唐記包點 (置富第一城)

营业中

休息中

10:30係手機平台落order再落街拎，正常打算一落去就有，唔洗等，點知10:50去到都未有，個態度差員工呀姨同佢夥計好細聲講：「走咗，再整比佢」我即刻話，「下，我落到黎都仲未有得拎？咁我預早落單有咩意思？」個態度差大大聲就話：「我哋啲野要熱辣辣先比人，唔通凍咗俾你咩？」我就話：「我預早落單有乜理由仲要等？凍唔凍你理得我啫？而家係你哋遲咗做，比左人哋先呀」之後佢冇聲出。😒😒😒😒😒😒😒😒😒

買左鳳爪排骨飯加菜肉包，返到屋企擺低諗住晏啲食，好啦，諗住蒸返熱佢，一打開淨係見到啲排骨。心諗啲鳳爪係咪俾啲飯遮住左。點知真係無鳳爪！乜事呀？鳳爪排骨飯無鳳爪。真係O哂咀。都係鳳爪 排骨 飯，三樣野姐咁都可以俾漏。無言。俾人呃左錢咁🥲

每個朝早諗唔到食咩，就會考慮食唐記。唔同款式嘅蒸包，大大個，有甜有咸，仲有一款啱你口味。🤯🤯自己最鍾意食奶皇包同埋芋頭包，不過就係會有少少內疚，因為要跑咗好多個圈，先消耗到🤣🤣午市來講都非常抵食，咖喱牛腩飯比起一般茶餐廳都唔失禮。而且唔知係咪醬汁好濃郁嘅關係，雖然飯嘅份量唔係好多，但食完都會keep住好飽，足夠一個人捱到放工。👍🏼👍🏼另外，點心都幾好食，自己平時都會買一兩分牛肉球食下，唔錯㗎！

相信好多人同我一樣，有時行過唐記包點比佢吸引住嘅，唔係佢啲包點。係佢啲飯。不得不講。佢啲中式飯的確好吸引人。雖然比唔上酒樓嘅盅頭飯。但有時行過又想食盅頭飯嘅話佢係一個唔錯嘅選擇。今日揀左鳳爪排頭飯。鳳爪好入味。而且都唔算細隻。排骨數量合理，而且唔會淨係得骨無肉。但略嫌今次啲排骨比平時嘅多肥膏。不過呢到嘅飯有一大敗筆。就係可能係蒸爐入面太耐令到飯本身極淋身。完全無左飯本身嘅煙韌感。不過其實食得嘅都預左會咁😂

知道最近唐記包點做緊角落生物嘅推廣，作為一個角落生物嘅擁躉，決定要嚟支持一下打下卡呢個白熊係菜肉包，雖然眼睛係貼落去有少少怪，但總括嚟講都係可愛嘅$18 一個，雖然佢比普通菜肉包貴咗一倍，不過我見佢咁可愛係值得一試嘅！

晏晝食飯想食啲抵食啲嘅飯喺第一城真係好難搵得到，因為第一城啲嘢食都偏貴。$29有得食個咖喱牛腩飯真係好抵玩！牛腩飯嗰調味唔錯，係有層次嘅咖哩果，有咖哩香，又有少少辣！撈飯食就一流啦！佢仲有啲配菜，個蘿蔔又林又入味，好食！薯仔都唔錯，可惜我唔鍾意食薯仔！入正題講返個牛腩，牛筋係好食嘅，夠林又有味，牛腩就真係有啲失色，肉質好鬆散，咬落去一條條好似柴咁。不過又咁講，29蚊係咁上下啦！cp值算高架啦佢個奶茶呢，就係唐記阿姐極力推介嘅，茶味同奶味都好平均都好飲，飲落口就鞋濕濕，唔夠滑，$12枝，cp值相對飯來講就低啲啦。

