道:3.5分4. $15.00三隻o既煎鍋貼大大隻,但係咪太大隻?我覺得煎唔夠,皮唔脆,內裡o既豬肉餡味道唔夠惹味,麻麻.味道:0.5分5. $25.00 o既豉椒排骨飯排骨夠腍同多肉,味道亦夠,但豉油係咪唔使錢?落咁多,攪到啲飯太鹹啦.味道:3.5分抵食係2.42分上次幫趁已經係14年o既事,o個個食評: https://www.openrice.com/zh/hongkong/review/%E5%91%B3%E6%B7%A1-e2410449

四年一度嘅世界盃，又開鑼了，晚晚睇幾場波，返工都冇乜精神，連胃口都唔係幾好，好多時都係去快餐店，或者買啲外賣就算。唔使嘥時間去酒樓，又有點心食，又有盎頭飯，價錢又平，選擇又多，呢間唐記包點，係我哋呢啲懶人最佳選擇！20零元已經有交易，仲可以另外配啲你鍾意食嘅點心，各適其適，悉隨尊便。今日揀咗個北姑雞飯，通常佢都會問你要唔要豉油，其實我自己諗，點可以冇鼓油食飯架，問都有啲多餘！佢哋嘅工作效率認真高，通常1分鐘之內就幫你搞掂，咁你就可以那那林攞走返公司慢慢嘆，一個人食嘢其實咁樣都唔錯呀！

人地放復活節假，我就要返工，無計啦，鬼叫你窮咩，呢D假期，自己要返工又要食飯，孤孤獨獨梗係唔想同迫啦，嗱嗱林買啲外賣返去食，咁呢間唐記包點就係我時常幫襯嘅舗頭點心十零元起，蒸飯一般廿五元，啱哂趕時間嘅打工一族今日我原本打算食北菇雞飯，點知竟然沽清，可能因為假期，於是我改為要豉椒排骨飯唔使半分鐘啲姐姐就會搞掂比你，因為佢哋嘅動作非常之快，咁就更加啱晒趕時間嘅香港人講真如果我話呢啲飯好好食，你都唔會信，但係其實佢又真係OK嘅，25元，今時今日來講呢啲消費可能等於一啲高檔麵包嘅價錢，所以我覺得值得推薦