之前聽朋友講唐記包點嘅家常便飯都幾抵食，今日特登去試吓，去到見到有唔少人排隊，之後就諗食咩，佢都幾多選擇又有咖喱牛腩飯、咖喱雞飯等等5-6款，除咗家常便飯，仲有蒸飯，全部都係20幾蚊，最後揀咗魚香茄子飯，都係$29，叫完等埋3-4分鐘就有得拎。望落個外貌就普普通通，不過$29要求咩丫，個飯同餸都好大，食完真係飽，魚香茄子好夠味，茄子好淋，好好食～第一城裡面搵到平價又唔錯既野食，真係非常感恩～～～

屋企樓下開咗唐記都好一段時間lunch time最多人排隊食蒸飯，我自己都喜歡買包做早餐，而家仲可以買凍包，返屋企放雪櫃，第二朝蒸返食，依然軟熟。香港唐記包點一向都係大家喜歡幫襯的食店，價錢相宜，有飯食，有點心，包類更是價廉物美的好選擇。最近行過見到新產品《玫瑰朱古力流沙包》，樣子可愛，粉紅色確實好受女孩子歡迎呢。被它的外貌吸引，今次買個返屋企試下，用鍋蒸返熱，樣子依然可愛，沒有吸濕的情況，包面依然可見玫瑰花粒，用刀切開，內裏的朱古力餡慢慢流出，估你唔到，中式包點可以做到這一個流心效果，欣賞你的創意。食落的感覺也不錯呢，陣陣玫瑰香味，配合內裏濃濃的朱古力味道，好夾，餡料不會太甜，我喜歡。屋企人喜歡食素，香菇蔬菜包都係我哋常買嘅包之一。

呢一間唐記其實都已經開咗一段時間，平時都會去買外賣返屋企食，佢除咗蒸飯之外仲有盒飯選擇，種類都幾多下😋豬軟骨飯：肉質軟腍，豬軟骨炆到透明，咬落去入口即溶，而飯量和醬汁都夠飽，$29 好抵食咖喱牛腩飯：食落似印度咖喱，香料味比較重同埋都幾辣，不過仲有配菜：甘筍、薯仔等等店員態度都好好，會主動推介邊一款好食，也很有禮貌💁🏻‍♀️不過佢哋係用外賣膠飯盒，唔太環保，想自備膠盒店員都話唔可以，因為佢哋係將成個膠盒放入去蒸🤦🏻‍♀️🤦🏻‍♀️🤦🏻‍♀️

唐記包點唐記包點名我就聽得多，但真係好小去食，今次咁啱經過去食，發個餐牌同我之前既好唔同，多咗啲豆漿同埋紅豆糕，好有香港嘅特色，而且仲有二人套餐，食lunch嗰陣時經過同事夾份，一人都係50蚊左右，但勁多野食，超正我點左個鳳爪排骨飯，紅豆糕同豆漿，發覺佢啲飯好新鮮熱辣辣，比茶樓更好食嘅感覺，紅豆糕就有童年嘅味道，原本想去嗰個阿華田味嘅流心包，可惜因為時間唔配合所以無貨，下次一定會再去試吓的返工嘅朋友真係要試吓啲一間唐記包點，佢哋啲手腳好快手，話咁快就包好之後拎上Office度食，唔使同人迫，正

唐記包點周不時都會推出新嘅產品今次新嘅產品有阿華田包 簡直符合晒香港人嘅口味 創意十足阿華田包只係需要$5就可以試到真係超級超級抵呀😨阿華田包亂粒粒一搣開真係好流心啊🤩阿華田嘅包皮有少少煙韌嘅感覺 除咗麵粉好似加咗糯米粉 口感癡粒粒好特別🤭阿華田係流心㗎 流心餡料冇得頂 一搣開就好似瀑布咁流晒出嚟 😆.另外仲推出左新嘅飯餐🤪除咗蒸飯之外 呢啲新推出嘅飯餐啱晒香港人貪新鮮😍今次試咗薯仔炆雞翼 薯仔好入味 軟硬程度都適中雞翼有三 隻充滿着滷水汁嘅味道 好似食緊住家飯咁 $29都唔算話好貴 .另外有啲包點係必要嘅 例如芋頭包、番薯包唐記包點果然keep到水準👍🏻依然係真材實料 果然係香港製造另外帶咗馬拉糕同埋燒賣 唔使去茶樓都食到正宗嘅點心 而且價錢又唔算貴 唐記包點真係幾抵食喎🤪🤪Total都係用左100蚊左右 都食到好飽 感覺上比出面食茶餐廳健康啲同平好多

一早落街買早餐，行過見到唐記有條龍即刻去八卦一下。🤣原來唐記包點推出期間限定，流心阿華田包同埋阿華田奶茶重點係。。呢個期間限定只係五蚊咋。😍😍我抱住唔輸蝕嘅心態，又走去排隊試一試新嘢。😂呢個包真係好好抵食，好高質!😍香噴噴嘅阿華田包，入面 超 級 流 心 !!咬落去爆晒汁，令到個包一啲都唔dry。👍👍係濃濃ge阿華田味啊。。😋😋雖然阿華田味好濃，但係又唔會太甜。甜味適中，食落一d都唔heavy。正。👍

經過唐記包點見到阿華田奶茶同流心阿華田包，心思思又想買黎食。流心阿華田包真係好驚喜，幾濃華田味，有流心效果添，$5勁抵食喎。阿華田奶茶都唔錯，2者係夾到家，華田雖然濃味但又冇遮蓋奶茶味既。杞子燒賣及鮮竹卷燒賣賣相都ok，鮮竹卷就醜樣左少少，但味道正常。再試左個新野，薯仔炆雞翼雞翼顏色雖然偏深但唔會過鹹，入味配薯仔，都唔錯，醬汁偏多，不要一次倒哂落飯啊。另見蒸飯寫著分量增加，所以都叫埋鳳爪排骨飯。叫左甘多都係$100左右，真係好抵食。

對阿華田包念念不忘，經過都睇下有無。流心阿華田包 $5麵包都係鬆軟軟同埋阿華田甜甜既流心餡夠爆口，好甜品咁！買左兩個，蒸飯好食之選！勁流心，好正！薯仔炆雞翼飯 $29薯仔望到都知佢入哂味！雞翼多隻，一大個飯，真係不得了！依個30蚊有找，就有菜有肉有大飯，肚餓必食！雞翼皮都想食埋啦！食左隻皮添，好好味好香！愈嚟愈多高汁飯！飯底勁正，好似砵仔飯咁！雞扎 $18芋頭一如以往既粉軟，豬肚雞件肉食朋友喜。我最欣賞豆皮，大塊重疊一層，滑lulu。燒賣 $18杞子蒸入豬肉既樣子，燒賣皮林入啦。豉椒鳳爪 $18除左金錢肚外，最濃味既點心！豉椒多豆豉香氣重，鳳爪帶甜濃濃野味。阿華田奶茶 $9茶底均勻，搖下混合好先飲。大熱天凍飲味道nice。奶茶滑，兩者融合完全。好搞笑，個店員姨姨話得返兩去。我買埋一支，佢希望佢放工時仲有有得買，哈哈！話起期勁hit！

收工諗唔到食咩，就食左唐記，又快又方便，總有一間係左近。有點心，包點，蒸飯，有汁飯同埋粥，多有多食，少有多食，選擇豐富。咁岩見到新出左阿華田包，就一定要試啦！包size仍然係夠大。新口味幾好，好香阿華田味，個餡有阿華田同麥香味，blend得唔錯，雖然係一個甜包，但係唔膩。阿華田包同款有個阿華田奶茶，香濃幼滑，配搭有新鮮感。店員叫我飲之前搖下先飲，當層阿華田融入哂去奶茶到，就真係幾特別既。唔算好甜，我食飯果陣飲都唔會好甜膩。另外仲叫左個都係新出既魯蛋魯肉飯。比較少係唐記叫有汁飯，但係今次呢個飯份量同味道都好足，亦都有大大粒肉，唔係肉碎咁簡單，惹味~餸同飯分開上，唔怕整林哂D飯。雞扎，料係足既，同茶樓差不多。腐皮好食。杞子燒賣一份四粒，健康好味。仲有馬拉糕做甜品，鬆軟綿綿，我媽咪非常喜歡！